തോ​ട്ട് പൊ​ലീ​സ് വാ​തി​ലി​ൽ മു​ട്ടു​ന്നു!

ഒ​രു സാ​ങ്കേ​തി​ക വി​ദ്യ ഉ​പ​യോ​ഗി​ച്ച് ത​ന്റെ മ​സ്തി​ഷ്കം മ​റ്റൊ​രാ​ൾ നി​യ​ന്ത്രി​ച്ചു​കൊ​ണ്ടി​രി​ക്കു​ന്നു എ​ന്ന വി​ചി​ത്ര വാ​ദ​വു​മാ​യി ജി. ​വെ​ങ്കി​ടേ​ശ്വ​ർ​ലു എ​ന്നൊ​രാ​ൾ ന​ൽ​കി​യ ഹ​ര​ജി ഈ​യി​ടെ സു​പ്രീം​കോ​ട​തി ത​ള്ളു​ക​യു​ണ്ടാ​യി. ആ​ദ്യ​മി​ദ്ദേ​ഹം റി​ട്ട് പെ​റ്റീ​ഷ​നു​മാ​യി ആ​ന്ധ്ര ഹൈ​കോ​ട​തി​യെ​യാ​ണ് സ​മീ​പി​ച്ച​ത്. കേ​ന്ദ്ര ഫോ​റ​ൻ​സി​ക് സ​യ​ന്റി​ഫി​ക് ല​ബോ​റ​ട്ട​റി​യി​ൽ​നി​ന്ന് ചി​ല​ർ മ​നു​ഷ്യ​ന്റെ മ​സ്തി​ഷ്ക വാ​യ​ന ന​ട​ത്താ​നു​ള്ള ഉ​പ​ക​ര​ണ​ങ്ങ​ൾ ക​ര​സ്ഥ​മാ​ക്കി അ​ത് ത​ന്റെ മ​സ്തി​ഷ്ക​ത്തി​ൽ പ്ര​യോ​ഗി​ക്കു​ന്നു​ണ്ടെ​ന്നും അ​ത് പ്ര​വ​ർ​ത്ത​ന​ര​ഹി​ത​മാ​ക്കാ​ൻ കോ​ട​തി ഉ​ത്ത​ര​വി​ട​ണ​മെ​ന്നു​മാ​യി​രു​ന്നു ആ​വ​ശ്യം. ഹ​ര​ജി​ക്കാ​ര​ന്റെ മേ​ൽ ഒ​രു​ത​ര​ത്തി​ലു​ള്ള പ​രീ​ക്ഷ​ണ​വും ന​ട​ത്തി​യി​ട്ടി​ല്ലെ​ന്നും അ​തി​നാ​ൽ, മെ​ഷീ​നു​ക​ൾ പ്ര​വ​ർ​ത്ത​ന​ര​ഹി​ത​മാ​ക്ക​ണ​മെ​ന്ന വാ​ദം അ​സ്ഥാ​ന​ത്താ​ണെ​ന്നും ഫോ​റ​ൻ​സി​ക് ല​ബോ​റ​ട്ട​റി കോ​ട​തി​യെ അ​റി​യി​ച്ചു. അ​നു​കൂ​ല വി​ധി ല​ഭി​ക്കാ​തെ​വ​ന്ന​തോ​ടെ വെ​ങ്കി​ടേ​ശ്വ​ർ​ലു സു​പ്രീം​കോ​ട​തി​യി​ൽ സ്പെ​ഷ​ൽ ലീ​വ് പെ​റ്റീ​ഷ​ൻ സ​മ​ർ​പ്പി​ച്ചു. ഇ​ദ്ദേ​ഹ​ത്തി​ന്റെ വാ​ദ​ങ്ങ​ൾ പൂ​ർ​ണ​മാ​യി കേ​ട്ട് റി​പ്പോ​ർ​ട്ട് ചെ​യ്യാ​ൻ സു​പ്രീം​കോ​ട​തി, ലീ​ഗ​ൽ സ​ർ​വി​സ് ക​മ്മി​റ്റി​യെ ചു​മ​ത​ല​പ്പെ​ടു​ത്തി. ഇ​ത് പ​രി​ശോ​ധി​ച്ച കോ​ട​തി, ത​ങ്ങ​ൾ​ക്ക് ഇ​ട​പെ​ടാ​നു​ള്ള ഒ​രു വ​കു​പ്പോ യു​ക്തി​യോ ഹ​ര​ജി​ക്കാ​ര​ന്റെ വാ​ദ​ത്തി​ൽ ഇ​ല്ലാ​ത്ത​തി​നാ​ൽ ഹ​ര​ജി ത​ള്ളി. പ്ര​ഥ​മ​ദൃ​ഷ്ട്യാ വി​ചി​ത്ര​മാ​യ ഹ​ര​ജി​യാ​യി​രു​ന്നി​ട്ടു​പോ​ലും ഹ​ര​ജി​ക്കാ​ര​ന്റെ വാ​ദ​ങ്ങ​ൾ​ക്ക് ചെ​വി​കൊ​ടു​ക്കാ​ൻ സു​പ്രീം​കോ​ട​തി കാ​ണി​ച്ച മ​ഹാ​മ​ന​സ്ക​ത, ചി​ന്താ സ്വാ​ത​ന്ത്ര്യ​ത്തി​ന് കോ​ട​തി വ​ലി​യ വി​ല​ക​ൽ​പി​ക്കു​ന്നു എ​ന്ന വ​സ്തു​ത​ക്ക് അ​ടി​വ​ര​യി​ടു​ന്നു.

