ആകാശയാത്ര ആശ്വാസകരമാവണം

ഏ​തു പ്ര​തി​സ​ന്ധി​കാ​ല​ത്തും സ്വ​ന്തം നാ​ടി​നെ ചേ​ര്‍ത്തു​പി​ടി​ച്ച​വ​രാ​ണ് ലോ​ക​മെ​മ്പാ​ടു​മു​ള്ള മ​ല​യാ​ളി പ്ര​വാ​സി​ക​ള്‍. പ്ര​ള​യ​ത്തി​ലും കോ​വി​ഡ് കാ​ല​ത്തും ന​മ്മ​ള​തു ക​ണ്ട​താ​ണ്. ലോ​ക​ത്തെ 120 രാ​ജ്യ​ങ്ങ​ളി​ലെ​ങ്കി​ലും ഇ​ന്ത്യ​ന്‍ കു​ടി​യേ​റ്റ സ​മൂ​ഹ​ങ്ങ​ളു​ണ്ടെ​ന്ന​താ​ണ് ക​ണ​ക്ക്. ഗ​ള്‍ഫ് മേ​ഖ​ല​യി​ല്‍ മാ​ത്രം 30 ല​ക്ഷ​ത്തോ​ളം മ​ല​യാ​ളി​ക​ള്‍ താ​മ​സി​ച്ചു​വ​രു​ന്നു. പു​റം​രാ​ജ്യ​ങ്ങ​ളി​ല്‍ ക​ഴി​യു​ന്ന കേ​ര​ള​ക്കാ​രാ​യ പ്ര​വാ​സി​ക​ള്‍ ക​ഴി​ഞ്ഞ അ​ഞ്ചു ദ​ശാ​ബ്ദ​ത്തി​നി​ട​യി​ല്‍ കേ​ര​ള​ത്തി​ന്റെ സാ​മ്പ​ത്തി​ക-​സാ​മൂ​ഹി​ക പു​രോ​ഗ​തി​യി​ല്‍ വ​ഹി​ച്ച പ​ങ്ക് മാ​ത്രം പ​രി​ശോ​ധി​ച്ചാ​ല്‍ മ​തി കേ​ര​ളം പ്ര​വാ​സി​സ​മൂ​ഹ​ത്തോ​ട് എ​ത്ര​ത്തോ​ളം ക​ട​പ്പെ​ട്ടി​രി​ക്കു​ന്നു എ​ന്നു മ​ന​സ്സി​ലാ​ക്കാ​ന്‍. വ്യാ​പാ​രം, വി​ദ്യാ​ഭ്യാ​സം, പാ​ര്‍പ്പി​ടം, ടൂ​റി​സം, ആ​രോ​ഗ്യം തു​ട​ങ്ങി പു​രോ​ഗ​തി​യു​ടെ ഏ​തു ത​ലം പ​രി​ശോ​ധി​ച്ചാ​ലും പ്ര​വാ​സി​ക​ളു​ടെ കൈ​യൊ​പ്പ് അ​വി​ട​ങ്ങ​ളി​ലെ​ല്ലാം തെ​ളി​ഞ്ഞു​കാ​ണാം. എ​ന്നാ​ല്‍, പ്ര​വാ​സി​ക​ളെ ബാ​ധി​ക്കു​ന്ന വി​ഷ​യ​ങ്ങ​ള്‍ സ​മൂ​ഹ​ത്തി​ന്റെ​യും സ​ര്‍ക്കാ​റു​ക​ളു​ടെ​യും ശ്ര​ദ്ധ​യി​ലേ​ക്ക് വേ​ണ്ട​ത്ര ഗൗ​ര​വ​ത്തോ​ടെ വ​രാ​റു​ണ്ടോ​യെ​ന്ന് വ​ര്‍ഷ​ങ്ങ​ളാ​യി വി​ദേ​ശ​ത്ത് വ്യാ​പാ​ര​വും സാ​മൂ​ഹി​ക​പ്ര​വ​ര്‍ത്ത​ന​ങ്ങ​ളും ന​ട​ത്തു​ന്ന​യാ​ളെ​ന്ന നി​ല​യി​ല്‍ ആ​ലോ​ചി​ച്ചു​പോ​കാ​റു​ണ്ട്.

