ലോറിയും ബൈക്കും കൂട്ടിയിടിച്ച് സോഫ്റ്റ് വെയർ ഡിസൈനർ മരിച്ചു

ആലുവ: ദേശീയപാതയിൽ കണ്ടെയ്നർ ലോറിയും ബൈക്കും കൂട്ടിയിടിച്ച് സോഫ്റ്റ് വെയർ ഡിസൈനർ മരിച്ചു. പാലക്കാട് വടക്കഞ്ചേരി കണക്കൻ തുരുത്തിൽ കുംബ്ലപ്പടി വീട്ടിൽ ഹരിദാസിന്റെ മകൻ എച്ച്. അനൂപാണ്(23) മരിച്ചത്.

വെള്ളിയാഴ്ച ഉച്ച കഴിഞ്ഞ് അമ്പാട്ടുകാവിലായിരുന്നു അപകടം. ഇരു വാഹനങ്ങളും ആലുവയിൽ നിന്ന് കളമശ്ശേരി ഭാഗത്തേക്ക് പോകുകയായിരുന്നു. ഗുരുതര പരിക്കേറ്റ അനൂപിനെ ഉടൻ ആലുവ കാരോത്തുകുഴി ആശുപത്രിയിൽ കൊണ്ടുപോയെങ്കിലും രക്ഷിക്കാനായില്ല.

കാക്കനാട് സാരംഗ സോഫ്റ്റ് വെയർ കമ്പനിയിൽ ഡിസൈനറാണ് അനൂപ്. മൃതദേഹം ആലുവ കാരോത്തുകുഴി ആശുപത്രി മോർച്ചറിയിൽ.