അ​മി​ത്​ ഷാ, ​താങ്കൾ തോ​റ്റു​പോ​യി​രി​ക്കു​ന്നു

രാ​ജ്യ​ത്തെ പൗ​ര​ജ​ന​ങ്ങ​ളെ വി​ഭ​ജി​ക്കാ​ൻ കേ​ന്ദ്ര​സ​ർ​ക്കാ​ർ കൊ​ണ്ടു​വ​ന്ന പൗ​ര​ത്വ നി​യ​മ ഭേ​ദ​ഗ​തി​ക്കെ​തി​രെ അ​തി​ശ​ക്തമാ​യ പ്ര​തി​രോ​ധം തീ​ർ​ത്ത ദേ​ശ​ങ്ങ​ളി​ലൊ​ന്നാ​ണ്​ അ​സം. അ​വി​ടെ സ​മ​ര​ങ്ങ​ൾ​ക്ക്​ നേ​തൃ​ത്വം ന​ൽ​കി​യ യു​വ​ജ​ന-​ക​ർ​ഷ​ക നേ​താ​വും വി​വ​രാ​വ​കാ​ശ പ്ര​വ​ർ​ത്ത​ക​നു​മാ​യ അ​ഖി​ൽ ഗൊ​ഗോ​യി​യെ യു.​എ.​പി.​എ പ്ര​കാ​രം രാ​ജ​​ദ്രോ​ഹ-​ഭീ​ക​ര​വാ​ദ കു​റ്റ​ങ്ങ​ൾ ചു​മ​ത്തി ജ​യി​ലി​ല​ട​ച്ചാ​ണ്​ കേ​ന്ദ്ര​സ​ർ​ക്കാ​ർ പ​ക​രം വീ​ട്ടി​യ​ത്. ജ​യി​ലി​ൽ കി​ട​ന്നുകൊ​ണ്ട്​ അ​സം നി​യ​മ​സ​ഭ​യി​ലേ​ക്ക്​ മ​ത്സ​രി​ച്ച്​ വി​ജ​യി​ച്ച ഗെ​ാ​ഗോ​യി​യെ 18 മാ​സ​ത്തെ ത​ട​വി​നു ശേ​ഷം നി​ര​പ​രാ​ധി​യെ​ന്ന്​ ക​ണ്ട്​ എ​ൻ.​ഐ.​എ കോ​ട​തി കു​റ്റ​​മു​ക്തനാ​ക്കി വി​ട്ട​യ​ച്ചി​രി​ക്കു​ന്നു. മോ​ചി​ത​നാ​യ ശേ​ഷം അ​ദ്ദേ​ഹം 'മാ​ധ്യ​മ'​ത്തി​ന്​ അ​നു​വ​ദി​ച്ച പ്ര​ത്യേ​ക അ​ഭി​മു​ഖ​ത്തി​ൽനി​ന്ന്​

കോ​ട​തിവി​ധി​യെ​ക്കു​റി​ച്ച്​ എ​ന്തു തോ​ന്നു​ന്നു

താ​ങ്ക​ൾ​ക്ക്​ ?

