കോട്ടയം സ്വദേശി റിയാദിൽ ഉറക്കത്തിൽ മരിച്ചു

റിയാദ്: മലയാളി റിയാദിലെ താമസസ്ഥലത്ത്​ ഉറക്കത്തിൽ മരിച്ചു. കോട്ടയം വൈക്കം കോൺങ്കണ്ടൂർ അയാർകുന്നം മദർതെരേസ കോളനിയിൽ ചക്കാലക്കൽ ബെന്നി (52) ആണ്​ റിയാദ് മലസ്​ എക്സിറ്റ് 16-ലെ താമസസ്ഥലത്ത് മരിച്ചത്​.

25 വർഷമായി സൗദിയിൽ പ്രവാസിയായ ഇദ്ദേഹം സ്വകാര്യ കമ്പനിയിൽ ജീവനക്കാരനായിരുന്നു. ഭാര്യ: സ്​മിത ബെന്നി, മക്കൾ: ആൻറണി ബെന്നി, അമിലിൻ ബെന്നി, എഡ്​വിൻ ബെന്നി.

മരണാനന്തര നടപടിക്രമങ്ങളുമായി റിയാദ് കെ.എം.സി.സി മലപ്പുറം ജില്ലാ വെൽഫെയർ വിങ്​ ജനറൽ കൺവീനർ ഷറഫ് പുളിക്കൽ, ആക്റ്റിങ് ചെയർമാൻ റഫീഖ് ചെറുമുക്ക്, റിയാദ് നിലമ്പൂർ, ജാഫർ ഹുദവി, ഹനീഫ മുതുവല്ലൂർ, ഗഫൂർ പെരിങ്ങാവ് എന്നിവർ രംഗത്തുണ്ട്. നടപടിക്രമങ്ങൾ പൂർത്തീകരിച്ചു മൃതദേഹം നാട്ടിലേക്ക് കൊണ്ട് പോകും.