സി.പി.എം നയരേഖ: മുരടിപ്പിച്ച മൂന്നരപ്പതിറ്റാണ്ടിന് എന്തുണ്ട് മറുപടി?

പി.​വി. ന​ര​സിം​ഹ​റാ​വു​വി​ന്റെ നേ​തൃ​ത്വ​ത്തി​ല്‍ 1991ല്‍ ​നി​ല​വി​ല്‍വ​ന്ന കോ​ണ്‍ഗ്ര​സ് സ​ര്‍ക്കാ​റാ​ണ് ഇ​ന്ത്യ​ന്‍ വി​പ​ണി​യു​ടെ വാ​തി​ലു​ക​ള്‍ തു​റ​ന്നി​ട്ടു​കൊ​ണ്ടു​ള്ള ഉ​ദാ​ര​വ​ത്ക​ര​ണ- സാ​മ്പ​ത്തി​ക പ​രി​ഷ്‌​ക​ര​ണ​ങ്ങ​ള്‍ക്ക് തു​ട​ക്ക​മി​ട്ട​ത്. അ​ന്ന് ധ​ന​മ​ന്ത്രി​യാ​യി​രു​ന്ന ഡോ. ​മ​ന്‍മോ​ഹ​ന്‍ സി​ങ് കൊ​ണ്ടു​വ​ന്ന ഈ ​ന​യ​ങ്ങ​ളെ മൂ​ന്ന​ര​പ്പ​തി​റ്റാ​ണ്ട് ക​ണ്ണു​മ​ട​ച്ച് എ​തി​ര്‍ത്ത രാ​ഷ്ട്രീ​യ പ്ര​സ്ഥാ​ന​മാ​യി​രു​ന്നു സി.​പി.​എം. ഈ ​പ​രി​ഷ്‌​കാ​ര​ങ്ങ​ള്‍ ഇ​ന്ത്യ​യു​ടെ സാ​മ്പ​ത്തി​ക ഭൂ​മി​ക​യി​ല്‍ കൊ​ണ്ടു​വ​ന്ന മാ​റ്റ​ങ്ങ​ളോ ഇ​ന്ത്യ​ന്‍ സ​മ്പ​ദ് ഘ​ട​ന​യു​ടെ കു​തി​ച്ചു​ചാ​ട്ട​മോ ആ​ളോ​ഹ​രി വ​രു​മാ​ന​ത്തി​ലും ജി.​ഡി.​പി​യി​ലും ഉ​ണ്ടാ​യ വ​ന്‍ വ​ര്‍ധ​ന​യോ സി.​പി.​എം ഇ​തു​വ​രെ​യും ക​ണ്ടി​ല്ലെ​ന്ന് ന​ടി​ച്ചു. ചൈ​ന​യേ​യും പി​ന്ത​ള്ളി ഇ​ന്ത്യ ലോ​ക​ത്തി​ലെ ഏ​റ്റ​വും കു​തി​ച്ചു​യ​രു​ന്ന സ​മ്പ​ദ് വ്യ​വ​സ്ഥ​യാ​യ​ത് ഈ ​ന​യ​ങ്ങ​ളെ തു​ട​ര്‍ന്നാ​ണ്. നോ​ട്ടു​നി​രോ​ധ​നം പോ​ലു​ള്ള മ​ണ്ട​ത്ത​ങ്ങ​ള്‍ മോ​ദി സ​ര്‍ക്കാ​ര്‍ ന​ട​പ്പാ​ക്കി​യി​ല്ലാ​യി​രു​ന്നെ​ങ്കി​ല്‍ ഇ​തി​നും മു​മ്പേ ഇ​ന്ത്യ സാ​മ്പ​ത്തി​ക വ​ള​ര്‍ച്ച​യി​ല്‍ ഈ ​നേ​ട്ട​ങ്ങ​ളൊ​ക്കെ കൈ​വ​രി​ക്കു​മാ​യി​രു​ന്നു.

