ആ ചിത്രങ്ങളിനിയും നമ്മളോട്​ സംസാരിക്കും

ലൈ​റ്റി​ങ്ങി​നും കോ​മ്പോ​സി​ഷ​നും ഇ​ട​യി​ൽ വൈ​കാ​രി​ക​തക്ക്​ അടിപ്പെടാ​തെ ജീ​വി​തം പ​റ​യു​ന്ന ചി​ത്ര​ങ്ങ​ളാ​ണ് ന്യൂ​സ്‌​ഫോ​ട്ടോ​ഗ്രാ​ഫ​ർ പ​ക​ർ​ത്തേ​ണ്ട​തെ​ന്നാ​ണ്​ പു​ലി​റ്റ്​​സ​ർ പു​ര​സ്‌​കാ​ര വേ​ള​യി​ൽ ദാ​നി​ഷ് പ​റ​ഞ്ഞ​ത്. ഇ​ന്നി​താ ന​മ്മെ​യൊ​ന്നാ​കെ വൈ​കാ​രി​ക​മാ​യി ത​ള​ർ​ത്തി​ക്കൊ​ണ്ട്​ ആ ​മ​നു​ഷ്യ​ൻ വി​ട്ടു​പോ​യി​രി​ക്കു​ന്നു.

മ​ര​ണം നേ​ര​ത്തേ ഉ​റ​പ്പി​ച്ച​വ​രാ​ണെ​ന്നാ​ണ് യു​ദ്ധ​ഫോ​ട്ടോ​ഗ്രാ​ഫ​ർ​മാ​രെ​ക്കു​റി​ച്ച് പ​റ​യാ​റ്. ​പോ​യി​വ​രാ​മെ​ന്നു​ കു​ടും​ബ​ത്തോ​ട്​ പ​റ​ഞ്ഞ്​ ചി​ത്ര​മെ​ടു​ക്കാ​നാ​യി വീ​ട്ടി​ൽ​നി​ന്നി​റ​ങ്ങു​​ന്ന​വ​ർ ഒ​രു​പ​ക്ഷേ മാ​ല​ചാ​ർ​ത്തി​യ ഒ​രു ചി​ത്ര​മാ​യാ​വും തി​രി​കെ​യെ​ത്തു​ക.

ഇ​ന്ത്യ​ക്ക​ക​ത്തും പു​റ​ത്തു​നി​ന്നു​മാ​യി നി​ര​വ​ധി ചി​ത്ര​ങ്ങ​ളാ​ണ് ദാ​നി​ഷ് സി​ദ്ദീ​ഖി ന​മു​ക്കാ​യി പകർത്തിയ​ത്. നാം ​ജീ​വി​ക്കു​ന്ന ലോ​ക​ത്തി​‍െൻറ മ​റു​പു​റ​ത്ത്​ ന​മ്മ​ള​റി​യാ​ത്ത മറ്റൊരു ലോകമുണ്ട്​ എ​ന്നു​ സാ​ക്ഷ്യ​പ്പെ​ടു​ത്തു​ക​യാ​ണ്​ മാ​നു​ഷി​കത നെ​ഞ്ചി​ൽ സൂ​ക്ഷി​ക്കു​ന്ന ഓ​രോ ഫോ​​ട്ടോ​ഗ്രാ​ഫ​റും ചെ​യ്യു​ന്ന​ത്. കാ​മ​റ ഉ​പ​ജീ​വ​ന​ത്തി​നു​ള്ള ഉ​പ​ക​ര​ണം മാ​ത്ര​മ​ല്ല, അ​ഭി​പ്രാ​യ​പ്ര​ക​ട​ന​ത്തി​നും സ്​​നേ​ഹ​പ്ര​കാ​ശ​ന​ത്തി​നും ആ​ക്​​ടി​വി​സ​ത്തി​നു​മെ​ല്ലാ​മു​ള്ള ആ​യു​ധ​മാ​ണ്.