വ്യോ​മ​യാ​ന മേ​ഖ​ല​യി​ല്‍ ന​ട​ക്കു​ന്ന ചൂ​ഷ​ണം എ​ല്ലാ​യ്‌​പ്പോ​ഴും സാ​ധാ​ര​ണ​ക്കാ​രാ​യ വി​ദേ​ശ യാ​ത്ര​ക്കാ​രെ ക​ടു​ത്ത പ്ര​തി​സ​ന്ധി​യി​ലാ​ക്കു​ന്നു​ണ്ട്. ഓ​ണം, പെ​രു​ന്നാ​ൾ തു​ട​ങ്ങി​യ ആ​ഘോ​ഷ​സീ​സ​ണു​ക​ളി​ൽ ഈ ​ചൂ​ഷ​ണം സ​ക​ല അ​തി​രു​ക​ളും ലം​ഘി​ക്കു​ന്നു. വേ​ന​ല​വ​ധി​യും ചെ​റി​യ പെ​രു​ന്നാ​ളും വി​ഷു​വു​മൊ​ക്കെ ഒ​രു​മി​ച്ചെ​ത്തി​യ ഈ ​സീ​സ​ണി​ലും ഭാ​ര്യ​യും ഭ​ര്‍ത്താ​വും ര​ണ്ടു കു​ട്ടി​ക​ളു​മ​ട​ങ്ങു​ന്ന ഒ​രു കു​ടും​ബ​ത്തി​ന് ഒ​ന്ന് നാ​ട്ടി​ല്‍ പോ​യി വ​ര​ണ​മെ​ന്ന് ക​രു​തി​യാ​ല്‍ സാ​ധി​ക്കാ​ത്ത സാ​ഹ​ച​ര്യ​മാ​ണ്.

ഗ​ള്‍ഫ് രാ​ജ്യ​ങ്ങ​ളി​ല്‍നി​ന്ന് നാ​ട്ടി​ലേ​ക്കു​ള്ള യാ​ത്ര​ക്കാ​രു​ടെ എ​ണ്ണ​ത്തി​ല്‍ വ​ലി​യ വ​ർ​ധ​ന​യു​ള്ള ദി​വ​സ​ങ്ങ​ളാ​ണി​ത്. സം​സ്ഥാ​ന​ത്തേ​ക്ക് ഏ​റ്റ​വും കൂ​ടു​ത​ല്‍ യാ​ത്ര​ക്കാ​രു​ണ്ടാ​വു​ക യു.​എ.​ഇ, സൗ​ദി അ​റേ​ബ്യ, ഖ​ത്ത​ര്‍ രാ​ജ്യ​ങ്ങ​ളി​ല്‍നി​ന്നാ​ണ്. ഈ ​മേ​ഖ​ല​ക​ളി​ലേ​ക്കും തി​രി​ച്ചു​മു​ള്ള യാ​ത്രാ​നി​ര​ക്കി​ലാ​ണ് ഇ​പ്പോ​ള്‍ വ​ന്‍വ​ർ​ധ​ന​യു​ണ്ടാ​യി​ട്ടു​ള്ള​ത്. ഒ​ന്നും ര​ണ്ടു​മ​ല്ല, നാ​ല് ഇ​ര​ട്ടി​യി​ലേ​റെ​യാ​ണ് വി​വി​ധ ഗ​ള്‍ഫ് രാ​ജ്യ​ങ്ങ​ളി​ലേ​ക്കു​ള്ള യാ​ത്രാ​ക്കൂ​ലി വി​മാ​ന​ക്ക​മ്പ​നി​ക​ള്‍ കൂ​ട്ടി​യ​ത്. നി​ര​ക്കു​ക​ള്‍ ഏ​കീ​ക​രി​ക്കാ​നോ നി​യ​ന്ത്രി​ക്കാ​നോ ഒ​രു സം​വി​ധാ​ന​വു​മി​ല്ലാ​ത്ത​താ​ണ് ഈ ​വ​ർ​ധ​ന​ക്ക് കാ​ര​ണ​മാ​വു​ന്ന​ത്.

