സ്വ​ഭാ​വ​ദൂ​ഷ്യ​ത്തി​ന് ലൈ​ക്കും ഷെ​യ​റും ന​ൽ​ക​ണോ?

പ്ര​ശം​സ​യു​ടെ സോ​ഷ്യ​ൽ​മീ​ഡി​യ രൂ​പ​മാ​ണ് ലൈ​ക്കും തം​സ​പ്പും ക​മ​ന്റു​ക​ളും. യൂ​ട്യൂ​ബി​ലും ഫേ​സ്ബു​ക്കി​ലും ഇ​ൻ​സ്റ്റ​ഗ്രാ​മി​ലും ട്വി​റ്റ​റി​ലു​മൊ​ക്കെ പു​തി​യ ചി​ത്ര​ങ്ങ​ളും വി​ഡി​യോ​ക​ളും പോ​സ്റ്റ് ചെ​യ്യു​ന്ന​വ​ർ എ​ത്ര ലൈ​ക്കാ​യി, എ​ത്ര ക​മ​ന്റാ​യി തു​ട​ങ്ങി​യ​വ തു​ട​രെ​ത്തു​ട​രെ നോ​ക്കും. വാ​ട്സ്ആ​പ്പി​ന്റെ സ്റ്റാ​റ്റ​സി​ൽ​പോ​ലും എ​ത്ര​പേ​ർ ക​ണ്ടു, ആ​രെ​ല്ലാം എ​ന്തെ​ല്ലാം പ​റ​ഞ്ഞു എ​ന്നു നോ​ക്കി​ക്കൊ​ണ്ടേ​യി​രി​ക്കും. ന​ല്ല കാ​ര്യ​ങ്ങ​ളെ​ക്കാ​ൾ ലൈ​ക്കും ക​മ​ന്റും ചി​ല കോ​മാ​ളി​ത്ത​ങ്ങ​ൾ​ക്കും കാ​ട്ടി​ക്കൂ​ട്ട​ലു​ക​ൾ​ക്കും ല​ഭി​ക്കു​ന്നു എ​ന്നു തോ​ന്നു​മ്പോ​ൾ പ​തു​ക്കെ അ​വ​ർ ആ ​പാ​ത​യി​ലേ​ക്കു മാ​റു​ന്നു

‘വ​ഷ​ള​ത്ത​രം’ എ​ന്നു തി​രി​ച്ച​റി​ഞ്ഞ് മു​മ്പ് നാം ​അ​ക​റ്റി​നി​ർ​ത്തി​യി​രു​ന്ന പ​ല കാ​ര്യ​ങ്ങ​ളും ഇ​പ്പോ​ൾ പ​ല​രും പ​ര​സ്യ​മാ​യി ചെ​യ്യു​ന്ന​തും പ​റ​യു​ന്ന​തും കാ​ണാം. സം​സാ​ര​ത്തി​ൽ അ​ശ്ലീ​ല​വാ​ക്കു​ക​ളു​ടെ പ്ര​ള​യം, ആ​ഭാ​സ​ക​ര​മാ​യ മു​ദ്ര​ക​ളും ആം​ഗ്യ​ങ്ങ​ളും ഗോ​ഷ്ടി​ക​ളും, അ​റ​പ്പു​ള​വാ​ക്കു​ന്ന പ്ര​വ​ർ​ത്ത​ന​ങ്ങ​ൾ... ഈ ​പ​ട്ടി​ക നീ​ണ്ടു​പോ​കും. സ​മൂ​ഹ​മ​ധ്യ​ത്തി​ൽ ഇ​തൊ​ക്കെ ചെ​യ്യു​ന്ന​വ​രെ​ക്കു​റി​ച്ച് ‘അ​വ​ന്/​അ​വ​ൾ​ക്ക് വ​ട്ടാ​ണ്’ എ​ന്നു പ​ണ്ടു പ​റ​യു​മാ​യി​രു​ന്നു. ശ​രി​യാ​യ മ​നോ​നി​ല അ​ല്ല എ​ന്ന​ർ​ഥം.

