ന​വ​തി നിറവിൽ ആ വി​കൃ​തി​ക്കു​ട്ടി

കു​ട്ടി​ക​ളെ കേ​ൾ​ക്കാ​നും മ​ന​സ്സി​ലാ​ക്കാ​നും സ​ദാ​സ​ന്ന​ദ്ധ​മാ​യി​രു​ന്ന വി​ദ്യാ​ല​യ​ത്തി​ന്റെ​യും അ​ധ്യാ​പ​ക​ന്റെ​യും ക​ഥ ‘ടോ​ട്ടോ-​ചാ​ൻ ജ​നാ​ല​ക്ക​രി​കി​ലെ വി​കൃ​തി​ക്കു​ട്ടി’ എ​ന്ന പു​സ്ത​ക​ത്തി​ലൂ​ടെ, ലോ​ക​ത്തോ​ടു പ​റ​ഞ്ഞ തെ​ത്‌​സു​കോ കു​റോ​യാ​ന​ഗി എ​ന്ന എ​ഴു​ത്തു​കാ​രി​ക്ക്, ലോ​കം കീ​ഴ​ട​ക്കി​യ കു​ഞ്ഞു ടോ​ട്ടോ​ക്ക് നാ​ളെ 90 വ​യ​സ്സ്‌ തി​ക​യു​ന്നു.

1933 ആ​ഗ​സ്റ്റ് ഒ​മ്പ​തി​ന് ജ​പ്പാ​നി​ലെ നോ​ഗി​സാ​ക്ക​യി​ൽ ജ​നി​ച്ച, ടോ​മോ സ്കൂ​ളി​ൽ കൊ​ബാ​യാ​ഷി മാ​സ്റ്റ​റു​ടെ ശി​ഷ്യ​യാ​യി പ​ഠി​ച്ചും ക​ളി​ച്ചും വ​ള​ർ​ന്ന അ​വ​ർ ലോ​ക​മ​റി​യു​ന്ന ന​ടി​യും ടെ​ലി​വി​ഷ​ൻ അ​വ​താ​ര​ക​യും വേ​ൾ​ഡ് വൈ​ഡ് ഫ​ണ്ട് ഫോ​ർ നേ​ച്ച​ർ ഉ​പ​ദേ​ശ​ക​യും യു​നി​സെ​ഫി​ന്റെ ഗു​ഡ്‌​വി​ൽ അം​ബാ​സ​ഡ​റു​മൊ​ക്കെ​യാ​ണ്.

1953ൽ ​ജ​പ്പാ​നി​ലെ ഔ​ദ്യോ​ഗി​ക ബ്രോ​ഡ്‌​കാ​സ്റ്റി​ങ് തി​യ​റ്റ​ർ ക​മ്പ​നി​യി​ൽ (NHK) ചേ​ർ​ന്ന തെത്‌​സു​കോ 1954-ൽ ​യാം​ബോ നിം​ബോ ടോം​ബോ എ​ന്ന റേ​ഡി​യോ നാ​ട​ക​ത്തി​ലെ പ്ര​ധാ​ന ന​ടി​യാ​യി അ​ര​ങ്ങേ​റ്റം കു​റി​ച്ചു.

1976-ൽ, ​ആ​സാ​ഹി ടെ​ലി​വി​ഷ​ൻ തെ​ത്‌​സു​കോ​സ് റൂം ​എ​ന്ന പ​രി​പാ​ടി (തെ​ത്‌​സു​കോ നോ ​ഹെ​യ എ​ന്ന പേ​രി​ൽ) സം​പ്രേ​ക്ഷ​ണം ചെ​യ്യാ​ൻ തു​ട​ങ്ങി. ഒ​രേ അ​വ​താ​ര​ക​യു​ടെ, ഏ​റ്റ​വും കൂ​ടു​ത​ൽ ത​വ​ണ പ്ര​ക്ഷേ​പ​ണം ന​ട​ത്തി​യ പ​രി​പാ​ടി​യെ​ന്ന നി​ല​യി​ൽ 2011-ൽ ​ഗി​ന്ന​സ് വേ​ൾ​ഡ് റെ​ക്കോ​ഡ്‌​സ് ഈ ​പ്രോ​ഗ്രാ​മി​നെ അം​ഗീ​ക​രി​ച്ചു. 2022-ലെ ​ക​ണ​ക്ക​നു​സ​രി​ച്ച്, അ​തി​ന്റെ 46-ാം വ​ർ​ഷ​ത്തി​ൽ ഇ​ത് 11,000 എ​പ്പി​സോ​ഡു​ക​ൾ പി​ന്നി​ട്ടു.

