തീക്കളിയാകുമോ അഗ്നിപഥ്

'ടൂ​റി​സ്റ്റ് സൈ​നി​ക​ർ' സേ​ന​യു​ടെ ധാ​ർ​മി​ക​ത​യെ​യും ഫ​ല​പ്രാ​പ്തി​യെ​യും പ്ര​തി​കൂ​ല​മാ​യി ബാ​ധി​ക്കു​മെ​ന്ന് വി​ശ്വ​സി​ക്കു​ന്ന, സ​ർ​വി​സി​ലു​ള്ള​വ​രും വി​ര​മി​ച്ച​വ​രു​മാ​യ ഉ​ദ്യോ​ഗ​സ്ഥ​രു​ടെ എ​തി​ർ​പ്പി​നെ അ​വ​ഗ​ണി​ച്ച്, സൈ​ന്യ​ത്തി​ലേ​ക്കു​ള്ള പു​തി​യ ഹ്ര​സ്വ​കാ​ല റി​ക്രൂ​ട്ട്‌​മെ​ന്റ് ന​യം പ്ര​ഖ്യാ​പി​ക്കാ​നു​ള്ള ഒ​രു​ക്ക​ത്തി​ലാ​ണ് കേ​ന്ദ്ര സ​ർ​ക്കാ​ർ.

ഇ​ന്ത്യ​ൻ സാ​യു​ധ സേ​ന​യു​ടെ, പ്ര​ത്യേ​കി​ച്ച് പ​ദ്ധ​തി ആ​ദ്യ​മാ​യി ന​ട​പ്പാ​ക്കു​മെ​ന്ന് ക​രു​ത​പ്പെ​ടു​ന്ന ക​ര​സേ​ന​യു​ടെ സ്വ​ഭാ​വ​ത്തെ ത​രം​താ​ഴ്ത്തു​മെ​ന്നും ക​രു​തു​ന്ന​തി​നാ​ൽ തു​ട​ങ്ങും മു​മ്പു​ത​ന്നെ ഇ​തു​സം​ബ​ന്ധി​ച്ച് മു​ന്ന​റി​യി​പ്പും ന​ൽ​കു​ന്നു​ണ്ട്. സേ​ന​യെ​ന്ന​ത് ആ​ന​ന്ദ​വും താ​ൽ​ക്കാ​ലി​ക ജോ​ലി​യും തേ​ടു​ന്ന ആ​ളു​ക​ൾ​ക്കു​ള്ള 'സാ​ഹ​സി​ക ക്യാ​മ്പ്' അ​ല്ലെ​ന്ന​തി​നാ​ൽ പു​തി​യ പ​ദ്ധ​തി ന​ട​പ്പാ​ക്കും​മു​മ്പ് ഗൗ​ര​വ​മാ​യ പു​ന​ർ​ചി​ന്ത​നം ന​ട​ത്ത​ണ​മെ​ന്നു​പോ​ലും ര​ണ്ട് ന​ക്ഷ​ത്ര​ങ്ങ​ളു​ള്ള ഒ​രു ക​ര​സേ​ന ഉ​ദ്യോ​ഗ​സ്ഥ​ൻ സ​ർ​ക്കാ​റി​നെ ഉ​പ​ദേ​ശി​ച്ചു.

യ​ശ​ശ്ശ​രീ​ര​നാ​യ സം​യു​ക്ത സേ​ന മേ​ധാ​വി ജ​ന​റ​ൽ ബി​പി​ൻ റാ​വ​ത്തി​ന്റെ നേ​തൃ​ത്വ​ത്തി​ൽ സൈ​നി​ക​കാ​ര്യ വി​ഭാ​ഗം വി​ഭാ​വ​നം ചെ​യ്ത​താ​ണ് ടൂ​ർ ഓ​ഫ് ഡ്യൂ​ട്ടി എ​ന്ന​റി​യ​പ്പെ​ടു​ന്ന, അ​ഗ്നി​പ​ഥ് റി​ക്രൂ​ട്ട്മെ​ന്റ് സ്കീം ​എ​ന്ന് പേ​രി​ട്ടി​രി​ക്കു​ന്ന ഈ ​പ​ദ്ധ​തി. വാ​ർ​ഷി​ക പ്ര​തി​രോ​ധ ബ​ജ​റ്റി​ൽ വ​ർ​ധി​ച്ചു​വ​രു​ന്ന പെ​ൻ​ഷ​ൻ ചെ​ല​വ് കു​റ​ച്ച്, ദീ​ർ​ഘ​കാ​ല​മാ​യി മാ​റ്റി​വെ​ച്ചി​രി​ക്കു​ന്ന സൈ​നി​ക ന​വീ​ക​ര​ണ​ത്തി​ന് പ​ണം വ​ക​യി​രു​ത്തു​ക​യാ​ണ് പ​ദ്ധ​തി​യു​ടെ ല​ക്ഷ്യം. ജ​ന​റ​ൽ റാ​വ​ത്തി​ന്റെ വി​യോ​ഗ​ശേ​ഷം ക​ര​സേ​ന​യി​ലെ അ​ഡീ​ഷ​ന​ൽ സെ​ക്ര​ട്ട​റി റാ​ങ്കി​ലു​ള്ള ഒ​രു ഉ​ദ്യോ​ഗ​സ്ഥ​നാ​ണ് സൈ​നി​ക​കാ​ര്യ വി​ഭാ​ഗ​ത്തി​ന്റെ ത​ല​പ്പ​ത്ത്.