എ​ന്നാ​ൽ, ഇ​പ്പോ​ൾ ഇ​ത്ത​ര​ക്കാ​ർ​ക്ക് സോ​ഷ്യ​ൽ മീ​ഡി​യ​യി​ൽ വ​ലി​യ സ്വീ​കാ​ര്യ​ത​യാ​ണ് പ​ല​ർ​ക്കും ല​ഭി​ക്കു​ന്ന​ത്. മു​ഖ്യ​ധാ​രാ സി​നി​മ​ക​ളി​ൽ​പോ​ലും തെ​റി​വി​ളി​ക​ൾ ഹി​റ്റ് ഡ​യ​ലോ​ഗു​ക​ളാ​യി ഇ​ടം​പി​ടി​ക്കു​ന്നു. സ​മൂ​ഹ​മാ​ധ്യ​മ​ങ്ങ​ളി​ലെ ഇ​ത്ത​രം സ​മൂ​ഹ​വി​രു​ദ്ധ താ​ര​ങ്ങ​ൾ കൗ​മാ​ര​ക്കാ​രു​ടെ ഹ​ര​മാ​യി മാ​റു​ന്നു. ഇ​ത് വ​ലി​യ വി​പ​ത്താ​ണ് എ​ന്ന് സ​മൂ​ഹം പ​തു​ക്കെ തി​രി​ച്ച​റി​യു​ന്നു എ​ന്ന​തു മാ​ത്ര​മാ​ണ് ആ​ശ്വാ​സം.

ലൈ​ക്കി​ന​പ്പു​റം ജീ​വി​ത​മു​ണ്ടോ?

പ​റ​യു​ന്ന​തും ചെ​യ്യു​ന്ന​തും കാ​ണി​ക്കു​ന്ന​തും വൃ​ത്തി​കേ​ടാ​ണ് എ​ന്ന് ബോ​ധ്യ​മു​ണ്ടാ​യി​ട്ടും ഇ​ത്ത​രം ‘താ​ര​ങ്ങ​ൾ’ ഇ​തു​ത​ന്നെ വീ​ണ്ടും​വീ​ണ്ടും ചെ​യ്യു​ന്ന​ത് എ​ന്തു​കൊ​ണ്ടാ​ണ്? അ​ത് മ​നു​ഷ്യ​ന്റെ അ​ടി​സ്ഥാ​ന​പ​ര​മാ​യ ഒ​രു മ​നോ​നി​ല​യി​ലേ​ക്കാ​ണ് വി​ര​ൽ​ചൂ​ണ്ടു​ന്ന​ത്. അം​ഗീ​ക​രി​ക്ക​പ്പെ​ടു​ക, ശ്ര​ദ്ധി​ക്ക​പ്പെ​ടു​ക, സ്വീ​കാ​ര്യ​ത നേ​ടു​ക തു​ട​ങ്ങി​യ​വ ഏ​തൊ​രു വ്യ​ക്തി​യും ആ​ഗ്ര​ഹി​ക്കു​ന്ന കാ​ര്യ​ങ്ങ​ളാ​ണ്.

ന​മ്മു​ടെ പ്ര​വൃ​ത്തി, സ്വ​ഭാ​വം, പെ​രു​മാ​റ്റം തു​ട​ങ്ങി​യ​വ ന​ല്ല​താ​ണ് എ​ന്നു മ​റ്റൊ​രാ​ൾ പ​റ​യു​ന്ന​ത് എ​ല്ലാ​വ​ർ​ക്കും ഇ​ഷ്ട​മാ​ണ്. ചി​ല​ർ​ക്ക് പ​ര​സ്യ​മാ​യ പു​ക​ഴ്ത്ത​ൽ ഇ​ഷ്ട​മി​ല്ല എ​ന്നു പ​റ​യു​മ്പോ​ഴും ര​ഹ​സ്യ​മാ​യെ​ങ്കി​ലും പ്ര​ശം​സ എ​ല്ലാ​വ​ർ​ക്കും പ്ര​ചോ​ദ​ന​മാ​ണ്. പ​ക്ഷേ, ഈ ​പ്ര​ശം​സ നേ​ടി​യെ​ടു​ക്കു​ക എ​ളു​പ്പ​മ​ല്ല.

