പൂവാട്ട്പറമ്പിൽ ബൈക്ക് വൈദ്യുതി പോസ്റ്റിലിടിച്ച് യുവാവ് മരിച്ചു

കുറ്റിക്കാട്ടൂർ: മാവൂർ-കോഴിക്കോട് റോഡിൽ പൂവാട്ട്പറമ്പ് പാറമ്മലിൽ ബൈക്ക് വൈദ്യുതി പോസ്റ്റിലിടിച്ച് യുവാവ് മരിച്ചു. കൂടെയുണ്ടായിരുന്ന യുവാവിന് ഗുരുതര പരിക്കേറ്റു. മണാശ്ശേരി മഠത്തിൽ തൊടിയിൽ അംബുജാക്ഷന്റെ മകൻ ശാലിനാണ് (30) മരിച്ചത്. ശനിയാഴ്ച പുലർച്ചെ ഒരു മണിക്കാണ് അപകടം.

ഉടൻ മെഡിക്കൽ കോളജ് ആശുപത്രിയിൽ പ്രവേശിപ്പിച്ചെങ്കിലും രാവിലെയോടെ മരിക്കുകയായിരുന്നു. കൂടെ ഉണ്ടായിരുന്ന പിലാശ്ശേരി സ്വദേശി സനീഷ് ഗുരുതര പരിക്കോടെ ചികിത്സയിലാണ്.