വേമ്പനാട് കായല്‍ പുനരുജ്ജീവനം; പ്ലാസ്റ്റിക് മുക്ത വേമ്പനാട് മെഗാ കാമ്പയിന്‍

ആ​ല​പ്പു​ഴ: വേ​മ്പ​നാ​ട് കാ​യ​ല്‍ പു​ന​രു​ജ്ജീ​വ​ന​വു​മാ​യി ബ​ന്ധ​പ്പെ​ട്ട് ജ​നു​വ​രി​യി​ൽ പ്ലാ​സ്റ്റി​ക് നി​ര്‍മാ​ര്‍ജ​ന മെ​ഗാ കാ​മ്പ​യി​ന്‍ സം​ഘ​ടി​പ്പി​ക്കും. ക​ല​ക്ട​ര്‍ അ​ല​ക്‌​സ് വ​ർ​ഗീ​സി​ന്റെ നേ​തൃ​ത്വ​ത്തി​ല്‍ ക​ല​ക്ട​റേ​റ്റ് കോ​ണ്‍ഫ​റ​ന്‍സ് ഹാ​ളി​ല്‍ ചേ​ര്‍ന്ന പ്രാ​ഥ​മി​ക യോ​ഗ​ത്തി​ലാ​ണ് തീ​രു​മാ​നം. ജി​ല്ല ഭ​ര​ണ​കൂ​ട​ത്തി​ന്റെ നേ​തൃ​ത്വ​ത്തി​ല്‍ സം​ഘ​ടി​പ്പി​ച്ചു​വ​രു​ന്ന പ്ര​വ​ര്‍ത്ത​ന​ങ്ങ​ളു​ടെ തു​ട​ര്‍ച്ച​യാ​യാ​ണ് പ്ലാ​സ്റ്റി​ക് മു​ക്ത വേ​മ്പ​നാ​ട് കാ​മ്പ​യി​ന്‍ സം​ഘ​ടി​പ്പി​ക്കു​ന്ന​ത്.

ജ​നു​വ​രി​യി​ല്‍ മെ​ഗാ പ്ലാ​സ്റ്റി​ക് മു​ക്ത ഡ്രൈ​വ് ന​ട​ത്തും. വേ​മ്പ​നാ​ട് കാ​യ​ല്‍ മേ​ഖ​ല​യി​ലെ മു​ഴു​വ​ന്‍ ത​ദ്ദേ​ശ​സ്ഥാ​പ​ന​ങ്ങ​ളി​ലും ക്ലീ​നി​ങ് ഡ്രൈ​വ് ന​ട​ത്തും. ആ​ദ്യ​ഘ​ട്ട​ത്തി​ല്‍ 10 ഹോ​ട്ട് സ്‌​പോ​ട്ട്​ ക​ണ്ടെ​ത്തി​യാ​ണ് മെ​ഗാ പ്ലാ​സ്റ്റി​ക് ക്ലീ​നി​ങ് ഡ്രൈ​വ് സം​ഘ​ടി​പ്പി​ക്കു​ക. ത​ദ്ദേ​ശ​സ്വ​യം​ഭ​ര​ണ സ്ഥാ​പ​ന​ങ്ങ​ള്‍, മ​ത്സ്യ​ത്തൊ​ഴി​ലാ​ളി​ക​ള്‍, സ​ന്ന​ദ്ധ​സം​ഘ​ട​ന​ക​ള്‍, ഹ​രി​ത​കേ​ര​ളം മി​ഷ​ന്‍, കു​ടും​ബ​ശ്രീ, ഹ​രി​ത​ക​ര്‍മ​സേ​ന, വി​മു​ക്ത​ഭ​ട​ന്മാ​ര്‍, പ​രി​സ്ഥി​തി പ്ര​വ​ര്‍ത്ത​ക​ര്‍, വി​ദ്യാ​ര്‍ഥി​ക​ള്‍ തു​ട​ങ്ങി​യ​വ​രെ പ​ങ്കെ​ടു​പ്പി​ക്കും.

