കുമ്പളയിൽ തമിഴ്നാട് തഞ്ചാവൂർ സ്വദേശി പുഴയിൽ മുങ്ങി മരിച്ചു

കുമ്പള: തമിഴ്നാട് തഞ്ചാവൂർ സ്വദേശി കുമ്പളയിൽ പുഴയിൽ മുങ്ങി മരിച്ചു. കുമാർ ഷൺമുഖം (63) ആണ് മരിച്ചത്​. ബുധനാഴ്ച ഉച്ചയോടെയാണ് അപകടം. നടന്നു പോകുമ്പോൾ അബദ്ധത്തിൽ വീണു പോയതാണെന്ന് സംശയിക്കുന്നതായി കുമ്പള പൊലീസ് പറഞ്ഞു.

ഉപ്പളയിൽ നിന്ന് അഗ്നിശമന സേനയും കുമ്പളയിലെയും ആരിക്കാടിയിലെയും മത്സ്യത്തൊഴിലാളികളും ചേർന്ന് നടത്തിയ തിരച്ചിലിൽ മൃതദേഹം കണ്ടെത്തി കരയിലെത്തിച്ചു. മൃതദേഹം മഞ്ചേശ്വരം താലൂക്ക് ആശുപത്രിയിലേക്ക്​ മാറ്റി.