മാ​ധ്യ​മ-​അ​ഭി​ന​യ മേ​ഖ​ല​യി​ലെ സേവനങ്ങളേ​ക്കാ​ൾ അ​വ​ർ സാം​സ്കാ​രി​ക ലോ​ക​ത്തി​ന് ന​ൽ​കി​യ വ​ലി​യ സം​ഭാ​വ​ന ടോ​​ട്ടോ​ച്ചാ​ൻ എ​ന്ന കു​ഞ്ഞു പു​സ്ത​കം ത​ന്നെ​യാ​ണ്. കു​ട്ടി​ക​ൾ​ക്കൊ​പ്പം നി​ൽ​ക്ക​ണ​മെ​ന്ന് ആ​ഗ്ര​ഹി​ക്കു​ന്ന മു​ഴു​വ​ൻ അ​ധ്യാ​പ​ക​ർ​ക്കും വി​ദ്യാ​ഭ്യാ​സ പ്ര​വ​ർ​ത്ത​ക​ർ​ക്കും സ​ർ​ഗാ​ത്മ​ക വി​ദ്യാ​ഭ്യാ​സ​മെ​ന്ന​ത് സ്വ​പ്ന​ത്തി​ലെ​ങ്കി​ലും കാ​ണാ​ൻ, അത് പ്രേ​ര​ണ​യാ​യി.

1981ൽ ​പു​റ​ത്തി​റ​ങ്ങി​യ പു​സ്ത​ക​ത്തി​ന്റെ ഏ​താ​ണ്ട് എ​ട്ട് ദ​ശ​ല​ക്ഷ​ത്തി​ല​ധി​കം കോ​പ്പി​ക​ൾ ലോ​ക​ത്താ​ക​മാ​ന​മാ​യി വി​റ്റു​പോ​യി. ഏ​താ​ണ്ടെ​ല്ലാ ലോ​ക​ഭാ​ഷ​ക​ളി​ലേ​ക്കും വി​വ​ർ​ത്ത​നം ചെ​യ്യ​പ്പെ​ട്ട ടോ​ട്ടോ​ച്ചാ​ൻ 1984ൽ ​ഇം​ഗ്ലീ​ഷി​ലും 1992ൽ ​മ​ല​യാ​ള​ത്തി​ലു​മി​റ​ങ്ങി. ക​വി അ​ൻ​വ​ർ അ​ലി​യാ​ണ് മ​ല​യാ​ള​ത്തി​ലേ​ക്ക് മൊ​ഴി​മാ​റ്റി​യ​ത്. മ​ല​യാ​ള പ​രി​ഭാ​ഷ​യു​ടെ ആ​ദ്യ പ്ര​സാ​ധ​ക​ർ കേ​ര​ള ശാ​സ്ത്ര​സാ​ഹി​ത്യ പ​രി​ഷ​ത്താ​യി​രു​ന്നു. 1997 മു​ത​ൽ നാ​ഷ​ന​ൽ ബു​ക്ക് ട്ര​സ്റ്റ് (ഡ​ൽ​ഹി) ഈ ​പ​രി​ഭാ​ഷ പു​റ​ത്തി​റ​ക്കു​ന്നു.

