ഏഴാം ക്ലാസ് വിദ്യാർഥി ഹൃദയാഘാതത്തെ തുടർന്ന് മരിച്ചു
text_fieldsrepresentational image
ബംഗളൂരു: ജന്മദിനം ആഘോഷിക്കാനൊരുങ്ങുന്നതിനിടെ ഏഴാം ക്ലാസ് വിദ്യാർഥി ഹൃദയാഘാതത്തെ തുടർന്ന് മരിച്ചു. ഉഡുപ്പി കുന്താപുര തല്ലൂരിലാണ് സംഭവം. ഹത്തിനങ്ങാടി സിദ്ധിവിനായക സ്കൂളിലെ ഏഴാം ക്ലാസ് വിദ്യാർഥി പൃഥ്വിരാജ് ഷെട്ടിയാണ് മരിച്ചത്. ശനിയാഴ്ച രാവിലെ അമ്മക്കൊപ്പം സ്കൂൾ ബസ് കാത്തുനിൽക്കവെ, നെഞ്ചുവേദന അനുഭവപ്പെട്ട് കുഴഞ്ഞുവീഴുകയായിരുന്നു.
ഉടൻ മണിപ്പാലിലെ ആശുപത്രിയിലേക്ക് കൊണ്ടുപോയെങ്കിലും വഴിമധ്യേ മരിച്ചു. കഴിഞ്ഞ വർഷം ഒക്ടോബർ 27ന് സഹോദരി അനുശ്രീ ഹൃദയാഘാതത്തെ തുടർന്ന് മരിച്ചിരുന്നു. ഒരു വർഷത്തിനിടെ രണ്ടു മക്കൾ നഷ്ടപ്പെട്ട മാതാപിതാക്കളുടേത് തീരാവേദനയായി. അസ്വാഭാവിക മരണത്തിന് കുന്താപുര പൊലീസ് കേസെടുത്തു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.