കൊല്ലം സ്പെഷൽ ക്രൈംബ്രാഞ്ച് ഡിവൈ.എസ്.പി കെ. ശ്രീകുമാർ നിര്യാതനായി

ചെങ്ങന്നൂർ (ആലപ്പുഴ): കൊല്ലം സ്പെഷൽ ക്രൈംബ്രാഞ്ച് ഡിവൈ.എസ്.പി കെ. ശ്രീകുമാർ (55) നിര്യാതനായി. ചെങ്ങന്നൂർ ബുധനൂർ ഇലഞ്ഞിമേൽ കണ്ണമ്പള്ളിൽ വീട്ടിൽ റിട്ട. അധ്യാപകൻ പരേതനായ കെ.പി. കൃഷ്ണൻ നായരുടെയും റിട്ട. അധ്യാപിക കെ. വരദമ്മയുടെയും മകനാണ്. തിരുവല്ല, പുന്നപ്ര, ചങ്ങനാശ്ശേരി എന്നീ സ്​റ്റേഷനുകളിൽ എസ്.ഐയായും സി.ഐ, ഡിവൈ.എസ്.പി എന്നീ നീലകളിൽ ദീർഘനാൾ ചങ്ങനാശ്ശേരിയിലും സേവനമനുഷ്ഠിച്ചിട്ടുണ്ട്.

തിരുവനന്തപുരം ഹെഡ്ക്വാർട്ടേഴ്സിലും പിന്നീട് കൊല്ലത്തും ജോലി ചെയ്​ത്​ വരികയായിരുന്നു. കഴിഞ്ഞ രണ്ടു മാസമായി രോഗബാധിതനായി ചികിത്സയിൽ കഴിയുന്നതിനിടെയാണ്​ മരണം.

ഭാര്യ: കായംകുളം പുല്ലുകുളങ്ങര സ്വദേശി ഗീത. മകൾ: ഗായത്രി (എം.എ വിദ്യാർഥി). സഹോദരങ്ങൾ: ശാസ്താംകോട്ട തിരുവിതാംകൂർ ദേവസ്വം ബോർഡ് കോളജ് റിട്ട. പ്രഫ. ഡോ. കെ. പ്രകാശ് (നാഷനൽ സർവീസ് സ്കീം കേരള സർവകലാശാല മുൻ ലെയ്സൺ ഓഫിസർ), കാർത്തിക, പരേതയായ കെ. ശൈലജ (മുൻ ഗ്രാമപഞ്ചായത്ത് പ്രസിഡന്‍റ്​, ചേപ്പാട്). മൃതദേഹം ഔദ്യോഗിക ബഹുമതികളോടെ ഞായറാഴ്ച വൈകീട്ട് വീട്ടുവളപ്പിൽ സംസ്​കരിച്ചു.