ലോ​ക​ത്തെ വി​വി​ധ സ​ർ​വ​ക​ലാ​ശാ​ല​ക​ളു​ടെ​യും വി​ദ്യാ​ല​യ​ങ്ങ​ളു​ടെ​യും അ​ധ്യാ​പ​ക- ര​ക്ഷ​ക​ർ​തൃ പ​രി​ശീ​ല​ന പ​രി​പാ​ടി​ക​ൾ​ക്ക് ഒ​ഴി​ച്ചു​കൂ​ടാ​നാ​വാ​ത്ത പ​ഠ​ന സ​ഹാ​യി​യാ​ണ് ഈ ​പു​സ്ത​കം. തെ​ക്കു​പ​ടി​ഞ്ഞാ​റ​ൻ ടോ​ക്കി​യോ​യി​ലെ പാ​ര​മ്പ​ര്യേ​ത​ര സ്‌​കൂ​ളാ​യ റ്റോ​മോ ഗാ​കു​വെ​ൻ കേ​ന്ദ്രീ​ക​രി​ച്ചു​ള്ള അ​നു​ഭ​വ വി​വ​ര​ണ​മാ​ണി​ത്. തെ​ത്‌​സു​കോ കു​റോ​​യ​ാനഗി അ​വി​ടെ പ​ഠി​ച്ച ര​ണ്ടോ അ​തി​ല​ധി​ക​മോ വ​ർ​ഷ​ങ്ങ​ളു​ടെ ഈ ​വി​വ​ര​ണം ലോ​ക​ത്തെ ദ​ശ​ല​ക്ഷ​ക്ക​ണ​ക്കി​ന് അ​ധ്യാ​പ​ക​ർ​ക്കും വി​ദ്യാ​ഭ്യാ​സ പ്ര​വ​ർ​ത്ത​ക​ർ​ക്കും ആ​വേ​ശം പ​ക​ർ​ന്നു​ന​ൽ​കു​ന്ന പ്ര​ത്യാ​ശ​യു​ടെ പ്ര​കാ​ശം ത​ന്നെ​യാ​ണ്.

ഒ​രു കു​ട്ടി​യു​ടെ കൗ​തു​ക​ങ്ങ​ളെ തീ​രെ മ​ന​സ്സി​ലാ​ക്കാ​നാ​വാ​ത്ത, ടോ​ട്ടോ പ​ഠി​ച്ച ആ​ദ്യ സ്‌​കൂ​ളു​ക​ളി​ലെ ‘അ​ധ്യാ​പ​ക​ർ’ അ​വ​ളു​ടെ ആ​കാം​ക്ഷ​ക​ളെ​യും ചോദ്യങ്ങ​ളെ​യും ‘വ​ൻ കു​റ്റ​ങ്ങ​ളാ​യി’ അ​വ​ത​രി​പ്പി​ച്ച​തോ​ടെ​യാ​ണ് അ​വ​ള്‍ക്കാ​യി ന​ല്ലൊ​രു സ്‌​കൂ​ള്‍ ക​ണ്ടു​പി​ടി​ക്കാ​ന്‍ അ​മ്മ തീ​രു​മാ​നി​ച്ച​ത്.

പ​ഴ​യ തീ​വ​ണ്ടി കോ​ച്ചു​ക​ളി​ലി​രു​ന്ന് കു​ട്ടി​ക​ളും അ​ധ്യാ​പ​ക​രും പ​ഠ​ന പ്ര​വ​ർ​ത്ത​ന​ങ്ങ​ൾ ന​ട​ത്തു​ന്ന, പ്ര​കൃ​തി​യോ​ട് ഏ​റെ ഇ​ണ​ങ്ങി നി​ല്‍ക്കു​ന്ന ‘ടോ​മോ’ വി​ദ്യാ​ല​യം ആ ​അ​മ്മ ക​ണ്തെത്തു​ന്ന​തോ​ടെ ടോ​ട്ടോ​യു​ടെ ജീ​വി​തം മാ​റി​മ​റി​യു​ന്നു. അ​വി​ടെ വെ​ച്ചാ​ണ് അ​വ​ൾ കൊ​ബാ​യാ​ഷി മാ​സ്റ്റ​റെ ആ​ദ്യ​മാ​യി കാ​ണു​ന്ന​ത്. കോ​ട്ടു​വാ​യി​ടു​ക​യോ അ​ശ്ര​ദ്ധ​നാ​യി​രി​ക്കു​ക​യോ ചെ​യ്യാ​തെ, അ​വ​ൾ​ക്ക് പ​റ​യാ​നു​ള്ള​ത് മു​ഴു​വ​നാ​യും കേ​ൾ​ക്കാ​ൻ ത​യാ​റാ​യ മാ​സ്റ്റ​ർ അ​വ​ളോ​ടു പ​റ​ഞ്ഞു: ‘‘ടോ​ട്ടോ, നേ​രാ​യി​ട്ടും നീ​യൊ​രു ന​ല്ല കു​ട്ട്യാ...’’