ഓ​ഫി​സ​ർ റാ​ങ്കി​ന് താ​ഴെ​യു​ള്ള ത​സ്തി​ക​യി​ലേ​ക്ക് നാ​ലു​വ​ർ​ഷ ക​രാ​ർ നി​യ​മ​നം ന​ട​ത്തു​ന്ന​തു സം​ബ​ന്ധി​ച്ച് ക​ഴി​ഞ്ഞ വാ​രാ​ന്ത്യ​ത്തി​ൽ മൂ​ന്ന് സേ​നാ മേ​ധാ​വി​ക​ളും പ്ര​ധാ​ന​മ​ന്ത്രി മു​മ്പാ​കെ വി​ശ​ദീ​ക​രി​ച്ച​താ​യാ​ണ് അ​റി​യു​ന്ന​ത്. നാ​ലു​വ​ർ​ഷ​ത്തി​നു​ശേ​ഷം പി​രി​ച്ച​യ​ക്ക​പ്പെ​ടു​ന്ന ജ​വാ​ന്മാ​രി​ൽ ഒ​രു​ഭാ​ഗ​ത്തെ മു​ഴു​വ​ൻ സ​മ​യ സേ​വ​ന​ത്തി​നാ​യി വീ​ണ്ടും സൈ​ന്യ​ത്തി​ലേ​ക്കെ​ടു​ക്കും. അ​ങ്ങ​നെ പെ​ൻ​ഷ​ൻ ചെ​ല​വ് കു​റ​ക്കാ​നാ​ണ് പ​ദ്ധ​തി. ഏ​റെ പ​തി​റ്റാ​ണ്ടു​ക​ളാ​യി ന​മ്മു​ടെ പ്ര​തി​രോ​ധ ബ​ജ​റ്റി​ന്റെ അ​ഞ്ചി​ലൊ​ന്ന് ചെ​ല​വി​ടു​ന്ന​ത് പെ​ൻ​ഷ​ൻ ആ​വ​ശ്യ​ങ്ങ​ൾ​ക്കാ​യാ​ണ്. വി​ര​മി​ച്ച ഉ​ദ്യോ​ഗ​സ്ഥ​ർ ന​ട​ത്തി​യ പ്ര​ക്ഷോ​ഭ​ങ്ങ​ളു​ടെ ഫ​ല​മാ​യി ഈ​യ​ടു​ത്ത കാ​ല​ത്ത് പെ​ൻ​ഷ​ൻ ചെ​ല​വി​ൽ വ​ർ​ധ​ന​വു​മു​ണ്ടാ​യി. 2022-23 സാ​മ്പ​ത്തി​ക വ​ർ​ഷ​ത്തെ പ്ര​തി​രോ​ധ ചെ​ല​വ് 525,166 കോ​ടി രൂ​പ​യാ​ണെ​ങ്കി​ൽ പെ​ൻ​ഷ​നു​വേ​ണ്ടി നീ​ക്കി​വെ​ച്ച​ത് 119,696 കോ​ടി രൂ​പ​യാ​ണ്. അ​താ​യ​ത്, 22.79 ശ​ത​മാ​നം. ഉ​പ​ക​ര​ണ​ങ്ങ​ളു​ടെ അ​ഭാ​വ​വും അ​പ​ര്യാ​പ്ത​മാ​യ ഉ​പ​ക​ര​ണ​ങ്ങ​ളു​ടെ ന​വീ​ക​ര​ണ​ത്തി​നോ വേ​ണ്ട​ത്ര തു​ക നീ​ക്കി​വെ​ക്കാ​നും തി​ക​യാ​താ​വു​ന്നു. കോ​വി​ഡ് മ​ഹാ​മാ​രി മൂ​ലം ര​ണ്ടു​വ​ർ​ഷ​മാ​യി മു​ട​ങ്ങി​യി​രി​ക്കു​ക​യാ​ണ് സൈ​നി​ക റി​ക്രൂ​ട്ട്മെ​ന്റ്. ആ​ദ്യം ക​ര​സേ​ന​യി​ലും തു​ട​ർ​ന്ന് നാ​വി​ക സേ​ന​യി​ലും പി​ന്നീ​ട് വ്യോ​മ​സേ​ന​യി​ലു​മാ​ണ് ടൂ​ർ ഓ​ഫ് ഡ്യൂ​ട്ടി പ​ദ്ധ​തി ന​ട​പ്പാ​ക്കു​ക. ആ​റു​മാ​സം പ​രി​ശീ​ല​നം ന​ൽ​കി​യ ശേ​ഷ​മാ​ണ് ഈ ​സൈ​നി​ക​രെ വി​വി​ധ യൂ​നി​റ്റു​ക​ളി​ലേ​ക്ക് വി​ന്യ​സി​ക്കു​ക.

