മാ​റ്റി​യും മാ​റി​യും ഒ​രു മാ​ർ​പാ​പ്പ

ക​ഴി​ഞ്ഞ ഒ​ന്ന​ര പ​തി​റ്റാ​ണ്ടാ​യി വ​ത്തി​ക്കാ​നി​ൽ​നി​ന്ന് അ​ക​ലെ​യ​ല്ലാ​തെ താ​മ​സി​ക്കു​ക​യും​ റോ​മി​ലെ​യും വ​ത്തി​ക്കാ​നി​ലെ​യും മ​താ​ന്ത​ര സം​വാ​ദ​ങ്ങ​ളി​ൽ പ​ങ്കു​കൊ​ള്ളു​ക​യും ചെ​യ്ത​യാ​ളെ​ന്ന നി​ല​യി​ൽ പോ​പ്​ ബെ​ന​ഡി​ക്ട്​ പ​തി​നാ​റാ​മ​ന്‍റെ മ​ര​ണം വ​ള​രെ ദുഃ​​ഖ​ത്തോ​ടു​കൂ​ടി​യാ​ണ്​ ശ്ര​വി​ച്ച​ത്. മ​നു​ഷ്യ​ർ​ക്കി​ട​യി​ൽ, മ​ത​വി​ശ്വാ​സി​ക​ൾ​ക്കി​ട​യി​ൽ വി​ശേ​ഷി​ച്ചും സ്​​നേ​ഹ​സൗ​മ​ന​സ്യ​ങ്ങ​ൾ ക​ളി​യാ​ടേ​ണ്ട ഒ​രു സ​ന്ദ​ർ​ഭ​ത്തി​ൽ ക്രൈ​സ്ത​വ വി​ശ്വ​മാ​ന​വി​ക​ത​യു​ടെ സ​ന്ദേ​ശം ര​ണ്ടാം വ​ത്തി​ക്കാ​ൻ കൗ​ൺ​സി​ൽ വ​ഴി ലോ​ക​ത്തി​നു സ​മ്മാ​നി​ച്ച വ​ലി​യൊ​രു മ​നു​ഷ്യ​ന്‍റെ തി​രോ​ധാ​ന​മാ​ണ്​ ക​ഴി​ഞ്ഞ ദി​വ​സം ന​ട​ന്ന​ത്. ആ ​വി​യോ​ഗ​ത്തി​ൽ അ​ഗാ​ധ​മാ​യ ദുഃ​ഖം രേ​ഖ​പ്പെ​ടു​ത്തു​ന്നു. വ​ല​തു​പ​ക്ഷ തീ​വ്ര​വാ​ദ​വും മ​ത​യാ​ഥാ​സ്ഥി​തി​ക​ത്വ​വും പി​ടി​മു​റു​ക്കു​ന്ന യൂ​റോ​പ്പി​ൽ ക്രൈ​സ്ത​വ​ർ​ക്കി​ട​യി​ൽ മാ​ർ​പാ​പ്പ​മാ​ർ വ​ള​ർ​ത്തി​യെ​ടു​ത്ത മാ​ന​വി​ക​ത​യും സാ​ഹോ​ദ​ര്യ​പാ​ഠ​ങ്ങ​ളും വി​സ്മൃ​തി​യി​ലേ​ക്കു നീ​ങ്ങു​മോ എ​ന്ന് ആ​ശ​ങ്കി​ക്കു​ന്ന കാ​ല​ത്തെ ഈ ​വേ​ർ​പാ​ട്​ കൂ​ടു​ത​ൽ ദുഃ​ഖ​മു​ള​വാ​ക്കു​ന്നു.