ന്യൂ​റോ​ണു​ക​ൾ ഉ​പ​രോ​ധ​ത്തി​ൽ

പി​ന്നീ​ട് അ​മേ​രി​ക്ക​ൻ സു​പ്രീം​കോ​ട​തി ചീ​ഫ് ജ​സ്റ്റി​സ് ആ​യി​ത്തീ​ർ​ന്ന ലൂ​യി​സ് ബ്രാ​ൻ​ഡീ​സ് 1890ൽ ​ത​ന്റെ 34ാമ​ത്തെ വ​യ​സ്സി​ൽ സാ​ങ്കേ​തി​ക വി​ദ്യ​യു​ടെ ആ​ധി​ക്യം​മൂ​ലം, സ്വ​ന്തം ക്ലോ​സ​റ്റി​ൽ ര​ഹ​സ്യ​മാ​യി മൊ​ഴി​യു​ന്ന വാ​ക്കു​ക​ൾ മ​ട്ടു​പ്പാ​വി​ൽ കൊ​ട്ടി​ഘോ​ഷി​ക്ക​പ്പെ​ടു​ന്ന അ​വ​സ്ഥ ഉ​ണ്ടാ​ക്കു​മോ എ​ന്ന് ഉ​ത്ക​ണ്ഠ​പ്പെ​ടു​ക​യു​ണ്ടാ​യി. ലൂ​യി​സ് ബ്രാ​ൻ​ഡീ​സ് സ​ഹ​പ്ര​വ​ർ​ത്ത​ക​നാ​യ സാ​മു​വ​ൽ വാ​റ​നു​മാ​യി ചേ​ർ​ന്ന് സാ​ങ്കേ​തി​ക വ​ള​ർ​ച്ച​യോ​ടൊ​പ്പം സ്വ​കാ​ര്യ​ത ഒ​രു നി​യ​മ​പ​ര​മാ​യ അ​വ​കാ​ശ​മാ​യി സം​ര​ക്ഷി​ക്ക​പ്പെ​ടേ​ണ്ട​തി​നെ​പ്പ​റ്റി ഏ​റെ ച​ർ​ച്ച​ക​ൾ​ക്ക് വ​ഴി തു​റ​ന്ന ഒ​രു ലേ​ഖ​ന​വും എ​ഴു​തു​ക​യു​ണ്ടാ​യി.