സൈ​നി​ക സേ​വ​ന​ത്തി​നാ​യി തി​ര​ഞ്ഞെ​ടു​ക്ക​പ്പെ​ട്ട ഇ​വ​രെ 48 മാ​സ​ത്തി​നു​ശേ​ഷം പി​രി​ച്ചു​വി​ടും. ഏ​താ​നും മാ​സ​ത്തെ ഇ​ട​വേ​ള​ക്കു​ശേ​ഷം അ​വ​രി​ൽ നാ​ലി​ലൊ​ന്നു​പേ​രെ പെ​ൻ​ഷ​ൻ, ആ​രോ​ഗ്യ പ​രി​ര​ക്ഷ, സ​ബ്സി​ഡി, റി​ട്ട​യ​ർ​മെ​ന്റ് ആ​നു​കൂ​ല്യ​ങ്ങ​ൾ എ​ന്നി​വ​യെ​ല്ലാം സ​ഹി​തം സ്ഥി​രം സ​ർ​വി​സി​ലേ​ക്കെ​ടു​ക്കും.

അ​വ​രു​ടെ അ​തു​വ​രെ​യു​ള്ള സ​ർ​വി​സ് ശ​മ്പ​ള​വും പെ​ൻ​ഷ​നും നി​ർ​ണ​യി​ക്കു​മ്പോ​ൾ പ​രി​ഗ​ണി​ക്കു​ക​യി​ല്ല. ബാ​ക്കി വ​രു​ന്ന പി​രി​ച്ചു​വി​ട​പ്പെ​ട്ട 75 ശ​ത​മാ​നം പേ​ർ​ക്ക് മ​റ്റു ജോ​ലി​ക​ൾ​ക്കാ​വ​ശ്യ​മാ​യ വൈ​വി​ധ്യ​മാ​ർ​ന്ന പ​രി​ശീ​ല​ന​ങ്ങ​ൾ​ക്കു​പു​റ​മെ പ​ത്തു​ല​ക്ഷ​ത്തോ​ളം രൂ​പ​യു​ടെ ഗ്രാ​റ്റു​വി​റ്റി ആ​നു​കൂ​ല്യം ല​ഭി​ക്കും. അ​ർ​ധ​സൈ​നി​ക വി​ഭാ​ഗ​ങ്ങ​ളി​ലും സം​സ്ഥാ​ന പൊ​ലീ​സ് സേ​ന​യി​ലു​മു​ൾ​പ്പെ​ടെ മ​റ്റ് സ​ർ​ക്കാ​ർ ജോ​ലി​ക​ളി​ൽ ചേ​രു​ന്ന​തി​ൽ അ​വ​ർ​ക്ക് മു​ൻ​ഗ​ണ​ന​യും ന​ൽ​കും.

