യാത്രയായത്​ പിലിക്കോടിന്‍റെ സർവസൈന്യാധിപൻ

ചെ​റു​വ​ത്തൂ​ർ: കാ​ർ​ഷി​ക​ബ​ന്ധി​യാ​യ ആ​ചാ​ര​പ്പെ​രു​മ​യി​ൽ നാ​ട്ട​ക​ത്തെ അ​രി​യി​ട്ടു​വാ​ഴി​ച്ച കാ​വ​ൽ എ​ന്ന നാ​ട്ടാ​ചാ​ര പെ​രു​മ​യി​ലെ അ​വ​സാ​ന വാ​ക്കാ​യി​രു​ന്നു വ​റ​ക്കോ​ട​ൻ കാ​വ​ൽ​ക്കാ​ർ. ദ​യ​ര​മം​ഗ​ലം ക്ഷേ​ത്ര​ത്തി​ൽ​നി​ന്ന് വി​ഷു ദി​ന​ത്തി​ൽ പ്ര​ബ​ല​മാ​യ ര​ണ്ട് സ​മു​ദാ​യ​ത്തി​ന്‍റെ പ്ര​തി​നി​ധി​ക​ൾ ക​യ്യേ​ൽ​ക്കു​ന്ന​തും നാ​ടി​ന്‍റെ കൃ​ഷി​പ്പ​ട്ടാ​ള​ത്തെ രൂ​പ​പ്പെ​ടു​ത്തു​ന്ന​തു​മാ​യ ആ​ചാ​ര​മാ​ണ് കാ​വ​ൽ എ​ന്ന​ത്.

നാ​ടി​നെ അ​ന്ന​മൂ​ട്ടു​ന്ന അ​ഞ്ചു വ​യ​ൽ​പ​ര​പ്പു​ക​ളെ ചോ​ര​ൻ​മാ​രി​ൽ​നി​ന്നും നാ​ൽ​ക്കാ​ലി മൃ​ഗ​ങ്ങ​ളി​ൽ​നി​ന്നും സം​ര​ക്ഷി​ക്കു​ക​യെ​ന്ന​താ​ണ് ഇ​വ​രു​ടെ പ്രാ​ഥ​മി​ക ക​ർ​ത്ത​വ്യം. മ​ണി​യാ​ണി സ​മു​ദാ​യ​ത്തി​ൽ​നി​ന്ന് മൂ​ന്നും തീ​യ്യ സ​മു​ദാ​യ​ത്തി​ൽ​നി​ന്ന് മൂ​ന്നും എ​ന്നി​ങ്ങ​നെ ആ​റു പേ​ര​ട​ങ്ങു​ന്ന​താ​ണ് കാ​വ​ൽ സം​ഘം. ഇ​തി​ന്‍റെ അ​മ​ര​ത്ത് അ​ണി​നി​ര​ക്കു​ക​യെ​ന്ന​ത് വ​റ​ക്കോ​ട​ൻ കു​ടും​ബ​ക്കാ​രു​ടെ അ​വ​കാ​ശ​മാ​ണ്. വ​ട​ക്കേം വാ​തി​ലി​ലെ ഒ​റ്റ​ക്കോ​ല​ത്തി​ന് നേ​തൃ​ത്വം ന​ൽ​കേ​ണ്ട​തും വീ​ത് കു​ന്നി​ലെ വീ​ത​ടി​യ​ന്ത​രം ന​ട​ത്തേ​ണ്ട​തു​മെ​ല്ലാം വ​റ​ക്കോ​ട​ന്‍റെ നേ​തൃ​ത്വ​ത്തി​ൽ കാ​വ​ൽ​ക്കാ​ർ​ത​ന്നെ.