കു​റ്റ​മു​ക്തനാ​യ എ​നി​ക്ക്​ മാ​ത്ര​മ​ല്ല, ഇ​ന്ത്യ​ൻ ജ​നാ​ധി​പ​ത്യ​ത്തി​​നുത​ന്നെ ഇ​ത്​ ഒ​രു ച​രി​ത്ര വി​ധി​യാ​ണ്. ഇ​ത്​ ഒ​രു അ​ത്ഭുത​മാ​ണെ​ന്നാ​ണ്​ ഞാ​ൻ എ​െ​ൻ​റ വ​ക്കീ​ലി​നോ​ട്​ പ​റ​ഞ്ഞ​ത്. ഇ​ത്ര ശക്തമാ​യ ഒ​രു വി​ധി വ​രു​മെ​ന്ന്​ സ്വ​പ്​​നേ​പി ക​രു​തി​യി​രു​ന്നി​ല്ല. രാ​ജ്യ​മെ​മ്പാ​ടും അ​പ്ര​ഖ്യാ​പി​ത അ​ടി​യ​ന്തരാ​വ​സ്​​ഥ ന​ട​മാ​ടു​ന്ന കാ​ല​മാ​ണ്.​ അ​ടി​ച്ച​മ​ർ​ത്ത​ലും പ​ക​പോ​ക്ക​ലും മാ​ത്ര​മാ​ണ്​ ന​മു​ക്ക്​ ചു​റ്റി​ലും.​ ജ​നാ​ധി​പ​ത്യ​ത്തി​െ​ൻ​റ ക​ണി​കപോ​ലും ഇ​ന്ത്യ​ൻ രാ​ഷ്​​ട്രീ​യ അ​ന്ത​രീ​ക്ഷ​ത്തി​ൽ അ​നു​വ​ദി​ക്കി​ല്ല എ​ന്ന വാ​ശി​യി​ലാ​ണ്​ ഭ​ര​ണ​കൂ​ടം. അ​തി​നി​ട​യി​ലും നീ​തി​ന്യാ​യ വ്യ​വ​സ്​​ഥ സ്വാ​ത​ന്ത്ര്യ​ത്തോ​ടെ നി​ല​നി​ൽ​ക്കു​ന്നു എ​ന്ന ബോ​ധ്യ​വും പ്ര​തീ​ക്ഷ​യും പ​ക​രു​ന്നു​ണ്ട്​ ഈ ​വി​ധി.

ഇ​ത്ര കാ​ല​ത്തെ ജ​യി​ൽവാ​സ​ത്തി​നു ശേ​ഷ​വും താ​ങ്ക​ളു​ടെ മു​ഖ​ത്തെ ചി​രി മാ​ഞ്ഞി​ട്ടി​ല്ല, അ​ഖി​ൽഗൊ​ഗോ​യ്​ പൂ​ർ​ണ സ​ന്തു​ഷ്​​ട​നാ​ണ്​ എ​ന്ന്​ ക​രു​താ​മോ?

കു​റ്റ​മുക്തനാ​ക്കി​യ വി​ധി എനിക്ക്​ സം​തൃ​പ്​​തി പ​ക​രു​ന്നു​ണ്ട്, പ​ക്ഷേ പൂ​ർ​ണ​മാ​യി സ​ന്തോ​ഷി​ക്കാ​ൻ സ​മ​യ​മാ​യി​ട്ടി​ല്ല. ഞാ​ൻ മാ​ത്ര​മ​ല്ല​ല്ലോ രാ​ജ്യ​മൊ​ട്ടു​ക്ക്​ എ​ത്ര​മാ​ത്രം ജ​ന​കീ​യ-​പൗ​രാ​വ​കാ​ശ രാ​ഷ്​​ട്രീ​യ പ്ര​വ​ർ​ത്ത​ക​രാ​ണ്​ രാ​ജ്യ​ദ്രോ​ഹ​ത്തി​െ​ൻ​റ ചാ​പ്പ​യ​ടി​ക്ക​പ്പെ​ട്ട്​ യു.​എ.​പി.​എ ചു​മ​ത്ത​പ്പെ​ട്ട്​ ജ​യി​ലു​ക​ളി​ൽ കു​ടു​ങ്ങി​പ്പോ​യ​ത്. അ​വ​രും വൈ​കാ​തെ മോ​ചി​ത​രാ​കേ​ണ്ട​തു​ണ്ട്. അ​വ​രു​ടെ മോ​ച​നം എ​െ​ൻ​റ അ​ജ​ണ്ട​ക​ളി​ൽ പ്ര​ധാ​ന​പ്പെ​ട്ട​താ​ണ്.

