റെ​യി​ൽ​വേ ഗേ​റ്റു​ക​ൾ​ക്ക് മു​ന്നി​ൽ കു​രു​ങ്ങി മൈ​നാ​ഗ​പ്പ​ള്ളി​ക്കാ​രു​ടെ ജീ​വി​തം

ശാ​സ്താം​കോ​ട്ട: റെ​യി​ൽ​വേ ഗേ​റ്റു​ക​ൾ​ക്ക് മു​ന്നി​ൽ ജീ​വി​തം ഹോ​മി​ച്ച് ക​ഴി​യു​ക​യാ​ണ് മൈ​നാ​ഗ​പ്പ​ള്ളി സ്വ​ദേ​ശി​ക​ൾ. നാ​ടി​ന്‍റെ വി​ക​സ​ന മു​ര​ടി​പ്പി​നും റെ​യി​ൽ​വേ ഗേ​റ്റു​ക​ൾ കാരണ​മാ​കു​ന്നു. മൈ​നാ​ഗ​പ്പ​ള്ളി​യു​ടെ തെ​ക്കു​ഭാ​ഗ​ത്തു​ള്ള​വ​രാ​ണ് റെ​യി​ൽ​വേ ഗേ​റ്റ് മൂ​ലം ഏ​റെ വ​ല​യു​ന്ന​ത്.

ശാ​സ്താം​കോ​ട്ട റെ​യി​ൽ​വേ സ്‌​റ്റേ​ഷ​ൻ സ്ഥി​തി​ചെ​യ്യു​ന്ന വേ​ങ്ങ മു​ത​ൽ മൈ​നാ​ഗ​പ്പ​ള്ളി ആ​ശാ​രി​മു​ക്ക് വ​രെ ര​ണ്ട് കി​ലോ​മീ​റ്റ​റി​നു​ള്ളി​ൽ ആ​റ് റെ​യി​ൽ​വേ ഗേ​റ്റു​ക​ളാ​ണു​ള്ള​ത്.

ക​രാ​ൽ ജ​ങ്ഷ​ൻ, കു​മ്പ​ള ഭാ​ഗം, വെ​ട്ടി​ക്കാ​ട്ട് ക്ഷേ​ത്രം റോ​ഡ്, മ​ണ്ണൂ​ർ​ക്കാ​വ് റോ​ഡ്, ത​ട​ത്തി​ൽ മു​ക്ക്, ആ​ശാ​രി​മു​ക്ക് എ​ന്നി​വി​ട​ങ്ങ​ളി​ലാ​ണ് ഗേ​റ്റു​ക​ൾ. കൂ​ടാ​തെ നി​ര​വ​ധി സ്ഥ​ല​ങ്ങ​ളി​ൽ ഗ്രാ​മീ​ണ റോ​ഡു​ക​ൾ റെ​യി​ൽ​പ്പാ​ള​ങ്ങ​ൾ​ക്ക് സ​മീ​പം അ​വ​സാ​നി​പ്പി​ച്ചി​രി​ക്കു​ക​യു​മാ​ണ്. പ്ര​തി​ദി​നം നൂ​റു​ക​ണ​ക്കി​ന് ട്രെ​യി​നു​ക​ളാ​ണ് സ​ർ​വി​സ് ന​ട​ത്തു​ന്ന​ത്.

രാ​വി​ലെ​യും വൈ​കു​ന്നേ​ര​വു​മാ​ണ് കൂ​ടു​ത​ൽ ട്രെ​യി​നു​ക​ൾ. ഓ​രോ ട്രെ​യി​നു​ക​ൾ ക​ട​ന്നു​പോ​കു​മ്പോ​ഴും കു​റ​ഞ്ഞ​ത് 15 മി​നി​റ്റ് ഗേ​റ്റ് അ​ട​ച്ചി​ടും. ചി​ല​പ്പോ​ൾ മൂ​ന്ന് ട്രെ​യി​നു​ക​ൾ ക​ട​ന്നു​പോ​കു​ന്ന​ത് വ​രെ അ​ട​ച്ചി​ടും. അ​തി​നാ​ൽ ക്ഷീ​ര ക​ർ​ഷ​ക​ർ​ക്ക് സം​ഘ​ങ്ങ​ളി​ൽ കൃ​ത്യ​സ​മ​യ​ത്ത് പാ​ൽ ന​ൽ​കാ​നോ കു​ട്ടി​ക​ൾ​ക്ക് വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ൽ പോ​കാ​നോ ജോ​ലി​ക്കാ​ർ​ക്ക് ഓ​ഫി​സി​ലെ​ത്താ​നോ ക​ഴി​യാ​റി​ല്ല.

അ​ത്യാ​ഹി​ത​ങ്ങ​ളി​ൽ​പെ​ടു​ന്ന​വ​രെ ആ​ശു​പ​ത്രി​യി​ലെ​ത്തി​ക്കാ​നും ബു​ദ്ധി​മു​ട്ട്​ നേ​രി​ടു​ന്നു. ഇ​തു​മൂ​ലം നി​ര​വ​ധി പേ​ർ​ക്ക് ജീ​വ​ൻ ന​ഷ്ട​പ്പെ​ട്ടി​ട്ടു​ണ്ട്. മൈ​നാ​ഗ​പ്പ​ള്ളി ജ​ങ്​​ഷ​ൻ-​തേ​വ​ല​ക്ക​ര റോ​ഡി​ലാ​ണ് പ്ര​ധാ​ന ഗേ​റ്റ്.

ക​രു​നാ​ഗ​പ്പ​ള്ളി-​ശാ​സ്താം​കോ​ട്ട പ്ര​ധാ​ന​പാ​ത​യി​ലാ​ണ് മ​റ്റൊ​രു ഗേ​റ്റ്. നൂ​റു​ക​ണ​ക്കി​ന് വാ​ഹ​ന​ങ്ങ​ൾ ക​ട​ന്നു​പോ​കു​ന്ന ഈ ​റോ​ഡി​ലെ ഗേ​റ്റു​ക​ൾ ഏ​റെ​നേ​രം അ​ട​ച്ചി​ടു​ന്ന​ത് മൂ​ലം ഗ​താ​ഗ​ത​ക്കു​രു​ക്കും വാ​ഹ​ന​ങ്ങ​ളു​ടെ മ​ത്സ​ര ഓ​ട്ട​വും അ​പ​ക​ട​വും പ​തി​വാ​ണ്.

ത​ട​ത്തി​ൽ മു​ക്കി​ലെ​ങ്കി​ലും മേ​ൽ​പ്പാ​ലം വേ​ണ​മെ​ന്ന​ത് മൈ​നാ​ഗ​പ്പ​ള്ളി​ക്കാ​രു​ടെ പ​തി​റ്റാ​ണ്ടു​ക​ളാ​യു​ള്ള ആ​വ​ശ്യ​മാ​ണ്. ആ​ക്​​ഷ​ൻ കൗ​ൺ​സി​ൽ അ​ട​ക്കം രൂ​പ​വ​ത്ക​രി​ച്ച് നി​ര​വ​ധി പ്ര​ക്ഷോ​ഭ​ങ്ങ​ൾ ന​ട​ത്തി​യ​തി​ന്‍റെ ഫ​ല​മാ​യി മേ​ൽ​പ്പാ​ല​ത്തി​ന് അ​നു​മ​തി ല​ഭി​ച്ചി​ട്ടു​ണ്ടെ​ങ്കി​ലും ന​ട​പ​ടി​ക്ര​മ​ങ്ങ​ൾ പ്രാ​ഥ​മി​ക​ഘ​ട്ട​ത്തി​ലാ​ണ്.