ഒ​രു കു​ട്ടി​യു​ടെ മ​ന​സ്സി​ലു​ള്ള​തൊ​ക്കെ തു​റ​ന്നു​പ​റ​യാ​ന്‍ അ​വ​സ​രം ന​ല്‍കു​ക​യും അ​വ​ളു​ടെ ഓ​രോ വാ​ക്കു​ക​ളും അ​ത്യ​ന്തം ക്ഷ​മ​യോ​ടെ​യും ഉ​ത്സാ​ഹ​ത്തോ​ടെ​യും കേ​ട്ടി​രി​ക്കു​ക​യും ചെ​യ്ത കൊ​ബാ​യാ​ഷി​മാ​സ്റ്റ​ര്‍ കു​ഞ്ഞു ടോ​ട്ടോ​ക്ക് മാ​​ത്ര​മ​ല്ല, ഈ ​ലോ​ക​ത്തി​നു​ത​ന്നെ ഒ​ര​ത്ഭു​ത​മാ​ണ്. വീ​ട്ടി​ലെ അ​ന്ത​രീ​ക്ഷം, മാ​താ​പി​താ​ക്ക​ൾ, പ​രി​ചാ​ര​ക​ർ, അ​യ​ൽ​പ​ക്ക സ​മൂ​ഹം ഇ​വ​യെ​ല്ലാം ഒ​രു കു​ട്ടി​യു​ടെ വ​ള​ർ​ച്ച​യി​ൽ വ​ലി​യ പ​ങ്കു​വ​ഹി​ക്കു​ന്നു. എ​ന്നാ​ൽ, സ്‌​കൂ​ളും അ​തി​ന്റെ പ​രി​സ​ര​വും അ​ധ്യാ​പ​ക​രും അ​ത്ര​ത​ന്നെ പ്രാ​ധാ​ന്യ​മ​ർ​ഹി​ക്കു​ന്നു​മു​ണ്ട്. കാ​ര​ണം, വി​ദ്യാ​ല​യ​ങ്ങ​ൾ; കു​ട്ടി​യു​ടെ കം​ഫ​ർ​ട്ട് സോ​ണി​ന് പു​റ​ത്തു​ള്ള ആ​ദ്യ അ​നു​ഭ​വ​ങ്ങ​ൾ പ​ക​ർ​ന്നു ന​ൽ​കു​ന്ന ഇ​ട​ങ്ങ​ളാ​യി​രി​ക്കും.

‘കു​ട്ടി​ക​ളെ, എ​ന്തു ചി​ന്തി​ക്ക​ണ​മെ​ന്ന​ല്ല, എ​ങ്ങ​നെ ചി​ന്തി​ക്ക​ണ​മെ​ന്ന് പ​ഠി​പ്പി​ക്ക​ണം’ എ​ന്നു പ​റ​യു​മ്പോ​ൾ, അ​തി​നാ​യി ‘ടോ​മോ ഗ​കു​വെ​ൻ സ്‌​കൂ​ൾ’ അ​വ​രു​ടെ കു​ട്ടി​ക​ൾ​ക്ക് വ​ലി​യ ഇ​ട​ങ്ങ​ൾ അ​വി​ടെ തു​റ​ന്നു ന​ൽ​കു​ന്നു​ണ്ട്.

