മു​ങ്ങി​മ​ര​ണ​ങ്ങ​ൾ​ക്ക് അ​റു​തി​വ​രു​ത്താ​ൻ

റോ​ഡ​പ​ക​ട​ങ്ങ​ൾ ക​ഴി​ഞ്ഞാ​ൽ കേ​ര​ള​ത്തി​ലും ഏ​റ്റ​വും കൂ​ടു​ത​ൽ അ​പ​ക​ട മ​ര​ണ​ങ്ങ​ളു​ണ്ടാ​വു​ന്ന​ത് പു​ഴ​ക​ൾ, കു​ള​ങ്ങ​ൾ, പാ​റ​മ​ട​ക​ളി​ലെ വെ​ള്ള​ക്കെ​ട്ടു​ക​ൾ തു​ട​ങ്ങി​യ ജ​ലാ​ശ​യ​ങ്ങ​ളി​ലാ​ണ്. ശ​രാ​ശ​രി ആ​യി​രം പേ​ർ പ്ര​തി​വ​ർ​ഷം കേ​ര​ള​ത്തി​ൽ മു​ങ്ങി​മ​രി​ക്കു​ന്നു​വെ​ന്നാ​ണ് ഐ​ക്യ​രാ​ഷ്ട്ര പ​രി​സ്ഥി​തി പ്രോ​ഗ്രാം (UNEP) ദു​ര​ന്ത അ​പ​ക​ട​സാ​ധ്യ​ത ല​ഘൂ​ക​ര​ണ വി​ഭാ​ഗം മേ​ധാ​വി ഡോ. ​മു​ര​ളി തു​മ്മാ​രു​കു​ടി അ​ഭി​പ്രാ​യ​പ്പെ​ടു​ന്ന​ത്. ക​ഴി​ഞ്ഞ മൂ​ന്നു വ​ർ​ഷ​ത്തി​നി​ടെ നാ​ലാ​യി​ര​മാ​ളു​ക​ൾ​ക്ക് ഇ​ത്ത​ര​ത്തി​ൽ ജീ​വ​ൻ ന​ഷ്ട​പ്പെ​ട്ടു​വെ​ന്ന​ത് ഞെ​ട്ടി​പ്പി​ക്കു​ന്ന ക​ണ​ക്കാ​ണ്.