ദാ​നി​ഷി​‍െൻറ അ​കാ​ല വി​യോ​ഗം നാം ​ഏ​വ​രേ​യും ന​ടു​ക്കു​ന്ന​ത്​ ചി​ത്ര​ങ്ങ​ളു​ടെ മി​ക​വു​കൊ​ണ്ടു മാ​ത്ര​മ​ല്ല, മ​റി​ച്ച്​ ഏ​ർ​പ്പെ​ട്ട ദൗ​ത്യ​ത്തി​ൽ അ​ദ്ദേ​ഹം പു​ല​ർ​ത്തി​യ ആ​ത്മാ​ർ​ഥ​ത കൊ​ണ്ടു​കൂ​ടി​യാ​ണ്. ഓ​രോ ചി​ത്ര​ത്തി​ലും കു​ഞ്ഞു​ങ്ങ​ൾ​ക്കു​പോ​ലും വാ​യി​ച്ചെ​ടു​ക്കാ​ൻ ക​ഴി​യു​ന്ന ധീ​ര​ത​യു​ടെ​യും ചേ​ർ​ന്നു​നി​ൽ​പ്പി​‍െൻറ​യും പ്ര​കാ​ശ​രേ​ഖ​ക​ൾ പ​തി​ഞ്ഞി​രു​ന്നു.

പു​ലി​റ്റ്​​സ​ർ പു​ര​സ്​​കാ​രം നേ​ടി​ക്കൊ​ടു​ത്ത റോ​ഹി​ങ്ക്യ​ൻ അ​ഭ​യാ​ർ​ഥി​ക​ളു​ടെ ചി​ത്ര​ങ്ങ​ൾ, ഡ​ൽ​ഹി വം​ശീ​യാ​തി​ക്ര​മ​ വേളയിലെ ചി​ത്ര​ങ്ങ​ൾ, പൗ​ര​ത്വ-​ക​ർ​ഷ​ക സ​മ​ര​വേ​ദി​ക​ൾ, ചൂ​ഷ​ണ​ത്തി​ൽ​നി​ന്നും അ​തി​ക്ര​മ​ങ്ങ​ളി​ൽ​നി​ന്നും മു​ക്ത​മാ​യ ഒ​രു ലോ​കം സാ​ധ്യ​മാ​വ​ണ​മെ​ന്ന്, അ​തി​നാ​യി ന​മ്മ​ളാ​ലാ​വു​ന്ന​ത്​ ചെ​യ്യ​ണ​മെ​ന്ന്​ മു​ൻ​വി​ധി​ക​ളി​ല്ലാ​തെ ആ ​ചി​ത്ര​ങ്ങ​ൾ കാ​ണു​ന്ന ഏ​തൊ​രു മ​നു​ഷ്യ​നും മ​ന​സ്സി​ൽ തോ​ന്നും. അ​പ്ര​തീ​ക്ഷി​ത​മാ​യി പ്ര​ഖ്യാ​പി​ക്ക​പ്പെ​ട്ട ഒ​ന്നാം ലോ​ക്​​ഡൗ​ൺ കാ​ല​ത്ത്​ ആ​യി​ര​ക്ക​ണ​ക്കി​ന്​ കി​ലോ​മീ​റ്റ​റു​ക​ൾ അ​ക​ലെ​യു​ള്ള ഗ്രാ​മ​ങ്ങ​ളി​ലേ​ക്ക്​ കു​ഞ്ഞു​ങ്ങ​ളെ തോ​ളി​ലേ​റ്റി, ജീ​വി​ത സ​മ്പാ​ദ്യ​മാ​യ ത​ക​ര​പ്പെ​ട്ടി​ക​ളു​മേ​ന്തി അ​ഭ​യാ​ർ​ഥി​ക​ളെ​പ്പോ​ലെ ന​ട​ന്നു​പോ​യ മ​നു​ഷ്യ​രെ ലോ​ക​ത്തി​നു​മു​ന്നി​ൽ കാ​ണി​ച്ചു​ത​ന്ന​ത്​ ദാ​നി​ഷി​‍െൻറ കാ​മ​റ​യാ​ണ്. പി​ന്നീ​ട്​ കോ​വി​ഡ്​ ര​ണ്ടാം ത​രം​ഗ​ത്തി​ൽ ശ്വാ​സം​കി​ട്ടാ​തെ ഉ​ഴ​ലു​ന്ന രാ​ജ്യ​ത​ല​സ്​​ഥാ​ന​വും അ​വി​ട​ത്തെ കൂ​ട്ട ശ്​​മ​ശാ​ന​ങ്ങ​ളും കാ​ണി​ച്ചു​ത​ന്ന​തും.

