പ്രമുഖ വ്യവസായി ടെക്സാസ് ഷാഹുൽ ഹമീദ് നിര്യാതനായി

ഷാർജ: ഷാർജയിലെ പ്രമുഖ വ്യവസായിയും കെ.എം.സി.സി ഉൾപ്പെടെ നിരവധി സംഘടനകളുടെ അമരക്കാരനും ദർശന ടി.വി എക്സിക്യൂട്ടിവ് ഡയറക്ടറുമായിരുന്ന കോഴിക്കോട് അത്തോളി കൊങ്ങന്നൂർ സ്വദേശി ടെക്സാസ് ഷാഹുൽ ഹമീദ് (60) നാട്ടിൽ നിര്യാതനായി. പാണക്കാട് മമ്മദ് കോയ ഹാജി-നബീസ ദമ്പതികളുടെ മകനാണ്.

നാല്​ പതിറ്റാണ്ടു മുമ്പ് യു.എ.ഇയിലെത്തിയ ഷാർജക്കാരുടെ സ്വന്തമായ പാണക്കാട് ഹമീദ്ക്കയുടെ തുടക്കം ഓഫിസ് ബോയ് ആയിട്ടായിരുന്നു. കെട്ടിടത്തിലെ വാച്ച്മാനായും കുവൈത്തിലെ പണമിടപാട് സ്ഥാപനത്തിലെ ജോലിക്കാരനായും പയറ്റിയശേഷമാണ് സ്വദേശിയുടെ പിന്തുണയോടെ 2001ൽ ടെക്സാസ് മാനേജ്മെൻറ് കൺസൾട്ടൻറ്​ എന്ന സ്ഥാപനം തുടങ്ങുന്നത്.

വിശ്വസ്​തതയും കൃത്യനിഷ്ഠ​തയും ഇടപാടുകാരോടുള്ള സൗഹൃദം നിറഞ്ഞ പെരുമാറ്റവും കമ്പനിയെ ഉയർച്ചയിലേക്ക്​ വളർത്തി. യു.എ.ഇയിലും ഇന്ത്യയിലുമായി ആശുപത്രി, ഫാർമസി, എൻജിനീയറിങ് കോളജ് തുടങ്ങി വൻ വ്യാപാര സമുച്ചയമായി അതുവളർന്നു.

പിതാവിനോടുള്ള കടപ്പാടും സ്നേഹവുമാണ് മമ്മദ് കോയ ചാരിറ്റബിൾ ട്രസ്​റ്റി​െൻറ രൂപീകരണത്തിലെത്തിച്ചത്. നിർധനരായ അഞ്ചു പെൺകുട്ടികളുടെ വിവാഹം നടത്തിക്കൊണ്ട്​ തുടങ്ങിയ ട്രസ്റ്റ് ജീവകാരുണ്യ രംഗത്ത് ഇന്നും സജീവമാണ്.

ഭാര്യ: ആയിഷബി ഉമ്മര്‍ കണ്ടി. മക്കള്‍: ഷഹനാസ്, ഷെഫീഖ, മുഹമ്മദ് ഹിഷാം ഷാഹുല്‍. മരുമക്കള്‍: അഹമ്മദ് സുറൂര്‍ കാരക്കുന്ന്, ഷഫാദ് കോലോത്ത്. സഹോദരങ്ങള്‍: മൊയ്​തീന്‍ കോയ, അബ്​ദുസ്സമദ്, അബൂബക്കര്‍, സുബൈദ, ഫാത്തിമ, മുനീറ.