സു​ര​ക്ഷ​ന​ട​പ​ടി​ക​ളും പൊ​തു​ജ​ന അ​വ​ബോ​ധ​വും ശ​ക്തി​പ്പെ​ടു​ത്താ​ൻ വൈ​കി​ക്കൂ​ടെ​ന്ന സ​ന്ദേ​ശ​മാ​ണ് ഈ ​മ​ര​ണ​ങ്ങ​ൾ ന​ൽ​കു​ന്ന​ത്. ഈ ​വി​ഷ​യ​ത്തി​ൽ കേ​ര​ളം വേ​ണ്ട​ത്ര ശ്ര​ദ്ധ പു​ല​ർ​ത്തു​ന്നി​ല്ലെ​ന്ന വ​സ്തു​ത നി​രാ​ശ​ജ​ന​ക​മാ​ണ്. ഇ​വ്വി​ധം മ​രി​ക്കു​ന്ന​വ​രി​ൽ 30 ശ​ത​മാ​ന​ത്തോ​ളം 14 വ​യ​സ്സി​ന് താ​ഴെ​യു​ള്ള കു​ട്ടി​ക​ളാ​ണ് എ​ന്ന​തും ഇ​തു​മാ​യി ബ​ന്ധ​പ്പെ​ട്ട ദു​ര​ന്ത ത​യാ​റെ​ടു​പ്പു​ക​ളും അ​പ​ക​ട​ങ്ങ​ളു​ടെ പ്ര​തി​രോ​ധ​വും നി​ർ​ണാ​യ​ക​മാ​ണെ​ന്ന് ചൂ​ണ്ടി​ക്കാ​ണി​ക്കു​ന്നു. ഇ​ത്ത​രം ജ​ല ദു​ര​ന്ത​ങ്ങ​ൾ ത​ട​യു​ന്ന​തി​നു​ള്ള സ​മ​ഗ്ര​മാ​യ ജ​ല​സു​ര​ക്ഷ വി​ദ്യാ​ഭ്യാ​സ​ത്തി​ന്റെ​യും സ​ജീ​വ​മാ​യ ന​ട​പ​ടി​ക​ളു​ടെ​യും നി​ർ​ണാ​യ​ക​മാ​യ ആ​വ​ശ്യ​ക​ത​യെ ഇ​നി​യെ​ങ്കി​ലും ന​മ്മ​ൾ കാ​ര്യ​മാ​യി കാ​ണ​ണം. മു​ങ്ങി​മ​ര​ണ​ങ്ങ​ൾ ത​ട​യാ​നു​ള്ള പ്ര​വ​ർ​ത്ത​ന​ങ്ങ​ൾ ജ​ല വി​ദ്യാ​ഭ്യാ​സ​ത്തി​ലും അ​വ​ബോ​ധ​ത്തി​ലു​മാ​ണ് തു​ട​ങ്ങേ​ണ്ട​ത്. ചെ​റു​പ്പം മു​ത​ലേ നീ​ന്ത​ൽ പ​ഠി​ക്കു​ന്ന​ത് മു​ങ്ങി​മ​ര​ണ സാ​ധ്യ​ത ഗ​ണ്യ​മാ​യി കു​റ​ക്കു​മെ​ന്ന​ത് സ​ർ​വാം​ഗീ​കൃ​ത​മാ​ണെ​ങ്കി​ലും കേ​ര​ള​ത്തി​ലെ ജ​ന​സം​ഖ്യ​യു​ടെ ഭൂ​രി​പ​ക്ഷം വ​രു​ന്ന ജ​ന​ങ്ങ​ൾ​ക്കും നീ​ന്ത​ൽ അ​റി​യി​ല്ല. ഓ​രോ​രു​ത്ത​രും നീ​ന്ത​ൽ പ​ഠി​ക്കു​ക എ​ന്ന​ത്, അ​പ​ക​ട​ങ്ങ​ൾ ഒ​ഴി​വാ​ക്കി ഓ​രോ ജീ​വ​നും ര​ക്ഷി​ക്കാ​നു​ള്ള പ്രാ​ഥ​മി​ക വ​ഴി​ക​ളി​ൽ ഒ​ന്നാ​ണെ​ന്ന് മാ​ത്ര​മ​ല്ല, അ​ത് ജ​ല​സ്രോ​ത​സ്സു​ക​ൾ​ക്ക് ചു​റ്റും ജീ​വി​ക്കു​ന്ന എ​ല്ലാ​വ​രു​ടെ​യും ആ​ത്മ​വി​ശ്വാ​സ​വും സു​ര​ക്ഷി​ത​ത്വ​ബോ​ധ​വും ഉ​യ​ർ​ത്താ​ൻ കൂ​ടി സ​ഹാ​യി​ക്കു​ന്നു​ണ്ട്.

ചി​ല നി​ർ​ദേ​ശ​ങ്ങ​ൾ

1. പ്രാ​ദേ​ശി​ക ജ​ലാ​ശ​യ​ങ്ങ​ളെ അ​റി​യു​ക​യും പു​തു​ത​ല​മു​റ​ക്ക് മ​ന​സ്സി​ലാ​ക്കി​ക്കൊ​ടു​ക്കു​ക​യും ചെ​യ്യു​ന്ന​ത് അ​പ​ക​ട​ങ്ങ​ൾ ത​ട​യു​ന്ന​തി​നു​ള്ള പ്ര​ധാ​ന ചു​വ​ടു​ക​ളി​ലൊ​ന്നാ​ണ്. ഓ​രോ ന​ദി​ക്കും കു​ള​ത്തി​നും വെ​ള്ള​ക്കെ​ട്ടു​ക​ൾ​ക്കും വ്യ​ത്യ​സ്ത​മാ​യ അ​പ​ക​ട​സാ​ധ്യ​ത​ക​ൾ ഉ​ണ്ടാ​ക്കാ​ൻ ക​ഴി​യു​ന്ന ത​ന​ത് സ​വി​ശേ​ഷ​ത​ക​ളു​ണ്ട്. പ​ല​പ്പോ​ഴും പ്ര​ദേ​ശ​വാ​സി​ക​ൾ​ക്ക് മാ​ത്ര​മാ​യി​രി​ക്കും ഇ​തെ​ക്കു​റി​ച്ച് വ്യ​ക്ത​മാ​യി അ​റി​യു​ക.

