ബൈക്കിന് പിറകിൽ സഞ്ചരിച്ച അധ്യാപിക ടിപ്പർലോറിയിടിച്ച് മരിച്ചു

മംഗളൂരു: ദക്ഷിണ കന്നട ജില്ലയിലെ പുത്തൂർ കബക്കയിൽ ബൈക്കിൽ ടിപ്പർ ലോറി ഇടിച്ച് പിൻസീറ്റ് യാത്രക്കാരിയായ അധ്യാപിക മരിച്ചു.

മാണിയിലെ സ്വകാര്യ സ്കൂൾ അധ്യാപികയും സുരേഷ് കുളലിന്റെ ഭാര്യയുമായ അനിതയാണ് (35) മരിച്ചത്.

ഭർത്താവിനും കുട്ടി​ക്കു​മൊപ്പം ബൈക്കിൽ സഞ്ചരിക്കുമ്പോഴാണ് അപകടം. ഇരുവരും പരുക്കേറ്റ് ആശുപത്രിയിലാണ്.