ദുരവസ്ഥയിൽനിന്ന് സ​ർ​വ​ക​ലാ​ശാ​ല​ക​ളെ കരകയറ്റാൻ

സ​ർ​വ​ക​ലാ​ശാ​ല​ക​ൾ ഇ​ത്ര​മാ​ത്രം വി​വാ​ദ​ങ്ങ​ളു​ടെ പ്ര​ഭ​വ​കേ​ന്ദ്ര​മാ​യി മാ​റു​ന്ന അ​വ​സ്​​ഥ സം​സ്​​ഥാ​ന​ത്ത് മു​മ്പ് ഉ​ണ്ടാ​യി​ട്ടി​ല്ല. മ​ദ്രാ​സ്​ സ​ർ​വ​ക​ലാ​ശാ​ല​യെ മാ​തൃ​കാ സ​ർ​വ​ക​ലാ​ശാ​ല​യാ​യും അ​തി​ന്റെ ത​ല​വ​നാ​യി​രു​ന്ന എ. ​ല​ക്ഷ്മ​ണ സ്വാ​മി മു​ത​ലി​യാ​രെ മാ​തൃ​കാ വൈ​സ്​ ചാ​ൻ​സ​ല​റാ​യും ക​ണ്ടി​രു​ന്ന പ​ഴ​യ​കാ​ല അ​ക്കാ​ദ​മി​ക് സ​മൂ​ഹം ഇ​പ്പോ​ൾ ന​ട​ക്കു​ന്ന​തെ​ല്ലാം ക​ണ്ടും​കേ​ട്ടും അ​മ്പ​ര​ക്കു​ക​യാ​ണ്. വൈ​സ്​ ചാ​ൻ​സ​ല​ർ​മാ​ർ അ​ടി​സ്​​ഥാ​ന​പ​ര​മാ​യി അ​ധ്യാ​പ​ക​രാ​ണ്. അ​വ​ർ സ​ർ​വ​ക​ലാ​ശാ​ലാ ഭ​ര​ണ​നേ​തൃ​ത്വ​ത്തി​ൽ വ​രു​മ്പോ​ൾ കാ​ര്യ​ക്ഷ​മ​മാ​യി ഭ​ര​ണം ന​ട​ത്താ​നു​ള്ള ശ​ക്തി​യും ദൗ​ർ​ബ​ല്യ​വും സ​ർ​വ​ക​ലാ​ശാ​ലാ ഭ​ര​ണ​സം​വി​ധാ​ന​ത്തെ ഗു​ണ​ക​ര​മാ​യും ദോ​ഷ​ക​ര​മാ​യും ബാ​ധി​ക്കു​ന്നു.

സം​സ്​​ഥാ​ന​ത്തെ ഏ​റെ​ക്കു​റെ എ​ല്ലാ സ​ർ​വ​ക​ലാ​ശാ​ല​ക​ളി​ലും സി​ൻ​ഡി​ക്ക​റ്റ് കോ​ക്ക​സ്​ ഭ​ര​ണ​മാ​ണ് ന​ട​ക്കു​ന്ന​ത് എ​ന്ന ആക്ഷേപം അ​ക്കാ​ദ​മി​ക് സ​മൂ​ഹ​ത്തി​ൽ ഏ​റെ​ക്കാ​ല​മാ​യി നി​ല​നി​ൽ​ക്കു​ന്നു​ണ്ട്. ജീവനക്കാരുടെ സംഘടനക​ളു​മാ​യി കൂ​ട്ടു​ചേ​ർ​ന്ന് ത​ങ്ങ​ളു​ടെ ഇ​ഷ്ടാ​നി​ഷ്ട​ങ്ങ​ൾ​ക്ക് അ​നു​സ​രി​ച്ച് ഭ​ര​ണ​സം​വി​ധാ​ന​ത്തെ അ​വ​ർ നി​യ​ന്ത്രി​ക്കു​ന്നു. സി​ൻ​ഡി​ക്ക​റ്റ് കോ​ക്ക​സും