റോഡ് മുറിച്ചുകടക്കുന്നതിനിടെ വാഹനമിടിച്ച് മലയാളി മരിച്ചു
text_fieldsമധു ജനാർദനക്കുറുപ്പ്
മസ്കത്ത്: റോഡ് മുറിച്ചുകടക്കുന്നതിനിടെ വാഹനമിടിച്ച് മലയാളി മരിച്ചു. തിരുവനന്തപുരം കല്ലമ്പലം സ്വദേശി ആര്യഭവൻ വീട്ടിൽ മധു ജനാർദനക്കുറുപ്പ് (54) ആണ് മരിച്ചത്.
സുവൈഖ് ഖദ്റയിൽ കൺസ്ട്രക്ഷൻ ഫോർമാനായി ജോലിചെയ്തുവരുകയായിരുന്നു. രണ്ടു ദിവസം മുമ്പേ രാത്രിയിൽ പുറത്തിറങ്ങിയ മധുവിനെ കാണാതായതിനെത്തുടർന്ന് പരിചയമുള്ളവർ പൊലീസിൽ റിപ്പോർട്ട് ചെയ്തിരുന്നു. അതിനെത്തുടർന്നുള്ള അന്വേഷണത്തിലാണ് ദിയാനെന്ന സ്ഥലത്ത് റോഡ് മുറിച്ചുകടക്കുന്നതിനിടെ, അപകടത്തിൽപെട്ട് മരിച്ച വിവരം അറിയുന്നത്.
32 വർഷത്തോളമായി പ്രവാസിയായി മധു ഒമാനിലുണ്ട്. 21ാം വയസ്സിലാണ് ആദ്യമായി ഒമാനിലെത്തുന്നത്. ഭാര്യ: രഞ്ജു കൃഷ്ണ. മക്കൾ: ആര്യ, ആതിര. മൃതദേഹം നാട്ടിലെത്തിക്കാനുള്ള നടപടികൾ നടന്നുവരുന്നു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.