2025; വ​രാ​നി​രി​ക്കു​ന്ന​ത് നി​ർ​ണാ​യ​ക രാ​ഷ്ട്രീ​യ മു​ഹൂ​ർ​ത്ത​ങ്ങ​ൾ

ഇ​ന്ത്യ​ക്കും ലോ​ക​ത്തി​നും തെ​ര​ഞ്ഞെ​ടു​പ്പ് വ​ർ​ഷ​മാ​യി​രു​ന്നു 2024. രാ​ജ്യ​ത്തി​ന്റെ രാ​ഷ്ട്രീ​യ ഭാ​വി നി​ർ​ണ​യി​ക്കു​ക പാ​ർ​ല​​മെ​ന്റ് തെ​ര​ഞ്ഞെ​ടു​പ്പാ​കു​മെ​ന്നാ​യി​രു​ന്നു പൊ​തു​വി​ലു​ള്ള വി​ല​യി​രു​ത്ത​ൽ. ബി.​ജെ.​പി​യും പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യും പ​ല​കു​റി അ​വ​കാ​ശ​പ്പെ​ട്ട​തു​പോ​ലെ, മൂ​ന്നി​ൽ ര​ണ്ട് ഭൂ​രി​പ​ക്ഷം നേ​ടി എ​ൻ.​ഡി.​എ​ക്ക് മൂ​ന്നാ​മൂ​ഴം ല​ഭി​ക്കു​മെ​ന്ന ധാ​ര​ണ​യി​ലാ​യി​രു​ന്നു ഈ ​നി​രീ​ക്ഷ​ണം.

എ​ന്നാ​ൽ, തെ​ര​ഞ്ഞെ​ടു​പ്പി​ൽ ബി.​ജെ.​പി​ക്ക് പ്ര​തീ​ക്ഷി​ച്ച​ത്ര ശോ​ഭി​ക്കാ​നാ​വാ​ത്ത​തി​നാ​ൽ ഈ ​വി​ല​യി​രു​ത്ത​ലി​ൽ കാ​ര്യ​മാ​യ പാ​ളി​ച്ച സം​ഭ​വി​ച്ചു. നി​ല​വി​ൽ ഭ​ര​ണം തു​ട​രാ​ൻ, ബി.​ജെ.​പി​ക്ക് സ​ഖ്യ​ക​ക്ഷി​ക​ളെ ആ​ശ്ര​യി​ക്കേ​ണ്ട അ​വ​സ്ഥ​യാ​ണു​ള്ള​ത്.

അ​തു​കൊ​ണ്ടു​ത​ന്നെ, സം​ഘ്പ​രി​വാ​റി​ന്റെ പ്ര​ത്യ​ക്ഷ അ​ജ​ണ്ട​യി​ലേ​ക്ക് 2024ലെ ​തെ​ര​ഞ്ഞെ​ടു​പ്പാ​ന​ന്ത​രം പ്ര​വേ​ശി​ക്കാ​ൻ ബി.​ജെ.​പി​ക്കാ​യി​ല്ല. ഈ ​സാ​ഹ​ച​ര്യ​ത്തി​ൽ ദേ​ശീ​യ രാ​ഷ്ട്രീ​യ​ത്തി​ന്റെ ഗ​തി നി​ർ​ണ​യി​ക്കു​ക 2025 ആ​യി​രി​ക്കു​മെ​ന്ന് വി​ല​യി​രു​ത്ത​ലു​ണ്ട്.

ര​ണ്ട് തെ​ര​ഞ്ഞെ​ടു​പ്പു​ക​ൾ

ഈ ​വ​ർ​ഷം ന​ട​ക്കു​ന്ന ര​ണ്ട് സം​സ്ഥാ​ന തെ​ര​ഞ്ഞെ​ടു​പ്പു​ക​ൾ അ​തി​നി​ർ​ണാ​യ​ക​മാ​ണ്. ഡ​ൽ​ഹി​യി​ലും ബി​ഹാ​റി​ലു​മാ​ണ് തെ​ര​ഞ്ഞെ​ടു​പ്പ് ന​ട​ക്കു​ന്ന​ത്. ര​ണ്ടു തെ​ര​ഞ്ഞെ​ടു​പ്പു​ക​ളും അ​ത​തു സം​സ്ഥാ​ന​ങ്ങ​ളി​ൽ മാ​ത്ര​മ​ല്ല, ദേ​ശീ​യ രാ​ഷ്ട്രീ​യ​ത്തി​ൽ​ത്ത​ന്നെ കാ​ര്യ​മാ​യ മാ​റ്റ​ങ്ങ​ൾ​ക്ക് വ​ഴി​തു​റ​ക്കും.