വൈ​സ്​ ചാ​ൻ​സ​ല​ർ​മാ​രും ത​മ്മി​ലെ അ​ഭി​ല​ഷ​ണീ​യ​മ​ല്ലാ​ത്ത ഒ​രു ത​രം കൂ​ട്ടു​കെ​ട്ട് ഏ​റെ​ക്കു​റെ എ​ല്ലാ​യി​ട​ത്തും ദൃ​ശ്യ​മാ​ണ്. സ​ർ​വ​ക​ലാ​ശാ​ല​ക​ളി​ൽ നി​യ​മ​ന​വും പ്ര​മോ​ഷ​നു​മെ​ല്ലാം യു.​ജി.​സി മാ​ന​ദ​ണ്ഡ​ങ്ങ​ളെ കാ​റ്റി​ൽ​പ​റ​ത്തി ന​ട​ക്കു​ന്ന​തും അ​തി​ന്റെ തു​ട​ർ​ച്ച​യാ​ണ്. എ​യ്ഡ​ഡ് കോ​ള​ജു​ക​ളി​ൽ പു​തു​താ​യി നി​യ​മി​ക്ക​പ്പെ​ടു​ന്ന അ​ധ്യാ​പ​ക​രു​ടെ നി​യ​മ​നാം​ഗീ​കാ​ര​ത്തി​ന്റെ കാ​ര്യ​ത്തി​ൽ സി​ൻ​ഡി​ക്കേ​റ്റ് കോ​ക്ക​സ് നി​ര​ന്ത​രം ഇ​ട​പെ​ടു​ന്നു. അ​വ​രു​ടെ സ​മ്മ​ർ​ദ​ത്തി​ന് വ​ഴ​ങ്ങാ​ത്ത​വ​രു​ടെ നി​യ​മ​നാം​ഗീ​കാ​രം അ​ല്ല​റ ചി​ല്ല​റ സാ​ങ്കേ​തി​ക​ത്വ​ങ്ങ​ൾ പ​റ​ഞ്ഞ് ത​ട്ടി​ക്ക​ളി​ക്കു​ന്ന സം​ഭ​വ​ങ്ങ​ളും ഒ​ട്ടേ​റെ. അ​ധ്യാ​പ​ക പ​ശ്ചാ​ത്ത​ല​ത്തി​ൽ​നി​ന്ന് വ​രു​ന്ന, ഭ​ര​ണ​പ​രി​ച​യ​മി​ല്ലാ​ത്ത വൈ​സ്​ ചാ​ൻ​സ​ല​ർ​മാ​രു​ള്ള സ​ർ​വ​ക​ലാ​ശാ​ല​ക​ളൊ​ക്കെ സി​ൻ​ഡി​ക്കേ​റ്റ് കോ​ക്ക​സു​ക​ളു​ടെ പി​ടി​യി​ലാ​ണ് എ​ന്നാ​ണ് സ​ർ​വ​ക​ലാ​ശാ​ല ഭ​ര​ണം വി​വി​ധ ത​ല​ങ്ങ​ളി​ൽ അ​ടു​ത്തു​നി​ന്ന് നി​രീ​ക്ഷി​ക്കാ​ൻ സാ​ധി​ച്ചി​ട്ടു​ള്ള ഈ ​കു​റി​പ്പു​കാ​ര​ന്റെ വി​ല​യി​രു​ത്ത​ൽ. സി​ൻ​ഡി​ക്ക​റ്റ് കോ​ക്ക​സി​ന്റെ കു​ത​ന്ത്ര​ങ്ങ​ളെ ആ​ർ​ജ​വ​ത്തോ​ടെ നേ​രി​ടാ​ൻ സാ​ധി​ച്ചി​ട്ടു​ള്ള ചി​ല വൈ​സ്ചാ​ൻ​സ​ല​ർ​മാ​രെ കാ​ലി​ക്ക​റ്റ് സ​ർ​വ​ക​ലാ​ശാ​ല​യു​ടെ ച​രി​​ത്ര​ത്തി​ൽ​നി​ന്ന് എ​ടു​ത്തു​പ​റ​യാ​ൻ സാ​ധി​ക്കും. പ്ര​ഥ​മ വൈ​സ്​ ചാ​ൻ​സ​ല​റാ​യി​രു​ന്ന പ്ര​ഫ. എം.