2. ചെ​റി​യ പ്രാ​യ​ത്തി​ൽ​ത​ന്നെ നീ​ന്ത​ൽ പ​രി​ശീ​ല​ന പ​രി​പാ​ടി​ക​ളി​ൽ കു​ഞ്ഞു​ങ്ങ​ളു​ടെ സു​ര​ക്ഷി​ത​മാ​യ പ​ങ്കാ​ളി​ത്തം പ്രോ​ത്സാ​ഹി​പ്പി​ക്ക​ണം. ഇ​ത് പ്ര​ദേ​ശി​ക ജ​ലാ​ശ​യ​ങ്ങ​ളി​ലെ അ​പ​ക​ട സാ​ധ്യ​ത​യെ കു​ട്ടി​ക​ൾ​ക്ക് മ​ന​സ്സി​ലാ​ക്കി​ക്കൊ​ടു​ക്കാ​നും ര​ക്ഷ​പ്ര​വ​ർ​ത്ത​ന​ങ്ങ​ൾ​ക്കു​പോ​ലും അ​വ​രെ സ​ജ്ജ​മാ​ക്കാ​നും ഉ​പ​ക​രി​ക്കു​ന്നു. അ​പ​ക​ട സാ​ധ്യ​ത​യു​ടെ പേ​രി​ൽ പു​ഴ​ക​ളി​ൽ​നി​ന്നോ കു​ള​ങ്ങ​ളി​ൽ​നി​ന്നോ ആ​ളു​ക​ളെ അ​ക​റ്റു​ക എ​ന്ന​ത് പ്രാ​യോ​ഗി​ക​മാ​യി ഗു​ണം ചെ​യ്യി​ല്ല; മ​റി​ച്ച്, എ​ല്ലാ പ്രാ​ദേ​ശി​ക ജ​ല​സ്രോ​ത​സ്സു​ക​ളെ​യും കൂ​ടു​ത​ൽ പ​രി​ച​യ​പ്പെ​ടു​ത്തു​ന്ന രീ​തി​യി​ലു​ള്ള ഇ​ട​പെ​ട​ലു​ക​ളാ​ണ് ന​മു​ക്കാ​വ​ശ്യം.

3. സ​ർ​ക്കാ​ർ ജ​ല​സു​ര​ക്ഷ​ക്കാ​യു​ള്ള നി​യ​ന്ത്ര​ണ​ങ്ങ​ൾ ന​ട​പ്പാ​ക്കു​ന്ന​തി​നൊ​പ്പം വ്യാ​പ​ക​മാ​യി നീ​ന്ത​ൽ പ​രി​ശീ​ല​ന​വും ജ​ല സു​ര​ക്ഷ വ​ർ​ക്ക്ഷോ​പ്പു​ക​ളും ആ​സൂ​ത്ര​ണം ചെ​യ്ത് അ​തി​നു​ള്ള ധ​ന​സ​ഹാ​യം ന​ൽ​കു​ക​യും, ആ​ളു​ക​ൾ കൂ​ടു​ത​ലാ​യി കു​ളി​ക്കാ​നി​റ​ങ്ങു​ന്ന​യി​ട​ങ്ങ​ളി​ൽ ലൈ​ഫ് ഗാ​ർ​ഡു​ക​ളു​ടെ സാ​ന്നി​ധ്യം ഉ​റ​പ്പാ​ക്കു​ക​യും വേ​ണം.

