ബി.​ജെ.​പി​യു​ടെ ഇ​ര​ട്ട​മു​ഖം

ഭാ​ര​തീ​യ ജ​ന​ത പാ​ർ​ട്ടി വ​ക്താ​ക്ക​ൾ ഇ​ന്ത്യ​യി​ലെ ഏ​റ്റ​വും വ​ലി​യ പ​ത്ര​ഗ്രൂ​പ്പി​ന്റെ ചാ​ന​ലി​ലെ ത​ത്സ​മ​യ ച​ർ​ച്ച​യി​ൽ ഇ​സ്‌​ലാ​മി​നെ​യും പ്ര​വാ​ച​ക​നെ​യും​കു​റി​ച്ച് നി​ന്ദ്യ​മാ​യ അ​ഭി​പ്രാ​യ​പ്ര​ക​ട​നം ന​ട​ത്തി​യ​ത് അ​ത്ര പു​തി​യ കാ​ര്യ​മ​ല്ല. ക​ഴി​ഞ്ഞ കു​റെ മാ​സ​മാ​യി ധ​രം സ​ൻ​സ​ദു​ക​ളി​ൽ വ്യാ​പ​ക​മാ​യ അ​ധി​ക്ഷേ​പ​ങ്ങ​ളും അ​ക്ര​മ​ത്തി​നും കൊ​ല​പാ​ത​ക​ത്തി​നു​മു​ള്ള ആ​ഹ്വാ​ന​ങ്ങ​ളും ന​ട​ക്കു​ന്ന​ത് നാം ​ക​ണ്ട​താ​ണ്. അ​തി​ന് പാ​ർ​ട്ടി​യു​ടെ അ​നു​മ​തി​യു​ണ്ടാ​യി​രു​ന്നു. ബി.​ജെ.​പി മു​ഖ്യ​മ​ന്ത്രി​മാ​രും മ​ന്ത്രി​മാ​രും അ​തി​നെ പി​ന്തു​ണ​ച്ച് സ​മാ​ന​ഭാ​ഷ്യം പ​ങ്കു​വെ​ച്ചു. അ​ത്ത​രം കു​റ്റ​വാ​ളി​ക​ൾ അ​തി​വേ​ഗം പാ​ർ​ട്ടി​യു​ടെ ഉ​ന്ന​ത പ​ദ​വി​ക​ളി​ലേ​ക്ക് ഉ​യ​ർ​ത്ത​പ്പെ​ട്ടു. അ​തേ​സ​മ​യം​ത​ന്നെ ബി.​ജെ.​പി ഭ​രി​ക്കു​ന്ന സം​സ്ഥാ​ന​ങ്ങ​ളി​ലെ പൊ​ലീ​സ് സേ​ന​ക​ൾ പ്ര​ധാ​ന​മ​ന്ത്രി​യെ​യോ ഉ​ത്ത​ർ​പ്ര​ദേ​ശ് മു​ഖ്യ​മ​ന്ത്രി​യെ​യോ സം​ബ​ന്ധി​ച്ച് അ​ഭി​പ്രാ​യ​പ്ര​ക​ട​നം ന​ട​ത്തു​ന്ന കൊ​മേ​ഡി​യ​ന്മാ​രെ​യും സാ​ധാ​ര​ണ ജ​ന​ങ്ങ​ളെ​യും അ​റ​സ്റ്റ് ചെ​യ്യു​ന്ന​തി​ൽ ജാ​ഗ്ര​ത​യും പു​ല​ർ​ത്തി​പ്പോ​രു​ന്നു.

പി​ന്നെ​യെ​ന്തു​കൊ​ണ്ടാ​വും വ​ക്താ​ക്ക​ളാ​യ നു​പൂ​ർ ശ​ർ​മ​യെ​യും ന​വീ​ൻ ജിൻഡാ​ലി​നെ​യും ​പൊ​തു​പ്ര​സ്താ​വ​ന​യി​റ​ക്കി പു​റ​ത്താ​ക്കാ​ൻ ബി.​ജെ.​പി ത​യാ​റാ​യ​ത്?