​എം. ഗ​നി, പ്ര​ഫ. കെ.​എ. ജ​ലീ​ൽ, സി​വി​ൽ സ​ർ​വി​സ്​ ഉ​ദ്യോ​ഗ​സ്​​ഥ​നാ​യി​രു​ന്ന ടി.​എ​ൻ. ജ​യ​ച​ന്ദ്ര​ൻ ഐ.​എ.​എ​സ്​ എ​ന്നി​വ​രു​ടെ കാ​ലി​ക്ക​റ്റ് കാ​ല​ഘ​ട്ടം തി​ള​ങ്ങു​ന്ന ഓ​ർ​മ​ക​ളാ​ണ്. 1987ൽ ​കാ​ലി​ക്ക​റ്റി​ൽ ന​ട​ന്ന സം​ഭ​വ​ങ്ങ​ൾ അ​തി​ന് സാ​ക്ഷ്യ​മാ​യി ഉ​ദ്ധ​രി​ക്കു​ക​യാ​ണി​വി​ടെ.

കാ​ലി​ക്ക​റ്റ് സ​ർ​വ​ക​ലാ​ശാ​ല​യു​ടെ ആ​രം​ഭ​ത്തി​ൽ കാ​മ്പ​സും ആ​സ്​​ഥാ​ന​വും സ്​​ഥി​തി ചെ​യ്തി​രു​ന്ന​ത് കോ​ഴി​ക്കോ​ട് ജി​ല്ല​യി​ലെ തേ​ഞ്ഞി​പ്പ​ലം പ​ഞ്ചാ​യ​ത്തി​ലാ​യി​രു​ന്നു. അ​തി​ന​നു​സൃ​ത​മാ​യി​രു​ന്നു സ​ർ​വ​ക​ലാ​ശാ​ല​യു​ടെ പോ​സ്റ്റ​ൽ മേ​ൽ​വി​ലാ​സ​വും. എ​ന്നാ​ൽ മ​ല​പ്പു​റം ജി​ല്ലാ രൂ​പ​വ​ത്ക​ര​ണ​ത്തോ​ടെ തേ​ഞ്ഞി​പ്പ​ലം പ​ഞ്ചാ​യ​ത്ത് ആ ​ജി​ല്ല​യു​ടെ ഭാ​ഗ​മാ​യി. മേ​ൽ​വി​ലാ​സ​ത്തി​ൽ കോ​ഴി​ക്കോ​ട് ഒ​ഴി​വാ​ക്ക​പ്പെ​ട്ടെ​ങ്കി​ലും മ​ല​പ്പു​റം എ​ന്ന ജി​ല്ലാ​നാ​മം ഉ​ൾ​പ്പെ​ടു​ത്താ​ൻ ന​ട​പ​ടി ഉ​ണ്ടാ​യി​ല്ല. പോ​സ്റ്റ​ൽ മേ​ൽ​വി​ലാ​സം പ​ഴ​യ​തു​പോ​ലെ യൂ​നി​വേ​ഴ്സി​റ്റി ഓ​ഫ് കാ​ലി​ക്ക​റ്റ്, കാ​ലി​ക്ക​റ്റ് യൂ​നി​വേ​ഴ്സി​റ്റി. പി.​ഒ, പി​ൻ-673635, കേ​ര​ള എ​ന്ന നി​ല​യി​ൽ തു​ട​ർ​ന്നു. സ​ർ​വ​ക​ലാ​ശാ​ല​യു​ടെ വാ​ർ​ഷി​ക ഡ​യ​റി​യി​ലും സ​ർ​വ​ക​ലാ​ശാ​ല ആ​സ്​​ഥാ​നം സ്​​ഥി​തി​ചെ​യ്യു​ന്ന​ത് കോ​ഴി​ക്കോ​ട് ന​ഗ​ര​ത്തി​ൽ​നി​ന്ന് 23 കി.