4. ത​ദ്ദേ​ശ സ്വ​യം​ഭ​ര​ണ സ്ഥാ​പ​ന അ​ധി​കാ​രി​ക​ൾ​ക്ക്, വി​ദ്യാ​ഭ്യാ​സ സ്ഥാ​പ​ന​ങ്ങ​ളു​മാ​യി സ​ഹ​ക​രി​ച്ച്, ഓ​രോ പ്ര​ദേ​ശ​വാ​സി​ക​ളെ​യും ഉ​ൾ​പ്പെ​ടു​ത്തി (പ്ര​ത്യേ​കി​ച്ച് കു​ട്ടി​ക​ളെ) പ്രാ​ദേ​ശി​ക ജ​ലാ​ശ​യ​ങ്ങ​ളെ പ​രി​ച​യ​പ്പെ​ടു​ത്തു​ന്ന​തി​ന് ചെ​റി​യ പ​ഠ​ന​യാ​ത്ര​ക​ൾ സം​ഘ​ടി​പ്പി​ക്കാ​ൻ പ​റ്റി​യാ​ൽ അ​തൊ​രു വ​ലി​യ മാ​റ്റ​ത്തി​ന് കാ​ര​ണ​മാ​കും. ഈ​യൊ​രു സ​മീ​പ​നം സു​ര​ക്ഷി​ത​മാ​യ ജ​ലാ​ശ​യ​ങ്ങ​ൾ ഏ​തൊ​ക്കെ​യെ​ന്ന് മ​ന​സ്സി​ലാ​ക്കാ​നും അ​പ​ക​ട​സാ​ധ്യ​ത​ക​ളെ​ക്കു​റി​ച്ചും ജ​ല സു​ര​ക്ഷ​യു​ടെ പ്രാ​ധാ​ന്യ​ത്തെ​ക്കു​റി​ച്ചും അ​വ​രെ പ​ഠി​പ്പി​ക്കാ​നും സ​ഹാ​യി​ക്കും. ആ​ളു​ക​ൾ പ​തി​വാ​യി വ​രു​ന്ന ജ​ന​പ്രി​യ നീ​ന്ത​ൽ സ്ഥ​ല​ങ്ങ​ളി​ൽ തു​ട​ർ​ച്ച​യാ​യ പ​രി​ശോ​ധ​ന ന​ട​ത്തു​ക, മു​ന്ന​റി​യി​പ്പ് അ​ട​യാ​ള​ങ്ങ​ൾ സ്ഥാ​പി​ക്കു​ക, സു​ര​ക്ഷ ഉ​പ​ക​ര​ണ​ങ്ങ​ളു​ടെ ല​ഭ്യ​ത ഉ​റ​പ്പാ​ക്കു​ക എ​ന്നി​വ പ​ഞ്ചാ​യ​ത്തു​ക​ൾ​ക്ക് മു​ൻ​കൈ​യെ​ടു​ത്ത് ചെ​യ്യാം.

5. സ്കൂ​ളു​ക​ളും കോ​ള​ജു​ക​ളും അ​വ​രു​ടെ പാ​ഠ്യ​പ​ദ്ധ​തി​യു​ടെ ഭാ​ഗ​മാ​യി നീ​ന്ത​ൽ പ​രി​ശീ​ല​ന​ത്തി​ന് മു​ൻ​ഗ​ണ​ന ന​ൽ​കു​ന്നു​ണ്ടെ​ങ്കി​ലും കു​ട്ടി​ക​ൾ​ക്കും മു​തി​ർ​ന്ന​വ​ർ​ക്കും ഒ​രു​പോ​ലെ സൗ​ജ​ന്യ​മാ​യോ അ​ല്ലാ​തെ​യോ ന​ൽ​കു​ന്ന നീ​ന്ത​ൽ ക്ലാ​സു​ക​ൾ പോ​ലു​ള്ള സം​രം​ഭ​ങ്ങ​ൾ​ക്ക് ഇ​നി​യും അ​ക​മ​ഴി​ഞ്ഞ പി​ന്തു​ണ​യും സ​ഹാ​യ​ങ്ങ​ളും ന​ൽ​കേ​ണ്ട​തു​ണ്ട്. ഇ​ത്ത​ര​ത്തി​ലു​ള്ള നീ​ന്ത​ൽ പ​രി​ശീ​ല​ന പ​രി​പാ​ടി​ക​ൾ​ക്ക് കാ​ര്യ​മാ​യ സ്വാ​ധീ​നം ചെ​ലു​ത്താ​നാ​കും. കൂ​ടാ​തെ, സ്കൂ​ൾ പ്രോ​ഗ്രാ​മു​ക​ളി​ൽ ജ​ല​സു​ര​ക്ഷ വി​ദ്യാ​ഭ്യാ​സം ഉ​ൾ​പ്പെ​ടു​ത്തു​ന്ന​തും അ​തു​മാ​യി ബ​ന്ധ​പ്പെ​ട്ട അ​റി​വു​ക​ൾ പ​ക​ർ​ന്നു​ന​ൽ​കു​ന്ന​തും ജ​ലാ​ശ​യ​ങ്ങ​ളി​ൽ സു​ര​ക്ഷി​ത​മാ​യി ഇ​ട​പ​ഴ​കാ​ൻ കു​ട്ടി​ക​ളെ പ്രാ​പ്ത​രാ​ക്കും. പ​ല​പ്പോ​ഴും ഇ​ത്ത​ര​ത്തി​ൽ ന​ൽ​കു​ന്ന പ​രി​ശീ​ല​ന പ​രി​പാ​ടി​ക​ൾ ഒ​രു ചെ​റി​യ ശ​ത​മാ​നം കു​ട്ടി​ക​ളി​ൽ മാ​ത്രം ഒ​തു​ങ്ങി​നി​ൽ​ക്കു​ന്ന​ത് ഒ​രു പോ​രാ​യ്മ​യാ​ണ്.

