കെട്ടിടത്തിൽ നിന്ന് വീണ് പരിക്കേറ്റയാൾ മരിച്ചു

വടകര: കെട്ടിടത്തിൽ നിന്ന് വീണ് പരിക്കേറ്റയാൾ മരിച്ചു. ഒഞ്ചിയം കണ്ണോത്ത് ക്ഷേത്രത്തിന് സമീപം കോമരത്തിന് വിട വാസു(68) ആണ് മരണപ്പെട്ടത്. ഏറാമലയിൽ ഇരുനില കെട്ടിടത്തിന് മുകളിൽ ജലസംഭരണി സ്ഥാപിക്കുന്നതിനിടയിൽ താഴെ വീഴുകയായിരുന്നു.

ഉടനെ വടകരയിലെ സ്വകാര്യ ആശുപത്രിയിൽ എത്തിച്ചെങ്കിലും മരണപ്പെട്ടിരുന്നു. ഭാര്യ: ശൈലജ മക്കൾ: അവിനാഷ്, അഭിജിത്ത്. സഹോദരങ്ങൾ: ലീല,നാരായണൻ, ശ്രീധരൻ, രോഹിണി, രാജൻ, പരേതനായ ഭാസ്കരൻ. സംസ്ക്കാരം ഇന്ന് 11 മണിക്ക് വീട്ടുവളപ്പിൽ