​മീ​റ്റ​ർ അ​ക​ലെ ദേ​ശീ​യ​പാ​ത-17​ൽ തേ​ഞ്ഞി​പ്പ​ലം പ​ഞ്ചാ​യ​ത്തി​ൽ എ​ന്നാ​ണ് രേ​ഖ​പ്പെ​ടു​ത്തി​യി​രു​ന്ന​ത്. മ​ല​പ്പു​റം ജി​ല്ല അ​വി​ടെ​യും ത​മ​സ്​​ക​രി​ക്ക​പ്പെ​ട്ടു. മ​ല​പ്പു​റം എ​ന്ന പേ​രു​ത​ന്നെ അ​ല​ർ​ജി​യാ​യി​ട്ടു​ള്ള ഒ​രു വി​ഭാ​ഗം ജി​ല്ലാ രൂ​പ​വ​ത്ക​ര​ണ കാ​ല​ത്ത് അ​തി​നെ​തി​രെ വ​മ്പി​ച്ച പ്ര​ക്ഷോ​ഭം അ​ഴി​ച്ചു​വി​ട്ട അ​നു​ഭ​വ​മു​ണ്ട് സി​ൻ​ഡി​ക്കേ​റ്റ് കോ​ക്ക​സി​ന്റെ അ​ട്ടി​മ​റി​യി​ൽ അ​ക​പ്പെ​ട്ട് വി​സ്​​മൃ​തി​യി​ലേ​ക്ക് ത​ള്ള​പ്പെ​ട്ട മ​റ്റൊ​രു കാ​ര്യം; സ​ർ​വ​ക​ലാ​ശാ​ല​യു​ടെ ശി​ൽ​പി​യും പ്രൊ. ​ചാ​ൻ​സ​ല​റു​മാ​യി​രു​ന്ന സി.​എ​ച്ച്. മു​ഹ​മ്മ​ദ് കോ​യ​യു​ടെ സ്​​മ​ര​ണാ​ർ​ഥം മ​ല​യാ​ള​ത്തി​ലും ഇം​ഗ്ലീ​ഷി​ലും ര​ണ്ട് പു​സ്​​ത​ക​ങ്ങ​ൾ പ്ര​സി​ദ്ധീ​ക​രി​ക്കാ​നു​ള്ള തീ​രു​മാ​ന​മാ​യി​രു​ന്നു. എ​ന്നാ​ൽ അ​ത് ഏ​റെ​ക്കാ​ലം പ്രാ​വ​ർ​ത്തി​ക​മാ​യി​ല്ല. . വൈ​കി​യെ​ങ്കി​ലും, വി​ഷ​യം ലേ​ഖ​ക​നും സെ​ന​റ്റ് അം​ഗ​മാ​യി​രു​ന്ന ച​ന്ദ്രി​ക മു​ൻ പ​ത്രാ​ധി​പ​ർ സി.​കെ. താ​നൂ​രും വൈ​സ്​ ചാ​ൻ​സ​ല​ർ ടി.