നൗഷാദ് എന്ന ജനപ്രിയ പാചകവിദഗ്ധൻ

കൊ​ച്ചി: അ​ടു​ക്ക​ള​ക​ളി​ലും റ​സ്​​റ്റാ​റ​ൻ​റു​ക​ളു​ടെ പി​ന്നാ​മ്പു​റ​ങ്ങ​ളി​ലും മാ​ത്രം പാ​ച​കം ഒ​തു​ങ്ങി​യി​രു​ന്ന കാ​ല​ത്ത് അ​തി​നെ ജ​ന​പ്രി​യ​മാ​ക്കു​ന്ന​തി​ൽ വ​ലി​യ പ​ങ്കു​വ​ഹി​ച്ച വ്യ​ക്തി​ത്വ​മാ​യി​രു​ന്നു നൗ​ഷാ​ദ്. കേ​വ​ലം ചി​ല​രി​ൽ മാ​ത്രം ഒ​തു​ങ്ങേ​ണ്ട​ത​ല്ല, എ​ല്ലാ​വ​രും ആ​സ്വ​ദി​ച്ച് ചെ​യ്യേ​ണ്ട​താ​ണ് പാ​ച​ക​മെ​ന്ന സ​ന്ദേ​ശം പ​ക​രാ​ൻ അ​ദ്ദേ​ഹ​ത്തി​ന് ക​ഴി​ഞ്ഞു. കാ​റ്റ​റി​ങ് രം​ഗ​ത്തേ​ക്ക് ക​ട​ന്നു​വ​രു​ക​യും ശേ​ഷം നൗ​ഷാ​ദ് ദ ​ബി​ഗ് ഷെ​ഫ് റ​സ്​​റ്റാ​റ​ൻ​റ്സ് എ​ന്ന ശൃം​ഖ​ല ത​ന്നെ സൃ​ഷ്​​ടി​ച്ചെ​ടു​ക്കാ​നും അ​ദ്ദേ​ഹ​ത്തി​നാ​യി.

സം​ഗീ​ത കു​ടും​ബ​ത്തി​ൽ​നി​ന്ന് എ​ത്തു​ന്ന​വ​ർ സം​ഗീ​ത​ജ്ഞ​രാ​കു​ന്ന​തു​പോ​ലെ താ​ൻ പാ​ച​ക കു​ടും​ബ​ത്തി​ൽ​നി​ന്നെ​ത്തി പാ​ച​ക​ക്കാ​ര​നാ​യ​താ​ണെ​ന്ന് അ​ദ്ദേ​ഹം പ​റ​യു​മാ​യി​രു​ന്നു. നൗ​ഷാ​ദിെൻറ പി​താ​വിെൻറ കു​ടും​ബ​ത്തി​ന് തി​രു​വ​ല്ല​യി​ലും മാ​താ​വിെൻറ കു​ടും​ബ​ത്തി​ന് കൊ​ല്ല​ത്തും റ​സ്​​റ്റാ​റ​ൻ​റു​ണ്ടാ​യി​രു​ന്നു. കു​ട്ടി​ക്കാ​ല​ത്ത് ത​െൻറ ക​ളി​ക​ളി​ലും കു​സൃ​തി​ക​ളി​ലു​മെ​ല്ലാം പാ​ച​ക​മാ​യി​രു​ന്ന​തി​ന് കാ​ര​ണ​വും അ​തൊ​ക്കെ​യാ​ണ്. കോ​ള​ജ് പ​ഠ​ന​ത്തി​നു​ശേ​ഷം ഹോ​ട്ട​ൽ മാ​നേ​ജ്മെൻറ് പ​ഠി​ച്ച നൗ​ഷാ​ദ് വി​വി​ധ രാ​ജ്യ​ങ്ങ​ൾ സ​ന്ദ​ർ​ശി​ച്ച് വ്യ​ത്യ​സ്​​ത രു​ചി​ക​ളും രു​ചി​ക്കൂ​ട്ടു​ക​ളും അ​റി​ഞ്ഞു. ശേ​ഷം അ​വ​യൊ​ക്കെ നാ​ട്ടി​ലും പു​റ​ത്തു​മു​ള്ള ആ​ളു​ക​ളി​ലേ​ക്ക് എ​ത്തി​ക്കു​ക​യാ​യി​രു​ന്നു.