മാ​റ്റ​ങ്ങ​ളു​ടെ ഉ​പ​ജ്ഞാ​താ​വാ​യി​രു​ന്നു അ​ന്ത​രി​ച്ച ബെ​ന​ഡി​ക്ട്​ മാ​ർ​പാ​പ്പ. ആ ​മാ​റ്റ​ങ്ങ​ളി​ൽ പ​ക്ഷേ, അ​ദ്ദേ​ഹ​വും ഏ​റെ മാ​റി എ​ന്ന​തു ച​രി​ത്രം. 1950ക​ളി​ലും അ​റു​പ​തു​ക​ളി​ലും ത​ന്‍റെ മ​താ​ധ്യാ​പ​ന​കാ​ല​ത്ത്​ പേ​പ്പ​ൽ അ​ധി​കാ​രം ഒ​റ്റ​യാ​ളി​ലൊ​തു​ങ്ങു​ന്ന​തി​നു​പ​ക​രം കൂ​ടി​യാ​ലോ​ച​ന​യി​ലൂ​ടെ വേ​ണം എ​ന്നു വാ​ദി​ച്ചി​രു​ന്ന​യാ​ളാ​യി​രു​ന്നു ബെ​ന​ഡി​ക്ട്​ പ​തി​നാ​റാ​മ​ൻ. ഇ​ത​ര മ​ത​ങ്ങ​ളോ​ടു​ള്ള ബ​ഹു​മാ​ന​വും തു​റ​ന്ന മാ​ന​വി​ക​ത​യും അം​ഗീ​ക​രി​ച്ച ക​ത്തോ​ലി​ക്കാ​ച​രി​ത്ര​ത്തി​ലെ വി​പ്ല​വ​ക​ര​മാ​യ ര​ണ്ടാം ​​കാ​ത്ത​ലി​ക്​ കൗ​ൺ​സി​ലി​ന്‍റെ സം​ഘാ​ട​ന​ത്തി​ൽ മു​ന്നി​ൽ നി​ന്ന വി​പ്ല​വ​കാ​രി. എ​ന്നാ​ൽ, പി​ന്നീ​ട്​ അ​ധി​കാ​ര​കേ​ന്ദ്രീ​ക​ര​ണ​ത്തി​ന്‍റെ​യും കൂ​ടു​ത​ൽ കാ​ർ​ക്ക​ശ്യ​ത്തി​ന്‍റെ​യും നി​ല​പാ​ടി​ലേ​ക്ക്​ അ​ദ്ദേ​ഹം വ​ഴി​മാ​റി എ​ന്നു ച​രി​ത്ര​കാ​ര​ന്മാ​ർ രേ​ഖ​പ്പെ​ടു​ത്തു​ന്നു.

2005 ഏ​പ്രി​ൽ മു​ത​ൽ 2013 വ​രെ​യു​ള്ള കാ​ല​ഘ​ട്ടം ച​രി​ത്രം എ​ങ്ങ​നെ രേ​ഖ​പ്പെ​ടു​ത്തും എ​ന്ന​തു സം​ബ​ന്ധി​ച്ച്​ വ​ത്തി​ക്കാ​ൻ നി​രീ​ക്ഷ​ക​ർ​ക്കി​ട​യി​ൽ സ​മ്മി​ശ്രാ​ഭി​പ്രാ​യ​മാ​ണ്​. ന​യ​നി​ല​പാ​ടു​ക​ളി​ലെ ഈ ​നാ​ട​കീ​യ​ത അ​ദ്ദേ​ഹം ത​ന്‍റെ രാ​ജി​യി​ലും തു​ട​ർ​ന്ന​പ്പോ​ൾ ലോ​കം അ​മ്പ​ര​ന്നു. 