മൂ​ന്ന​ര​പ്പ​തി​റ്റാ​ണ്ട് കാ​ലം പ​ല്ലും ന​ഖ​വും ഉ​പ​യോ​ഗി​ച്ച് എ​തി​ര്‍ത്ത അ​തേ സാ​മ്പ​ത്തി​ക ഉ​ദാ​ര​വ​ത്ക​ര​ണ ന​യ​ങ്ങ​ളെ, ഉ​പാ​ധി​ക​ളി​ല്ലാ​തെ ന​ട​പ്പാ​ക്കാ​ന്‍ തീ​രു​മാ​നി​ച്ചി​രി​ക്കു​ക​യാ​ണ് സി.​പി.​എ​മ്മും ഇ​ട​തു​പ​ക്ഷ സ​ര്‍ക്കാ​റും. സ്വാ​ശ്ര​യ വി​ദ്യാ​ഭ്യാ​സ​ത്തി​നെ​തി​രെ​യു​ള്ള സ​മ​ര​ത്തി​ല്‍ നാ​ല് ജീ​വ​നു​ക​ളെ കു​രു​തി​കൊ​ടു​ത്ത സി.​പി.​എം ഇ​ന്ന് സ്വാ​ശ്ര​യ വി​ദ്യാ​ഭ്യാ​സ​ത്തി​ന്റെ വ​ലി​യ പ്ര​യോ​ക്താ​ക്ക​ളാ​യി മാ​റി​യി​രി​ക്കു​ന്നു. വി​ദ്യാ​ഭ്യാ​സ വി​ച​ക്ഷ​ണ​ന്‍ ടി.​പി. ശ്രീ​നി​വാ​സ​നെ അ​ടി​ച്ചു​വീ​ഴ്ത്തി​യ എ​സ്.​എ​ഫ്‌.​ഐ​ക്ക് ഇ​ന്ന് വി​ദേ​ശ സ​ര്‍വ​ക​ലാ​ശാ​ല​ക​ളെ കൈ​നീ​ട്ടി സ്വീ​ക​രി​ക്കു​ന്ന​തി​ല്‍ യാ​തൊ​രു അ​റ​പ്പു​മി​ല്ല. കോ​ണ്‍ഗ്ര​സ് സ​ര്‍ക്കാ​ര്‍ പൊ​തു​മേ​ഖ​ല​യി​ലേ​ക്ക് സ്വ​കാ​ര്യ മൂ​ല​ധ​നം കൊ​ണ്ടു​വ​ന്ന​പ്പോ​ള്‍ നാ​ടാ​കെ ന​ട​ന്ന് സ​മ​ര​ങ്ങ​ള്‍ ന​ട​ത്തി​യ സി.​പി.​എ​മ്മി​ന് ഇ​ന്ന് പൊ​തു​മേ​ഖ​ലാ സ്ഥാ​പ​ന​ങ്ങ​ള്‍ സ്വ​കാ​ര്യ​വ​ത്ക​രി​ക്കു​മെ​ന്ന് പ​റ​യാ​ന്‍ യാ​തൊ​രു ല​ജ്ജ​യു​മി​ല്ല.