ഭീ​ക​ര​വാ​ദ വി​രു​ദ്ധ നി​യ​മ​ങ്ങ​ൾ അ​തി ഭീ​ക​ര​മാംവി​ധം ദു​രു​പ​യോ​ഗം ചെ​യ്യ​പ്പെ​ടു​ന്നു​ണ്ട്. ഏ​റെ​യും നി​ര​പ​രാ​ധി​ക​ളെ​യാ​ണ്​ സ​ർ​ക്കാ​ർ പി​ടി​കൂ​ടി തു​റ​ങ്കി​ല​ട​ക്കു​ന്ന​ത്. യു.​എ.​പി.​എ പ്ര​കാ​രം ക​ള്ള​ക്കേ​സി​ൽ കു​ടു​ക്ക​പ്പെ​ട്ട​വ​രു​ടെ മോ​ച​ന​ത്തി​നാ​യി ഒ​രു രാ​ജ്യ​വ്യാ​പ​ക മു​ന്നേ​റ്റം ആ​രം​ഭി​ക്ക​ണ​മെ​ന്നാ​ണ്​ ഞാ​ൻ ആ​ഗ്ര​ഹി​ക്കു​ന്ന​ത്.

ജ​യി​ലി​ൽനി​ന്ന്​ മ​ത്സ​രി​ച്ച്​ നി​യ​മ​സ​ഭ​യി​ലേ​ക്ക്​ തെ​ര​ഞ്ഞെ​ടു​ക്ക​പ്പെ​ട്ടു, ഇ​പ്പോ​ൾ ജ​യി​ലി​ൽനി​ന്ന്​ മോ​ചി​ത​നാ​ക്ക​പ്പെ​ട്ടു- അ​ടി​ക്ക​ടി ര​ണ്ട്​ വി​ജ​യ​ങ്ങ​ളാ​ണ്​ താ​ങ്ക​ളെ​ത്തേ​ടി​യെ​ത്തി​യി​രി​ക്കു​ന്ന​ത്​- എ​ന്തു തോ​ന്നു​ന്നു?

എ​ന്നെ ക​ള്ള​ക്കേ​സി​ൽ കു​ടു​ക്കു​ക​യാ​യി​രു​ന്നു​വെ​ന്ന്​ ഇ​പ്പോ​ൾ രാ​ജ്യ​ത്തി​ന്​ ബോ​ധ്യ​പ്പെ​ട്ടി​രി​ക്കു​ന്നു. ഈ ​കേ​സ്​ കെ​ട്ടി​ച്ച​മ​ക്കാ​ൻ നേ​തൃ​ത്വം ന​ൽ​കി​യ, പൊ​തു​വേ​ദി​ക​ളി​ൽ എ​ന്നെ ഭീ​ക​ര​നാ​യും രാ​ജ്യ​ദ്രോ​ഹി​യാ​യും ചി​ത്രീ​ക​രി​ച്ച കേ​ന്ദ്ര ആഭ്യ​ന്ത​ര മ​ന്ത്രി അ​മി​ത്​ ഷാ, ​അ​സം മു​ഖ്യ​മ​ന്ത്രി ഹി​മ​ന്ത ബി​സ്വ ശർ​മ എ​ന്നി​വ​ർ ത​രി​മ്പ്​ രാ​ഷ്​​ട്രീ​യ മാ​ന്യ​ത അ​വ​രി​ൽ അ​വ​ശേ​ഷി​ക്കു​ന്നു​വെ​ങ്കി​ൽ രാ​ജി​വെ​ക്ക​ണം. എ​ൻ.​ഐ.​എ ചു​മ​ത്തി​യ ര​ണ്ട്​ കേ​സു​ക​ളും വ്യാ​ജ​മാ​ണെ​ന്ന്​ തെ​ളി​ഞ്ഞ സാ​ഹ​ച​ര്യ​ത്തി​ൽ എ​ൻ.​ഐ.​എ ഡ​യ​റ​ക്​​ട​ർ ജ​ന​റ​ലും അ​ടി​യ​ന്തര​മാ​യി സ്​​ഥാ​ന​മൊ​ഴി​യാ​നു​ള്ള മ​ര്യാ​ദ കാ​ണി​ക്ക​ണം.