ഗ​ൾ​ഫി​ലേ​ക്കു മാ​ത്ര​മ​ല്ല, യൂ​റോ​പ്യ​ന്‍ രാ​ജ്യ​ങ്ങ​ളി​ലേ​ക്കു​ള്ള യാ​ത്രി​ക​രെ​യും ഇ​ത്ത​രം ഫെ​സ്റ്റി​വ​ല്‍ ഫെ​യ​റു​ക​ള്‍ പ്ര​തി​സ​ന്ധി​യി​ലാ​ക്കു​ന്നു. ജോ​ലി​ക്കും പ​ഠ​ന​ത്തി​നു​മാ​യി നി​ശ്ചി​ത സ​മ​യ​ത്ത് അ​ത​തു രാ​ജ്യ​ങ്ങ​ളി​ലെ​ത്തേ​ണ്ട​വ​ര്‍പോ​ലും അ​മി​ത നി​ര​ക്കു​മൂ​ലം യാ​ത്ര മാ​റ്റി​വെ​ക്കു​ന്ന സാ​ഹ​ച​ര്യ​വു​മു​ണ്ട്. കാ​ന​ഡ​യി​ല്‍നി​ന്നും യു.​എ​സി​ല്‍നി​ന്നും ഇ​ന്ത്യ​യി​ലേ​ക്കെ​ത്തി​യ​തി​ന്റെ നാ​ലോ അ​ഞ്ചോ ഇ​ര​ട്ടി നി​ര​ക്കി​ല്‍ ടി​ക്ക​റ്റെ​ടു​ത്ത് തി​രി​ച്ച് പോ​വേ​ണ്ടി​വ​രു​ന്നു. നേ​ര​ത്തേ ടി​ക്ക​റ്റെ​ടു​ത്തു​വെ​ച്ച​വ​ര്‍ പ​ല​പ്പോ​ഴും വി​മാ​നം റ​ദ്ദാ​ക്കി​യെ​ന്ന അ​റി​യി​പ്പ് ല​ഭി​ക്കു​ന്ന​തു​മൂ​ലം പു​തി​യ ഉ​യ​ര്‍ന്ന നി​ര​ക്കി​ല്‍ ടി​ക്ക​റ്റെ​ടു​ക്കാ​ന്‍ നി​ര്‍ബ​ന്ധി​ത​രാ​വു​ന്നു.

വി​മാ​ന​യാ​ത്രാ ക​മ്പ​നി​ക​ളു​ടെ അ​മി​ത​മാ​യ നി​ര​ക്കി​നെ​തി​രെ മ​ല​യാ​ളി കൂ​ട്ടാ​യ്മ​ക​ള്‍ നി​ര​ന്ത​രം ശ​ബ്ദ​മു​യ​ര്‍ത്തു​ക​യും സ​ര്‍ക്കാ​റു​ക​ളു​ടെ ശ്ര​ദ്ധ​യി​ല്‍പെ​ടു​ത്തു​ന്ന​തു​മാ​ണ്. എ​ന്നാ​ല്‍, സാ​ധാ​ര​ണ​ക്കാ​ര്‍ക്ക് ആ​ശ്വാ​സ​മാ​കു​ന്ന രീ​തി​യി​ല്‍ ഇ​ട​പെ​ട​ലു​ക​ൾ ഒ​ന്നും​ത​ന്നെ ഉ​ണ്ടാ​വു​ന്നി​ല്ല.

