ന്യുമോണിയ ബാധിച്ച് ഉംറ തീർത്ഥാടക മദീനയിൽ നിര്യാതയായി

മദീന: സ്വകാര്യ ഗ്രൂപ്പിൽ ഉംറക്കെത്തിയ മലപ്പുറം മേലാറ്റൂർ മൂനാടി സ്വദേശിനി ബീക്കുട്ടി (65) മദീനയിൽ നിര്യാതയായി. മക്കയിലെത്തി ഉംറ നിർവഹിച്ചു മദീന സന്ദർശനം നടത്തുന്നതിനിടെ ന്യുമോണിയ ബാധിച്ച് കിങ് ഫഹദ് ആശുപത്രിയിൽ ചികിത്സയിലിരിക്കെയാണ് മരണം.

ഭർത്താവ്: വാക്കതൊടി ഹംസ, മക്കൾ: സാനിർ ബാബു, മൊയ്തീൻ, ആയിഷ, റംലത്ത്, സൽമത്ത്, നുസ്രത്ത്, മരുമക്കൾ: ഹംസ, അബു താഹിർ, അസ്മാബി, ആബിദ, അബ്ദുള്ള, അനസ്. നിയമനടപടികൾ പൂർത്തിയാക്കി മൃതദേഹം മദീനയിൽ ഖബറടക്കി. നടപടികൾ പൂർത്തിയാക്കാൻ കെ.എം.സി.സി പ്രവർത്തകർ രംഗത്തുണ്ടായിരുന്നു.