ബി​ഹാ​റി​ൽ മു​ഖ്യ​മ​ന്ത്രി നി​തീ​ഷ് കു​മാ​റി​ന് തി​രി​ച്ച​ടി നേ​രി​ട്ടാ​ൽ അ​ത് ഒ​രു​പ​ക്ഷേ, എ​ൻ.​ഡി.​എ​യി​ൽ വി​ള്ള​ലു​ക​ൾ​ക്ക് സാ​ധ്യ​ത തു​റ​ന്നേ​ക്കു​മെ​ന്ന് നി​രീ​ക്ഷി​ക്കു​ന്ന​വ​രു​ണ്ട്. സ​മാ​ന​മാ​ണ് ഡ​ൽ​ഹി​യി​ലെ കാ​ര്യ​വും.

നരേന്ദ്ര മോദി, അരവിന്ദ് കെജ്രിവാൾ, നിതീഷ് കുമാർ

 അ​വി​ടെ അ​ര​വി​ന്ദ് കെ​ജ്രി​വാ​ളി​ന് ഭ​ര​ണ​ത്തു​ട​ർ​ച്ച അ​നി​വാ​ര്യ​മാ​ണ്. അ​ല്ലാ​ത്ത​പ​ക്ഷം, അ​ത് പാ​ർ​ട്ടി​യു​ടെ ത​ക​ർ​ച്ച​ക്കു​ത​ന്നെ വ​ഴി​വെ​ക്കും. മ​റു​വ​ശ​ത്ത്, ര​ണ്ടി​ട​ത്തും ഇ​ൻ​ഡ്യ മു​ന്ന​ണി വി​ജ​യി​ച്ചാ​ൽ അ​ത് എ​ൻ.​ഡി.​എ​ക്ക് ദേ​ശീ​യ ത​ല​ത്തി​ൽ​ത്ത​ന്നെ ക്ഷീ​ണം​ ചെ​യ്യും.

ഗ്യാ​ൻ​വാ​പി​യും ആ​രാ​ധ​നാ​ല​യ നി​യ​മ​വും

മ​സ്ജി​ദു​ക​ൾ പി​ടി​ച്ചെ​ടു​ക്കാ​നു​ള്ള സം​ഘ്പ​രി​വാ​ർ നീ​ക്ക​ത്തി​ന് സു​പ്രീം​കോ​ട​തി ത​ൽ​ക്കാ​ലം പൂ​ട്ടി​ട്ടി​രി​ക്കു​ക​യാ​ണ്. ആ​രാ​ധ​നാ​ല​യ നി​യ​മ​ത്തി​ന്റെ സാ​ധു​ത പ​രു​മോ​ന്ന​ത നീ​തി​പീ​ഠം പ​രി​ശോ​ധി​ക്കു​ന്ന​തു​വ​രെ​യാ​ണ് ഈ ​സ്റ്റേ. അ​ഥ​വാ, ഇ​തു​സം​ബ​ന്ധി​ച്ച് സു​പ്രീം​കോ​ട​തി വി​ധി​പ​റ​യു​ന്ന​തോ​ടെ, ‘ത​ർ​ക്ക’ മ​ന്ദി​ര​ങ്ങ​ളു​ടെ​മേ​ലു​ള്ള അ​വ​കാ​ശ​വാ​ദ​ങ്ങ​ളി​ൽ തീ​രു​മാ​ന​മാ​കും.

ഒ​രു​പ​ക്ഷേ, അ​ത് 2025ൽ ​ത​ന്നെ സം​ഭ​വി​ച്ചേ​ക്കാം. ബി.​ജെ.​പി നേ​താ​ക്ക​ൾ ഹ​ര​ജി​യി​ൽ ആ​വ​ശ്യ​പ്പെ​ട്ട കാ​ര്യ​ങ്ങ​ൾ അം​ഗീ​ക​രി​ച്ചു​ള്ള തീ​ർ​പ്പാ​ണ് സു​പ്രീം​കോ​ട​തി​യു​ടേ​തെ​ങ്കി​ൽ, വി​ഷ​യം ഗ്യാ​ൻ​വാ​പി​യി​ലും ശാ​ഹി ഈ​ദ്ഗാ​ഹി​ലും സം​ഭ​ൽ മ​സ്ജി​ദി​ലും ഒ​തു​ങ്ങി​ല്ല.