വേ​ഗ​ത്തി​ൽ ആ​രം​ഭി​ക്കു​മെ​ന്ന് പ്ര​തീ​ക്ഷി​ക്കു​ന്നു​ണ്ടെ​ങ്കി​ലും കോ​വി​ഡി​നെ തു​ട​ർ​ന്ന് റി​ക്രൂ​ട്ട്മെ​ന്റ് മു​ട​ങ്ങി​യ​തു​മൂ​ലം സം​ഭ​വി​ച്ച 1.2 ല​ക്ഷം ​സൈ​നി​ക​രു​ടെ കു​റ​വ് നി​ക​ത്തു​ന്ന ന​ട​പ​ടി മ​ന്ദ​ഗ​തി​യി​ലാ​ക്കാ​ൻ ഈ ​നി​യ​മ​ന​ങ്ങ​ൾ കാ​ര​ണ​മാ​യേ​ക്കു​മെ​ന്ന് സൈ​നി​ക ഉ​ദ്യോ​ഗ​സ്ഥ​ർ പ​റ​യു​ന്നു. സാ​ധാ​ര​ണ നി​യ​മ​ന​ത്തി​നു​പ​ക​രം ഒ​രു സൈ​നി​ക​ൻ നാ​ലു​വ​ർ​ഷ സേ​വ​ന​മ​നു​ഷ്ഠി​ക്കു​ക​യാ​ണെ​ങ്കി​ൽ ഏ​ക​ദേ​ശം 11.5 കോ​ടി രൂ​പ​യു​ടെ ചെ​ല​വു​ചു​രു​ക്കാ​നാ​കു​മെ​ന്ന ക​ണ​ക്കി​ൽ ആ​യി​രം പേ​രെ ഇ​ത്ത​ര​ത്തി​ൽ നി​യ​മി​ച്ചാ​ൽ 11,500 കോ​ടി രൂ​പ ലാ​ഭി​ക്കാ​നാ​കു​മെ​ന്നാ​ണ് സൈ​നി​ക കാ​ര്യ വി​ഭാ​ഗ​ത്തി​ന്റെ വാ​ദം. എ​ന്നാ​ൽ, ഉ​ന്ന​ത ഉ​ദ്യോ​ഗ​സ്ഥ​രി​ൽ പ​ല​രും ഈ ​ന്യാ​യ​ത്തെ ഭാ​വ​നാ​വി​ലാ​സ​മെ​ന്ന് ത​ള്ളി​ക്ക​ള​യു​ന്നു. വ​ർ​ധി​ച്ചു​വ​രു​ന്ന തൊ​ഴി​ലി​ല്ലാ​യ്മ പ്ര​ശ്‌​നം ല​ഘൂ​ക​രി​ക്കാ​നും രാ​ഷ്ട്രീ​യ പ്ര​ശം​സ നേ​ടാ​നു​മാ​യി കു​റെ​​ സൈ​ദ്ധാ​ന്തി​ക​രെ​യോ ച​ട്ട​പ്പ​ടി ജോ​ലി​ക്കാ​രെ​യോ നി​യ​മി​ക്കു​ക​യ​ല്ല വേ​ണ്ട​തെ​ന്നും അ​വ​ർ ചൂ​ണ്ടി​ക്കാ​ട്ടു​ന്നു. ഭാ​ഗി​ക​മാ​യോ അ​പ​ര്യാ​പ്ത​മാ​യ രീ​തി​യി​ലോ പ​രി​ശീ​ല​നം ല​ഭി​ച്ച​വ​രെ തീ​രു​മാ​നി​ച്ചു​റ​പ്പി​ച്ച ഒ​രു ശ​ത്രു​വു​മാ​യി ഏ​റ്റു​മു​ട്ടാ​ൻ നി​യോ​ഗി​ക്കു​ന്ന​തു മൂ​ല​മു​ണ്ടാ​കു​ന്ന കെ​ടു​തി​ക​ൾ യു​ക്രെ​യ്ൻ യു​ദ്ധ​ത്തി​ലെ റ​ഷ്യ​ൻ സൈ​ന്യ​ത്തി​ന്റെ വി​നാ​ശ​ക​ര​മാ​യ പ്ര​ക​ട​നം വ്യ​ക്ത​മാ​ക്കി​ത്ത​രു​ന്നു- ഡ​ൽ​ഹി​യി​ലെ സു​ര​ക്ഷ ക​ൺ​സ​ൾ​ട്ട​ന്റാ​യ റി​ട്ട. ​ബ്രി​ഗേ​ഡി​യ​ർ രാ​ഹു​ൽ ബോ​സ്ലേ ചൂ​ണ്ടി​ക്കാ​ട്ടു​ന്നു. റ​ഷ്യ​ക്ക് ഏ​തു യു​ദ്ധം ചെ​യ്യ​ണ​മെ​ന്നും വേ​ണ്ടെ​ന്നും തീ​രു​മാ​നി​ക്കാ​നാ​വും. ഇ​ന്ത്യ​ക്ക​തി​ന് ക​ഴി​യി​ല്ല.

