ഗ​സ്സ: പാ​ശ്ചാ​ത്യ ആ​ദ​ർ​ശ​ങ്ങ​ളു​ടെ ശ​വ​പ്പ​റ​മ്പ്

പാ​ശ്ചാ​ത്യ ഭ​ര​ണ​സം​വി​ധാ​ന​ങ്ങ​ൾ അ​വ​രു​ടെ പ​രാ​ജ​യ​ങ്ങ​ളെ അ​ഭി​മു​ഖീ​ക​രി​ക്കേ​ണ്ട സ​മ​യ​മാ​ണി​ത്. ലി​ബ​റ​ലി​സ​ത്തി​ന് വ​ഴി​തെ​റ്റി​യി​രി​ക്കാം, പ​ക്ഷേ ജ​ന​ങ്ങ​ൾ​ക്ക​ത് സം​ഭ​വി​ച്ചി​ട്ടി​ല്ല. ഗ​സ്സ​ക്ക് നീ​തി​തേ​ടി നി​ല​കൊ​ള്ളു​ന്ന​വ​ർ പ്ര​ക​ടി​പ്പി​ക്കു​ന്ന ധൈ​ര്യ​വും സ​ഹി​ഷ്ണു​ത​യും യ​ഥാ​ർ​ഥ പാ​ശ്ചാ​ത്യ ആ​ശ​യ​ങ്ങ​ളെ​യാ​ണ് പ്ര​തി​ഫ​ലി​പ്പി​ക്കു​ന്ന​ത്. വം​ശ​മോ മ​ത​മോ നോ​ക്കാ​തെ എ​ല്ലാ​വ​രു​ടെ​യും മ​നു​ഷ്യാ​വ​കാ​ശ​ങ്ങ​ളോ​ടും നീ​തി​യോ​ടും പ്ര​തി​ബ​ദ്ധ​ത പു​ല​ർ​ത്തു​ക മാ​ത്ര​മാ​ണ് വ​ഴി

ഒ​ക്‌​ടോ​ബ​ർ ഏ​ഴി​ലെ ഹ​മാ​സ് ആ​ക്ര​മ​ണ​വും ഇ​സ്രാ​യേ​ലി​ന്റെ ആ​നു​പാ​തി​ക​മ​ല്ലാ​ത്ത പ്ര​തി​ക​ര​ണ​വും ന​ട​ന്നി​ട്ട് ഒ​രു വ​ർ​ഷം പി​ന്നി​ട​വെ, ഈ ​വി​ഷ​യ​ത്തി​ൽ പാ​ശ്ചാ​ത്യ രാ​ജ്യ​ങ്ങ​ൾ പു​ല​ർ​ത്തി​യ കാ​പ​ട്യം നാം ​തി​രി​ച്ച​റി​യേ​ണ്ട​തു​ണ്ട്. ഇ​സ്രാ​യേ​ൽ ന​ട​ത്തു​ന്ന അ​ക്ര​മ​ങ്ങ​ൾ ഫ​ല​സ്തീ​നി​ക​ൾ​ക്ക് പ്ര​തി​ക​രി​ക്കാ​നു​ള്ള ന്യാ​യ​മാ​വു​ന്നി​ല്ല, അ​തേ സ​മ​യം ഫ​ല​സ്തീ​നി​ക​ൾ ന​ട​ത്തു​ന്ന ഏ​തൊ​ര​ക്ര​മ​വും ലോ​ക​ത്തെ ഏ​റ്റ​വും ശ​ക്ത​മാ​യ ഒ​രു സൈ​ന്യ​ത്തി​ന് ക്രൂ​ര​വും നി​യ​മ​വി​രു​ദ്ധ​വു​മാ​യ പ്ര​തി​ക​ര​ണ​ങ്ങ​ൾ ന​ട​ത്താ​നു​ള്ള ന്യാ​യ​മാ​യി​മാ​റു​ന്നു.

