കാഞ്ഞങ്ങാട്: കാൽനട യാത്രക്കാരൻ ബുള്ളറ്റ് ബൈക്കിടിച്ച് മരിച്ചു. ബേക്കല്‍ കുറുംബ ഭഗവതിക്ഷേത്രത്തിലെ കടവന്‍ ബേക്കൽ വിഷ്ണുമഠം യജമാൻ നഗറിലെ കുഞ്ഞിരാമൻ (65) ആണ് മരിച്ചത്. ഇന്നലെ വൈകുന്നേരം നാലിന് ബേക്കൽ ചിറമ്മൽ സര്‍ക്കാര്‍ സ്കൂളിന് മുന്‍വശം സംസ്ഥാന പാതയിലാണ് അപകടം. പള്ളിക്കര ഭാഗത്തുനിന്ന് കാസർകോട്ടേക്ക് പോകുന്ന ബുള്ളറ്റ് ഇടിക്കുകയായിരുന്നു. സാരമായി പരിക്കേറ്റ
കുഞ്ഞിരാമനെ നാട്ടുകാർ ഉദുമ നഴ്സിങ് ഹോമിലെത്തിച്ച് പ്രഥമ ശുശ്രൂഷ നൽകിയശേഷം വിദഗ്ധ ചികിത്സക്കായി കാസർകോട്ടേക്ക് കൊണ്ടുപോകുന്ന വഴി മരിച്ചു. ഭാര്യ: പാച്ചു. മക്കൾ: ജാനകി, പ്രേമ (കാസർകോട്), സുനിൽ (ദുബൈ), ദേവി, ഗോവിന്ദൻ, ഗോപി, കരുണൻ
പരേതനായ ബാബു. മരുമക്കൾ: ഷക്കീല, ചന്ദ്രൻ (കാസർകോട് ), സുജാത, സൂമീഷ (കണ്ണൂർ), അനിൽ, പരേതനായ സുബ്രഹ്മണ്യൻ.
