മാധ്യമപ്രവർത്തകൻ എം.ആർ. സജേഷ് അന്തരിച്ചു

സുൽത്താൻ ബത്തേരി: മാധ്യമപ്രവർത്തകൻ സുൽത്താൻ ബത്തേരി കുപ്പാടി പുത്തൻവിള വീട്ടിൽ എം.ആർ. സജേഷ് (46) അന്തരിച്ചു. ഇന്ത്യാവിഷൻ, കൈരളി ടി.വി, തേജസ്‌ ദിനപത്രം, റിപ്പോർട്ടർ ചാനൽ, ഇ.ടി.വി ഭാരത് തുടങ്ങിയ മാധ്യമസ്ഥാപനങ്ങളിൽ പ്രവർത്തിച്ചിട്ടുണ്ട്.

എം. രവീന്ദ്രൻ പിള്ളയുടെയും സി.എച്ച്. വസന്തകുമാരിയുടെയും മകനാണ്. ഭാര്യ: ഷൈമി ഇ.പി. (മീഡിയ കോർഡിനേറ്റർ, നോളജ് ഇക്കോണമി മിഷൻ), മകൾ: ഋതു ശങ്കരി.

കരൾ രോഗത്തെ തുടർന്ന് തിരുവനന്തപുരത്തെ സ്വകാര്യ ആശുപത്രിയിൽ ചികിത്സയിലിരിക്കെയാണ് മരണം. സംസ്കാരം വയനാട്ടിലെ വീട്ടിൽ.