1415ൽ ​സ്ഥാ​ന​മൊ​ഴി​യേ​ണ്ടി​വ​ന്ന മാ​ർ​പാ​പ്പ​ക്കു ശേ​ഷം ആ​ദ്യ​മാ​യി സ്വ​മേ​ധ​യാ രാ​ജി​വെ​ക്കു​ന്ന അ​ദ്ദേ​ഹ​ത്തി​ന്‍റെ സ്ഥാ​ന​ത്യാ​ഗ​ത്തി​ന്‍റെ കാ​ര​ണ​ങ്ങ​ൾ വ​ത്തി​ക്കാ​ന്‍റെ അ​തീ​വ​ര​ഹ​സ്യ​ങ്ങ​ളി​ലൊ​ന്നാ​യി ഇ​ന്നും ശേ​ഷി​ക്കു​ന്നു. മ​ന​സ്സും ശ​രീ​ര​വും ത​ള​ർ​ന്നി​രി​ക്കു​ന്നു, അ​തി​നാ​ൽ ഉ​ത്ത​ര​വാ​ദി​ത്തം ഏ​റ്റെ​ടു​ക്കാ​ൻ ക​ഴി​യി​ല്ല എ​ന്നു പ​റ​ഞ്ഞാ​ണ്​ അ​ദ്ദേ​ഹം രാ​ജി​വെ​ച്ച​ത്. അ​തി​ലും പ​രി​ക്ഷീ​ണ​രാ​യി​രു​ന്ന മു​ൻ​ഗാ​മി പോ​പ്​ ജോ​ൺ പോ​ൾ ര​ണ്ടാ​മ​ൻ രാ​ജി​വെ​ച്ചി​ല്ല. അ​ദ്ദേ​ഹ​ത്തി​ന്‍റെ സേ​വ​ന​കാ​ല​ത്തി​ന്‍റെ അ​ന്ത്യ​ഘ​ട്ട​ങ്ങ​ളി​ൽ കാ​ര്യ​ങ്ങ​ൾ നി​ർ​വ​ഹി​ച്ചി​രു​ന്ന​ത്​ ബെ​ന​ഡി​ക്ട്​ പ​തി​നാ​റാ​മ​നാ​യി​രു​ന്നു. അ​തു​കൊ​ണ്ട്​ രാ​ജി പ​ല​രി​ലും അ​മ്പ​ര​പ്പു​ള​വാ​ക്കി​യ​ത്​ സ്വാ​ഭാ​വി​കം.

ക​ത്തോ​ലി​ക്ക നേ​തൃ​ത്വ​ത്തി​ൽ ക​ണി​ശ​മാ​യ അ​ച്ച​ട​ക്ക​ത്തി​ന്‍റെ​യും വി​ശ്വാ​സ ആ​ചാ​ര​ച​ട്ട​ങ്ങ​ളി​ലെ കാ​ർ​ക്ക​ശ്യ​ത്തി​ന്‍റെ​യും പ​ര്യാ​യ​മാ​യാ​ണ്​ അ​ദ്ദേ​ഹം വി​ല​യി​രു​ത്ത​പ്പെ​ടു​ന്ന​ത്. ​പ​ടി​ഞ്ഞാ​റ​ൻ മ​തേ​ത​ര​വാ​ദം, ഉ​പ​ഭോ​ഗ​സം​സ്കാ​രം തു​ട​ങ്ങി​യ വി​ഷ​യ​ങ്ങ​ളി​ലൊ​ക്കെ യാ​ഥാ​സ്ഥി​തി​ക​മെ​ന്നു വി​ശേ​ഷി​പ്പി​ക്ക​പ്പെ​ട്ട വി​രു​ദ്ധാ​ഭി​പ്രാ​യ​ത്തി​ലാ​യി​രു​ന്നു അ​ദ്ദേ​ഹം.