ഒ​രു എ​ഴു​ത്തു​കാ​ര​ൻ ത​‍െൻറ വ​രി​ക​ളി​ലൂ​ടെ സ്​​നേ​ഹ​ത്തി​‍െൻറ​യും സ​മാ​ധാ​ന​ത്തി​‍െൻറ​യും പ്രാ​വു​ക​ളെ പ​റ​ത്തു​ന്ന​തു​പോ​ലെ ഫോ​​ട്ടോ​ഗ്രാ​ഫ​ർ ചി​ത്ര​ങ്ങ​ളി​ലൂ​ടെ അ​ത്​ നി​ർ​വ​ഹി​ക്കു​ന്നു. വേ​ത​ന​ത്തി​നും പു​ര​സ്​​കാ​ര​ങ്ങ​ൾ​ക്കു​മു​പ​രി വേ​ദ​നി​ക്കു​ന്ന​വ​രു​ടെ ക​ണ്ണു​നീ​ർ തു​ട​ക്കാ​ൻ ന​ട​ത്തു​ന്ന പ്ര​യ​ത്​​ന​മാ​ണ​ത്. യു​ദ്ധ​ക്ക​ള​ത്തി​ലേ​ക്ക്​ ചി​ത്ര​മെ​ടു​ക്കാ​ൻ പോ​കു​ന്ന​തും അ​തേ ചി​ന്ത​യോ​ടെ​യാ​ണ്.

യു​ദ്ധ​ങ്ങ​ളും ക്ര​മ​സ​മാ​ധാ​ന പ്ര​ശ്​​ന​ങ്ങ​ളു​മി​ല്ലാ​ത്ത ഒ​രു ദേ​ശ​ത്ത്, അ​ത​ല്ലെ​ങ്കി​ൽ ഒ​രു ജ​നാ​ധി​പ​ത്യ രാ​ജ്യ​ത്ത്​ ചി​ത്ര​മെ​ടു​പ്പ്​ ന​ട​ത്തു​ന്ന​തും സം​ഘ​ർ​ഷ​മേ​ഖ​ല​യി​ൽ ദൗ​ത്യ​ത്തി​ലേ​ർ​പ്പെ​ടു​ന്ന​തും ത​മ്മി​ൽ കാ​ര്യ​മാ​യ വ്യ​ത്യാ​സ​മു​ണ്ട്.

2013ൽ ​മ​അ്​​ദി​ൻ അ​ക്കാ​ദ​മി ഒ​രു​ക്കി​യ ഇ​റാ​ഖ്​ യാ​ത്ര​യോ​ടൊ​പ്പം സ​ഞ്ച​രി​ച്ച ഈ ​കു​റി​പ്പു​കാ​ര​‍െൻറ കാ​മ​റ വി​മാ​ന​ത്താ​വ​ള​ത്തി​ൽ​നി​ന്നു​ത​ന്നെ അ​ധി​കൃ​ത​ർ പി​ടി​ച്ചെ​ടു​ത്തു. ഫ​ല​സ്​​തീ​ൻ സം​ഘ​ർ​ഷ​മേ​ഖ​ല​യി​ലൂ​ടെ പോ​യ വേ​ള​യി​ലും കാ​മ​റ ക​ണ്ടു​കെ​ട്ട​ലും മ​ണി​ക്കൂ​ർ നീ​ണ്ട ചോ​ദ്യം​ചെ​യ്യ​ലു​മെ​ല്ലാ​മു​ണ്ടാ​യി​രു​ന്നു. തോ​ക്കു​ക​ളും ബോം​ബു​ക​ളും മി​സൈ​ലു​ക​ളു​മു​ള്ള അ​തി​ശ​ക്ത​രെ​ന്നു​ നാം ​ക​രു​തു​ന്ന കൂ​ട്ട​ർ കാ​മ​റ​യെ ഭ​യ​ക്കു​ന്നു, ഭീ​ക​ര​വ​സ്​​തു​വാ​യി ക​രു​തു​ന്നു. മാ​ധ്യ​മ​പ്ര​വ​ർ​ത്ത​ക​രും ഫോ​​ട്ടോ​ജേ​ണ​ലി​സ്​​റ്റു​ക​ളും ലോ​ക​മൊ​ട്ടു​ക്കും അ​തി​ക്ര​മ​ങ്ങ​ൾ​ക്കി​ര​യാ​ക്ക​പ്പെ​ടു​ന്ന​തി​ന്​ അ​തു​ത​ന്നെ​യ​ല്ലേ കാ​ര​ണം.