കു​വൈ​ത്തി​ലെ ച​വ​ർ​വീ​പ്പ​ക​ളി​ൽ ഷൂ ​അ​ട​യാ​ള​ത്തോ​ടെ മോ​ദി​യു​ടെ ചി​ത്രം പ്ര​ത്യ​ക്ഷ​പ്പെ​ട്ട​തു​കൊ​ണ്ടാ​ണോ? മോ​ദി​യു​മാ​യി അ​ടു​പ്പ​മു​ള്ള നേ​താ​ക്ക​ളാ​ണ് ഇ​സ്‌​ലാം​വി​രു​ദ്ധ പ്ര​സ്താ​വ​ന ന​ട​ത്തി​യ​തെ​ന്നാ​ണ് പ​ശ്ചി​മേ​ഷ്യ​യി​ൽ നി​ന്നു​ള്ള ട്വീ​റ്റു​ക​ൾ. ഇ​ന്ത്യ​ൻ ച​ര​ക്കു​ക​ൾ ബ​ഹി​ഷ്‌​ക​രി​ക്കാ​നു​ള്ള ആ​ഹ്വാ​ന​വും ഒ​മാ​ൻ ഗ്രാ​ൻ​ഡ് മു​ഫ്തി​യു​ടേ​തു​ൾ​പ്പെ​ടെ പ​ശ്ചി​മേ​ഷ്യ​യി​ൽ ഏ​റെ​പ്പേ​ർ പി​ന്തു​ട​രു​ന്ന സോ​ഷ്യ​ൽ മീ​ഡി​യ ഹാ​ൻ​ഡ്‍ലു​ക​ളി​ൽ​നി​ന്നു​ള്ള രോ​ഷാ​കു​ല​മാ​യ അ​ഭി​പ്രാ​യ​ങ്ങ​ളു​മാ​ണ് ബി.​ജെ.​പി​യെ ന​ട​പ​ടി​ക​ൾ​ക്ക് നി​ർ​ബ​ന്ധി​ത​മാ​ക്കി​യ​തെ​ന്ന് ആ​ക്ടി​വി​സ്റ്റു​ക​ൾ ചൂ​ണ്ടി​ക്കാ​ട്ടു​ന്നു.

വി​രോ​ധാ​ഭാ​സ​മെ​ന്നു പ​റ​യ​ട്ടെ, ഇ​തേ വി​ഷ​യ​ത്തി​ൽ എ​തി​ർ​പ്പ് പ്ര​ക​ടി​പ്പി​ച്ച​തി​നാ​ണ് കാ​ൺ​പു​രി​ൽ 400 പേ​ർ​ക്കെ​തി​രെ കേ​സെ​ടു​ത്തി​രി​ക്കു​ന്ന​ത്, അ​വ​രു​ടെ വീ​ടു​ക​ൾ ഏ​തു​സ​മ​യ​വും ബു​ൾ​ഡോ​സ​ർ ക​യ​റ്റി ഇ​ടി​ച്ച് നി​ര​ത്ത​പ്പെ​ട്ടേ​ക്കാം എ​ന്ന ഭീ​ഷ​ണി​യി​ലാ​ണ്. 'ഭാ​ഗി​ക സ്വ​ത​ന്ത്ര' രാ​ജ്യം, തെ​ര​ഞ്ഞെ​ടു​പ്പ് ന​ട​ക്കു​ന്ന സ്വേ​ച്ഛാ​ധി​പ​ത്യ വ്യ​വ​സ്ഥ എ​ന്നൊ​ക്കെ​യാ​ണ് അ​ന്താ​രാ​ഷ്ട്ര സ്ഥാ​പ​ന​ങ്ങ​ൾ ഇ​ന്ത്യ​യെ ഇ​പ്പോ​ൾ നി​ർ​വ​ചി​ക്കു​ന്ന​ത്. അ​താ​യ​ത് അ​ടി​യ​ന്ത​രാ​വ​സ്ഥ പ്ര​ഖ്യാ​പി​ക്ക​പ്പെ​ട്ട 1975ലെ ​നി​ല​യി​ലാ​ണ് ന​മ്മു​ടെ ജ​നാ​ധി​പ​ത്യ സൂ​ചി​ക​ക​ൾ.