പാ​കി​സ്താ​നി​ൽ നി​ന്നും ചൈ​ന​യി​ൽ നി​ന്നു​മു​ള്ള സ്പ​ഷ്ട​മാ​യ ഭീ​ഷ​ണി​ക​ളെ നേ​രി​ടാ​ൻ 'സ​മ​ർ​പ്പ​ണ മ​ന​സ്ക​രാ​യ' പ​രി​ശീ​ല​നം ല​ഭി​ച്ച സൈ​ന്യം ത​ന്നെ ആ​വ​ശ്യ​മാ​ണ്.

അ​ഗ്നി​പ​ഥ് പ​ദ്ധ​തി​യു​ടെ രൂ​പ​രേ​ഖ​ക​ൾ അ​വ്യ​ക്ത​മാ​യി തു​ട​രു​ക​യാ​ണ്. പ​ദ്ധ​തി പ്ര​കാ​രം നി​യോ​ഗി​ക്ക​പ്പെ​ടു​ന്ന​വ​ർ​ക്ക് ന​ൽ​കു​ന്ന ആ​റു​മാ​സ പ​രി​ശീ​ല​നം, ജ​വാ​ന്മാ​രെ ശ​രി​യാം​വി​ധം സ​ജ്ജ​മാ​ക്കി​യെ​ടു​ക്കാ​ൻ ന​ൽ​കു​ന്ന 2-3 വ​ർ​ഷ പ​രി​ശീ​ല​ന​വു​മാ​യി താ​ര​ത​മ്യം ചെ​യ്യു​മ്പോ​ൾ 'തി​ക​ച്ചും അ​പ​ര്യാ​പ്ത'​മാ​ണ് എ​ന്ന് ഓ​ഫി​സ​ർ​മാ​ർ പ​റ​യു​ന്നു. അ​വ​രു​ടെ അ​നു​ഭ​വ പ​രി​ച​യ​മി​ല്ലാ​യ്മ മ​റ്റു യൂ​നി​റ്റു​ക​ൾ​ക്ക് ത​ട​സ്സ​മാ​കു​മെ​ന്നും ക​ടു​ത്ത സാ​ഹ​ച​ര്യ​ങ്ങ​ളി​ൽ ഈ ​തു​ട​ക്ക​ക്കാ​രെ മ​ന​സ്സി​ലാ​ക്കി​യെ​ടു​ക്കു​ക എ​ന്ന​ത് പ​രി​ച​യ​സ​മ്പ​ന്ന​രാ​യ സൈ​നി​ക​രു​ടെ സ​മ്മ​ർ​ദം വ​ർ​ധി​പ്പി​ക്കു​മെ​ന്നും പേ​രു​വെ​ളി​പ്പെ​ടു​ത്താ​ൻ വി​സ​മ്മ​തി​ച്ച ഒ​രു ഉ​ദ്യോ​ഗ​സ്ഥ​ൻ ചൂ​ണ്ടി​ക്കാ​ട്ടു​ന്നു.

സൈന്യത്തിലേക്ക് നാ​ലു​വ​ർ​ഷ​ത്തേ​ക്ക് റി​ക്രൂ​ട്ട് ചെ​യ്യ​പ്പെ​ടു​ന്ന​വ​ർക്ക്​ വേ​ണ്ടി​വ​ന്നാ​ൽ ജീ​വ​ൻ വെ​ടി​യാ​ൻ സ​ന്ന​ദ്ധ​ത കാ​ണി​ക്കാ​ൻ ത​ക്ക പ്ര​ചോ​ദ​ന​മു​ണ്ടാ​കു​മോ എ​ന്ന് അ​ഗ്നി​പ​ഥ് പ​ദ്ധ​തി​യെ വി​മ​ർ​ശി​ച്ച് 'ദ ​ട്രി​ബ്യൂ​ണി'​ൽ എ​ഴു​തി​യ ലേ​ഖ​ന​ത്തി​ൽ ക​ര​സേ​ന മു​ൻ ഉ​പ​മേ​ധാ​വി ല​ഫ്. ജ​ന​റ​ൽ ഹ​ർ​വ​ന്ത് സി​ങ് വെ​ട്ടി​ത്തു​റ​ന്ന് ചോ​ദി​ക്കു​ന്നു.