ടോ​മോ സ്കൂ​ളി​ന് ഒ​രു പാ​ഠ്യ​പ​ദ്ധ​തി​യു​ണ്ടാ​യി​രു​ന്നു, ആ ​ക​രി​ക്കു​ലം കു​ട്ടി​ക​ൾ​ക്കു​വേ​ണ്ടി​യു​ള്ള ഒ​ന്നാ​യി​രു​ന്നു, അ​വ​രെ മാ​ത്രം കേ​ന്ദ്രീ​ക​രി​ച്ചു​ള്ള ഒ​ന്ന്. കു​ട്ടി​ക​ൾ അ​നു​രൂ​പ​പ്പെ​ടു​ന്ന​തി​നു​പ​ക​രം, അ​വ​ർ ആ​സ്വ​ദി​ച്ച പാ​ഠ​ങ്ങ​ളും പ്ര​വ​ർ​ത്ത​ന​ങ്ങ​ളും ആ​സൂ​ത്ര​ണം ചെ​യ്യാ​നു​ള്ള ‘സ്വ​യം​ഭ​ര​ണാ​ധി​കാ​രം’ ടോ​മോ​യി​ലെ കു​ട്ടി​ക​ൾ​ക്ക് ന​ൽ​കി​യി​രു​ന്നു. അ​ധ്യാ​പ​ക​ർ ഒ​രി​ക്ക​ലും അ​ധി​കാ​രി​ക​ളാ​യി​രു​ന്നി​ല്ല, പ​ക​രം കു​ട്ടി​ക​ൾ​ക്ക് മാ​ർ​ഗ​ദ​ർ​ശി​ക​ളാ​യി​യി​രു​ന്നു (Guide), അ​വ​ശ്യ​വേ​ള​യി​ലൊ​ക്കെ കു​ട്ടി​ക​ളു​ടെ സ​ഹാ​യ​ക​ർ (Facilitator) ആ​യി​രു​ന്നു. കു​ഞ്ഞു​ങ്ങ​ൾ​ക്കൊ​പ്പം, എ​പ്പോ​ഴും നി​ൽ​ക്കു​ന്ന ഉ​പ​ദേ​ശ​ക​രു​ടെ (Mentor) റോ​ളും അ​വ​ർ നി​ർ​വ​ഹി​ച്ചു.

ടോ​മോ​യി​ൽ അ​വ​ർ, പു​സ്ത​ക​ങ്ങ​ളി​ൽ​നി​ന്നും പ്ര​ഭാ​ഷ​ണ​ങ്ങ​ളി​ൽ​നി​ന്നും പ​ഠി​ച്ചി​രു​ന്നു​വെ​ങ്കി​ലും യ​ഥാ​ർ​ഥ ലോ​ക​വു​മാ​യി പ​തി​വാ​യി ഇ​ട​പ​ഴ​കി​യി​രു​ന്നു. ഉ​ച്ച​ഭ​ക്ഷ​ണ​വേ​ള​യി​ൽ അ​വ​ർ ന​ല്ല ഭ​ക്ഷ​ണ​ശീ​ല​ങ്ങ​ളെ​ക്കു​റി​ച്ചും വ്യ​ത്യ​സ്ത​ത​രം ഭ​ക്ഷ​ണ​ങ്ങ​ളെ​ക്കു​റി​ച്ചും അ​വ ആ​ര് ഉ​ണ്ടാ​ക്കു​ന്നു​വെ​ന്നും എ​ങ്ങ​നെ ത​യാ​റാ​ക്ക​പ്പെ​ടു​ന്നു​വെ​ന്നും നി​ര​ന്ത​രം മ​ന​സ്സി​ലാ​ക്കി​ക്കൊ​ണ്ടി​രു​ന്നു. ഉ​ച്ച​ക​ഴി​ഞ്ഞു​ള്ള പ​തി​വു ന​ട​ത്ത​ത്തി​ൽ, അ​വ​ർ പ്ര​കൃ​തി​യെ​ക്കു​റി​ച്ചും പ​രി​സ്ഥി​തി​യെ​ക്കു​റി​ച്ചും പ്ര​ദേ​ശ​ത്തി​ന്റെ ച​രി​ത്ര​ത്തെ​ക്കു​റി​ച്ചും പ​ഠി​ച്ചു. സ​ഹ​ജീ​വി സ്നേ​ഹ​ത്തെ കു​റി​ച്ച്, പ​ര​സ്പ​ര​മു​ള്ള പ​ങ്കു​വെ​ക്ക​ലി​നെ കു​റി​ച്ച് ടോ​മോ സ്‌​കൂ​ൾ ആ ​കു​ഞ്ഞു​ങ്ങ​ൾ​ക്ക് വ​ലി​യ അ​നു​ഭ​വ​ങ്ങ​ൾ പ​ക​ർ​ന്നു ന​ൽ​കി.

