ഫറോക്ക് സ്വദേശി ഹൈദരാബാദിൽ ബൈക്കപകടത്തിൽ മരിച്ചു

ഫറോക്ക്: ഫറോക്ക് സ്വദേശി ഹൈദരാബാദിൽ ബൈക്കപകടത്തിൽ മരിച്ചു. ഫറോക്ക് പേട്ടയിൽ പീവീസ് ഹൗസിൽ താമസിക്കുന്ന പി.വി. സാദിഖിന്റെ മകൻ മുഹമ്മദ് സിദിൻ സമദ്(21) ആണ് മരിച്ചത്.

ഹൈദരാബാദിലെ ഗച്ചി ബോളി സ്ട്രീറ്റിൽ ബൈക്കിൽ യാത്ര ചെയ്യവെ കാറിടിച്ച് ഗുരുതര പരിക്കേറ്റിരുന്നു. ആശുപത്രിയിൽ ചികിത്സയിലായിരിക്കെയാണ് മരണം.

ഹൈദരാബാറിലെ നാഷനൽ ഇൻസ്റ്റിറ്റ്യൂട്ട് ഓഫ് ടൂറിസം ആന്റ് ഹോസ്പിറ്റാലിറ്റി മാനേജ്‌മെന്റ് സ്ഥാപനത്തിലെ വിദ്യാർഥിയായിരുന്നു. ഖബറടക്കം ഫറോക്ക് പേട്ട ജുമുഅത്ത് പളളിയിൽ നടക്കും.