തിരുവല്ല: ടി.കെ റോഡിലെ കറ്റോട് പാലത്തിൽ ഇന്നോവ കാർ ഓട്ടോറിക്ഷയിലിടിച്ച് ഓട്ടോ ഡ്രൈവർ മരിച്ചു. നാലുപേർക്ക് പരിേക്കറ്റു. വെണ്ണിക്കുളം വടക്കുംതല വീട്ടിൽ വി.വി. വർഗീസാണ് (63) മരിച്ചത്. ശനിയാഴ്ച പുലർച്ച 5.30ഓടെയായിരുന്നു അപകടം. വെണ്ണിക്കുളത്തുനിന്ന് തിരുവല്ലയിലേക്ക് വന്ന ഓട്ടോയിൽ എതിരെ തോട്ടഭാഗത്തേക്ക് പോയ ഇന്നോവ ഇടിക്കുകയായിരുന്നു. ഓട്ടോ യാത്രക്കാരായ വയനാട് ചെറുവള്ളിപ്പാറ ആൽബിൻ, ലിബിൻ, കാർ യാത്രികരായ കോട്ടയം ഗാന്ധിനഗർ ഹരിശ്രീയിൽ ഡോ. ബിബിൻ ചന്ദ്രൻ, ജോസിനി എന്നിവർക്കാണ് പരിക്കേറ്റത്. ഇവർ പുഷ്പഗിരി മെഡിക്കൽ കോളജ് ആശുപത്രിയിൽ ചികിത്സയിലാണ്. അപകടം നടന്നയുടൻ നാട്ടുകാരും അഗ്നിരക്ഷാസേനയും പൊലീസും ചേർന്നാണ് രക്ഷാപ്രവർത്തനം നടത്തിയത്. വർഗീസിെൻറ മൃതദേഹം മോർച്ചറിയിലേക്ക് മാറ്റി.
ബന്ധുവിെൻറ വിവാഹനിശ്ചയ ചടങ്ങിൽ പങ്കെടുക്കാനെത്തിയ വയനാട് സ്വദേശികൾ റെയിൽവേ സ്റ്റേഷനിൽനിന്ന് ഓട്ടോയിൽ വീട്ടിലേക്ക് േപാകുകയായിരുന്നു. അപകടത്തിൽ ഓട്ടോറിക്ഷ പൂർണമായും തകർന്നു. പരിക്കേറ്റ രണ്ടുപേരുടെ നില ഗുരുതരമായി തുടരുകയാണ്. വർഗീസിെൻറ സംസ്കാരം പിന്നീട്. ഭാര്യ: വത്സമ്മ. മക്കൾ: വിജോ വർഗീസ്, വിജിൽ എൽസ വർഗീസ്. മരുമക്കൾ: ജിജി, ക്രിസ്റ്റി.