കു​ട്ടി​ക​ളെ ‘ബ​ഹു​മാ​നി​ക്കു​ന്ന​വ​രെ’ അ​ഥ​വാ ‘അം​ഗീ​ക​രി​ക്കു​ന്ന​വ​രെ’ മാ​ത്ര​മേ അ​ധ്യാ​പ​ക​രു​ടെ ഗ​ണ​ത്തി​ൽ പെ​ടു​ത്താ​ൻ ക​ഴി​യൂ എ​ന്ന​താ​ണ് ആ​ത്യ​ന്തി​ക​മാ​യി ശ​രി! ഈ ​പു​സ്ത​ക​ത്തി​ൽ കു​ഞ്ഞു​ടോ​ട്ടോ​ക്ക് ആ​റോ ഏ​ഴോ വ​യ​സ്സു​ള്ള​പ്പോ​ൾ, ന​ട​ന്ന ഒ​രു സം​ഭ​വം വി​വ​രി​ക്കു​ന്നു​ണ്ട്. വി​ദ്യാ​ല​യ​ത്തി​ലെ വേ​ന​ൽ അ​വ​ധി​ക്ക് അ​ച്ഛ​നു​മൊ​ത്ത് മ​ഞ്ഞു​മ​ല​ക​ളി​ലൊ​രി​ട​ത്ത് താ​മ​സി​ക്കാ​ൻ ടോ​ട്ടോ പോ​കു​ന്നു​ണ്ട്. മ​ഞ്ഞു​പാ​ളി​ക​ളി​ലൂ​ടെ തെ​ന്നി​ത്തെ​ന്നി നീ​ങ്ങു​ന്ന ‘സ്‌​കെ​റ്റി​ങ്’ വി​നോ​ദം ന​ട​ത്താ​ൻ വി​ദേ​ശി​ക​ള​ട​ക്കം നൂ​റു​ക​ണ​ക്കി​ന്‌ ആ​ളു​ക​ൾ അ​വി​ടെ വ​ന്നു​കൂ​ടി​യി​രി​ക്കു​ന്നു. ജി​ജ്ഞാ​സ​യോ​ടെ​യും കൗ​തു​ക​ത്തോ​ടെ​യും ക​റ​ങ്ങി​ന​ട​ക്കു​ന്ന ടോ​ട്ടോ​യെ ക​ണ്ട ഒ​രാ​ൾ അ​ച്ഛ​നോ​ട് അ​വ​ളെ​യും കൊ​ണ്ട് സ്‌​കേ​റ്റി​ങ് ന​ട​ത്താ​ൻ അ​നു​വാ​ദം തേ​ടി; സം​സാ​ര​ത്തി​നൊ​ടു​വി​ൽ അ​ച്ഛ​ൻ അ​തി​ന് സ​മ്മ​തി​ച്ചു. അ​യാ​ൾ​ക്കൊ​പ്പം, ടോ​ട്ടോ വ​ലി​യൊ​രു റെ​യ്ഡ് ന​ട​ത്തി തി​രി​ച്ചു​വ​രു​ന്നു. തീ​ർ​ത്തും അ​ത്ഭു​ത​ക​ര​മാ​യ ആ ​റെ​യ്ഡി​ന്റെ അ​വ​സാ​ന​ത്തി​ൽ അ​വി​ടെ​യു​ണ്ടാ​യി​രു​ന്ന എ​ല്ലാ​വ​രും കൈ​യ​ടി​ച്ച് അ​വ​രെ പ്രോ​ത്സാ​ഹി​പ്പി​ക്കു​ന്നു, അ​ഭി​ന​ന്ദി​ക്കു​ന്നു. ടോ​ട്ടോ​ക്ക് വ​ലി​യ അ​ഭി​മാ​ന​വും സ​ന്തോ​ഷ​വും തോ​ന്നി​യ നി​മി​ഷ​ങ്ങ​ൾ.