ഇ​ന്ത്യ​യി​ലെ ന്യൂ​ന​പ​ക്ഷ​ങ്ങ​ളു​ടെ (മു​സ്‌​ലിം​ക​ളു​ടെ​യും ക്രൈ​സ്ത​വ​രു​ടെ​യും) മോ​ശ​മാ​യി​ക്കൊ​ണ്ടി​രി​ക്കു​ന്ന അ​വ​സ്ഥ​യെ​ക്കു​റി​ച്ച് യു.​എ​സ് സ്റ്റേ​റ്റ് സെ​ക്ര​ട്ട​റി ആ​ന്റ​ണി ബ്ലി​ങ്കെ​ൻ ചൂ​ണ്ടി​ക്കാ​ട്ടു​മ്പോ​ൾ ഇ​ന്ത്യ​ൻ വി​ദേ​ശ​കാ​ര്യ മ​ന്ത്രി അ​തി​ന് 'വോ​ട്ട് ബാ​ങ്ക്' രാ​ഷ്ട്രീ​യ​ത്തെ​യാ​ണ് കു​റ്റ​പ്പെ​ടു​ത്തി​യ​ത്.

ഗ്യാ​ൻ​വാ​പി പ​ള്ളി​യി​ലെ അ​വ​സ്ഥ ഏ​ക​ദേ​ശം എ​ല്ലാ മു​സ്‍ലിം ആ​രാ​ധ​നാ​ല​യ​ങ്ങ​ളി​ലേ​ക്കും പ​ട​രാ​ൻ ഇ​ന്ത്യ​യി​ലെ കോ​ട​തി​ക​ൾ അ​നു​വ​ദി​ച്ചി​രി​ക്കു​ന്നു. യു.​പി​യി​ലെ ബി.​ജെ.​പി വി​ജ​യ​ത്തോ​ടെ സാ​ഹ​ച​ര്യം അ​ത്യ​ന്തം വ​ഷ​ളാ​യ അ​വ​സ്ഥ​യി​ലെ​ത്തി​യി​രി​ക്കു​ന്നു.

ഭ​ര​ണ​ക​ക്ഷി​യെ പ്രീ​തി​പ്പെ​ടു​ത്താ​ൻ ഒ​രു നി​യ​ന്ത്ര​ണ​വു​മി​ല്ലാ​തെ വി​ദ്വേ​ഷ പ്ര​സം​ഗം അ​നു​വ​ദി​ക്കു​ന്ന, വി​ധേ​യ​ത്വ മാ​ധ്യ​മ​ങ്ങ​ളി​ലെ ടി.​വി ച​ർ​ച്ച​യി​ൽ ഇ​സ്‌​ലാ​മി​നെ​യും അ​തി​ന്റെ പ്ര​വാ​ച​ക​നെ​യും സം​ബ​ന്ധി​ച്ച അ​ഭി​പ്രാ​യ​ങ്ങ​ൾ സ​ക​ല അ​തി​രും ലം​ഘി​ച്ച​ത് പ​ശ്ചി​മേ​ഷ്യ​ൻ ഇ​സ്‍ലാ​മി​ക രാ​ഷ്ട്ര​ങ്ങ​ളെ രോ​ഷാ​കു​ല​രാ​ക്കി.

