വാഹനാപകടത്തിൽ മലിനീകരണ നിയന്ത്രണ ബോർഡ് ഓഫിസർ മരിച്ചു

മാരാരിക്കുളം: മാരാരിക്കുളത്ത് ദേശീയപാതയിലുണ്ടായ വാഹനാപകടത്തിൽ മലിനീകരണ നിയന്ത്രണ ബോർഡ് ഓഫിസർ മരിച്ചു. ആലപ്പുഴ സ്വദേശി ബിജു (48) ആണ് മരിച്ചത്. മാരാരിക്കുളം കളിത്തട്ടിന് സമീപം ഗാന്ധി സ്മാരകത്തിന് മുന്നിൽ തിങ്കളാഴ്ച പുലർച്ചെ ഒന്നരയോടെയാണ് അപകടം.

ബിജു സഞ്ചരിച്ച കാർ ടോറസ് ലോറിയുമായി കൂട്ടിയിടിക്കുകയായിരുന്നു. ആലപ്പുഴ മുല്ലയ്ക്കൽ സ്വദേശിയാണ്. മലിനീകരണ നിയന്ത്രണ ബോർഡ് ആലപ്പുഴ ജില്ല ഓഫിസറായിരുന്ന ബിജു ഇപ്പോൾ കോട്ടയത്ത് എൻവയോൺമെന്‍റ് എൻജിനീയറാണ്.

പിതാവ്: ആലപ്പുഴ സാകേതം വീട്ടിൽ ബാലകൃഷ്ണൻ. മൃതദേഹം വണ്ടാനം മെഡിക്കൽ കോളജ് ആശുപത്രി മോർച്ചറിയിൽ.