പ്ര​ശം​സ​യു​ടെ സോ​ഷ്യ​ൽ​മീ​ഡി​യ രൂ​പ​മാ​ണ് ലൈ​ക്കും തം​സ​പ്പും ക​മ​ന്റു​ക​ളും. യൂ​ട്യൂ​ബി​ലും ഫേ​സ്ബു​ക്കി​ലും ഇ​ൻ​സ്റ്റ​ഗ്രാ​മി​ലും ട്വി​റ്റ​റി​ലു​മൊ​ക്കെ പു​തി​യ ചി​ത്ര​ങ്ങ​ളും വി​ഡി​യോ​ക​ളും പോ​സ്റ്റ് ചെ​യ്യു​ന്ന​വ​ർ എ​ത്ര ലൈ​ക്കാ​യി, എ​ത്ര ക​മ​ന്റാ​യി തു​ട​ങ്ങി​യ​വ തു​ട​രെ​ത്തു​ട​രെ നോ​ക്കും. വാ​ട്സ്ആ​പ്പി​ന്റെ സ്റ്റാ​റ്റ​സി​ൽ​പോ​ലും എ​ത്ര​പേ​ർ ക​ണ്ടു, ആ​രെ​ല്ലാം എ​ന്തെ​ല്ലാം പ​റ​ഞ്ഞു എ​ന്നു നോ​ക്കി​ക്കൊ​ണ്ടേ​യി​രി​ക്കും.

ന​ല്ല കാ​ര്യ​ങ്ങ​ളെ​ക്കാ​ൾ ലൈ​ക്കും ക​മ​ന്റും ചി​ല കോ​മാ​ളി​ത്ത​ങ്ങ​ൾ​ക്കും കാ​ട്ടി​ക്കൂ​ട്ട​ലു​ക​ൾ​ക്കും ല​ഭി​ക്കു​ന്നു എ​ന്നു തോ​ന്നു​മ്പോ​ൾ പ​തു​ക്കെ അ​വ​ർ ആ ​പാ​ത​യി​ലേ​ക്കു മാ​റു​ന്നു. ലൈ​ക്കു​ക​ൾ ഏ​റി​യേ​റി അ​ത് ന​ല്ല വ​രു​മാ​നം കൂ​ടി​യാ​യി മാ​റു​മ്പോ​ൾ പ​ണ​ത്തി​നും പ്ര​ശ​സ്തി​ക്കും ഇ​തു​ത​ന്നെ വ​ഴി എ​ന്ന് അ​വ​രു​ടെ അ​ബോ​ധ​മ​ന​സ്സ് തീ​രു​മാ​ന​മെ​ടു​ക്കു​ന്നു - കി​ട്ടു​ന്ന​ത് കു​പ്ര​ശ​സ്തി​യാ​ണെ​ങ്കി​ലും.

എ​ന്തു​കൊ​ണ്ട് ഇ​ങ്ങ​നെ?

വൈ​കൃ​ത​ങ്ങ​ളെ ഇ​ങ്ങ​നെ ആ​ഘോ​ഷി​ക്കു​ന്ന സ്വ​ഭാ​വം രൂ​പ​പ്പെ​ടു​ന്ന​ത് എ​ങ്ങ​നെ​യാ​ണ്? സ​മൂ​ഹ​വി​രു​ദ്ധ​മാ​യ ഇ​ത്ത​രം മ​നോ​നി​ല​യെ ASPD (ആ​ന്റി സോ​ഷ്യ​ൽ പേ​ഴ്സ​നാ​ലി​റ്റി ഡി​സോ​ർ​ഡ​ർ) എ​ന്നാ​ണു വി​ളി​ക്കു​ക. ഇ​ത്ത​രം മ​നോ​നി​ല രൂ​പ​പ്പെ​ടാ​ൻ പ​ല കാ​ര​ണ​ങ്ങ​ളു​ണ്ട്. ചി​ല​രി​ൽ വ​ള​രെ ചെ​റു​പ്പ​ത്തി​ലു​ണ്ടാ​യ എ​ന്തെ​ങ്കി​ലും സം​ഭ​വ​ങ്ങ​ളു​ടെ ആ​ഘാ​തം വ​ലി​യ ട്രോ​മ​യാ​യി മ​ന​സ്സി​ൽ അ​വ​ശേ​ഷി​ക്കും. ഇ​തു സ​മൂ​ഹ​വി​രു​ദ്ധ മ​ന​സ്സ് രൂ​പ​പ്പെ​ടു​ന്ന​തി​ൽ നി​ർ​ണാ​യ​ക പ​ങ്കു​വ​ഹി​ക്കും.