ഇ​റാ​ഖ്​ യാ​ത്ര​യി​ൽ എ​ഴു​ത്തു​കാ​ര​ൻ കെ.​പി. രാ​മ​നു​ണ്ണി, ഡോ. ​അ​ബ്ബാ​സ്​ പ​ന​ക്ക​ൽ തു​ട​ങ്ങി​യ​വ​ർ​ക്കൊ​പ്പം താ​മ​സി​ച്ച ഹോ​ട്ട​ലി​ന്​ സ​മീ​പം കാ​ർ​ബോം​ബ്​ സ്​​ഫോ​ട​ന​മു​ണ്ടാ​യി നി​ര​വ​ധി പേ​ർ കൊ​ല്ല​പ്പെ​ട്ടു. വ​ർ​ഷ​ങ്ങ​ൾ​ക്കി​പ്പു​റം അ​ത്​ ഓ​ർ​ത്തെ​ടു​ക്കു​േ​മ്പാ​ഴും ഉ​ള്ളി​ലൂ​ടെ ഒ​രു ന​ടു​ക്കം പാ​യു​ന്നു.

ഇ​ത്ര പെ​​ട്ടെ​ന്ന്​ ലോ​ക​ത്തി​ന്​ ന​ഷ്​​ട​പ്പെ​ടേ​ണ്ട ഒ​രാ​ളാ​യി​രു​ന്നി​ല്ല ദാ​നി​ഷ്​ സി​ദ്ദീ​ഖി. ആ ​മ​നു​ഷ്യ​സ്​​നേ​ഹി കാ​മ​റ​യി​ലൂ​ടെ സാക്ഷ്യപ്പെടുത്തേണ്ടി​യി​രു​ന്ന ഒ​രു​പാ​ട്​ മുഹൂർത്തങ്ങ​ൾ ഇ​നി​യു​മു​ണ്ടാ​യി​രു​ന്നു. ആ ​മ​നു​ഷ്യ​നെ എ​ന്നെ​ങ്കി​ലും കാ​ണു​ക​യും അ​ൽ​പ​നേ​രം​ സം​സാ​രി​ക്കു​ക​യും ചെ​യ്യ​ണ​മെ​ന്ന്​ ഞാനുൾപ്പെടെ ഒരുപാടു പേർ ആ​ഗ്ര​ഹി​ച്ചിരു​ന്നു.

ദാ​നി​ഷ്, താ​ങ്ക​ൾ ഇ​നി വ​രി​ല്ല എ​ന്ന പ​ര​മ​സ​ത്യം ഹൃ​ദ​യ​വേ​ദ​ന​യോ​ടെ​യാ​ണെ​ങ്കി​ലും അം​ഗീ​ക​രി​ക്കു​ന്നു. പ​ക്ഷേ, താ​ങ്ക​ൾ പ​ക​ർ​ത്തി​വെ​ച്ച ചി​ത്ര​ങ്ങ​ൾ ഞ​ങ്ങ​ളോ​ട്​ സം​സാ​രി​ച്ചു​കൊ​ണ്ടേ​യി​രി​ക്കും.