ത​ന്ത്ര​പ​ര​മാ​യ ഊ​ർ​ജ-​വ്യ​വ​സാ​യ ആ​വ​ശ്യ​ങ്ങ​ളും തൊ​ഴി​ല​വ​സ​ര​ങ്ങ​ളി​ല്ലാ​ത്ത ആ​ഭ്യ​ന്ത​ര സ​മ്പ​ദ്‌​വ്യ​വ​സ്ഥ​യും നി​ല​നി​ൽ​ക്കെ വ്യ​ത്യ​സ്ത മ​ത​ക്കാ​രാ​യ ദ​ശ​ല​ക്ഷ​ക്ക​ണ​ക്കി​ന് ഇ​ന്ത്യ​ക്കാ​ർ ജോ​ലി​ചെ​യ്യു​ന്ന പ​ശ്ചി​മേ​ഷ്യ​ൻ മേ​ഖ​ല​യു​മാ​യു​ള്ള ബ​ന്ധം അ​പ​ക​ട​ത്തി​ലാ​ക്കു​ന്ന​ത് ഇ​ന്ത്യ​ക്ക് ന​ല്ല​ത​ല്ല എ​ന്ന് ചൂ​ണ്ടി​ക്കാ​ണി​ക്ക​പ്പെ​ടു​ന്നു. പ്ര​വാ​ച​ക​നെ​ക്കു​റി​ച്ച് തോ​ന്നും​പ​ടി​യു​ള്ള വ്യ​ക്തി​പ​ര​മാ​യ അ​ഭി​പ്രാ​യ​ങ്ങ​ൾ ഗു​രു​ത​ര തി​രി​ച്ച​ടി​ക്ക് കാ​ര​ണ​മാ​യേ​ക്കാം, അ​ത് ഇ​ന്ത്യ​ക്ക് പ​ല ത​ല​ങ്ങ​ളി​ൽ ക​ന​ത്ത പ്ര​ഹ​ര​മേ​ൽ​പി​ക്കു​ക​യും ചെ​യ്യും.

യു​ക്രെ​യ്ൻ യു​ദ്ധ​ത്തെ​തു​ട​ർ​ന്ന് ഇ​ന്ത്യ ക​ടു​ത്ത വി​ഭ​വ പ്ര​തി​സ​ന്ധി​യി​ലാ​ണ്. ഭ​ക്ഷ​ണ സാ​മ​ഗ്രി​ക​ളു​ടെ വി​ല വ​ർ​ധി​ക്കു​ന്നു, എ​ണ്ണ ഇ​റ​ക്കു​മ​തി ബി​ൽ കു​തി​ച്ചു​യ​രു​ന്നു, വി​ദേ​ശ​നാ​ണ്യ നി​ര​ക്ക് ഇ​ടി​യു​ന്നു. ക്വാ​ഡി​നും ബ്രി​ക്സി​നു​മി​ട​യി​ൽ ര​ണ്ട് ക​ടു​ത്ത പ​രീ​ക്ഷ​ണ​ങ്ങ​ൾ. ഇ​ത്ത​ര​മൊ​രു ഘ​ട്ട​ത്തി​ൽ പ​ണ്ട് ക​ർ​ഷ​ക സ​മ​ര​വേ​ള​യി​ൽ അ​ഭി​പ്രാ​യം പ​റ​ഞ്ഞ പോ​പ് ഗാ​യി​ക റി​ഹാ​ന്ന​യോ​ട് പ്ര​തി​ക​രി​ച്ച​തു​പോ​ലെ പ​ശ്ചി​മേ​ഷ്യ​യോ​ട് വീ​ര​സ്യം കാ​ണി​ക്കാ​ൻ വി​ദേ​ശ​കാ​ര്യ​മ​ന്ത്രാ​ല​യ​ത്തി​നാ​വി​ല്ല.

ഇ​തി​നു​മു​മ്പ് 2020ൽ ​വി​ദ്വേ​ഷ പ​രാ​മ​ർ​ശ​ങ്ങ​ൾ നി​ർ​ത്തൂ എ​ന്ന് ഇ​ന്ത്യ​യി​ലെ ഇ​സ്‍ലാ​മോ​ഫോ​ബു​ക​ളോ​ട് പ​റ​യാ​ൻ യു.​എ.​ഇ​യി​ലെ ഇ​ന്ത്യ​ൻ സ്ഥാ​ന​പ​തി​യാ​യി​രു​ന്ന പ​വ​ൻ ക​പൂ​ർ നി​ർ​ബ​ന്ധി​ത​നാ​യി​രു​ന്നു. കോ​വി​ഡ്19 പ​ര​ത്തു​ന്ന​വ​രെ​ന്നാ​രോ​പി​ച്ച് ത​ബ്‍ലീ​ഗ് ജ​മാ​അ​ത്തി​നെ​തി​രെ വെ​റു​പ്പ് പ​ട​ർ​ത്തി​യ ഘ​ട്ട​ത്തി​ലാ​യി​രു​ന്നു അ​ത്.