ഏ​റ്റ​വും ന​ല്ല ഉ​ൽ​പ​ന്ന​ങ്ങ​ൾ മാ​ത്രം പാ​ച​ക​ത്തി​ന് ഉ​പ​യോ​ഗി​ക്ക​ണ​മെ​ന്ന നി​ർ​ബ​ന്ധ​മാ​ണ് നൗ​ഷാ​ദ് ദ ​ബി​ഗ് ഷെ​ഫ് റ​സ്​​റ്റാ​റ​ൻ​റ്സി​നെ ഒ​രു ബ്രാ​ൻ​ഡാ​ക്കി വ​ള​ർ​ത്തി​യ​ത്. അ​ക്കാ​ല​ത്ത് ഇ​വി​ടെ കി​ട്ടാ​ത്ത സാ​ധ​ന​ങ്ങ​ൾ പു​റ​ത്തു​നി​ന്നെ​ത്തി​ച്ച് കേ​ര​ള​ത്തി​ൽ അ​വ​ത​രി​പ്പി​ച്ച​തോ​ടെ​യാ​ണ് മ​റ്റ് കാ​റ്റ​റി​ങ് ബി​സി​ന​സു​കാ​രി​ൽ​നി​ന്ന്​ നൗ​ഷാ​ദി​നെ വ്യ​ത്യ​സ്​​ത​നാ​ക്കി​യ​ത്. ചൈ​നീ​സ് വെ​ജി​റ്റ​ബി​ൾ​സ് ബം​ഗ​ളൂ​രു​വി​ൽ മാ​ത്രം കി​ട്ടി​യി​രു​ന്ന കാ​ല​ത്ത് അ​വി​ടെ നി​ന്ന് നേ​രി​​ട്ടെ​ത്തി​ച്ചാ​ണ് പാ​ച​കം ചെ​യ്ത​ത്.

ബി​രി​യാ​ണി​യാ​ണ് ത​െൻറ ഏ​റ്റ​വും പ്രി​യ​പ്പെ​ട്ട വി​ഭ​വ​മെ​ന്ന് അ​ദ്ദേ​ഹം പ​ല​പ്പോ​ഴും പ​റ​ഞ്ഞി​ട്ടു​ണ്ട്. ജ​ന​ങ്ങ​ളു​ടെ താ​ൽ​പ​ര്യ​ങ്ങ​ൾ പ​ഠി​ച്ച് ആ​ളു​ക​ൾ​ക്ക് ഏ​റ്റ​വും ഇ​ഷ്​​ട​പ്പെ​ട്ട രീ​തി​യി​ൽ ബി​രി​യാ​ണി ന​ൽ​കാ​ൻ ഒ​രു​പാ​ട് പ​ണി​പ്പെ​ട്ടി​ട്ടു​ണ്ടെ​ന്നും അ​ദ്ദേ​ഹം പ​റ​യാ​റു​ണ്ടാ​യി​രു​ന്നു.

റ​സ്​​റ്റാ​റ​ൻ​റു​ക​ളി​ൽ വൃ​ത്തി​ക്കാ​ണ് ഒ​ന്നാം പ​രി​ഗ​ണ​ന​യെ​ന്ന് അ​ദ്ദേ​ഹം ജീ​വ​ന​ക്കാ​രെ ഓ​ർ​മി​പ്പി​ച്ചി​രു​ന്നു. ഭ​ക്ഷ​ണ​വും സി​നി​മ​യും ത​നി​ക്ക് ഒ​രു​പോ​ലെ പ്രി​യ​പ്പെ​ട്ട​താ​യി ക​രു​തി​യ നൗ​ഷാ​ദിെൻറ സ​ഹ​പാ​ഠി​യാ​യി​രു​ന്നു സം​വി​ധാ​യ​ക​ൻ ബ്ലെ​സി. അ​ദ്ദേ​ഹ​ത്തി​ലൂ​ടെ സി​നി​മ മേ​ഖ​ല​യി​ലു​ള്ള​വ​രു​മാ​യി ബ​ന്ധ​മു​ണ്ടാ​യി​രു​ന്നു. അ​ങ്ങ​നെ ആ​ദ്യ​മാ​യി കാ​ഴ്ച​യെ​ന്ന സി​നി​മ ബ്ലെ​സി​യോ​ടൊ​പ്പം ചെ​യ്തു. പി​ന്നീ​ട് ച​ട്ട​മ്പി​നാ​ട്, ബെ​സ്​​റ്റ്​ ആ​ക്ട​ർ, സ്പാ​നി​ഷ് മ​സാ​ല എ​ന്നീ സി​നി​മ​ക​ളും നി​ർ​മി​ച്ചു.

ആ​രും കോ​പ്പി​യ​ടി​ക്കാ​തി​രി​ക്കാ​നാ​ണ് ബി​ഗ് ഷെ​ഫ് എ​ന്ന പേ​രും ത​െൻറ ഒ​രു കാ​രി​ക്കേ​ച്ച​റും വെ​ച്ച​തെ​ന്ന് അ​ദ്ദേ​ഹം പ​റ​ഞ്ഞി​ട്ടു​ണ്ട്. ബി​ഗ് സ്ക്രീ​ൻ എ​ന്നാ​ണ് ഫി​ലിം പ്രൊ​ഡ​ക്​​ഷ​നും പേ​രി​ട്ട​ത്.