കല്ലമ്പലത്ത് ഗ്യാസ് ടാങ്കറിടിച്ച് യുവാവ് മരിച്ചു

കല്ലമ്പലം: ദേശീയപാതയിൽ കല്ലമ്പലത്തിന് സമീപം ഗ്യാസ് ടാങ്കർ ലോറിയിടിച്ച് യുവാവ് മരിച്ചു. കുള മുട്ടം വാടയിൽ വീട്ടിൽ നാസർ-ഷാജില ദമ്പതികളുടെ മകൻ അബിൻ (22) ആണ് മരിച്ചത്.

വ്യാപാര സ്ഥാപനത്തിലെ ജീവനക്കാരനായ അബിൻ ജോലി കഴിഞ്ഞ് ബൈക്കിൽ വീട്ടിലേക്ക് മടങ്ങവെ, ചൊവ്വാഴ്ച രാത്രി 10ഓടെ ആറ്റിങ്ങൽ ഭാഗത്ത് നിന്ന് വരികയായിരുന്ന ടാങ്കർ ഇടിക്കുകയായിരുന്നു. ഇടിയുടെ ആഘാതത്തിൽ റോഡിലേക്ക് തെറിച്ചുവീണ അബിനെ പാരിപ്പള്ളി മെഡിക്കൽ കോളജിൽ എത്തിച്ചെങ്കിലും രക്ഷിക്കാനായില്ല. നബിൻ, ഷബിൻ എന്നിവർ സഹോദരങ്ങളാണ്. കല്ലമ്പലം പൊലീസ് കേസെടുത്തു.