തെ​ര​ഞ്ഞെ​ടു​പ്പ്​ വി​ജ​യ​ത്തെ​ക്കു​റി​ച്ച്​ പ​റ​യു​ക​യാ​ണെ​ങ്കി​ൽ രാ​ജ്യ​വും സം​സ്​​ഥാ​ന​വും ഭ​രി​ക്കു​ന്ന മേ​ലാ​ള​ൻ​മാ​ർ വ​ന്ന്​ എ​ന്തൊ​ക്കെ അ​പ​വാ​ദ​ങ്ങ​ൾ പ​റ​ഞ്ഞി​ട്ടും ജ​ന​ങ്ങ​ൾ​ക്ക്​ വി​ശ്വാ​സം എ​ന്നെ​യാ​യി​രു​ന്നു​വെ​ന്ന്​ തെ​ളി​യി​ക്ക​പ്പെ​ടു​ക​യാ​യി​രു​ന്നു. എ​െ​ൻ​റ അ​മ്മ​യാ​ണ്​ എ​നി​ക്കുവേ​ണ്ടി സം​സാ​രി​ച്ച​തും പ്ര​ചാ​ര​ണം ന​യി​ച്ച​തും. ശി​ബ്​​സാ​ഗ​ർ മ​ണ്ഡ​ല​ത്തി​ലെ മാ​ത്ര​മ​ല്ല, അ​സ​മി​ലെ മു​ഴു​വ​ൻ ജ​ന​ങ്ങ​ളോ​ടും ഞാ​ൻ ക​ട​പ്പെ​ട്ടി​രി​ക്കു​ന്നു. അ​സ​മി​ന്​ പു​റ​ത്തു​ള്ള രാ​ജ്യ​ത്തി​െ​ൻ​റ വി​വി​ധ കോ​ണു​ക​ളി​ലു​ള്ള മ​നു​ഷ്യസ്​​നേ​ഹി​ക​ളും എ​െ​ൻ​റ വി​ജ​യം ആ​ഗ്ര​ഹി​ച്ചി​രു​ന്നു, മോ​ച​ന​ത്തി​നാ​യി ശ​ബ്​​ദ​മു​യ​ർ​ത്തി​യി​രു​ന്നു. അ​വ​രോ​ടും എ​െ​ൻ​റ സ്​​നേ​ഹം അ​റി​യി​ക്കു​ന്നു.

ആ​ദ്യ നി​യ​മ​സ​ഭ സ​മ്മേ​ള​ന​ത്തി​ൽ അ​സം മു​ഖ്യ​മ​ന്ത്രി താ​ങ്ക​ൾ മാ​ന​സി​കാ​രോ​ഗ്യ ചി​കി​ത്സ​യി​ലാ​ണ്​ എ​ന്ന്​ സ​ഭ​യി​ൽ പ്ര​ഖ്യാ​പി​ച്ച​ത്​ ശ്ര​ദ്ധി​ച്ചി​രു​ന്നോ

ഉ​വ്വ്, ഞാ​ന​ത​റി​ഞ്ഞി​രു​ന്നു. ഒ​രു മ​നു​ഷ്യ​നെ മനോരോ​ഗി എ​ന്ന്​ വി​ളി​ക്കാ​ൻ ആ​ർ​ക്കും അ​ധി​കാ​ര​മി​ല്ല. മു​ഖ്യ​മ​ന്ത്രി മാ​ത്ര​മ​ല്ല, സം​സ്​​ഥാ​ന​​ത്തി​െ​ൻ​റ ആ​രോ​ഗ്യ​വ​കു​പ്പ്​ കൈ​യാ​ളി​യി​രു​ന്ന വ്യ​ക്തി​യാ​യി​രു​ന്നു താ​നെ​ന്ന്​ ഹി​മ​ന്ത മ​റ​ന്നു​പോ​ക​രു​ത്. പ​ര​സ്യ​മാ​യി എ​ന്നെ മ​നോ​രോ​ഗി എ​ന്ന്​ വി​ളി​ക്കു​ക വ​ഴി മാ​ന​സി​കാ​രോ​ഗ്യ നി​യ​മ പ്ര​കാ​രം ഒ​രു കു​റ്റ​കൃ​ത​മാ​ണ്​ അ​ദ്ദേ​ഹം ചെ​യ്​​തി​രി​ക്കു​ന്ന​ത്. അ​ങ്ങനെ വി​ളി​ച്ച​തുകൊ​ണ്ട്​ എ​നി​ക്കൊ​ന്നും സം​ഭ​വി​ക്കാ​നി​ല്ല, ​പ​ക്ഷേ, അ​ദ്ദേ​ഹ​ത്തി​െ​ൻ​റ സ്വ​ഭാ​വം ലോ​ക​ത്തി​നു​ ​മു​ന്നി​ൽ വെ​ളി​പ്പെ​ടു​ക​യും ചെ​യ്​​തി​രി​ക്കു​ന്നു. അ​തി​ൽ​കൂ​ടു​ത​ലൊ​ന്നും പ​റ​യാ​നി​ല്ല.