പോ​ള​പാ​യ​ലി​ല്‍നി​ന്ന് മൂ​ല്യ​വ​ര്‍ധി​ത ഉ​ൽ​പ​ന്ന​ങ്ങ​ള്‍ നി​ര്‍മി​ക്കാ​നും പ​ദ്ധ​തി​യു​ണ്ട്. വേ​മ്പ​നാ​ട് കാ​യ​ല്‍ പു​ന​രു​ജ്ജീ​വ​ന​ത്തി​ന്റെ​യും സം​ര​ക്ഷ​ണ​പ്ര​വ​ര്‍ത്ത​ന​ങ്ങ​ളു​ടെ​യും ഭാ​ഗ​മാ​യി പ്ലാ​സ്റ്റി​ക് ക്ലീ​നി​ങ് ഡ്രൈ​വി​ന് പു​റ​മെ, ബ​യോ​ഷീ​ല്‍ഡ് ഒ​രു​ക്ക​ല്‍, വേ​മ്പ​നാ​ട് കാ​യ​ല്‍ ഇ​ന്റ​ര്‍പ്രെ​ട്ടേ​ഷ​ന്‍ സെ​ന്റ​ര്‍, യാ​ണ്‍ മ്യൂ​സി​യം, ബോ​ട്ടി​ല്‍ ബൂ​ത്തു​ക​ള്‍, ക​മ്യൂ​ണി​റ്റി ടൂ​റി​സം, മ​ത്സ്യ​വി​ത്തു​ക​ള്‍ നി​ക്ഷേ​പി​ക്ക​ല്‍ തു​ട​ങ്ങി​യ ഒ​ട്ടേ​റെ പ​ദ്ധ​തി​ക​ളും ആ​സൂ​ത്ര​ണം ചെ​യ്യു​ന്നു​ണ്ട്. മ​ത്സ്യ​ത്തൊ​ഴി​ലാ​ളി​ക​ള്‍, ഹൗ​സ്‌​ബോ​ട്ട് ജീ​വ​ന​ക്കാ​ര്‍, ഉ​ട​മ​ക​ള്‍, വേ​മ്പ​നാ​ട് കാ​യ​ലി​ന്റെ തീ​ര​ത്ത് താ​മ​സി​ക്കു​ന്ന​വ​ര്‍ തു​ട​ങ്ങി​യ​വ​ര്‍ക്കി​ട​യി​ല്‍ ബോ​ധ​വ​ത്ക​ര​ണം ന​ട​ത്താ​നും യോ​ഗ​ത്തി​ല്‍ തീ​രു​മാ​നി​ച്ചു.

യോ​ഗ​ത്തി​ല്‍ എ​ച്ച്. സ​ലാം എം.​എ​ല്‍.​എ, ജി​ല്ല പ​ഞ്ചാ​യ​ത്ത് വി​ക​സ​ന സ്ഥി​രം സ​മി​തി അ​ധ്യ​ക്ഷ​ൻ ബി​നു ഐ​സ​ക് രാ​ജു, എ.​ഡി.​എം ആ​ശ സി. ​എ​ബ്ര​ഹാം, അ​ന്താ​രാ​ഷ്ട്ര കാ​യ​ല്‍ ഗ​വേ​ഷ​ണ​കേ​ന്ദ്രം ഡ​യ​റ​ക്ട​ര്‍ ഡോ. ​കെ. ജി. ​പ​ത്മ​കു​മാ​ര്‍, ഡെ​പ്യൂ​ട്ടി ക​ല​ക്ട​ര്‍മാ​രാ​യ സി. ​പ്രേം​ജി, ജോ​ളി ജോ​സ​ഫ്, കു​ഫോ​സി​ലെ ഡോ. ​സ​ഞ്ജീ​വ​ന്‍, എ​സ്.​ഡി കോ​ള​ജി​ലെ പ്ര​ഫ. ഡോ. ​ജി.​എ​ന്‍. പ്ര​ഭു, ത​ദ്ദേ​ശ​സ്ഥാ​പ​ന പ്ര​തി​നി​ധി​ക​ള്‍, വി​വി​ധ വ​കു​പ്പു​ക​ളി​ലെ ഉ​ദ്യോ​ഗ​സ്ഥ​ര്‍ തു​ട​ങ്ങി​യ​വ​ര്‍ പ​ങ്കെ​ടു​ത്തു.