ഉ​ദാ​ര​വാ​ദി​യാ​യ അ​ധ്യാ​പ​ക​നി​ൽ​നി​ന്ന് ക​ർ​ക്ക​ശ​മാ​യ നേ​തൃ​ത്വ​ത്തി​ലേ​ക്കു​ള്ള ഈ ​മാ​റ്റ​ത്തി​നു കാ​ര​ണ​മെ​ന്താ​വാം? അ​റു​പ​തു​ക​ളു​ടെ ര​ണ്ടാം പാ​തി​യി​ൽ യൂ​റോ​പ്പി​ൽ പ​ല​യി​ട​ത്താ​യി ന​ട​ന്ന വി​ദ്യാ​ർ​ഥി പ്ര​ക്ഷോ​ഭ​ങ്ങ​ളും മാ​ർ​ക്സി​സം, അ​നാ​ർ​ക്കി​സം എ​ന്നി​വ​യി​ലൂ​ടെ ക്രൈ​സ്ത​വ​ർ​ക്കി​ട​യി​ൽ ദൃ​ശ്യ​മാ​യ വി​ശ്വാ​സ​നി​രാ​സ​വും ലി​ബ​റ​ൽ സം​സ്കാ​ര​വു​മാ​ണ്​ അ​ദ്ദേ​ഹ​ത്തെ മാ​റ്റി​യ​തെ​ന്ന്​ പ​ല​രും പ​റ​യു​ന്നു. മു​ൻ​ഗാ​മി പോ​പ്​ ജോ​ൺ പോ​ൾ ര​ണ്ടാ​മ​ന്‍റെ​യും പി​ൻ​ഗാ​മി ഫ്രാ​ൻ​സി​സ്​ മാ​ർ​പാ​പ്പ​യു​ടെ​യും ന​യ​ങ്ങ​ളി​ൽ​നി​ന്ന് തീ​ർ​ത്തും വ്യ​ത്യ​സ്ത​മാ​യി യാ​ഥാ​സ്ഥി​തി​ക​മാ​യി​രു​ന്നു അ​ദ്ദേ​ഹ​ത്തി​ന്‍റെ പ്ര​ക​ട​നം എ​ന്ന പു​റം​നി​രീ​ക്ഷ​ണം അ​ങ്ങ​നെ വ​ന്നു​ചേ​രു​ന്ന​താ​ണ്.

2001 സെ​പ്​​റ്റം​ബ​ർ 11ന്‍റെ ഭീ​ക​രാ​ക്ര​മ​ണ​വും അ​തേ തു​ട​ർ​ന്ന്​ അ​മേ​രി​ക്ക ന​ട​ത്തി​യ ഭീ​ക​ര​വി​രു​ദ്ധ യു​ദ്ധം വി​ത​ച്ച കെ​ടു​തി​ക​ളും ലോ​ക​ത്തെ മ​ത​വി​ഭാ​ഗ​ങ്ങ​ൾ​ക്കി​ട​യി​ൽ പ​ര​സ്പ​ര വി​ശ്വാ​സ​മി​ല്ലാ​യ്മ സൃ​ഷ്ടി​ച്ച സാ​ഹ​ച​ര്യ​ത്തി​ലാ​യി​രു​ന്നു​ പോ​പ്പി​ന്‍റെ അ​ധി​കാ​രാ​രോ​ഹ​ണം. ര​ണ്ടാം വ​ത്തി​ക്കാ​ൻ കൗ​ൺ​സി​ലി​ന്‍റെ പ്ര​മേ​യ ഉ​പ​ജ്ഞാ​താ​വി​ൽ​നി​ന്ന്​ പ​ക്ഷേ, വേ​ണ്ട​ത്ര ലോ​ക​ത്തി​നു ഈ ​കാ​ല​യ​ള​വി​ൽ ഈ​യ​ർ​ഥ​ത്തി​ലു​ള്ള സം​ഭാ​വ​ന​ക​ൾ ല​ഭി​ച്ചോ എ​ന്ന ചോ​ദ്യം പ്ര​സ​ക്ത​മാ​ണ്. അ​തി​നി​ടെ ഇ​സ്​​ലാം, ജൂ​ത, ബു​ദ്ധ​മ​ത ദ​ർ​ശ​ന​ങ്ങ​ളെ​ക്കു​റി​ച്ച്​ അ​ദ്ദേ​ഹം ന​ട​ത്തി​യ ചി​ല നി​രീ​ക്ഷ​ണ​ങ്ങ​ൾ വി​വാ​ദം സൃ​ഷ്ടി​ച്ചു. പ​ടി​ഞ്ഞാ​റ​ൻ ഓ​റി​യ​ന്‍റ​ലി​സ്റ്റ്​ പ​ണ്ഡി​ത​രു​ടെ​യും ലി​ബ​റ​ൽ ചി​ന്ത​ക​രു​ടെ​യും പ​തി​വു​ശ​ബ്​​ദ​മാ​യി​രു​ന്നു അ​തെ​ന്നാ​യി​രു​ന്നു എ​തി​രാ​യി ഉ​യ​ർ​ന്നു​വ​ന്ന ആ​രോ​പ​ണം.