ടോ​ട്ടോ​യെ ത​ന്റെ ബെ​ൽ​റ്റി​ൽ​നി​ന്ന് വേ​ർ​പെ​ടു​ത്തി​യ ആ ​അ​പ​രി​ചി​ത​നാ​യ ‘റൈ​ഡ​ർ’ ആ​ദ്യം ചെ​യ്ത​ത് ചു​റ്റു​മു​ള്ള എ​ല്ലാ​വ​രെ​യും, ത​ന്റെ ത​ല​യും ശ​രീ​ര​വും കു​നി​ച്ച് (ജ​പ്പാ​ൻ മാ​തൃ​ക​യി​ൽ) അ​ഭി​വാ​ദ്യം ചെ​യ്യു​ക​യാ​യി​രു​ന്നു. തു​ട​ർ​ന്ന്, തി​രി​ഞ്ഞു​നി​ന്ന് കു​ഞ്ഞു ടോ​ട്ടോ​യെ അ​യാ​ൾ അ​തേ​മ​ട്ടി​ൽ അ​ഭി​വാ​ദ്യം ചെ​യ്തു. ഇ​തേ​ക്കു​റി​ച്ച അ​ധ്യാ​യം ഗ്ര​ന്ഥ​കാ​രി ഇ​ങ്ങ​നെ അ​വ​സാ​നി​പ്പി​ക്കു​ന്നു: ‘‘വ​ർ​ഷ​ങ്ങ​ൾ​ക്കു​ശേ​ഷ​മാ​ണ് ആ ​അ​പ​രി​ചി​ത​ൻ ലോ​ക​പ്ര​സി​ദ്ധ​നാ​യ ഒ​രു സ്കേ​റ്റി​ങ് വി​ദ​ഗ്ധ​നാ​യി​രു​ന്നു​വെ​ന്ന​ത് ഞാ​ൻ തി​രി​ച്ച​റി​ഞ്ഞ​ത്!’’

ലോ​ക​പ്ര​സി​ദ്ധ​നാ​യ ഒ​രാ​ൾ; ത​നി​ക്കൊ​പ്പം സ​ഞ്ച​രി​ച്ച തീ​ർ​ത്തും അ​പ​രി​ചി​ത​യാ​യ ഒ​രു കു​ട്ടി​യെ ബ​ഹു​മാ​ന​ത്തോ​ടെ അ​ഭി​വാ​ദ്യം ചെ​യ്ത​ത് എ​ന്തു​കൊ​ണ്ട്? ഈ ​ചി​ന്ത​യാ​ണ്, ചോ​ദ്യ​മാ​ണ് ഒ​രു അ​ധ്യാ​പ​ക​ൻ​/​കു​ട്ടി​ക​ളെ​ക്കാ​ൾ പ്രാ​യ​മു​ള്ള ആ​ൾ എ​ന്ന നി​ല​യി​ൽ കു​ട്ടി​ക​ളെ എ​ത്ര​ത്തോ​ളം അം​ഗീ​ക​രി​ക്കു​ന്നു​ണ്ട് അ​ഥ​വാ ബ​ഹു​മാ​നി​ക്കു​ന്നു​ണ്ട് എ​ന്ന സ്വ​യം വി​ല​യി​രു​ത്ത​ലി​ന് എ​ന്നെ പ്രാ​പ്ത​നാ​ക്കു​ന്ന​ത്.