ബ്രാ​ൻ​ഡീ​സി​നും വാ​റ​നും ഭ​ര​ണ​കൂ​ടം ന്യൂ​റ​ൽ ഡേ​റ്റ​യി​ൽ കൈ​വെ​ക്കു​ന്ന ഒ​രു യു​ഗ​ത്തെ മു​ൻ​കൂ​ട്ടി ക​ണ്ടി​ല്ലെ​ങ്കി​ലും മ​നു​ഷ്യ ചി​ന്ത​ക​ളും മ​നഃ​ചേ​ഷ്ട​ക​ളും വി​കാ​ര​ങ്ങ​ളും സം​ര​ക്ഷി​ക്ക​പ്പെ​ടേ​ണ്ട ആ​വ​ശ്യ​ക​ത​യെ​പ്പ​റ്റി അ​ന്നു​ത​ന്നെ സൂ​ചി​പ്പി​ച്ചു. ലൂ​യി​സ് ബ്രാ​ൻ​ഡി​സി​ന്റെ ദീ​ർ​ഘ​ദൃ​ഷ്ടി​യു​ള്ള കാ​ഴ്ച​പ്പാ​ടി​ന്റെ വെ​ളി​ച്ച​ത്തി​ൽ, സു​പ്രീം​കോ​ട​തി​യി​ൽ വി​ചി​ത്ര​വാ​ദ​മു​യ​ർ​ത്തി​യ വെ​ങ്കി​ടേ​ശ്വ​ർ​ലു​വി​ന്റെ ആ​ശ​ങ്ക​ക​ളെ കേ​വ​ല ചി​ത്ത​ഭ്ര​മ സ​ങ്ക​ൽ​പ​ങ്ങ​ളെ​ന്നു പ​റ​ഞ്ഞ് ത​ള്ളി​ക്ക​ള​യാ​നാ​വി​ല്ല. ചി​ന്താ​സ്വാ​ത​ന്ത്ര്യം ഇ​ന്ത്യ​ൻ ഭ​ര​ണ​ഘ​ട​ന ആ​മു​ഖ​ത്തി​ന്റെ തി​ള​ങ്ങു​ന്ന കി​രീ​ട​ര​ത്ന​ങ്ങ​ളി​ൽ ഒ​ന്നാ​ണ്. 1948ൽ ​ന​മ്മു​ടെ ഭ​ര​ണ​ഘ​ട​ന ശി​ൽ​പി​ക​ൾ ആ​മു​ഖം ത​യാ​റാ​ക്കു​ന്ന ചു​മ​ത​ല​ക​ളി​ൽ മു​ഴു​കി​യ​പ്പോ​ൾ ജോ​ർ​ജ് ഒ​ർ​വെ​ൽ ത​ന്റെ ഭ​വി​ഷ്യ​ത്ജ്ഞാ​ന​പ​ര​മാ​യ 1984 എ​ന്ന നോ​വ​ലി​ന്റെ പ​ണി​പ്പു​ര​യി​ലാ​യി​രു​ന്നു. തോ​ട്ട് പൊ​ലീ​സി​ങ് ആ​ണ് ഈ ​നോ​വ​ലി​ലെ ഭ​യാ​ന​ക​മാ​യ ഒ​രു ഇ​തി​വൃ​ത്തം. പൗ​ര​ജ​ന​ങ്ങ​ളു​ടെ ചി​ന്ത​ക​ളെ സാ​ങ്കേ​തി​ക വി​ദ്യ ഉ​പ​യോ​ഗി​ച്ച് സൂ​ക്ഷ്മ​മാ​യി നി​രീ​ക്ഷി​ക്കു​ന്ന ര​ഹ​സ്യ പൊ​ലീ​സി​നെ (തി​ങ്ക്പോ​ൾ) ആ ​നോ​വ​ലി​ൽ കാ​ണാം. ഭ​ര​ണ​കൂ​ട​ത്തി​നെ​തി​രെ ചി​ന്തി​ക്കു​ന്ന​വ​രെ സ​സൂ​ക്ഷ്മം നി​രീ​ക്ഷി​ച്ച് വ​ല​യി​ലാ​ക്കു​ക​യാ​ണ് തോ​ട്ട് പൊ​ലീ​സി​ന്റെ ദൗ​ത്യം. അ​ന്ന​ത് ഓ​ർ​വ​ലി​ന്റെ ക​ൽ​പ​നാ സൃ​ഷ്ടി​യാ​യി​രു​ന്നു​വെ​ങ്കി​ൽ ഇ​ന്ന് മ​സ്തി​ഷ്ക വാ​യ​ന​യും തോ​ട്ട് പൊ​ലീ​സി​ങ്ങും സ​മീ​പ​സ്ഥ​മാ​യ യാ​ഥാ​ർ​ഥ്യ​ങ്ങ​ളാ​ണ്. ചി​ന്താ​സ്വാ​ത​ന്ത്ര്യം ഗു​രു​ത​ര ഭീ​ഷ​ണി​യി​ലു​മാ​ണ്.

