ബൈക്കപകടത്തിൽ വിദ്യാർഥിനി മരിച്ചു

തിരുവനന്തപുരം: ബൈക്കപകടത്തിൽ സിവിൽ സർവിസ്‌ വിദ്യാർഥി മരിച്ചു. കൊല്ലം ശൂരനാട്‌ നോർത്ത്‌ കണ്ണമം ജെറിൻ ഭവനിൽ അഖില(24)യാണ്‌ മരിച്ചത്‌. ഞായർ പുലർച്ചെ ഈഞ്ചയ്‌ക്കൽ ചാക്ക ഫ്ലൈഓവറിലായിരുന്നു അപകടം.

കോതമംഗലം സ്വദേശിയായ കണ്ണൻ ഓടിച്ച ബൈക്കിലായിരുന്നു അഖില സഞ്ചരിച്ചത്‌. അമിത വേഗത്തിലെത്തിയ ബൈക്ക്‌ ഇവരുടെ ബൈക്കിൽ ഇടിക്കുകയായിരുന്നു. കണ്ണൻ മെഡിക്കൽ കോളജ്‌ ആശുപത്രിയിൽ ചികിത്സയിലാണ്‌. അപകടമുണ്ടാക്കിയ ബൈക്ക്‌ ഓടിച്ചിരുന്ന തിരുമല സ്വദേശി അരവിന്ദിനെ ആശുപത്രിയിൽ പ്രവേശിപ്പിച്ചു.

സണ്ണിയാണ്‌ അഖിലയുടെ പിതാവ്. മാതാവ്: ജെസി. സഹോദരൻ: ജെറിൻ.