വാഹനാപകടത്തിൽ ചികിത്സയിലായിരുന്ന യുവാവ് മരിച്ചു

നേമം: വാഹനാപകടത്തിൽ ഗുരുതരമായി പരിക്കേറ്റ് തിരുവനന്തപുരം മെഡിക്കൽ കോളേജ് ആശുപത്രിയിൽ ചികിത്സയിലായിരുന്നു യുവാവ് മരിച്ചു. ബാലരാമപുരം ഐത്തിയൂർ വട്ടവിള വീട്ടിൽ നളൻ (50) ആണ് മരിച്ചത്. നവംബർ 16-ന് രാവിലെ 11.30-നായിരുന്നു അപകടം.

കാട്ടാക്കട കിള്ളി സ്വദേശി നന്ദു (28) വുമൊത്ത് പുന്നമൂട്-പെരിങ്ങമ്മല റോഡിലൂടെ സഞ്ചരിക്കുമ്പോൾ ഓട്ടോറിക്ഷ സ്കൂട്ടറിന് പിന്നിലിടിക്കുകയായിരുന്നു. നളൻ റോഡിലേക്ക് തെറിച്ചു വീഴുകയും ഉടൻതന്നെ ആശുപത്രിയിലെത്തിക്കുകയും ചെയ്തുവെങ്കിലും വ്യാഴാഴ്ച ഉച്ചയോടുകൂടി മരണപ്പെടുകയായിരുന്നു.