യുവാവ്​ ദുരൂഹ സാഹചര്യത്തിൽ മരിച്ച നിലയിൽ

ആറ്റിങ്ങൽ: യുവാവിനെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി. കടയ്ക്കാവൂർ കോണത്ത് വീട്ടിൽ പരേതനായ സ്വാമിനാഥന്‍റെയും ഇന്ദിരയുടെയും മകൻ മണികണ്ഠ(33)ന്‍റെ മൃതദേഹമാണ് കൊച്ചുപാലത്തിന്​ സമീപം കണ്ടത്.

മൂന്ന് ദിവസം മുമ്പ്​ വീട്ടിൽനിന്ന് ജോലിക്ക് പോയ മണികണ്ഠൻ തിരികെ എത്തിയിരുന്നില്ല. ഇതേത്തുടർന്ന് ബന്ധുക്കൾ പൊലീസിന് പരാതി നൽകിയിരുന്നു.

മണികണ്ഠന്‍റെ ഇരുചക്ര വാഹനം സുഹൃത്തിന്‍റെ വീടിന് സമീപത്തുനിന്ന്​ കണ്ടെത്തി. ഈ സുഹൃത്തിനെ പൊലീസ് കസ്റ്റഡിയിലെടുത്തു. മരണം കൊലപാതകമാണെന്ന്​ മണികണ്ഠന്‍റെ ബന്ധുക്കൾ പരാതി ഉന്നയിച്ചിട്ടുണ്ട്​. മണികണ്ഠൻ അവിവാഹിതനാണ്.