ശ്രീകൃഷ്ണവേഷത്തെ പ്രണയിച്ച ഗുരു

കൊ​യി​ലാ​ണ്ടി: ക​ഥ​ക​ളി​യി​ൽ കൃ​ഷ്ണ​വേ​ഷ​ത്തി​നോ​ടാ​യി​രു​ന്നു ഗു​രു ചേ​മ​ഞ്ചേ​രി കു​ഞ്ഞി​രാ​മ​ൻ നാ​യ​ർ​ക്ക് ഏ​റെ പ്രി​യം. ഈ ​വേ​ഷ​മ​ണി​ഞ്ഞാ​ൽ അ​ര​ങ്ങി​ൽ അ​ദ്ദേ​ഹം കൃ​ഷ്ണ​നാ​കും. കാ​ണി​ക​ൾ അ​ത്ഭു​ത സ്ത​ബ്​​ധ​രാ​കും. കൃ​ഷ്ണ​ൻ ത​ങ്ങ​ളു​ടെ മു​ന്നി​ലെ​ത്തി​യ പ്ര​തീ​തി​യി​ലാ​കും അ​വ​ർ.

ഏ​ഴു​പ​തി​റ്റാ​ണ്ട്​ മു​മ്പ​ത്തെ ഒ​രു അ​ര​ങ്ങ്. പ​റ​ശ്ശി​നി​ക്ക​ട​വ് ക​ഥ​ക​ളി യോ​ഗ​ത്തി​െൻറ ക​ളി. നി​ര​വ​ധി​പേ​ർ കൊ​യി​ലാ​ണ്ടി​യി​ൽ കൃ​ഷ്ണ​വേ​ഷം കാ​ണാ​നെ​ത്തി. തി​ര​ശ്ശീ​ല ഉ​യ​ർ​ന്നു. അ​ര​ങ്ങി​ൽ ചേ​മ​ഞ്ചേ​രി ക​ളി തു​ട​ങ്ങി. കൃ​ഷ്ണ​ൻ പാ​ണ്ഡ​വ​ന്മാ​ർ​ക്കു​വേ​ണ്ടി വി​ട്ടു​വീ​ഴ്ച​ക​ൾ ചെ​യ്തി​ട്ടും ദു​ര്യോ​ധ​ന​ൻ അ​തി​നൊ​ന്നും വ​ഴി​പ്പെ​ടു​ന്നി​ല്ല.

അ​യാ​ളു​ടെ കോ​പം വ​ർ​ധി​ച്ചു​കൊ​ണ്ടി​രു​ന്നു. ശ്രീ​കൃ​ഷ്ണ​നെ ബ​ന്ധ​ന​സ്ഥ​നാ​ക്കാ​ൻ ശ്ര​മം​ന​ട​ക്കു​ന്നു. അ​പ്പോ​ഴേ​ക്കും 'അ​ന്ധ ന​ന്ദ​ന​ന്ദ​ന്നു ന​മ്മു​ടെ ബ​ന്ധ​ന​ത്തി​നു താ​മ​സേ...' എ​ന്നു​തു​ട​ങ്ങു​ന്ന പ​ദ​ത്തി​ന് അ​നു​സൃ​ത​മാ​യി ശ്രീ​കൃ​ഷ്ണ​ൻ ത​െൻറ വി​ശ്വ​രൂ​പം കാ​ണി​ച്ചു​കൊ​ടു​ക്കു​ന്നു. ഗു​രു ചേ​മ​ഞ്ചേ​രി കു​ഞ്ഞി​രാ​മ​ൻ നാ​യ​രു​ടെ അ​ഭി​ന​യ​മി​ക​വി​ൽ അ​ത്ഭു​തം​കൂ​റി കാ​ണി​ക​ൾ.

ശ്രീ​കൃ​ഷ്ണ​ൻ ത​ങ്ങ​ളു​ടെ മു​ന്നി​ൽ വ​ന്ന​താ​യി അ​വ​ർ​ക്ക് അ​നു​ഭ​വ​പ്പെ​ട്ടു. കൊ​യി​ലാ​ണ്ടി മു​നി​സി​ഫ് പി. ​ച​ന്ദ്ര​ശേ​ഖ​ര​മേ​നോ​ൻ ഗീ​ത​യി​ലെ വ​രി​ക​ൾ ഉ​ച്ച​രി​ച്ച് ദീ​ർ​ഘ​ദ​ണ്ഡ ന​മ​സ്കാ​രം ചെ​യ്തു. മ​റ്റു​ള്ള​വ​ർ നാ​മം ജ​പി​ച്ചു. അ​ത്ര​യും ത​ന്മ​യ​ത്വ​ത്തോ​ടെ​യാ​യി​രു​ന്നു കു​ഞ്ഞി​രാ​മ​ൻ നാ​യ​രു​ടെ അ​ഭി​ന​യം. ശ്രീ​കൃ​ഷ്ണ വേ​ഷ​ത്തോ​ട് ഒ​ടു​ങ്ങാ​ത്ത പ്ര​ണ​യ​മാ​യി​രു​ന്നു ഗു​രു​വി​ന്.