ഭരണം എന്ന സമരം

ആവശ്യക്കാരന്​ ഒൗചിത്യം പാടില്ല എന്നറിഞ്ഞു തന്നെയാണ്​ രണ്ടും കൽപിച്ചു പുതിയ സമരമുറയുമായി ഇറങ്ങിത്തിരിച്ചത്​. അധികാരത്തിലേക്ക്​ വഴിവെട്ടിയതുതന്നെ സമരങ്ങളിലൂടെയായതിനാൽ അക്കാര്യത്തിൽ പുതിയ ആവിഷ്​കാരങ്ങൾക്കും പഞ്ഞമില്ല. ‘ഭരണവും സമരവും’ എന്ന്​ ഇ.എം.എസ്​ സിദ്ധാന്തം ചമച്ചതൊക്കെ കേട്ടറിവേയുള്ളൂ. എന്നാൽ, പൊതുജീവിതത്തിൽ മുക്കാൽ പങ്കും ശീലിച്ചുവശായത്​ സമരമായതിനാൽ ഭരണത്തിലാണെന്നുവെച്ച്​ അത്​ കൈയൊഴിയാൻ വയ്യ. ഭരിക്കുന്ന പ്രദേശം കേന്ദ്രത്തി​​​െൻറ പാട്ടഭൂമിയായതിനാലും കേന്ദ്രത്തിലെ ജന്മി കണ്​ഠകോടാലിയായ ബി.ജെ.പിയായതിനാലും സമരത്തിനു സമയം വേറെ തേടിപ്പോകേണ്ട കാര്യവുമില്ല. അങ്ങനെ സംസ്​ഥാനത്തു ഭരണം തുടങ്ങിയ നാൾതൊ​േട്ട കേന്ദ്രവുമായി കട്ടക്കു നിൽക്കുകയാണ്​ ഡൽഹി മുഖ്യമന്ത്രി അരവിന്ദ്​ കെജ്​രിവാൾ. സമരത്തി​ൽ കൈയൊതുക്കം വശമു​ള്ളയാളാ​െണങ്കിലും ഇത്തവണ കാര്യങ്ങൾ കൈവിട്ടുപോകുമോ എന്ന ശങ്ക ഇല്ലാതില്ല. കഴിഞ്ഞ ആറു ദിവസമായി ലഫ്​റ്റനൻറ്​ ഗവർണറുടെ ഒാഫിസ്​ റൂമിൽ കുത്തിയിരിപ്പുസമരം നടത്തുന്ന കെജ്​രിവാളിനെ ​​മുഖ്യധാരാ മാധ്യമങ്ങളിൽനിന്നു ഒളിപ്പിക്കാനും

സാമൂഹികമാധ്യമങ്ങളിൽ ട്രോളാനും ​െകാണ്ടുപിടിച്ചു ശ്രമിക്കുന്നു​െവന്നല്ലാതെ അദ്ദേഹത്തിനു ചെവികൊടുക്കാൻ ഇതുവരെ കേന്ദ്രം കനിഞ്ഞിട്ടില്ല. അത്ര പെ​െട്ടന്നു കുനി​യാനോ കനിയാനോ പറ്റുന്ന ആവശ്യവുമല്ല കെജ്​രിവാളി​േൻറത്​. അങ്ങനെ നടക്കാ കാര്യം പറയുന്നത്​ കണ്ണെടുത്താൽ കണ്ടുകൂടാത്ത കക്ഷിയാകു​േമ്പാൾ പിന്നെ കണ്ണുചിമ്മാൻ രണ്ടുവട്ടം ആലോചിക്കാനുമില്ല. കെജ്​രിവാൾ കുത്തിയിരിപ്പാണെങ്കിൽ ഉപമുഖ്യമന്ത്രി മനീഷ്​ സിസോദിയയും മന്ത്രി സത്യേ​ന്ദർ ജെയിനും നിരാഹാരത്തിലാണ്​. ഇരുവർക്കും തൂക്കം ഇൗരണ്ടു കിലോ വീതം കുറഞ്ഞിരിക്കുന്നു. ഇതോടെ അവരെ ആശുപത്രിയിലേക്ക്​ മാറ്റി ഇൗ ‘എ.സി സോഫ സമരം’ ഇല്ലാതാക്കാനുള്ള ശ്രമമാണ്​ കേന്ദ്രം നടത്തുന്നത്​.