ഇ​ക്കു​റി ബി.​ജെ.​പി​യു​ടെ പ്ര​സ്താ​വ​ന വാ​യ്കൂ​ട്ടി​പ്പി​ടി​ച്ചു കൊ​ണ്ടു​ള്ള​താ​ണ്, എ​ന്തി​നെ​ന്നി​ല്ല, ഇ​സ്‍ലാ​മി​നെ​ക്കു​റി​ച്ചോ മു​സ്‍ലിം​ക​ളെ​ക്കു​റി​ച്ചോ പ​രാ​മ​ർ​ശ​വു​മി​ല്ല. അ​തി​ൽ ഒ​പ്പു​വെ​ച്ചി​രി​ക്കു​ന്ന​ത് 'കേ​ന്ദ്ര​കാ​ര്യാ​ല​യ ചു​മ​ത​ല​ക്കാ​ര​ൻ' മാ​ത്ര​മാ​ണ്. അ​ല്ലാ​തെ മോ​ദി-​ഷാ ദ്വ​യ​മോ ദേ​ശീ​യ അ​ധ്യ​ക്ഷ​നു​ൾ​പ്പെ​ടെ ഏ​തെ​ങ്കി​ലും മു​തി​ർ​ന്ന നേ​താ​ക്ക​ളോ ഇ​തി​ൽ ഇ​ട​പെ​ട്ടി​ട്ടി​ല്ല. അ​തി​ൽ​നി​ന്ന് വ്യ​ക്ത​മാ​വു​ന്ന​ത് ഉ​ന്ന​ത ബി.​ജെ.​പി നേ​താ​ക്ക​ളാ​രും​ത​ന്നെ ഇ​സ്‍ലാം വി​രോ​ധി​ക​ൾ​ക്കെ​തി​രെ പ്ര​തി​ക​രി​ക്കാ​ൻ ധൈ​ര്യ​പ്പെ​ടി​ല്ല എ​ന്നു ത​ന്നെ​യാ​ണ്. എ​ന്തെ​ന്നാ​ൽ, ആ ​വി​കാ​രം ഉ​​ദ്ദീ​പി​പ്പി​ച്ച് നി​ർ​ത്തി മാ​ത്ര​മാ​ണ് ഇ​ന്നാ​ട്ടി​ൽ ഈ ​പാ​ർ​ട്ടി അ​നു​ദി​നം പു​ഷ്ടി​പ്പി​ച്ചു​വ​രു​ന്ന​ത്.

ബി.​ജെ.​പി സ​ർ​ക്കാ​ർ വി​ദേ​ശ​ങ്ങ​ളി​ൽ ഗാ​ന്ധി​യെ ഉ​ദ്ധ​രി​ക്കു​ക​യും സ്വ​ദേ​ശ​ത്ത് കൊ​ല​യാ​ളി ഗോ​ഡ്സെ​യെ ​പ്ര​കീ​ർ​ത്തി​ക്കു​ക​യും ചെ​യ്യും. പു​റം​നാ​ടു​ക​ളി​ൽ ലോ​ക​ത്തെ ഏ​റ്റ​വും വ​ലി​യ ജ​നാ​ധി​പ​ത്യ രാ​ജ്യ​മെ​ന്ന പു​റം​പൂ​ച്ച​ണി​യു​ന്നു. ഇ​വി​ടെ​യോ അ​വ​രു​ടെ പ്ര​ത്യ​യ​ശാ​സ്ത്ര ഗു​രു​വാ​യ എം.​എ​സ്. ഗോ​ൾ​വാ​ൾ​ക്ക​റെ ശു​ഷ്‌​കാ​ന്തി​യോ​ടെ പി​ൻ​പ​റ്റു​ന്നു.