'ര​ണ്ട് നൂ​റ്റാ​ണ്ടോ​ളം നീ​ണ്ട അ​ധ്വാ​ന​ത്തി​ന്റെ​യും ത്യാ​ഗ​ത്തി​ന്റെ​യും ഫ​ല​മാ​യാ​ണ് ഇ​ന്ത്യ​ൻ സൈ​ന്യ​ത്തി​ന്റെ പോ​രാ​ട്ട യൂ​നി​റ്റു​ക​ൾ ഇ​ന്ന​ത്തെ നി​ല​യി​ലേ​ക്ക് ഉ​യ​ർ​ന്ന​ത്. നാം, ​ന​മ​ക്, നി​ശാ​ൻ (ബ​ഹു​മാ​നം, വി​ശ്വ​സ്ത​ത, വ്യ​ക്തി​ത്വം) എ​ന്നി​വ​യി​ലൂ​ന്നി​യാ​ണ് അ​വ​ർ ജീ​വി​ച്ച​ത്. അ​ഗ്നി​പ​ഥ് റി​ക്രൂ​ട്ട്മെ​ന്റി​ൽ ഈ ​ശൗ​ര്യം ഉ​ണ്ടാ​വി​ല്ല. ഇ​ത്ത​രം അ​നാ​വ​ശ്യ പ​ദ്ധ​തി​ക​ൾ​ക്ക് ഉ​ത്ത​ര​വാ​ദി​ക​ളാ​യ ഉ​ദ്യോ​ഗ​സ്ഥ​ർ​ക്ക് സൈ​ന്യ​ത്തി​ന്റെ അ​ന്ത​സ്സി​നെ​ക്കു​റി​ച്ച് കാ​ര്യ​മാ​യ ധാ​ര​ണ​യി​ല്ല, അ​ല്ലെ​ങ്കി​ൽ അ​വ​ര​തി​നെ താ​ഴ്ത്താ​നോ ന​ശി​പ്പി​ക്കാ​നോ തീ​രു​മാ​നി​ച്ചി​രി​ക്കു​ന്നു' -അ​ദ്ദേ​ഹം തു​ട​രു​ന്നു.

അ​ഗ്‌​നി​പ​ഥ് നി​ർ​ദേ​ശ​ത്തി​ന് പി​ന്നി​ലെ അ​ടി​സ്ഥാ​ന​പ​ര​മാ​യ ന്യാ​യം ചെ​ല​വ് കു​റ​ക്ക​ലാ​ണെ​ങ്കി​ലും ഉ​ട​ൻ​ത​ന്നെ കാ​ര്യ​മാ​യ വ്യ​ത്യാ​സ​മു​ണ്ടാ​വാ​നി​ട​യി​ല്ലെ​ന്ന് പ്ര​തി​രോ​ധ മ​ന്ത്രാ​ല​യ​ത്തി​ലെ മു​ൻ ഉ​പ​ദേ​ഷ്ടാ​വ് അ​മി​ത് കൗ​ഷി​ഷി​നെ​പ്പോ​ലു​ള്ള​വ​ർ ക​രു​തു​ന്നു. സാ​മ്പ​ത്തി​ക ലാ​ഭ​ത്തെ​ക്കു​റി​ച്ച് ഇ​പ്പോ​ൾ ക​ണ​ക്കു​കൂ​ട്ടാ​നാ​വി​ല്ല. 15-20 വ​ർ​ഷം കൊ​ണ്ട് അ​ത് സാ​ധ്യ​മാ​യേ​ക്കും. പ​ക്ഷേ, വി​പ്ല​വാ​ത്മ​ക​മാ​യ മാ​റ്റ​ങ്ങ​ൾ വ​രു​ന്ന സൈ​നി​ക-​യു​ദ്ധ മേ​ഖ​ല ആ ​കാ​ലം കൊ​ണ്ട് വ​ലി​യ പ​രി​വ​ർ​ത്ത​ന​ത്തി​ന് വി​ധേ​യ​മാ​കു​മെ​ന്നും സൈ​നി​ക​ർ​ക്ക് അ​ത് വെ​ല്ലു​വി​ളി​ക​ളു​യ​ർ​ത്തു​മെ​ന്നും അ​ദ്ദേ​ഹം പ​റ​യു​ന്നു.

(ക​ട​പ്പാ​ട്: ദ ​വ​യ​ർ)