​എ​ൻ. ജ​യ​ച​ന്ദ്ര​ന്റെ ശ്ര​ദ്ധ​യി​ൽ​പെ​ടു​ത്തി. ഞ​ങ്ങ​ൾ പ​റ​ഞ്ഞ കാ​ര്യ​ങ്ങ​ൾ ഗൗ​ര​വ​ത്തോ​ടെ ശ്ര​വി​ച്ച അ​ദ്ദേ​ഹം ആ​വ​ശ്യ​മാ​യ ന​ട​പ​ടി​ക​ൾ സ്വീ​ക​രി​ക്കാ​മെ​ന്ന് ഉ​റ​പ്പു ന​ൽ​കു​ക​യ​ല്ല, വി​ഷ​യം സെ​ന​റ്റി​ൽ ഉ​ന്ന​യി​ക്കാ​നാ​ണ് നി​ർ​ദേ​ശി​ച്ച​ത്. അ​ങ്ങ​നെ 1987ൽ ​ത​ന്നെ ന​ട​ന്ന ഒ​രു സെ​ന​റ്റ് യോ​ഗ​ത്തി​ൽ ചോ​ദ്യോ​ത്ത​ര വേ​ള​ക്കു​ശേ​ഷം സീ​റോ അ​വ​റി​ൽ ഒ​രു സ​ബ്മി​ഷ​ൻ ആ​യി ലേ​ഖ​ക​ൻ വി​ഷ​യം ഉ​ന്ന​യി​ച്ചു. രൂ​പ​വ​ത്ക​രി​ച്ച് 18 വ​ർ​ഷ​ത്തി​ന് ശേ​ഷ​വും മ​ല​പ്പു​റം ജി​ല്ല​യു​ടെ പേ​ര് സ​ർ​വ​ക​ലാ​ശാ​ല​യു​ടെ മേ​ൽ​വി​ലാ​സ​ത്തി​ൽ ഉ​ൾ​പ്പെ​ടു​ത്താ​ത്ത ന​ട​പ​ടി അം​ഗീ​ക​രി​ക്കാ​നാ​വി​ല്ലെ​ന്നും സി.​എ​ച്ച്. മു​ഹ​മ്മ​ദ്കോ​യ മ​ര​ണ​പ്പെ​ട്ട് നാ​ല് വ​ർ​ഷം ക​ഴി​ഞ്ഞി​ട്ടും പു​സ്ത​ക​ങ്ങ​ൾ പ്ര​സി​ദ്ധീ​ക​രി​ക്ക​പ്പെ​ട്ടി​ട്ടി​ല്ലെ​ന്നും ധ​രി​പ്പി​ച്ചു. വ​ള​രെ രോ​ഷ​ത്തോ​ടെ​യാ​ണ് സ​ഭ ഇ​തെ​ല്ലാം ശ്ര​വി​ച്ച​ത്. എ​ന്നാ​ൽ ച​ർ​ച്ച​യൊ​ന്നും അ​നു​വ​ദി​ക്ക​പ്പെ​ട്ടി​ല്ല. സം​ഭ​വി​ച്ച കാ​ര്യ​ങ്ങ​ളി​ലെ​ല്ലാം ഖേ​ദം പ്ര​ക​ടി​പ്പി​ച്ച വൈ​സ് ​ചാ​ൻ​സ​ല​ർ ടി.​എ​ൻ. ജ​യ​ച​ന്ദ്ര​ൻ ക്രി​യാ​ത്മ​ക​മാ​യ പ​രി​ഹാ​ര ന​ട​പ​ടി​ക​ൾ ഉ​ട​ൻ കൈ​ക്കൊ​ള്ളു​മെ​ന്ന് പ്ര​ഖ്യാ​പി​ച്ചു. സ്​​മാ​ര​ക ഗ്ര​ന്ഥ​ങ്ങ​ളു​ടെ പ്ര​സി​ദ്ധീ​ക​ര​ണ ന​ട​പ​ടി​ക​ൾ ത്വ​രി​ത​പ്പെ​ടു​ത്തു​ന്ന​തി​ന് എ​ഡി​റ്റോ​റി​യ​ൽ ബോ​ർ​ഡ് രൂ​പ​വ​ത്ക​രി​ക്കു​മെ​ന്നും അ​ദ്ദേ​ഹം പ്ര​ഖ്യാ​പി​ച്ചു (ലേ​ഖ​ക​ൻ സെ​ന​റ്റി​ന്റെ ഏ​ക പ്ര​തി​നി​ധി​യാ​യി എ​ഡി​റ്റോ​റി​യ​ൽ ബോ​ർ​ഡി​ൽ അം​ഗ​മാ​യി​രു​ന്നു). ട്ര​ഷ​റി ബെ​ഞ്ചി​ൽ സ​ന്നി​ഹി​ത​രാ​യി​രു​ന്ന സി​ൻ​ഡി​​േക്ക​റ്റ് അം​ഗ​ങ്ങ​ൾ​ക്ക് വി​ഷ​യ​ത്തി​ൽ പ്ര​തി​ക​രി​ക്കാ​ൻ അ​വ​സ​രം ഉ​ണ്ടാ​യി​ല്ല. ത​ന്ത്ര​പ​ര​മാ​യ ആ ​അ​വ​സ​ര നി​ഷേ​ധ​ത്തി​ൽ അ​വ​ർ​ക്കു​ള്ള അ​ർ​ഥ​വ​ത്താ​യ സ​ന്ദേ​ശ​വും അ​തി​ന​പ്പു​റ​മു​ള്ള ഒ​രു താ​ക്കീ​തും അ​ന്ത​ർ​ഭ​വി​ച്ചി​രു​ന്നു. പി​ന്നീ​ട് സം​ഭ​വി​ച്ച​ത്: സ​ർ​വ​ക​ലാ​ശാ​ല​യു​ടെ പോ​സ്റ്റ​ൽ മേ​ൽ​വി​ലാ​സം : യൂ​നി​വേ​ഴ്സി​റ്റി ഓ​ഫ് കാ​ലി​ക്ക​റ്റ്, കാ​ലി​ക്ക​റ്റ് യൂ​നി​വേ​ഴ്സി​റ്റി. പി.​ഒ, പി​ൻ-673635, മ​ല​പ്പു​റം ഡി​സ്​​ട്രി​ക്റ്റ്, കേ​ര​ള എ​ന്ന് ഭേ​ദ​ഗ​തി വ​രു​ത്തി ഒ​രാ​ഴ്ച്ച​ക്ക​കം ഉ​ത്ത​ര​വി​റ​ക്കി. സി.​എ​ച്ച്. മു​ഹ​മ്മ​ദ് കോ​യ​യെ കു​റി​ച്ച സ്​​മാ​ര​ക​ഗ്ര​ന്ഥ​ങ്ങ​ൾ (ലേ​ഖ​ന സ​മാ​ഹാ​രം) മ​ല​യാ​ള​ത്തി​ലും ഇം​ഗ്ലീ​ഷി​ലും ര​ണ്ട് മൂ​ന്ന് മാ​സ​ത്തി​ന​കം അ​ദ്ദേ​ഹ​ത്തി​ന്റെ അ​റു​പ​താം ജ​ന്മ​ദി​ന​ത്തി​ൽ 1987 ജൂ​ലൈ 15ന് ​പ്ര​കാ​ശ​നം ചെ​യ്യ​പ്പെ​ടു​ക​യു​മു​ണ്ടാ​യി.

വൈ​സ് ചാ​ൻ​സ​ല​ർ​മാ​ർ മ​ന​സ്സു​വെ​ച്ചാ​ൽ സ​ക​ല കെ​ട്ടു​പാ​ടു​ക​ളെ​യും പൊ​ട്ടി​ച്ചെ​റി​ഞ്ഞ് സ​ർ​വ​ക​ലാ​ശാ​ല​ക​ളെ ക്രി​യാ​ത്മ​ക​മാ​യി മു​ന്നോ​ട്ടു കൊ​ണ്ടു​പോ​കാ​ൻ സാ​ധി​ക്കു​ക​ത​ന്നെ ചെ​യ്യും എ​ന്ന് ബോ​ധ്യ​പ്പെ​ടു​ത്താ​നാ​ണ് ഈ ​ഓ​ർ​മ ഇ​വി​ടെ കു​റി​ച്ചി​ടു​ന്ന​ത്.