ഫോൺ നമ്പർ ​േബ്ലാക്ക്​ ചെയ്​തതി​ന്​ യുവതിയെ ഹോട്ടൽമുറിയിൽ അടിച്ചുകൊന്നു

ന്യൂഡൽഹി: ഹോട്ടൽമുറിയിൽ സ്​ത്രീയെ അടിച്ചുകൊന്ന കേസിൽ യുവാവിനെ പൊലീസ്​ അറസ്റ്റ്​ ചെയ്​തു. കിഴക്കൻ ഡൽഹിയിലെ ന്യൂ അശോക്​ നഗറിൽ കഴിഞ്ഞ ദിവസം രാത്രിയാണ്​ സംഭവം. 38കാരിയെ അടിച്ചുകൊന്ന കേസിൽ 35കാരനാണ്​ അറസ്റ്റിലായത്​. തന്‍റെ ഫോൺനമ്പർ യുവതി ​േബ്ലാക്ക്​ ചെയ്​ത അരിശമാണ്​ കൊലപാതകത്തിലേക്ക്​ നയിച്ചതെന്ന്​ ഈസ്റ്റ്​ ഡൽഹി ഡെപ്യൂട്ടി പൊലീസ്​ കമീഷണർ ദീപക്​ യാദവ്​ പറഞ്ഞു. യുവാവും യുവതിയും വെവ്വേറെ കുടുംബജീവിതം നയിക്കു​ന്നവരാണെങ്കിലും ഇരുവരും തമ്മിൽ അടുപ്പത്തിലായിരുന്നു.

വീട്ടുജോലിക്കാരിയായ റാണി എന്ന സ്​ത്രീയാണ്​ കൊല്ലപ്പെട്ടത്​. റാണിയുടെ അയൽവാസിയും ഓ​ട്ടോറിക്ഷാഡ്രൈവറുമായ ഗംഗാറാം ദാസിനെയാണ്​ പൊലീസ്​ അറസ്റ്റ്​ ചെയ്​തത്​. ദാസ്​ പ​ലപ്പോഴ​ായി റാണിയിൽനിന്ന്​ പണം കടംവാങ്ങിയിരുന്നു. തന്നെ വിവാഹം കഴിക്കണമെന്ന റാണിയു​ടെ ആവശ്യം അംഗീകരിക്കാനും ഇയാൾ തയാറായില്ല. തുടർന്ന്​ ബന്ധം അവസാനിപ്പിക്കാനായിരുന്നു യുവതിയുടെ തീരുമാനം. എന്നാൽ, ദാസ്​ ഇത്​ സമ്മതിച്ചില്ല.

കുറച്ച്​ ആഴ്ചകളായി​ ദാസിന്‍റെ ഫോൺകാളുകൾ യുവതി എടുക്കാറില്ലായിരുന്നു. പിന്നാലെ ഇയാളുടെ നമ്പർ ​േബ്ലാക്ക്​ ചെയ്യുകയും ചെയ്​തു. കഴിഞ്ഞ ദിവസം റാണിയെ കണ്ട്​ ഹോട്ടലിൽ എത്തണമെന്ന്​ ദാസ്​ ആവശ്യപ്പെടുകയായിരുന്നു.

'ഉച്ചക്ക്​ ഒരു മണിയോടെയാണ്​ ഇവർ ഹോട്ടലിലെത്തിയത്​. ദാസിന്‍റെ നമ്പർ ​േബ്ലാക്ക്​ ചെയ്​തതുമായി ബന്ധപ്പെട്ട്​ ഇവർക്കിടയിൽ വാഗ്വാദം നടക്കുകയായിരുന്നു. വാക്കുതർക്കം മുർച്​ഛിച്ചതിനുപിന്നാലെ ഇയാൾ യുവതിയെ നിർദാക്ഷിണ്യം മർദിക്കുകയും അവർ മരിക്കുകയുമായിരുന്നു. ഇവർ തമ്മിൽ തർക്കം നടക്കുന്ന വിവരം രാത്രി പത്തു മണിയോടെ ഹോട്ടൽ അധികൃതർ പൊലീസിനെ അറിയിച്ചു. പൊലീസ്​ സ്​ഥലത്തെത്തു​േമ്പാഴേക്കും റാണി മരിച്ചിരുന്നു.'- ഡി.സി.പി പറഞ്ഞു.

ദാസിനെ ഹോട്ടൽമുറിയിൽനിന്നുതന്നെ പൊലീസ്​ കസ്റ്റഡിയിലെടുത്തു. ലോക്​ഡൗൺ മാനദണ്​ഡങ്ങൾ ലംഘിച്ച്​ മുറി വാടകക്ക്​ നൽകിയതിന്​ ഹോട്ടൽ ഉടമക്കെതിരെയും കേസെടുത്തിട്ടുണ്ട്​.