സി.​പി.​എം സം​സ്ഥാ​ന സ​മ്മേ​ള​ന​ത്തി​ല്‍ മു​ഖ്യ​മ​ന്ത്രി അ​വ​ത​രി​പ്പി​ച്ച ന​യ​രേ​ഖ ഏ​തൊ​രു ച​ങ്ങാ​ത്ത മു​ത​ലാ​ളി​ത്ത പ്ര​സ്ഥാ​ന​വും ല​ജ്ജി​ച്ചു​പോ​കു​ന്ന ത​ര​ത്തി​ലാ​ണ്. സ്വ​കാ​ര്യ മു​ത​ലാ​ളി​മാ​ർ​ക്ക് അ​നു​കൂ​ല​മാ​യി, ജ​ന​വി​രു​ദ്ധ ന​യ​ങ്ങ​ള്‍ ആ​വി​ഷ്‌​ക​രി​ക്കു​ന്ന ത​ല​ത്തി​ലേ​ക്കും പാ​ർ​ട്ടി മാ​റി​യി​രി​ക്കു​ന്നു. അ​ടി​സ്ഥാ​ന ജ​ന​വി​ഭാ​ഗ​ങ്ങ​ളാ​യ ക​യ​ര്‍ തൊ​ഴി​ലാ​ളി, ക​ശു​വ​ണ്ടി​ത്തൊ​ഴി​ലാ​ളി, ബീ​ഡി​ത്തൊ​ഴി​ലാ​ളി, ഓ​ട്ടോ​റി​ക്ഷ തൊ​ഴി​ലാ​ളി എ​ന്നി​വ​രെ​യൊ​ന്നും പ​രി​ഗ​ണി​ക്കാ​ത്ത, സാ​മ്പ​ത്തി​ക​ശേ​ഷി​യു​ള്ള​വ​രെ മാ​ത്രം പ​രി​ഗ​ണി​ക്കു​ന്ന ന​യ​ത്തി​ലേ​ക്ക് സി.​പി.​എം മാ​റി​യി​രി​ക്കു​ന്നു​​വെ​ന്ന​താ​ണ് ‘ന​വ​കേ​ര​ള​ത്തി​ന്റെ പു​തു​വ​ഴി​ക​ള്‍’ എ​ന്ന പേ​രി​ല്‍ പി​ണ​റാ​യി വി​ജ​യ​ന്‍ കൊ​ല്ലം സം​സ്ഥാ​ന സ​മ്മേ​ള​ന​ത്തി​ല്‍ അ​വ​ത​രി​പ്പി​ച്ച ന​യ​രേ​ഖ​യു​ടെ സാ​രാം​ശം.

വി​ക​സ​ന​ത്തി​ന് വേ​ണ്ടി​യാ​ണ് ഈ ​ന​യം​മാ​റ്റ​മെ​ന്നാ​ണ് സി.​പി.​എ​മ്മും ഇ​ട​ത് സ​ര്‍ക്കാ​റും പ​റ​യു​ന്ന​ത്. അ​ങ്ങ​നെ​യെ​ങ്കി​ല്‍ ഈ ​ന​യ​ങ്ങ​ള്‍ ന​ട​പ്പി​ലാ​ക്കു​ന്ന​ത് മൂ​ന്ന​ര പ​തി​റ്റാ​ണ്ട് കാ​ലം വൈ​കി​പ്പി​ച്ച് കേ​ര​ള വി​ക​സ​ന​ത്തെ പി​ന്നോ​ട്ട​ടി​പ്പി​ച്ച​തി​ന്, ട്രേ​ഡ് യൂ​നി​യ​ന്‍ മു​ഷ്‌​ക് ഉ​പ​യോ​ഗി​ച്ച് വി​ക​സ​ന​ത്തെ ആ​ട്ടി​പ്പാ​യി​ച്ച​തി​ന് സി.​പി.​എ​മ്മും സി.​ഐ.​ടി.​യു​വും കേ​ര​ള ജ​ന​ത​യോ​ട് മാ​പ്പി​ര​ക്ക​ണം.

