കാസർകോട് മരം ദേഹത്ത് വീണ് ആറാംക്ലാസ് വിദ്യാർഥിനി മരിച്ചു

കുമ്പള: കാസർകോട് അംഗടിമുഗർ ഗവ. ഹയർ സെക്കൻഡറി സ്കൂളിന് സമീപത്ത് മരം ദേഹത്ത് വീണ് ആറാം ക്ലാസ് വിദ്യാർഥിനി മരിച്ചു. പർളാടം യൂസുഫി​െൻറ മകൾ ആയിശത്ത് മിൻഹ ആണ് മരിച്ചത്. ഇന്ന് വൈകുന്നേരം സ്കൂൾ വിട്ട് വീട്ടിലേക്ക് മടങ്ങുമ്പോഴാണ് അപകടം.

സ്കൂൾ മൈതാനത്ത് നിന്ന് റോഡിലേക്ക് കുട്ടികൾ പടവുകൾ ഇറങ്ങി വരുന്നതിനിടെ സമീപത്തുള്ള ഉപ്പിലി മരം കടപുഴകി ദേഹത്ത് പതിക്കുകയായിരുന്നു. കുറെ കുട്ടികൾ ഇറങ്ങി വരുന്നുണ്ടായിരുന്നെങ്കിലും തലനാരിഴയ്ക്കാണ് രക്ഷപ്പെട്ടത്. മിൻഹ സംഭവ സ്ഥലത്തു തന്നെ മരിച്ചതായാണ് വിവരം. മൃതദേഹം കുമ്പള ജില്ല ആശുപത്രിയിലേക്ക് മാറ്റിയിട്ടുണ്ട്.