ജോ​ർ​ജ് ഒ​ർ​വെ​ൽ, ലൂ​യി​സ് ബ്രാ​ൻ​ഡീ​സ്

ചി​ന്താ​പ്ര​ക്രി​യ ഒ​രു മാ​ന​സി​ക വ്യാ​പാ​ര​മാ​ണ്. ന​മ്മു​ടെ ചു​റ്റു​പാ​ടു​ക​ളി​ൽ​നി​ന്ന് വി​വ​ര​ങ്ങ​ൾ ശേ​ഖ​രി​ച്ച് ആ ​വി​വ​ര​ങ്ങ​ളു​ടെ അ​ടി​സ്ഥാ​ന​ത്തി​ൽ ഒ​രു തീ​രു​മാ​ന​ത്തി​ലേ​ക്ക് ന​മ്മെ ന​യി​ക്കു​ന്ന ആ​ലോ​ച​നാ പ്ര​വ​ർ​ത്ത​നം. ആ​ലോ​ച​ന എ​ന്ന​ത് മ​നു​ഷ്യ​ന്റെ ആ​ന്ത​രി​ക പ്ര​വ​ർ​ത്ത​ന​മാ​യ​തി​നാ​ൽ ഇ​ത്ര​കാ​ലം ബാ​ഹ്യ ഇ​ട​പെ​ട​ലു​ക​ൾ​ക്ക് അ​തീ​ത​മാ​യാ​ണ് മാ​ന​സി​ക വ്യാ​പാ​ര​ത്തെ ക​ണ്ടി​രു​ന്ന​ത്. എ​ന്നാ​ൽ, ആ ​യു​ഗം അ​വ​സാ​നി​ച്ചി​രി​ക്കു​ന്നു. നേ​ച്ച​ർ മാ​ഗ​സി​നി​ൽ പ്ര​സി​ദ്ധീ​ക​രി​ച്ച ഒ​രു പ​ഠ​ന​പ്ര​കാ​രം നി​ർ​മി​ത ബു​ദ്ധി​യു​ടെ സ​ഹാ​യ​ത്തോ​ടെ ടെ​ക്സ​സ് യൂ​നി​വേ​ഴ്സി​റ്റി​യി​ലെ ശാ​സ്ത്ര​ജ്ഞ​ർ മ​നു​ഷ്യ മ​സ്തി​ഷ്ക​ത്തെ വാ​യി​ക്കാ​ൻ ക​ഴി​യു​ന്ന സാ​ങ്കേ​തി​ക വി​ദ്യ വി​ക​സി​പ്പി​ച്ചി​രി​ക്കു​ക​യാ​ണ്. നാം ​മൊ​ഴി​യാ​ത്ത ന​മ്മു​ടെ ആ​ന്ത​രി​ക ചി​ന്ത​ക​ൾ ഇ​നി മു​ത​ൽ ബാ​ഹ്യ​ലോ​ക​ത്ത് സം​സാ​രി​ക്ക​പ്പെ​ടും.