ചീഫ്​ സെക്രട്ടറി അൻശുപ്രകാശിനെ കഴിഞ്ഞ ഫെബ്രുവരിയിൽ മുഖ്യമന്ത്രിയുടെ ഒാഫിസിൽ വെച്ച്​ ചിലർ കൈയേറിയതാണ്​ ഇപ്പോ
ഴത്തെ കുഴപ്പങ്ങളുടെ തുടക്കമെന്നാണ്​ ശ്രുതി. അതി​​​െൻറ പേരിൽ മുഖ്യമന്ത്രി മാപ്പുപറയണമെന്നാവശ്യപ്പെട്ട്​ അന്നു തുടങ്ങി മെല്ലെപ്പോ
ക്ക്​ സമരം. ‘ആപ്​’ മന്ത്രിമാരുടെ പരിപാടികൾ ബഹിഷ്​കരിക്കുന്നതും അതി​​​െൻറ ഭാഗം. മന്ത്രിമാ​ർ പറയുന്നതു കേൾക്കാൻ ഒാഫിസർമാരില്ലെങ്കിൽ പിന്നെ ഭരണമെങ്ങനെ മുന്നോട്ടു നീങ്ങും? 2016ലെ ഡൽഹി ഹൈകോടതി വിധിയനുസരിച്ച്​ ഡൽഹി ഗവൺമ​​െൻറി​​​െൻറ സർവിസ്​ ഡിപ്പാർട്ടുമ​​െൻറുകളുടെ നിയന്ത്രണാധികാരം ലഫ്​.ഗവർണർക്കാണ്​. അതുവെച്ചാണ്​ ഗവർണർ അനിൽ ബൈജലി​​​െൻറ കളി. നാലുമാസമായി സമരം തുടങ്ങിയിട്ട്​. അത്​ തീർക്കാനുള്ള ശ്രമമില്ല.

ഉ​ദ്യോഗസ്​ഥരോട്​ രേഖാമൂലം നിർദേശം നൽകാൻ അദ്ദേഹം തയാറല്ല. എട്ടുതവണ ഗവർണറുമായി ചർച്ച നടത്തി നോക്കി; എല്ലാം എട്ടിൽ​ പൊട്ടി. സർക്കാറി​​​െൻറ പ്രവർത്തനങ്ങളും പദ്ധതികളുമൊക്കെ നോട്ടായി ഉദ്യോഗസ്​ഥർക്ക്​ നൽകുക, അവരും തിരിച്ചു മറുനോട്ട്​ നൽകുക എന്നതു മാത്രമാണ്​ പ്രവർത്തനത്തിന്​ കോടതി നിശ്ചയിച്ച രീതി. ഗവൺമ​​െൻറ്​ വിവിധ വകുപ്പുകളിൽ നടപ്പാക്കാനു​ദ്ദേശിക്കുന്ന പദ്ധതികൾ സമർപ്പിക്കു​േമ്പാൾ ഇല്ല എന്നും വേണ്ട എന്നും ഉദ്യോഗസ്​ഥർ നോട്ട്​ കുറിച്ചാൽ പോലും അവരെ മന്ത്രിക്ക്​ സ്​ഥാനത്തുനിന്നു നീക്കാനാവില്ല. ഡൽഹി ഹൈകോടതി വിധിക്കെതിരെ സുപ്രീംകോ
ടതിയെ സമീപിച്ചിട്ടുണ്ട്​. കഴിഞ്ഞ വർഷം കോടതി കേസ്​ കേ​െട്ടങ്കിലും കൂടുതൽ വാദങ്ങൾക്കായി മാറ്റിവെച്ചിരിക്കുകയാണ്​. അങ്ങനെ എല്ലാം സ്​തംഭിച്ചിരിക്കു​േമ്പാഴാണ്​ പരിഹാരം തേടി ഗവർണർ പടിക്കലെത്തിയിരിക്കുന്നത്​. 