ചി​ല​രെ വ​ള​ർ​ത്തി​യെ​ടു​ത്ത​തി​ലെ (പാ​ര​ന്റി​ങ്) പാ​ക​പ്പി​ഴ​ക​ൾ സ​മൂ​ഹ​വി​രു​ദ്ധ മ​നോ​നി​ല​ക്ക് കാ​ര​ണ​മാ​കും. വീ​ട്ടി​നു​ള്ളി​ലെ അ​മി​ത നി​യ​ന്ത്ര​ണ​ങ്ങ​ളും ക​ർ​ക്ക​ശ പെ​രു​മാ​റ്റ​വും മു​ത​ൽ മാ​താ​പി​താ​ക്ക​ൾ ത​മ്മി​ലു​ള്ള വ​ഴ​ക്കു​വ​രെ കാ​ര​ണ​മാ​കാം. മ​റു​വ​ശ​ത്ത് ചി​ല വീ​ടു​ക​ളി​ലെ അ​മി​ത സ്വാ​ത​ന്ത്ര്യ​വും ഒ​ട്ടും നി​യ​ന്ത്ര​ണ​മി​ല്ലാ​ത്ത ഇ​ട​പെ​ട​ലു​ക​ളും കു​ട്ടി​ക​ളെ വ​ഴി​തെ​റ്റി​ക്കാം.

ഒ​ളി​ച്ചി​രി​ക്കാ​ൻ സോ​ഷ്യ​ൽ​മീ​ഡി​യ

തെ​രു​വി​ലി​റ​ങ്ങി വൃ​ത്തി​കേ​ടു​ക​ൾ ചെ​യ്യാ​നും തെ​റി വി​ളി​ച്ചു​പ​റ​യാ​നു​മൊ​ക്കെ സ്വാ​ഭാ​വി​ക​മാ​യ ജാ​ള്യം എ​ല്ലാ​വ​ർ​ക്കു​മു​ണ്ടാ​കും. പ​ക്ഷേ, സോ​ഷ്യ​ൽ​മീ​ഡി​യ​യി​ൽ എ​ന്തും ചെ​യ്യാ​ൻ ഒ​രു ധൈ​ര്യം പ​ല​ർ​ക്കും ല​ഭി​ക്കു​ന്നു. പൂ​ച്ച ക​ണ്ണ​ട​ച്ച് പാ​ൽ കു​ടി​ക്കു​ന്ന​തു​പോ​ലെ​യു​ള്ള ഒ​രു മ​നോ​ഭാ​വം.

ത​ന്നെ മ​റ്റാ​രും കാ​ണി​ല്ല എ​ന്ന ചി​ന്ത, ശാ​രീ​രി​ക​മാ​യി താ​ൻ ഒ​ളി​ച്ചി​രി​ക്കു​ക​യാ​ണ് എ​ന്ന​ത്, ഒ​ളി​ച്ചി​രു​ന്ന് ചെ​യ്യു​ന്ന​തും പ​റ​യു​ന്ന​തു​മൊ​ക്കെ പ്രാ​വ​ർ​ത്തി​ക​മാ​ക്കാ​നു​ള്ള ചോ​ദ​ന​യു​ണ്ടാ​കും. സോ​ഷ്യ​ൽ​മീ​ഡി​യ എ​ന്ന​ത് സൈ​ബ​ർ ലോ​ക​ത്തെ തെ​രു​വാ​ണ് എ​ന്ന​ത് പ​ല​രും തി​രി​ച്ച​റി​യാ​തെ പോ​കു​ന്നു.

‘ഫോ​ളോ​വേ​ഴ്സ്’ കൂ​ടു​ന്ന​ത് എ​ങ്ങ​നെ?