സി​ഗ​ൽ സാ​മു​വ​ൽ 2023 മേ​യ് 4ന് ​വോ​ക്സ് മാ​ഗ​സി​നി​ൽ എ​ഴു​തി​യ​ത് ഇ​ങ്ങ​നെ​യാ​ണ്: ‘‘ബ്രെ​യി​ൻ -ക​മ്പ്യൂ​ട്ട​ർ ഇ​ന്റ​ർ​ഫേ​സി​ലൂ​ടെ (BCI) ഇ​നി മു​ത​ൽ ന​മ്മു​ടെ മ​സ്തി​ഷ്ക​ത്തി​ലെ ഓ​രോ വി​വ​ര​ങ്ങ​ളും ഡീ ​കോ​ഡ് ചെ​യ്യാ​ൻ സാ​ധി​ക്കും. നാം ​ഒ​രു വാ​ക്കും ഉ​ച്ച​രി​ച്ചി​ല്ലെ​ങ്കി​ലും മ​റ്റൊ​രാ​ൾ​ക്ക് നാം ​ചി​ന്തി​ക്കു​ന്ന കാ​ര്യ​ങ്ങ​ളു​ടെ ആ​ക​ത്തു​ക വാ​യി​ച്ചെ​ടു​ക്കാ​ൻ ക​ഴി​യും.’’ ഇ​ലോ​ൺ മ​സ്കി​ന്റെ ന്യൂ​റോ​ലി​ങ്കും മാ​ർ​ക്ക് സു​ക്ക​ർ​ബ​ർ​ഗി​ന്റെ മെ​റ്റ​യും മ​നു​ഷ്യ​ന്റെ ചി​ന്ത​ക​ളെ ന്യൂ​റോ​ണു​ക​ളി​ൽ​നി​ന്ന് നേ​രി​ട്ട് വാ​ക്കു​ക​ളി​ലേ​ക്ക് പ​രി​വ​ർ​ത്ത​നം ചെ​യ്യാ​ൻ ക​ഴി​യു​ന്ന ബ്രെ​യി​ൻ-​ക​മ്പ്യൂ​ട്ട​ർ ഇ​ന്റ​ർ​ഫേ​സ് ഗ​വേ​ഷ​ണ​ങ്ങ​ളി​ൽ ഏ​ർ​പ്പെ​ട്ടി​രി​ക്കു​ക​യാ​ണ്.

