രണ്ട് മലയാളി യുവാക്കൾ കാറിടിച്ച് മരിച്ചു; അപകടം ചായകുടിക്കാൻ ബൈക്ക് നിർത്തിയപ്പോള്
text_fieldsബംഗളൂരു: ഹൊസൂരിനടുത്ത് ധർമപുരിയില് ദേശീയപാതയിൽ നിർത്തിയിട്ട ബൈക്കില് നിയന്ത്രണംവിട്ട കാറിടിച്ച് മലപ്പുറം സ്വദേശികളായ രണ്ടു യുവാക്കള് മരിച്ചു. പെരിന്തല്മണ്ണ രാമപുരം മേലേടത്ത് ഇബ്രാഹിം- സുലൈഖ താവലങ്ങല് ദമ്പതികളുടെ മകൻ എം. ബിൻഷാദ് (25), നഴ്സിങ് കോളജ് വിദ്യാർഥി തിരൂർ പയ്യനങ്ങാടി മച്ചിഞ്ചേരി ഹൗസിൽ കബീർ- ഹസ്നത്ത് ദമ്പതികളുടെ മകൻ നംഷി (23) എന്നിവരാണ് മരിച്ചത്. ചായകുടിക്കാൻ റോഡരികില് ബൈക്ക് നിർത്തിയപ്പോള് നിയന്ത്രണം വിട്ടെത്തിയ കാർ ഇരുവരെയും ഇടിച്ചുതെറിപ്പിക്കുകയായിരുന്നു.
ബംഗളൂരു- സേലം ദേശീയപാതയില് ധർമപുരി പാലക്കോടിനടുത്താണ് അപകടം. രണ്ട് ബൈക്കുകളിലായി വെള്ളിയാഴ്ച പുലർച്ചെ ബംഗളൂരുവിൽ നിന്ന് കൂട്ടുകാർക്കൊപ്പം നാട്ടിലേക്ക് യാത്ര തിരിച്ചതായിരുന്നു ബിൻഷാദും നംഷിയും. ഇരുവരും സംഭവസ്ഥലത്തുതന്നെ മരിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.