നീ​ന്ത​ൽ പ​ഠി​പ്പി​ക്കു​മ്പോ​ൾ ശ്ര​ദ്ധി​ക്കേ​ണ്ട​ത്

പ​രി​ച​യ​സ​മ്പ​ന്ന​രാ​യ നീ​ന്ത​ൽ വി​ദ​ഗ്‌​ധ​ർ മാ​ത്രം പ​രി​ശീ​ല​ക​രാ​വു​ക. നീ​ന്ത​ൽ സ്ഥ​ല​ങ്ങ​ൾ വൃ​ത്തി​യു​ള്ള​തും ന​ന്നാ​യി പ​രി​പാ​ലി​ക്കു​ന്ന​തും സു​ര​ക്ഷി​ത​വു​മാ​ണെ​ന്ന് ഉ​റ​പ്പാ​ക്കു​ക. ലൈ​ഫ് ജാ​ക്ക​റ്റു​ക​ളു​ടെ​യും മ​റ്റു സു​ര​ക്ഷ ഉ​പ​ക​ര​ണ​ങ്ങ​ളു​ടെ​യും ഉ​പ​യോ​ഗം പ്രോ​ത്സാ​ഹി​പ്പി​ക്കു​ക, പ്ര​ത്യേ​കി​ച്ച് അ​നു​ഭ​വ​പ​രി​ച​യ​മി​ല്ലാ​ത്ത​വ​ർ​ക്ക്. ജ​ല​സു​ര​ക്ഷ സം​രം​ഭ​ങ്ങ​ളി​ൽ പ്രാ​ദേ​ശി​ക പ​ങ്കാ​ളി​ത്തം പ്രോ​ത്സാ​ഹി​പ്പി​ക്കു​ക. കു​ട്ടി​ക​ൾ, സ്ത്രീ​ക​ൾ എ​ന്നി​വ​രെ പ​ര​മാ​വ​ധി ഉ​ൾ​പ്പെ​ടു​ത്തു​ക.

നീ​ന്ത​ൽ പ​ഠി​പ്പി​ക്കു​ന്ന​തി​ലൂ​ടെ​യും പ്രാ​ദേ​ശി​ക ജ​ലാ​ശ​യ​ങ്ങ​ളു​മാ​യി പ്ര​ദേ​ശ​വാ​സി​ക​ളെ പ​രി​ച​യ​പ്പെ​ടു​ത്തു​ന്ന​തി​ലൂ​ടെ​യും അ​വ​ബോ​ധ​ത്തി​ന്റെ​യും ത​യാ​റെ​ടു​പ്പി​ന്റെ​യും (Awareness and preparedness) പു​തി​യൊ​രു സം​സ്കാ​രം പ്രോ​ത്സാ​ഹി​പ്പി​ക്കു​ന്ന​തി​ലൂ​ടെ​യും ദാ​രു​ണ​മാ​യ അ​പ​ക​ട​ങ്ങ​ൾ ന​മു​ക്ക് ത​ട​യാ​നാ​കു​മെ​ന്ന​തി​ൽ സം​ശ​യ​മി​ല്ല. സ​ർ​ക്കാ​റും സ്കൂ​ളു​ക​ളും കു​ടും​ബ​ങ്ങ​ളും ഒ​ന്നി​ച്ചു​നി​ന്ന് കൂ​ട്ടാ​യ ഉ​ത്ത​ര​വാ​ദി​ത്ത​ത്തി​ലൂ​ടെ മാ​ത്ര​മേ ഇ​ത് സാ​ധ്യ​മാ​ക്കാ​നാ​വൂ.

(പോ​ണ്ടി​ച്ചേ​രി സ​ർ​വ​ക​ലാ​ശാ​ല​യി​ലെ സോ​ഷ്യ​ൽ വ​ർ​ക്ക് ഡി​പ്പാ​ർ​ട്മെ​ന്റി​ൽ ദു​ര​ന്ത ല​ഘൂ​ക​ര​ണ ഗ​വേ​ഷ​ക​നാ​ണ് ലേ​ഖ​ക​ൻ)