‘ടോ​ട്ടോ-​ചാ​ന്റെ’ തൊ​ണ്ണൂ​റാം പി​റ​ന്നാ​ൾ ലോ​ക​ത്തി​ന്റെ പ​ല കോ​ണു​ക​ളി​ലു​ള്ള സാ​ഹി​ത്യ കു​തു​കി​ക​ളും വി​ദ്യാ​ഭ്യാ​സ പ്ര​വ​ർ​ത്ത​ക​രും വ​രും ദി​ന​ങ്ങ​ളി​ൽ പ​ല രീ​തി​യി​ൽ ആ​ച​രി​ക്കും. മ​ല​യാ​ള​ത്തി​ൽ ടോ​ട്ടോ​യെ പ​രി​ച​യ​പ്പെ​ടു​ത്തി​യ ശാ​സ്ത്ര​സാ​ഹി​ത്യ പ​രി​ഷ​ത്തി​ന്റെ മു​ൻ​കൈ​യി​ൽ, പ​രി​ഭാ​ഷ​ക​നെ ഉ​ൾ​പ്പെ​ടെ പ​​ങ്കെ​ടു​പ്പി​ച്ച് വി​പു​ല​മാ​യ പ​രി​പാ​ടി​ക​ൾ ആ​സൂ​ത്ര​ണം ചെ​യ്തി​രി​ക്കു​ന്നു. സ്കൂ​ളു​ക​ളി​ൽ നാ​ട​കാ​വ​ത​ര​ണം, ക​ത്തെ​ഴു​ത്ത്, പ്രഛ​ന്ന​വേ​ഷം തു​ട​ങ്ങി പ​ല രീ​തി​യി​ലു​ള്ള ആ​ഘോ​ഷ/​മ​ത്സ​ര പ​രി​പാ​ടി​ക​ൾ ത​ന്നെ​യു​ണ്ടാ​വും. അ​ധ്യാ​പ​ക​ർ​ക്ക് ടോ​ട്ടോ ചാ​നോ​ട് ത​രി​മ്പ് സ്നേ​ഹ​മു​ണ്ടെ​ങ്കി​ൽ അ​വ​ർ ചെ​യ്യേ​ണ്ട​ത് ആ ​പു​സ്ത​കം പ​ല ആ​വ​ർ​ത്തി വാ​യി​ക്കാ​നും അ​തു മു​ന്നോ​ട്ടു​വെ​ക്കു​ന്ന വി​ദ്യാ​ഭ്യാ​സ വീ​ക്ഷ​ണ​ത്തി​ന്റെ ന​ന്മ​ക​ൾ​ക്ക് ഒ​പ്പം ന​ട​ക്കാ​ൻ ശ്ര​മി​ക്കു​ക​യു​മാ​ണ്. കു​ട്ടി​ക​ളെ മു​ട്ട​ൻ ചൂ​ര​ൽ​കൊ​ണ്ട് ത​ല്ലി അ​വ​ശ​രാ​ക്കു​ക​യും ജാ​തി​യു​ടെ​യും മ​ത​ത്തി​ന്റെ​യും പേ​രി​ൽ വേ​ർ​തി​രി​ക്കു​ക​യും കു​ഞ്ഞു​മ​ന​സ്സു​ക​ളി​ൽ അ​ന്ധ​വി​ശ്വാ​സ​ങ്ങ​ളെ കു​ത്തി​ത്തി​രു​കാ​ൻ ശ്ര​മി​ക്കു​ക​യും ചെ​യ്യു​ന്ന ശീ​ല​ങ്ങ​ൾ​ക്കെ​തി​രാ​യ കൃ​ത്യ​മാ​യ പ്ര​തി​രോ​ധ​വും പൊ​ളി​ച്ചെ​ഴു​ത്തും കൂ​ടി​യാ​ണ് ആ ​പു​സ്ത​കം. ന​മ്മ​ൾ അ​റി​യാ​തെ പോ​കു​മാ​യി​രു​ന്ന ഒ​രു വി​ദ്യാ​ഭ്യാ​സ-​സാ​മൂ​ഹി​ക വി​പ്ല​വ​ത്തെ ലോ​ക​ത്തി​ന് പ​രി​ച​യ​പ്പെ​ടു​ത്തി​ത്ത​ന്ന എ​ഴു​ത്തു​കാ​രി​ക്ക് ഈ ​ന​വ​തി നി​റ​വി​ൽ സ്നേ​ഹാ​ഭി​വാ​ദ്യ​ങ്ങ​ൾ നേ​ര​ട്ടെ!

(റി​ട്ട. അ​ധ്യാ​പ​ക​നും വി​ദ്യാ​ഭ്യാ​സ പ്ര​വ​ർ​ത്ത​ക​നു​മാ​ണ് ലേ​ഖ​ക​ൻ)

v.manoj101@gmail.com