ആ ​വി​മ​ർ​ശ​ന​ത്തെ പ്ര​തി​പ​ക്ഷ ബ​ഹു​മാ​ന​ത്തോ​ടെ ഉ​ൾ​ക്കൊ​ണ്ട അ​ദ്ദേ​ഹം ആ ​മ​ത​വി​ഭാ​ഗ​ങ്ങ​ളു​മാ​യൊ​ക്കെ സം​ഭാ​ഷ​ണ​ത്തി​നും വി​ശ​ദീ​ക​ര​ണ​ത്തി​നും സ​ന്ദ​ർ​ഭ​മൊ​രു​ക്കി പോ​പ്പി​ന്‍റെ ഉ​ന്ന​ത​പ​ദ​വി​ക്കു മാ​റ്റു കൂ​ട്ടി. പ​ല ഭാ​ഗ​ങ്ങ​ളി​ലാ​യി ച​ർ​ച്ച്​ നേ​തൃ​ത്വ​ത്തി​നെ​തി​രെ ഉ​യ​ർ​ന്ന ​ലൈം​ഗി​കാ​രോ​പ​ണ​ങ്ങ​ളെ​ക്കു​റി​ച്ച്​ ക​ർ​ശ​ന​മാ​യ അ​ന്വേ​ഷ​ണം ന​ട​ത്താ​നും ന​ട​പ​ടി കൈ​ക്കൊ​ള്ളാ​നും കാ​ണി​ച്ച അ​ദ്ദേ​ഹ​ത്തി​ന്‍റെ ധീ​ര​ത പ​ര​ക്കെ പ്ര​ശം​സ നേ​ടി​യി​രു​ന്നു. അ​ങ്ങ​നെ​യൊ​ക്കെ ക​ളം നി​റ​ഞ്ഞു​നി​ൽ​ക്കെ​യാ​യി​രു​ന്നു പൊ​ടു​ന്ന​നെ അ​ദ്ദേ​ഹം പ​ദ​വി​യി​ൽ​നി​ന്നി​റ​ങ്ങി ന​ട​ന്ന​ത്. ഇ​പ്പോ​ഴി​താ, ലോ​കം മ​താ​ന്ത​ര​സം​വാ​ദ​ങ്ങ​ളു​ടെ​യും സൗ​ഹൃ​ദ സ​ഹ​വ​ർ​ത്തി​ത്വ​ത്തി​ന്‍റെ​യും സാ​ധ്യ​ത​ക​ൾ ഹ​താ​ശ​രാ​യി തേ​ടി​ക്കൊ​ണ്ടി​രി​ക്കെ​യാ​ണ്​ ബെ​ന​ഡി​ക്ട്​ പ​തി​നാ​റാ​മ​ന്‍റെ വേ​ർ​പാ​ട്.

(റോ​മി​ലെ ത​വാ​സു​ൽ സെ​ന്‍റ​ർ ഫോ​ർ ഡ​യ​ലോ​ഗി​ൽ ഉ​​പ​ദേ​ഷ്ടാ​വാ​ണ്​ ലേ​ഖ​ക​ൻ)