നി​യ​മ​ങ്ങ​ളെ അ​ടി​സ്ഥാ​ന​പ്പെ​ടു​ത്തി​യു​ള്ള​തെ​ന്ന് പ​റ​യ​പ്പെ​ടു​ന്ന ലോ​ക​ക്ര​മം പ​ണ്ടു​ത​ന്നെ സം​ശ​യാ​സ്പ​ദ​മാ​യി​രു​ന്നു, ഇ​പ്പോ​ഴ​ത് വ്യ​ക്ത​മാ​യി പ​രാ​ജ​യ​പ്പെ​ട്ടി​രി​ക്കു​ന്നു. ഇ​ര​ട്ട​ത്താ​പ്പ് വ്യ​ക്ത​മാ​ണ്. ഞ​ങ്ങ​ൾ സ​ഖ്യ​ക​ക്ഷി​ക​ളാ​യി ക​രു​തു​ന്ന​വ​രോ ‘‘ഞ​ങ്ങ​ളു​ടെ പാ​ള​യ​ത്തി​ൽ’’ ഉ​ള്ള​വ​രോ ആ​യ ആ​ർ​ക്കും ത​ന്നെ നി​യ​മ​ങ്ങ​ളോ ധാ​ർ​മി​ക​ത​യോ ബാ​ധ​ക​മ​ല്ല, അ​തേ​സ​മ​യം ചെ​റു​ത്തു​നി​ൽ​ക്കു​ന്ന​വ​രെ ഞ​ങ്ങ​ൾ ‘‘തീ​വ്ര​വാ​ദി​ക​ൾ’’ എ​ന്ന് ചാ​പ്പ​യ​ടി​ക്കും. അ​വ​ർ​ക്ക് പ്ര​തി​ഷേ​ധി​ക്കാ​നോ നി​ല​നി​ൽ​ക്കാ​നോ ഉ​ള്ള അ​വ​കാ​ശ​ങ്ങ​ളെ​യെ​ല്ലാം നി​ഷേ​ധി​ക്കും.

നീ​തി​യും ജ​നാ​ധി​പ​ത്യ​വും മ​നു​ഷ്യാ​വ​കാ​ശ​ങ്ങ​ളും ഉ​യ​ർ​ത്തി​പ്പി​ടി​ക്കാ​ൻ ബാ​ധ്യ​സ്ഥ​മാ​യ സം​വി​ധാ​ന​ങ്ങ​ളെ​ല്ലാം രാ​ഷ്ട്രീ​യ​ത്തി​ന്റെ​യും കു​പ്ര​ചാ​ര​ണ​വേ​ല​ക​ളു​ടെ​യും മു​ന്നി​ൽ ത​ക​ർ​ന്ന​ടി​ഞ്ഞു. ഇ​ന്ത്യ​ൻ എ​ഴു​ത്തു​കാ​ര​ൻ പ​ങ്ക​ജ് മി​ശ്ര നി​രീ​ക്ഷി​ച്ച​തു​പോ​ലെ, ‘‘ഇ​സ്രാ​യേ​ലി​നു​ള്ള അ​നി​ത​ര​സാ​ധാ​ര​ണ​ത്വം 1945ന് ​ശേ​ഷം നി​ർ​മി​ച്ച ആ​ഗോ​ള മാ​ന​ദ​ണ്ഡ​ങ്ങ​ളു​ടെ ഗോ​പു​ര​ങ്ങ​ളെ പൊ​ട്ടി​ച്ചി​ത​റി​ച്ചു​ക​ള​യു​ന്നു’’. ‘‘മാ​നു​ഷി​ക നി​യ​മ​ങ്ങ​ളു​ടെ​യും സു​പ്ര​ധാ​ന ത​ത്ത്വ​ങ്ങ​ളു​ടെ​യും ശ​വ​പ്പ​റ​മ്പാ​യി ഗ​സ്സ മാ​റി’’​യെ​ന്ന് യൂ​റോ​പ്യ​ൻ യൂ​നി​യ​ൻ വി​ദേ​ശ ന​യ​കാ​ര്യ മേ​ധാ​വി ജോ​സെ​പ് ബോ​റെ​ൽ അ​ഭി​പ്രാ​യ​പ്പെ​ട്ടി​രു​ന്നു. വൈ​കാ​തെ, അ​ത് പാ​ശ്ചാ​ത്യ ആ​ദ​ർ​ശ​ങ്ങ​ളു​ടെ ത​ന്നെ ശ്മ​ശാ​ന​മാ​യി മാ​റി​യേ​ക്കാം.