എ​ന്നാ​ൽ, ഡോ. ​കി​റാ ഹു​ജു​വി​നെ​പ്പോ​ലു​ള്ള വി​ദ​ഗ്ധ​രു​ടെ പ​ഠ​ന​ങ്ങ​ൾ വ്യ​ക്ത​മാ​ക്കു​ന്ന​ത്, ര​ണ്ട് മു​ഖ​ങ്ങ​ൾ ധ​രി​ച്ചു​ള്ള ഈ ​ന​ട​ത്തം ഇ​ന്ത്യ​ക്ക് കൂ​ടു​ത​ൽ ദു​ഷ്ക​ര​മാ​യി മാ​റു​മെ​ന്നാ​ണ്. സാ​മ്രാ​ജ്യ​ത്വ വി​രു​ദ്ധ​ത​യു​ടെ മ​റ​വി​ൽ ഹി​ന്ദു​ത്വ ആ​ശ​യ​ങ്ങ​ൾ എ​വ്വി​ധ​ത്തി​ലാ​ണ് ഇ​ന്ത്യ​ൻ വി​ദേ​ശ​കാ​ര്യ സ​ർ​വി​സി​ൽ തി​രു​കി​ക്ക​യ​റ്റു​ന്ന​തെ​ന്ന് അ​വ​ർ കൃ​ത്യ​മാ​യി രേ​ഖ​പ്പെ​ടു​ത്തി​യി​ട്ടു​ണ്ട്.

എ​ന്നാ​ൽ, നു​പു​റി​നെ​യും ന​വീ​നി​നെ​യും​പോ​ലു​ള്ള ആ​ളു​ക​ൾ ദേ​ശീ​യ മാ​ധ്യ​മ​ങ്ങ​ളി​ലി​രു​ന്ന് ത​ങ്ങ​ളു​ടെ ധ്രു​വീ​ക​ര​ണ വി​ചാ​ര​ധാ​ര​യി​ലൂ​ന്നി വി​ദ്വേ​ഷം വ​മി​പ്പി​ക്കു​ന്ന​ത് വി​ദേ​ശ​രാ​ജ്യ​ങ്ങ​ളി​ല​റി​ഞ്ഞ​തോ​ടെ ഇ​ട​പെ​ടാ​ൻ ഭ​ര​ണ​കൂ​ടം നി​ർ​ബ​ന്ധി​ത​മാ​യി. എ​ന്നാ​ൽ, ഈ ​ര​ണ്ട് വ​ക്താ​ക്ക​ളെ പി​ന്തു​ണ​ക്കു​ക​യും അ​വ​രെ തു​റ​ന്നു​കാ​ട്ടി​യ​തി​ന് ആ​ൾ​ട്ട് ന്യൂ​സി​ലെ മു​ഹ​മ്മ​ദ് സു​ബൈ​റി​നെ​തി​രെ നീ​ങ്ങാ​ൻ ശ്ര​മി​ക്കു​ക​യും ചെ​യ്ത പ്ര​ധാ​ന​മ​ന്ത്രി​യു​ടെ പ്രി​യ ടി.​വി ചാ​ന​ലി​ന്റെ​യും ബി.​ജെ.​പി നേ​താ​ക്ക​ളു​ടെ​യും കാ​ര്യ​മോ? എ​ന്താ​യാ​ലും, ഇ​പ്പോ​ഴ​ത്തേ​ത് ഉ​ള്ളി​ലെ ചീ​ഞ്ഞു​നാ​റ്റ​ത്തി​ന്റെ മ​ണം പു​റ​ത്ത​റി​ഞ്ഞ​തോ​ടെ ന​ട​ത്തി​യ ത​ന്ത്ര​പ​ര​മാ​യ ഒ​രു പി​ന്മാ​റ്റ​മാ​ണ്, അ​ല്ലാ​തെ ശ​രി​യാം​വി​ധ​ത്തി​ലു​ള്ള ഒ​രു തി​രു​ത്ത​ല്ല. എ​ന്തു​ത​ന്നെ​യാ​യാ​ലും വി​ദേ​ശ​ത്തു​നി​ന്നു​ള്ള സ​മ്മ​ർ​ദം മോ​ദി​ക്കു​മേ​ൽ വി​ല​പ്പോ​കു​മെ​ന്ന​തി​ന് അ​ടി​വ​ര​യി​ടു​ന്നു ഈ ​സം​ഭ​വ​ഗ​തി​ക​ൾ.

ന​ന്ദി: theindiacable.com