രാ​ഹു​ല്‍ ഗാ​ന്ധി​യു​ടെ നേ​തൃ​ത്വ​ത്തി​ല്‍ കോ​ണ്‍ഗ്ര​സ് കു​ത്ത​ക മൂ​ല​ധ​ന​ത്തി​നെ​തി​രെ​യും ച​ങ്ങാ​ത്ത മു​ത​ലാ​ളി​ത്ത​ത്തി​നെ​തി​രെ​യും പ​ര​സ്യ​മാ​യ നി​ല​പാ​ടു​മാ​യി, കൂ​ടു​ത​ല്‍ ഇ​ട​തു​പ​ക്ഷ സ്വ​ഭാ​വ​മു​ള്ള ന​യ​ങ്ങ​ളു​മാ​യി മു​ന്നോ​ട്ടു​പോ​ക​വെ സി.​പി.​എം കേ​ര​ള​ത്തി​ല്‍ ന​ട​പ്പി​ലാ​ക്കാ​ന്‍ പോ​കു​ന്ന​ത് ക​ടു​ത്ത വ​ല​തു​പ​ക്ഷ ന​യ​മാ​ണ്. രാ​ഹു​ല്‍ ഗാ​ന്ധി ഇ​ന്ത്യ​യി​ലെ ഏ​റ്റ​വും വ​ലി​യ മൂ​ല​ധ​ന കു​ത്ത​ക​യാ​യ അ​ദാ​നി​ക്കെ​തി​രെ നെ​ഞ്ച് വി​രി​ച്ച് നി​ന്ന് പോ​രാ​ടു​മ്പോ​ൾ കേ​ര​ള​ത്തി​ല്‍ ഇ​ട​തു​പ​ക്ഷ സ​ര്‍ക്കാ​ര്‍ അ​ദാ​നി​യു​മാ​യി കൈ​കോ​ര്‍ത്ത് നി​ല്‍ക്കു​ക​യാ​ണ്. പ്ര​ദേ​ശ​ത്തെ മ​ത്സ്യ​ത്തൊ​ഴി​ലാ​ളി​ക​ളെ ബാ​ധി​ക്കു​മെ​ന്ന​ത് ക​ണ​ക്കി​ലെ​ടു​ക്കാ​തെ അ​ദാ​നി​ക്ക് വി​ഴി​ഞ്ഞം പ​ദ്ധ​തി​യു​ടെ ഭാ​ഗ​മാ​യി 77.17 ഹെ​ക്ട​ര്‍ ക​ട​ല്‍ നി​ക​ത്താ​ന്‍ അ​നു​വാ​ദം ന​ല്‍കി​യി​രി​ക്കു​ക​യാ​ണ് പി​ണ​റാ​യി സ​ര്‍ക്കാ​ര്‍. നേ​ര​ത്തേ 63 ഹെ​ക്ട​ര്‍ ക​ട​ല്‍ വി​ഴി​ഞ്ഞം പ​ദ്ധ​തി​ക്കാ​യി നി​ക​ത്തി​യി​രു​ന്നു.

ന​യ​പ​ര​മാ​യി വി​ക​സ​നോ​മു​ഖ​മാ​വു​ക​യ​ല്ല, യാ​തൊ​രു നി​യ​ന്ത്ര​ണ​വു​മി​ല്ലാ​തെ മു​ത​ലാ​ളി​ത്ത​ത്തെ വാ​രി​പ്പു​ണ​രു​ക​യാ​ണ് സി.​പി.​എം. ജ​ല​ദൗ​ര്‍ല​ഭ്യ​മു​ള്ള എ​ല​പ്പു​ള്ളി​യി​ല്‍ ഒ​രു​പാ​ട് വെ​ള്ളം വേ​ണ്ടു​ന്ന ഡി​സ്റ്റി​ല​റി​ക്ക് മ​ദ്യ​ന​യം തി​രു​ത്തി​പ്പോ​ലും അ​നു​മ​തി ന​ല്‍കി​യ​ത് ജ​ന​വി​രു​ദ്ധ ന​ട​പ​ടി​ക​ളു​ടെ തു​ട​ക്ക​മാ​ണ്. വി​ക​സ​ന​ത്തെ​യും വി​ക​സ​ന​ന​യ​ങ്ങ​ളെ​യും കോ​ണ്‍ഗ്ര​സ് എ​തി​ര്‍ക്കു​ന്നി​ല്ല. പ​ക്ഷേ, വി​ക​സ​ന​ത്തി​ന്റെ പേ​രി​ല്‍ ന​ട​പ്പാ​ക്കു​ന്ന​ത് ച​ങ്ങാ​ത്ത മു​ത​ലാ​ളി​ത്ത​മെ​ങ്കി​ല്‍ അ​തി​നെ എ​തി​ര്‍ത്തി​രി​ക്കും എ​ന്ന കാ​ര്യ​ത്തി​ല്‍ സം​ശ​യം വേ​ണ്ട.