ഹരിയാനയിലെ സിവാനിയിൽ 1968 ആഗസ്​റ്റിൽ ജനിച്ച ഇലക്​ട്രിക്കൽ എൻജിനീയറായ ഗോവിന്ദ്​റാം കെജ്​രിവാളി​​​െൻറ മകൻ രാഷ്​ട്രീയമല്ല, അച്ഛ​​​െൻറ താവഴിയിൽ എൻജിനീയറിങ്​ തന്നെയാണ്​ അഭ്യസിച്ചത്്. ഗോരഖ്​പുർ ​​െഎ.​െഎ.ടിയിൽ നിന്ന്​ മെക്കാനിക്കൽ എൻജിനീയറായി പുറത്തിറങ്ങി ടാറ്റ സ്​റ്റീൽസിൽ ജോലി നോക്കി. 1992ൽ രാജിവെച്ചത്​ സിവിൽ സർവിസ്​ മോഹത്തിൽ. കിട്ടിയത്​ ഇന്ത്യൻ റവന്യൂ സർവിസിൽ. ആദായനികുതി വകുപ്പിൽ ജോയൻറ്​ കമീഷണറായിരിക്കെയാണ്​ പഠനകാല​ത്ത്​ മദർ​ തെരേസയെ കണ്ട്​ മോഹമുദിച്ച സാമൂഹികസേവനഭ്രമം തലക്കുപിടിക്കുന്നത്​. മിഷനറീസ്​ ഒാഫ്​ ചാരിറ്റിയിൽ തുടങ്ങി നെഹ്​റു യുവ​​​കേന്ദ്ര വരെ നേടിയ അനുഭവങ്ങളിൽ നിന്നു ‘പരിവർത്തൻ’ എന്ന അഴിമതിവിരുദ്ധ എൻ.ജി.ഒക്ക്​ രൂപം നൽകി. ചിട്ടയാർന്ന സർക്കാറേതര സേവനസംരംഭത്തിന്​ 2006ൽ മഗ്​സാസെ അവാർഡി​​​െൻറ രൂപത്തിൽ അംഗീകാരവുമെത്തി. പിന്നെ പബ്ലിക്​ കോസ്​ റിസർച്ച്​ ഫൗണ്ടേഷൻ സ്​ഥാപിച്ച്​ വിവരാവകാശ പ്രവർത്തനത്തി​​​െൻറ അനന്തസാധ്യതകളുപയോഗിച്ച്​ അഴിമതിക്കെതിരെ സജീവമായ കാമ്പയിൻ. ഇത്​ വികസിച്ചാണ്​ ലോക്​പാൽ ബില്ലിലേക്കും അണ്ണാഹസാരെയെ മുന്നിൽനിർത്തിയ ബഹുജനസമരത്തിലേക്കും എത്തുന്നത്​. പിന്നീട്​ രാഷ്​ട്രീയവിസ്​മയമായി ഉദിച്ചുയർന്നതും കിതച്ചതുമൊക്കെ ഏവരുമറിയുന്ന സമീപകാല ചര​ിത്രം. 

ഇന്ത്യ പരിചയിച്ച കക്ഷിരാഷ്​ട്രീയക്കളരിയിലെ വിരുതുകൾ അഭ്യസിക്കാത്തതുകൊണ്ടും ഉന്നത മധ്യവർഗക്കാരും അഭ്യസ്​തവിദ്യരുമായവരുടെ പുതിയൊരു രാഷ്​ട്രീയ പ്രവർത്തനസംസ്​കാരം ആവിഷ്​കരിച്ചു നടപ്പാക്കാനുള്ള ആർജവമുള്ളതുകൊണ്ടും നാട്ടുനടപ്പിലെ രീതിയല്ല രാഷ്​ട്രീയത്തിലിറങ്ങിയ കെജ്​രിവാൾ പയറ്റിയത്​. എന്നാൽ, നിലവിലുള്ളവരെയെല്ലാം മടുത്ത ജനം അദ്ദേഹത്തിനു ചെവികൊടുത്തതിനാൽ രാഷ്​ട്രീയപരീക്ഷണം പാളിയില്ല. തെരഞ്ഞെടുത്ത ജനത്തി​​​െൻറ പ്രതീക്ഷക്കൊത്തുയരാനായില്ല എന്നു തോന്നിയപ്പോൾ കൈയിൽ വന്ന അധികാരം മൂന്നു മാസം കഴിഞ്ഞു ജനത്തിനു തിരിച്ചുകൊടുത്തപ്പോൾ ഹീറോ ആയി വാഴ്​ത്താനും ഭ്രാന്തെന്നു കളിയാക്കാനും ആളുണ്ടായി. സുതാര്യതയാണ്​ ജീവിതത്തി​​​െൻറ മു​ദ്രാവാക്യമായി സ്വീകരിച്ചത്​. അതിനാൽ, എല്ലാം ജനത്തോട്​ പറഞ്ഞാണ്​ ചെയ്​തത്​. അതുകൊണ്ടു രണ്ടാം വട്ടത്തിൽ അവർ മൃഗീയഭൂരിപക്ഷം നൽകി. പക്കാ രാഷ്​ട്രീയക്കാർ ഭരിക്കുന്ന സംസ്​ഥാനങ്ങളിൽ നിന്നു ഭിന്നമായി വേറി​ട്ട പരിഷ്​കരണങ്ങൾ കാഴ്​ചവെക്കാനായി. അങ്ങനെ പേരെടുക്കുന്നതിൽ ​കണ്ണുകടി പലർക്കുമുണ്ട്​. 