ചി​ന്താ​സ്വാ​ത​ന്ത്ര്യ​ത്തി​ന്റെ ഭാ​വി

മ​നു​ഷ്യ മ​സ്തി​ഷ്ക​ത്തെ ട്രാ​ക്ക് ചെ​യ്യു​ന്ന​തും ഹാ​ക്ക് ചെ​യ്യു​ന്ന​തും ഇ​ന്ന് ശാ​സ്ത്ര ഭാ​വ​ന​യ​ല്ല, ഒ​രു ന്യൂ​റോ സ​യ​ന്റി​ഫി​ക് യാ​ഥാ​ർ​ഥ്യ​മാ​ണ്. നി​ത എ. ​ഫ​റ​ഹാ​നി ത​ന്റെ The Battle for Your Brain: Defending the Right to Think Freely in the Age of Neurotechnology (2023) എ​ന്ന പു​സ്ത​ക​ത്തി​ൽ പ​റ​യു​ന്നു: ‘‘നാം ​മ​നു​ഷ്യ ച​രി​ത്ര​ത്തി​ന്റെ പ​ര​മ​പ്ര​ധാ​ന​മാ​യ നി​മി​ഷ​ങ്ങ​ളി​ലാ​ണ് ജീ​വി​ക്കു​ന്ന​ത്. ന​മ്മു​ടെ ത​ല​ച്ചോ​റി​ന്റെ നി​യ​ന്ത്ര​ണം ഒ​ന്നു​കി​ൽ ന​മു​ക്ക് വ​ർ​ധി​പ്പി​ക്കാം, അ​ല്ലെ​ങ്കി​ൽ ന​ഷ്ട​പ്പെ​ടു​ത്താം. ന​മ്മു​ടെ ചി​ന്താ​സ്വാ​ത​ന്ത്ര്യ​ത്തി​ന്റെ അ​തി​ർ​ത്തി​ക​ൾ ഒ​ന്നു​കി​ൽ ന​മു​ക്ക് ഇ​ന്നു​ത​ന്നെ നി​ർ​ണ​യി​ക്കാം. അ​ല്ലെ​ങ്കി​ൽ അ​ങ്ങ​നെ ചെ​യ്യാ​ൻ വൈ​കു​ന്ന​തി​ന്റെ പ്ര​ത്യാ​ഘാ​തം നാം ​അ​ഭി​മു​ഖീ​ക​രി​ക്കേ​ണ്ടി​വ​രും. ന​മ്മു​ടെ മ​സ്തി​ഷ്ക​ത്തി​ന് പ്ര​ത്യേ​ക സം​ര​ക്ഷ​ണം ആ​വ​ശ്യ​മാ​ണ്. ന​മ്മു​ടെ ഓ​ൺ​ലൈ​ൻ പ്ര​വ​ർ​ത്ത​ന​ങ്ങ​ളെ​യും സെ​ൽ​ഫോ​ൺ കാ​ളു​ക​ളെ​യും ട്രാ​ക്ക് ചെ​യ്ത് ഹാ​ക്ക് ചെ​യ്യാ​ൻ പ​റ്റു​ന്ന​തു​പോ​ലെ​യും, ഓ​ൺ​ലൈ​ൻ ഷോ​പ്പി​ങ് ഉ​ൾ​പ്പെ​ടെ​യു​ള്ള സാ​മ്പ​ത്തി​ക ഇ​ട​പാ​ടു​ക​ൾ ട്രാ​ക്ക് ചെ​യ്ത് വി​വ​ര​ശേ​ഖ​ര​ണം ന​ട​ത്തു​ന്ന​തു​പോ​ലെ​യും ന​മ്മു​ടെ ത​ല​ച്ചോ​ർ, ട്രാ​ക്കി​ങ്ങി​നും ഹാ​ക്കി​ങ്ങി​നും വി​വ​ര​ശേ​ഖ​ര​ണ​ത്തി​നും വി​ധേ​യ​മാ​ക്കാ​വു​ന്ന കേ​വ​ലം ഒ​രു ഡേ​റ്റാ വി​ഷ​യ​മാ​യി മാ​റി​യ​തി​നാ​ൽ തീ​ർ​ച്ച​യാ​യും നാം ​വ​ള​രെ ആ​പ​ത്ക​ര​മാ​യ കാ​ല​ഘ​ട്ട​ത്തി​ലൂ​ടെ​യാ​ണ് ക​ട​ന്നു​പോ​കു​ന്ന​ത് എ​ന്ന് മ​ന​സ്സി​ലാ​ക്കേ​ണ്ടി​യി​രി​ക്കു​ന്നു.’’

ഐ​ക്യ​രാ​ഷ്ട്ര​സ​ഭ​യു​ടെ ഫ്രീ​ഡം ഓ​ഫ് തോ​ട്ട് ആ​ൻ​ഡ് റി​ലീ​ജ്യ​ൻ സ്പെ​ഷ​ൽ റി​പ്പോ​ർ​ട്ട​ർ ഡോ​ക്ട​ർ അ​ഹ്മ​ദ് ശ​ഹീ​ദ് 2021ൽ ‘​ഫ്രീ​ഡം ഓ​ഫ് തോ​ട്ട്’ എ​ന്ന പേ​രി​ൽ ഒ​രു സ​മ​ഗ്ര റി​പ്പോ​ർ​ട്ട് സ​മ​ർ​പ്പി​ക്കു​ക​യു​ണ്ടാ​യി. ഒ​രാ​ളു​ടെ ചി​ന്ത​ക​ൾ വെ​ളി​പ്പെ​ടു​ത്താ​തി​രി​ക്കാ​നു​ള്ള അ​വ​കാ​ശം, ഒ​രാ​ളു​ടെ ചി​ന്ത​ക​ളു​ടെ പേ​രി​ൽ ശി​ക്ഷി​ക്ക​പ്പെ​ടാ​തി​രി​ക്കാ​നു​ള്ള അ​വ​കാ​ശം, ഒ​രാ​ളു​ടെ ചി​ന്ത​യി​ൽ അ​യാ​ളു​ടെ അ​നു​വാ​ദ​മി​ല്ലാ​തെ ഇ​ട​പെ​ടാ​തി​രി​ക്കാ​നു​ള്ള അ​വ​കാ​ശം എ​ന്നി​വ​യാ​ണ് റി​പ്പോ​ർ​ട്ട​ർ അ​വ​ത​രി​പ്പി​ച്ച ചി​ന്താ സ്വാ​ത​​ന്ത്ര്യ​ത്തി​ന്റെ പ്ര​ധാ​ന​വ​ശ​ങ്ങ​ൾ.