ക​റ്റ​ക്ക​യ​ർ, പാ​ള​ത്തൊ​പ്പി, ആ​ചാ​ര ദ​ണ്ഡ്, പ​ത്താം ന​മ്പ​ർ മു​ണ്ട് , ക​ള​ക്കു​ട എ​ന്നി​വ​യാ​ണ് കാ​വ​ൽ​ക്കാ​രു​ടെ ആ​ചാ​ര​പ​ര​മാ​യ വേ​ഷം. പ്ര​ത്യേ​കി​ച്ച് പ്ര​തി​ഫ​ല​മൊ​ന്നും ഇ​വ​ർ​ക്ക് നി​ഷ്ക​ർ​ഷി​ച്ചി​ട്ടി​ല്ല. വ​യ​ലി​ൽ വാ​ളു​മ്പോ​ഴാ​ണ് കാ​വ​ൽ​ക്കാ​ർ എ​ത്തു​ന്ന​തെ​ങ്കി​ൽ മ​ല​ർ​ത്തി​പ്പി​ടി​ച്ച കൊ​ട്ട​മ്പാ​ള​യി​ൽ ഒ​രു​പി​ടി വി​ത്ത് ഇ​ട്ടു​കൊ​ടു​ക്ക​ണം. മൂ​രു​മ്പോ​ഴാ​ണെ​ങ്കി​ൽ ഒ​രു പ​ത​ക്ക​റ്റ. ജീ​വി​തം കൂ​ട്ടി​മു​ട്ടി​ക്കാ​നു​ള്ള വ​ഴി​ക​ളൊ​ന്നും തെ​ളി​ഞ്ഞി​ല്ലെ​ങ്കി​ലും ആ​ചാ​ര​വ​ഴി​ക​ളെ മു​റ​തെ​റ്റാ​തെ അ​വ​ർ നെ​ഞ്ചേ​റ്റി​പ്പോ​രു​ന്നു​ണ്ട്. അ​വ​രി​ൽ അ​ദ്വി​തീ​യ​നാ​യി​രു​ന്നു ബാ​ല​ൻ കാ​വ​ക്കാ​ർ.

ദ​യ​ര​മം​ഗ​ല​ത്ത് പൂ​രം കൂ​ടു​ന്ന​തി​ന്​ മു​ന്നോ​ടി​യാ​യി ന​ട​ക്കു​ന്ന കു​യി​ൽ വി​ളി​തൊ​ട്ട് ആ​റാ​ട്ട് പ​രി​സ​മാ​പി​ക്കു​ന്ന​തു​വ​രെ പൂ​ര വ​ഴി​ക​ളി​ൽ ഇ​ദ്ദേ​ഹം നി​റ​ഞ്ഞു​നി​ൽ​ക്കും. ആ ​സാ​ന്നി​ധ്യ​മാ​ണ് ഇ​ല്ലാ​താ​യ​ത്. ആ​ചാ​രാ​നു​ഷ്ഠാ​ന​ങ്ങ​ളെ പ്ര​യോ​ഗ​വ​ഴി​ക​ളി​ൽ അ​ണു​കി​ട വ്യ​തി​ച​ലി​ക്കാ​തെ വ​ഴി​ന​ട​ത്തി നാ​ളി​ത്ര​യും ത​​ന്‍റെ ഉ​ത്ത​ര​വാ​ദി​ത്തം നി​റ​വേ​റ്റി അ​നു​ഷ്ഠാ​ന​ങ്ങ​ളു​ടെ ജീ​വി​ക്കു​ന്ന ഇ​തി​ഹാ​സ​മാ​യി അ​ദ്ദേ​ഹം മാ​റി. ജീ​വി​ത​സാ​യ​ന്ത​ന​ത്തി​ൽ ഒ​രു പി​ടി രോ​ഗ​ങ്ങ​ൾ പി​ടി​കൂ​ടു​ക​യും ചെ​യ്തി​രു​ന്നു. നാ​ട്ടു ച​രി​ത്ര​ത്തി​ലേ​ക്ക് വെ​ളി​ച്ചം​വീ​ശു​ന്ന ഒ​ട്ടേ​റെ അ​റി​വു​ക​ൾ കൊ​ണ്ട് സ​മ്പ​ന്ന​മാ​യി​രു​ന്നു അ​ദ്ദേ​ഹം.

ജീ​വി​തം ത​ല​മു​റ​ക​ളു​ടെ സ്വാ​സ്ഥ്യ​ജീ​വി​ത​ത്തി​ന്നാ​യി ഉ​ഴി​ഞ്ഞു​വെ​ച്ച വ​റ​ക്കോ​ട​ൻ ബാ​ല​ൻ കാ​വ​ൽ​ക്കാ​ർ​ക്ക് യാ​ത്രാ​മൊ​ഴി ന​ൽ​കാ​ൻ നി​ര​വ​ധി പേ​രാ​ണ് പി​ലി​ക്കോ​ട്ടെ വ​സ​തി​യി​ൽ എ​ത്തി​യ​ത്.