നരുവാമൂട്ടിലെ അപകടത്തിൽ പരിക്കേറ്റ്​ ചികിത്സയിലായിരുന്ന രണ്ടാമത്തെ യുവാവും മരിച്ചു

നേമം: നരുവാമൂട്ടിലുണ്ടായ വാഹനാപകടത്തിൽ ഗുരുതരമായി പരിക്കേറ്റ് ചികിത്സയിലായിരുന്ന രണ്ടാമത്തെ യുവാവും മരണപ്പെട്ടു. മുക്കംപാലമൂട് തലയറക്കോണം ചെമ്മണ്ണുക്കുഴി വിജയാലത്തിൽ വിജയൻ-മിനി ദമ്പതികളുടെ മകൻ വിനീഷ് (19) ആണ് മരിച്ചത്​.

കഴിഞ്ഞ വ്യാഴാഴ്ച രാത്രിയായിരുന്നു മുടവൂർപ്പാറയ്ക്ക് സമീപം വിനീഷും സുഹൃത്ത് ശരത്തും സഞ്ചരിച്ചിരുന്ന സ്കൂട്ടർ ഒരു ടെമ്പോയുമായി കൂട്ടിയിടിച്ചത്. ശരത്ത് സംഭവദിവസം തന്നെ ഒരു സ്വകാര്യ ആശുപത്രിയിൽ ചികിത്സയിലിരിക്കെ മരണപ്പെട്ടിരുന്നു. ശനിയാഴ്ച രാത്രിയായിരുന്നു വിനീഷി​െൻറ മരണം.

സഹോദരി: വിനിത. മൃതദേഹം ഞായറാഴ്ച വീട്ടുവളപ്പിൽ സംസ്കരിച്ചു.