രാ​ജ്യ​ത്തെ നൂ​റു​ക​ണ​ക്കി​ന് ച​രി​ത്ര​നി​ർ​മി​തി​ക​ളു​ടെ മേ​ൽ സം​ഘ്പ​രി​വാ​ർ അ​വ​കാ​ശ​വാ​ദം ഉ​ന്ന​യി​ക്കും. അ​തി​നാ​ൽ, വ​രും​നാ​ളു​ക​ളി​ൽ സു​പ്രീം​കോ​ട​തി​യു​ടെ ഇ​ട​പെ​ട​ൽ അ​തി​നി​ർ​ണാ​യ​ക​മാ​ണ്.

ര​ണ്ട് ബി​ല്ലു​ക​ൾ

2024ൽ ​പാ​ർ​ല​മെ​ന്റ് ക​ട​ക്കാ​തെ പോ​യ ര​ണ്ട് ബി​ല്ലു​ക​ളു​ണ്ട്. ‘ഒ​റ്റ​ത്തെ​ര​ഞ്ഞെ​ടു​പ്പ്’ ബി​ല്ലും വ​ഖ​ഫ് ബി​ല്ലും. ര​ണ്ടും സം​യു​ക്ത പാ​ർ​ല​മെ​ന്റ​റി സ​മി​തി​യു​ടെ പ​രി​ഗ​ണ​ന​യി​ലാ​ണ്.

ബി.​ജെ.​പി​യു​ടെ പ്ര​ഖ്യാ​പി​ത അ​ജ​ണ്ട​ക​ളാ​ണ് ര​ണ്ട് ബി​ല്ലി​ന്റെ​യും ഉ​ള്ള​ട​ക്ക​മെ​ന്ന​തി​നാ​ൽ അ​വ നി​യ​മ​മാ​ക്കാ​നു​ള്ള ശ്ര​മ​ങ്ങ​ൾ​ക്ക് ഈ ​വ​ർ​ഷ​ത്തെ പാ​ർ​ല​മെ​ന്റ് സ​മ്മേ​ള​ന​ങ്ങ​ൾ സാ​ക്ഷ്യം വ​ഹി​ക്കും. സ്വാ​ഭാ​വി​ക​മാ​യും പ്ര​തി​പ​ക്ഷ​ത്തി​ന്റെ വ​ലി​യ പോ​രാ​ട്ട​ങ്ങ​ളു​മു​ണ്ടാ​കും.

സെ​ൻ​സ​സ്, യു.​സി.​സി

2025ൽ ​സെ​ൻ​സ​സ് ന​ട​ക്കു​മെ​ന്ന് പ്ര​തീ​ക്ഷി​ക്കാം. 2011നു​ശേ​ഷം രാ​ജ്യ​ത്ത് സെ​ൻ​സ​സ് ന​ട​ന്നി​ട്ടി​ല്ല. 2021ൽ ​ന​ട​ക്കേ​ണ്ടി​യി​രു​ന്ന സെ​ൻ​സ​സ് കോ​വി​ഡ് കാ​ര​ണം നീ​ട്ടി​വെ​ക്കു​ക​യാ​യി​രു​ന്നു. എ​ന്നാ​ൽ, പ​ല കാ​ര​ണ​ങ്ങ​ളാ​ൽ പി​ന്നെ​യും സെ​ൻ​സ​സ് ന​ട​ന്നി​ല്ല.

അ​തോ​ടൊ​പ്പം, ജാ​തി സെ​ൻ​സ​സ് ന​ട​ത്ത​ണ​മെ​ന്ന ആ​വ​ശ്യ​വും ഉ​യ​ർ​ന്നി​രു​ന്നു​വെ​ങ്കി​ലും അ​തി​നോ​ട് അ​നു​കൂ​ല​മാ​യി​ട്ട​ല്ല കേ​ന്ദ്രം പ്ര​തി​ക​രി​ച്ചി​ട്ടു​ള്ള​ത്. എ​ന്നാ​ൽ, പു​തി​യ രാ​ഷ്ട്രീ​യ സാ​ഹ​ച​ര്യ​ത്തി​ൽ അ​ത് അ​ന്തി​മ തീ​രു​മാ​ന​മാ​യി ക​ണ​ക്കാ​ക്കാ​നും ക​ഴി​യി​ല്ല.

ഏ​കി​സി​വ​ൽ കോ​ഡ് ന​ട​പ്പാ​ക്കു​മെ​ന്ന് മോ​ദി ആ​വ​ർ​ത്തി​ച്ച് പ്ര​ഖ്യാ​പി​ച്ചി​ട്ടു​ള്ള​താ​ണ്. അ​തി​നു​ള്ള നീ​ക്ക​ങ്ങ​ളും ഈ ​വ​ർ​ഷം പ്ര​തീ​ക്ഷി​ക്കാം.