സ​മ​ഗ്രാ​ധി​പ​ത്യ ക​ട​ന്നു​ക​യ​റ്റം

1942ൽ ​അ​മേ​രി​ക്ക​ൻ സു​പ്രീം​കോ​ട​തി Jones vs City of Opelika കേ​സി​ൽ ന​ട​ത്തി​യ നി​രീ​ക്ഷ​ണം ശ്ര​ദ്ധേ​യ​മാ​ണ്: ‘‘ചി​ന്താ​സ്വാ​ത​ന്ത്ര്യം പ​രി​പൂ​ർ​ണ​മാ​ണ്. മ​ന​സ്സി​ന്റെ ആ​ന്ത​രി​ക വ്യാ​പാ​രം നി​യ​ന്ത്രി​ക്കാ​നും ത​ട​യാ​നും സ്വേ​ച്ഛാ​ധി​പ​ത്യ​പ​ര​മാ​യ ഒ​രു ഭ​ര​ണ​കൂ​ട​ത്തി​നു​പോ​ലും സാ​ധി​ക്കി​ല്ല.’’ പ​ക്ഷേ, ഈ ​നി​രീ​ക്ഷ​ണം, ന​മ്മു​ടെ ന്യൂ​റോ​ണു​ക​ൾ​പോ​ലും ഭ​ര​ണ​കൂ​ട​ത്തി​ന്റെ ഇ​ട​പെ​ട​ലു​ക​ൾ​ക്കും നി​രീ​ക്ഷ​ണ​ങ്ങ​ൾ​ക്കും വി​ധേ​യ​മാ​യി​ക്കൊ​ണ്ടി​രി​ക്കെ അ​പ്ര​സ​ക്ത​മാ​യി മാ​റു​ന്നു. ന്യൂ​റോ​ടെ​ക്നോ​ള​ജി മു​ത​ൽ നി​ർ​മി​ത​ബു​ദ്ധി വ​രെ​യു​ള്ള സാ​ങ്കേ​തി​ക വി​ദ്യ​ക​ളി​ലു​ള്ള ഭ​യാ​ന​ക​മാം​വി​ധ​മു​ള്ള മു​ന്നേ​റ്റം സ്വേ​ച്ഛാ​ധി​കാ​ര പ്ര​വ​ണ​ത​ക​ളെ ഊ​ട്ടി​യു​റ​പ്പി​ക്കു​ന്ന സാ​ഹ​ച​ര്യ​ങ്ങ​ളാ​ണ് നി​ർ​മി​ച്ചു​കൊ​ണ്ടി​രി​ക്കു​ന്ന​ത്. ഈ ​സ​മ​ഗ്രാ​ധി​പ​ത്യ നു​ഴ​ഞ്ഞു​ക​യ​റ്റ​ത്തെ ത​ട​ഞ്ഞു​നി​ർ​ത്തി വ്യ​ക്തി​ക​ളു​ടെ ചി​ന്താ​സ്വാ​ത​ന്ത്ര്യം സം​ര​ക്ഷി​ക്കാ​ൻ ഭ​ര​ണ​കൂ​ട​വും സി​വി​ൽ സ​മൂ​ഹ​വും നി​യ​മ​ത്തി​ന്റെ സം​ര​ക്ഷ​ണ ക​വ​ച​ങ്ങ​ൾ തീ​ർ​ത്തേ പ​റ്റൂ.

(കേ​ര​ള സ​ർ​ക്കാ​റി​ന്റെ നി​യ​മ വ​കു​പ്പി​ൽ ഡെ​പ്യൂ​ട്ടി സെ​ക്ര​ട്ട​റി​യാ​ണ് ലേ​ഖ​ക​ൻ)