ക​ഴി​ഞ്ഞ സീ​സ​ണി​ല്‍ ദു​ബൈ​യി​ല്‍നി​ന്ന് ഒ​രു വ​ശ​ത്തേ​ക്കു മാ​ത്ര​മു​ള്ള യാ​ത്ര​ക്ക് 42,000-65,000 രൂ​പ വ​രെ ടി​ക്ക​റ്റ് നി​ര​ക്ക് വ​ന്നു. നാ​ലം​ഗ കു​ടും​ബ​ത്തി​ന് നാ​ട്ടി​ല്‍ പോ​യി വ​രാ​ന്‍ മൂ​ന്ന​ര ല​ക്ഷം ചെ​ല​വാ​കു​ന്ന സാ​ഹ​ച​ര്യം. ചെ​റി​യ ശ​മ്പ​ള​ത്തി​ല്‍ ജോ​ലി​ചെ​യ്യു​ന്ന, അ​വ​ധി​ദി​ന​ങ്ങ​ളി​ലും ആ​ഘോ​ഷ​വേ​ള​ക​ളി​ലും കു​ടും​ബ​ത്തോ​ടൊ​പ്പം ചെ​ല​വ​ഴി​ക്കാ​ന്‍ ആ​ഗ്ര​ഹി​ക്കു​ന്ന സാ​ധാ​ര​ണ​ക്കാ​ര്‍ക്ക് ഇ​രു​ട്ട​ടി​യാ​കു​ന്ന ഈ ​പ്ര​വ​ണ​ത​യെ നി​യ​ന്ത്രി​ക്കാ​ന്‍ കേ​ന്ദ്ര-​സം​സ്ഥാ​ന സ​ര്‍ക്കാ​റു​ക​ള്‍ മു​ന്നോ​ട്ടു​വ​രേ​ണ്ട​തു​ണ്ട്. ഇ​ന്ധ​ന​ച്ചെ​ല​വ​ട​ക്കം വ​ർ​ധി​ക്കു​ന്ന​തും യാ​ത്രി​ക​ര്‍ കൂ​ടു​ന്ന​തു​മാ​ണ് യാ​ത്ര​ക്കൂ​ലി വ​ർ​ധി​പ്പി​ക്കാ​നു​ള്ള കാ​ര​ണ​മെ​ന്ന വി​മാ​ന​ക്ക​മ്പ​നി​ക​ളു​ടെ വാ​ദം മു​ഖ​വി​ല​ക്കെ​ടു​ക്കാ​നാ​വി​ല്ല. കാ​ര​ണം, ഇ​ന്ധ​ന​വി​ല കു​റ​യു​ന്ന അ​വ​സ​ര​ങ്ങ​ളി​ലൊ​ന്നും അ​തി​ന്റെ ആ​നു​കൂ​ല്യം യാ​ത്ര​ക്കാ​ര്‍ക്ക് ന​ല്‍കാ​ന്‍ ത​യാ​റാ​കാ​ത്ത വി​മാ​ന​ക്ക​മ്പ​നി​ക​ളാ​ണ് അ​ധി​ക​വും.

ഫെ​സ്റ്റി​വ​ല്‍ സീ​സ​ണു​ക​ളി​ലും ടി​ക്ക​റ്റ് വ​ർ​ധ​ന​ക്കി​ട​യി​ലും നാ​ട്ടി​ല്‍ പോ​കാ​ന്‍ ആ​ഗ്ര​ഹി​ക്കു​ന്ന സാ​ധാ​ര​ണ​ക്കാ​ര്‍ക്ക് ആ​ശ്വാ​സ​മാ​യി ചാ​ര്‍ട്ടേ​ഡ് വി​മാ​ന​ങ്ങ​ള്‍ ഒ​രു​ക്കാ​ന്‍ ശ്ര​മി​ക്കു​മെ​ന്ന് കേ​ര​ള സ​ര്‍ക്കാ​റി​ന്റെ ബ​ജ​റ്റ് പ്ര​ഖ്യാ​പ​ന​ത്തി​നി​ട​യി​ല്‍ പ​റ​ഞ്ഞി​രു​ന്നു. യു.​എ.​ഇ-​കേ​ര​ള സെ​ക്ട​റി​ല്‍ ചാ​ര്‍ട്ട​ര്‍ വി​മാ​ന സ​ര്‍വി​സ് ഏ​ര്‍പ്പെ​ടു​ത്തി​യാ​ല്‍ വ​ലി​യൊ​രു ആ​ശ്വാ​സ​മാ​വും. ക​ഴി​ഞ്ഞ ബ​ജ​റ്റി​ല്‍ 15 കോ​ടി ഇ​ത്ത​രം പ്ര​വ​ര്‍ത്ത​ന​ങ്ങ​ള്‍ക്കാ​യി ക​ണ​ക്കാ​ക്കി​യി​ട്ടു​ണ്ടെ​ന്നാ​ണ് വാ​ര്‍ത്ത​ക​ളി​ല്‍ ക​ണ്ട​ത്. കേ​ര​ള- കേ​ന്ദ്ര സ​ര്‍ക്കാ​റു​ക​ളും എം​ബ​സി​യും നോ​ര്‍ക്ക​യും യോ​ജി​ച്ച് പ്ര​വ​ര്‍ത്തി​ച്ചാ​ല്‍ ഇ​ത്ത​രം ഇ​ട​പെ​ട​ലു​ക​ള്‍ ഫ​ല​പ്രാ​പ്തി​യി​ലെ​ത്തി​ക്കാ​ന്‍ സാ​ധി​ക്കും.