തി​ക​ഞ്ഞ ആ​ഭാ​സ​വും അ​ശ്ലീ​ല​വും പ​റ​ഞ്ഞും കാ​ണി​ച്ചും ന​ട​ക്കു​ന്ന ഇ​ത്ത​ര​ക്കാ​ർ​ക്ക് വ​ലി​യ സ്വീ​കാ​ര്യ​ത ല​ഭി​ക്കു​ന്ന​ത് എ​ങ്ങ​നെ​യാ​ണ്? അ​തും കൗ​മാ​ര​ക്കാ​ർ​ക്കി​ട​യി​ൽ. അ​രു​തെ​ന്ന് പ​റ​യു​ന്ന​തി​ലേ​ക്ക് ആ​ക​ർ​ഷി​ക്ക​പ്പെ​ടു​ക എ​ന്ന​ത് മ​നു​ഷ്യ​ന്റെ ബ​ല​ഹീ​ന​ത​യാ​ണ്. ആ​ദം-​ഹ​വ്വ ജീ​വി​തം മു​ത​ൽ അ​തി​ന്റെ ച​രി​ത്രം ആ​രം​ഭി​ക്കു​ന്നു. ഇ​ങ്ങോ​ട്ട് നോ​ക്ക​ല്ലേ എ​ന്ന് ഒ​രാ​ൾ പ​റ​യു​മ്പോ​ൾ അ​ങ്ങോ​ട്ട് നോ​ക്കി​പ്പോ​കും.

കൗ​മാ​ര​ക്കാ​ർ​ക്കി​ട​യി​ൽ ഈ ​മ​നോ​ഭാ​വം വ​ള​രെ കൂ​ടു​ത​ലാ​യി​രി​ക്കും. നി​ഷി​ദ്ധ​മാ​ക്ക​പ്പെ​ട്ട​തി​നെ പു​ണ​രാ​നു​ള്ള വെ​മ്പ​ൽ. അ​ത് സ​മൂ​ഹ​മാ​ധ്യ​മ​ങ്ങ​ളി​ലൂ​ടെ ആ​കു​മ്പോ​ൾ ശാ​രീ​രി​ക​മാ​യി രം​ഗ​ത്തു​വ​രാ​തെ ത​ന്നെ അ​നു​സ​ര​ണ​ക്കേ​ട് കാ​ണി​ക്കാ​നു​ള്ള അ​വ​സ​ര​മാ​കു​ന്നു.

വേ​ണം കൂ​ട്ടാ​യ ശ്ര​മം

ധി​ക്കാ​ര​ത്തി​ൽ ആ​വേ​ശം കാ​ണു​ന്ന കാ​ല​മാ​ണ് കൗ​മാ​രം (ടീ​നേ​ജ്). മൂ​ല്യ​ങ്ങ​ളെ​യും മ​ര്യാ​ദ​ക​ളെ​യും സാ​മൂ​ഹി​ക ഘ​ട​ന​യെ​യു​മൊ​ക്കെ ധി​ക്ക​രി​ക്കു​ന്ന​ത് ഹീ​റോ​യി​സ​മാ​യി അ​വ​ർ​ക്കു തോ​ന്നും. അ​ത് ഹീ​റോ​യി​സ​മ​ല്ല, ആ​ന്റി സോ​ഷ്യ​ൽ ആ​ക്ടി​വി​റ്റി (സാ​മൂ​ഹി​ക​വി​രു​ദ്ധ പ്ര​വ​ർ​ത്ത​നം) ആ​ണെ​ന്ന് അ​വ​രെ ബോ​ധ്യ​പ്പെ​ടു​ത്തി​ക്കൊ​ടു​ക്കേ​ണ്ട​ത് സ​മൂ​ഹ​ത്തി​ന്റെ ക​ട​മ​യാ​ണ്. അ​തി​നെ കോ​മാ​ളി​ക്ക​ളി​യെ​ന്നും പ്രാ​യ​ത്തി​ന്റെ അ​റി​വി​ല്ലാ​യ്മ എ​ന്നും​പ​റ​ഞ്ഞ് നി​സ്സാ​ര​വ​ൽ​ക്ക​രി​ക്ക​രു​ത്; പ​ക​രം, ഗൗ​ര​വ​മേ​റി​യ സ​മൂ​ഹ​തി​ന്മ​യാ​യി തി​രി​ച്ച​റി​ഞ്ഞ് തി​രു​ത്താ​ൻ കൂ​ട്ടാ​യ ശ്ര​മം വേ​ണം.

(പ്ര​മു​ഖ സൈ​ക്യാ​ട്രി​ക് ക​ണ്‍സ​ൽ​ട്ടന്റാ​ണ് ലേ​ഖ​ക​ന്‍)