നി​യ​മ​സ​ഭ സാ​മാ​ജി​ക​ൻ എ​ന്ന നി​ല​യി​ൽ എ​ന്തൊ​ക്കെ​യാ​ണ്​ പ​ദ്ധ​തി​ക​ൾ?

പൗ​ര​ത്വ നി​യ​മ ഭേ​ദ​ഗ​തി ന​ട​പ്പാ​ക്കു​ന്ന​തി​നെ​തി​രാ​യ ചെ​റു​ത്തു​നി​ൽ​പുത​ന്നെ​യാ​ണ്​ പ്ര​ധാ​ന പ​ദ്ധ​തി. രാ​ജ്യ​ത്തി​െ​ൻ​റ ഫെ​ഡ​റ​ൽ സം​വി​ധാ​നം അ​പ​ക​ട​പ്പെ​ടു​ത്താ​നു​ള്ള നീ​ക്ക​ങ്ങ​ൾ​ക്കെ​തി​രെ പ്ര​തി​ക​രി​ക്കും. ക​ർ​ഷ​ക​രു​ടെ​യും ആ​ദി​വാ​സി​ക​ളു​ടെ​യും ഭൂ ​അ​വ​കാ​ശ​ത്തി​നുവേ​ണ്ടി എ​ക്കാ​ല​ത്തും ശ​ബ്​​ദ​മു​യ​ർ​ത്തി​യ ആ​ളാ​ണ്​ ഞാ​ൻ. അ​ത്​ തു​ട​രും.​ ഏ​റെ സാം​സ്​​കാ​രി​ക സ​വി​ശേ​ഷ​ത​ക​ളു​ള്ള നാ​ടാ​യ അ​സ​മി​നെ മ​റ്റൊ​രു ഉ​ത്ത​ർ പ്ര​ദേ​ശ്​ ആ​ക്കി​ത്തീ​ർ​ക്കാ​നു​ള്ള സ​ർ​ക്കാ​ർ ശ്ര​മ​ത്തി​നെ​തി​രെ ശ​ക്തമാ​യി നി​ല​കൊ​ള്ളും. നോ​ക്കൂ, ഇ​വി​ടെ സ​ർ​ക്കാ​റി​ന്​ ഒ​രേ ഒ​രു അ​ജ​ണ്ട​യേ ഉ​ള്ളൂ- ന്യൂ​ന​പ​ക്ഷ​ങ്ങ​ളെ ആ​ട്ടി​പ്പു​റ​ത്താ​ക്ക​ണം. അ​തി​നു വേ​ണ്ടി അ​വ​രെ ഭീ​ക​ര​വ​ത്​​ക​രി​ക്കാ​നും അ​ടി​ച്ചു​താ​ഴ്​​ത്താ​നും ആ​ഞ്ഞ്​ പ​രി​ശ്ര​മി​ക്കു​ന്നു. അ​തി​നെ​തി​രെ ശ​ബ്​​ദ​മു​യ​ർ​ത്ത​ണം, അ​സ​മി​െ​ൻ​റ​യും ഇ​ന്ത്യ​യു​ടെ​യും മ​തേ​ത​ര-ജ​നാ​ധി​പ​ത്യ സ്വ​ഭാ​വം സം​ര​ക്ഷി​ക്ക​പ്പെ​ട​ണം.