ശസ്ത്രക്രിയ കഴിഞ്ഞു: കരൾ സ്വീകരിക്കാതെ തീർഥ മോൾ മടങ്ങി

പാപ്പിനിശ്ശേരി: കരളിന് ഗുരുതര രോഗം ബാധിച്ച് കൊച്ചി അമൃത ആശുപത്രിയിൽ ചികിത്സയിലിരുന്ന അലവിൽ നിച്ചുവയൽ സ്വദേശി തറച്ചാണ്ടി ഹൗസിൽ തീർഥ സുമേഷ് (19) നിര്യാതയായി.

ഈ മാസം എട്ടിന് തീർഥയെ കരൾ മാറ്റ ശസ്ത്രക്രിയക്ക് വിധേയമാക്കിയിരുന്നു. ഒരാഴ്ചക്ക് ശേഷം പെെട്ടന്ന് ശാരീരികസ്ഥിതി മാറുകയും മരണം സംഭവിക്കുകയുമായിരുന്നു. കണ്ണൂർ ചിന്മയ മിഷൻ കോളജ് ബി.കോം വിദ്യാർഥനിയാണ്. പിതാവ്: തറച്ചാണ്ടി സുമേഷ്. മാതാവ്: രമ്യ. സഹോദരൻ: റിതിൻ.

കണ്ണൂർ എം.പി കെ. സുധാകരെൻറയും അഴീക്കോട് എം.എൽ.എ കെ.വി. സുമേഷിന്റെയും നേതൃത്വത്തിൽ രൂപവത്കരിച്ച ചികിത്സ സഹായ കമ്മിറ്റിയാണ് ചികിത്സക്ക് ആവശ്യമായ സാമ്പത്തിക സഹായം നൽകിയത്. സംസ്കാരം ബുധനാഴ്ച രാവിലെ 11നു പയ്യാമ്പലത്ത്.