ബി.ജെ.പിക്ക്​ അതിത്തിരി കൂടുതലും. അതാണിപ്പോൾ ഉദ്യോഗസ്​ഥരെ കവചമാക്കി കെജ്​രിവാളിനെ തോൽപിക്കാനുള്ള ശ്രമത്തിനു പിന്നിൽ. വല്ലതും ഡൽഹിയിൽ നടത്തണമെങ്കിൽ സ്വതന്ത്ര സംസ്​ഥാനപദവി തന്നെ വേണമെന്ന്​ അദ്ദേഹത്തിനറിയാം. അത്​ ചെയ്യുന്നത്​ ബി.ജെ.പിയെങ്കിൽ അവരെ തുണക്കാനും തയാർ എന്ന നമ്പർ എടുത്തത് അതുകൊണ്ടാണ്​​. അതി​ലെ നർമോക്​തി ഉൗറ്റി വാർത്തയെഴുതിയ ബി.ജെ.പി അനുകൂല മാധ്യമങ്ങൾ അദ്ദേഹത്തെ ​സംഘിയുമാക്കി. രാജ്യതലസ്​ഥാനമായതിനാൽ ഡൽഹിയെ പൂർണാധികാരമുള്ള സംസ്​ഥാനമാക്കി മാറ്റുക അത്രയെളുപ്പമല്ലെന്ന്​ കെജ്​രിവാളും അറിയാതെയാവില്ല. എന്നാൽ, ഏതും പൊതുജന സമ്മർദത്തിലൂടെ മറികടക്കാനാകും എന്നു അതി​​​െൻറ ആനുകൂല്യത്തിൽ അധികാരമേറിയ അദ്ദേഹത്തിനാണല്ലോ അറിയുക. ​ആസന്ന

പൊതുതെരഞ്ഞെടുപ്പിലെ രാഷ്​ട്രീയ സമവാക്യങ്ങളെ സ്വാധീനിക്കാവുന്നിടം വരെ വിഷയ​ം ദേശീയശ്രദ്ധയിലെത്തിക്കാനായി. 2015ലെ തെരഞ്ഞെടുപ്പിൽ 70ൽ 67 സീറ്റിലും ജനം ജയിപ്പിച്ചുവിട്ടത്​ സമര നാടകം കളിക്കാനല്ല, സദ്​ഭരണം കാഴ്​ചവെക്കാനാണ്​ എന്നൊക്കെ ശകാരിച്ച്​ കോൺഗ്രസ്​ നേതാവും മുൻ മുഖ്യമന്ത്രിയുമായ ഷീല ദീക്ഷിത്​ രംഗത്തുവന്നത്​ വെറുതെയല്ല. വാജ്​പേയി കേന്ദ്രത്തിലിരിക്കു​േമ്പാൾ ഭരിച്ചുതന്നെയാണ്​ ഡൽഹി മെ​േട്രാ ​റെയിൽ നടപ്പാക്കിയതെന്നും സി.എൻ.ജി ബസുകൾ നിരത്തിലിറക്കിയതെന്നുമൊക്കെ അവർ ചൂണ്ടിക്കാണിക്കുന്നു. ഷീലക്ക്​ അത്​ പറയാം. അന്നത്തെ വാജ്​പേയിയല്ല ഇന്നത്തെ നരേന്ദ്ര മോദി. പ്രതി​േയാഗികളുമായി​ ഉടക്കാണ്​ ടിയാ​​​െൻറ ഇഷ്​ടവിനോദം. അതിനെ ഉടക്കാൻ ഷീലയുടെ അടവുരാഷ്​ട്രീയം മതിയാവില്ലെന്ന്​ കെജ്​രിവാളിനല്ലേ അറിയൂ. അതിനാണ്​ ഇൗ പുതിയ സമരമുറ. അത്​ ഗവർണറുടെ മനസ്സിളക്കിയില്ലെങ്കിലും ജനത്തി​​​െൻറ മനസ്സിളക്കിയാൽ മതി കെജ്​രിവാളിന്​.