ആദർശമല്ല, അധികാരം മാത്രം

ഒ​ട്ടു​മി​ക്ക പാ​ശ്ചാ​ത്യ ഭ​ര​ണ​കൂ​ട​ങ്ങ​ളും അ​ധി​കാ​ര​ത്തി​നാ​ണ് ആ​ദ​ർ​ശ​ത്തെ​ക്കാ​ളേ​റെ വി​ല ക​ൽ​പി​ക്കു​ന്ന​ത്. ഒ​രു വ​ർ​ഷ​മാ​യി ഗ​സ്സ​യി​ൽ ന​ട​ക്കു​ന്ന ഇ​സ്രാ​യേ​ൽ സൈ​നി​ക ന​ട​പ​ടി​ക​ൾ പ​തി​നാ​യി​ര​ക്ക​ണ​ക്കി​ന് സാ​ധാ​ര​ണ​ക്കാ​രു​ടെ ജീ​വ​നെ​ടു​ത്തു. യു​ദ്ധ​മി​പ്പോ​ൾ ല​ബ​നാ​ൻ, യ​മ​ൻ, സി​റി​യ, ഇ​റാ​ൻ തു​ട​ങ്ങി​യ ഇ​ട​ങ്ങ​ളി​ലേ​ക്ക് വ്യാ​പി​ക്കു​മ്പോ​ഴും, സ്വ​യം പ്ര​തി​രോ​ധി​ക്കാ​നു​ള്ള ഇ​സ്രാ​യേ​ലി​ന്റെ അ​വ​കാ​ശം എ​ന്ന പേ​രു​പ​റ​ഞ്ഞ് പാ​ശ്ചാ​ത്യ ഭ​ര​ണ​കൂ​ട​ങ്ങ​ൾ ഈ ​ദു​ർ​പ്ര​വൃ​ത്തി​ക​ളെ ന്യാ​യീ​ക​രി​ക്കു​​ക​യോ ക​ണ്ടി​ല്ലെ​ന്ന് ന​ടി​ക്കു​ക​യോ ചെ​യ്യു​ന്നു. അ​മേ​രി​ക്ക​യി​ലെ 38 സ്റ്റേ​റ്റു​ക​ളി​ൽ ഇ​സ്രാ​യേ​ലി ക​മ്പ​നി​ക​ളെ ബ​ഹി​ഷ്‌​ക​രി​ക്കു​ന്ന​ത് നി​യ​മ​പ്ര​കാ​രം ക്രി​മി​ന​ൽ കു​റ്റ​മാ​കു​മ്പോ​ൾ ആ​ഭ്യ​ന്ത​ര സ്ഥാ​പ​ന​ങ്ങ​ളെ ബ​ഹി​ഷ്‌​ക​രി​ക്കു​ന്ന​തി​ന് അ​ത്ത​രം നി​യ​ന്ത്ര​ണ​ങ്ങ​ളൊ​ന്നും നി​ല​വി​ലി​ല്ല.

മാധ്യമങ്ങൾക്ക് ഫലസ്തീനികൾ മനുഷ്യരല്ല

ജ​നാ​ധി​പ​ത്യ​ത്തി​ന്റെ മ​റ്റൊ​രു തൂ​ണാ​യ മാ​ധ്യ​മ​ങ്ങ​ൾ പ​ണ്ടു മു​ത​ൽ​ക്കു ത​ന്നെ ഫ​ല​സ്തീ​നി​ക​ൾ മ​നു​ഷ്യ​ര​ല്ലെ​ന്ന മ​ട്ടി​ലെ ആ​ഖ്യാ​ന​മാ​ണ് ച​മ​ച്ചു​വെ​ച്ചി​രി​ക്കു​ന്ന​ത്. അ​ഭൂ​ത​പൂ​ർ​വ​മാ​യ ഇ​സ്രാ​യേ​ലി സൈ​നി​ക ആ​ക്ര​മ​ണ​ത്തി​ന്റെ ഇ​ര​ക​ളാ​ണ് ഫ​ല​സ്തീ​നി​ക​ൾ എ​ന്നി​രി​ക്കെ, യാ​ഥാ​ർ​ഥ്യ​ങ്ങ​ളെ മ​റ​ച്ചു​വെ​ച്ച് സം​ഭ​വി​ക്കു​ന്ന​തെ​ല്ലാം ആ​ക​സ്മി​ക​മാ​യ നാ​ശ​ന​ഷ്ട​ങ്ങ​ളാ​യി ചി​ത്രീ​ക​രി​ക്കു​ക​യാ​ണ് മാ​ധ്യ​മ​ങ്ങ​ൾ. ഫ​ല​സ്തീ​ൻ അ​നു​കൂ​ല ശ​ബ്ദ​ങ്ങ​ൾ പു​റ​മെ കേ​ൾ​പ്പി​ക്ക​പ്പെ​ടു​ന്ന​തു ത​ന്നെ അ​ത്യ​പൂ​ർ​വ​മാ​ണ്. 127ല​ധി​കം മാ​ധ്യ​മ​പ്ര​വ​ർ​ത്ത​ക​ർ കൊ​ല്ല​പ്പെ​ടു​ക​യും ഗ​സ്സ​യി​ൽ പ്ര​വേ​ശി​ക്കു​ന്ന​തി​ൽ റി​പ്പോ​ർ​ട്ട​ർ​മാ​ർ​ക്ക് വി​ല​ക്കേ​ർ​പ്പെ​ടു​ത്തു​ക​യും ചെ​യ്തി​ട്ടും ആ​രും പ​ത്ര​സ്വാ​ത​ന്ത്ര്യ​ത്തി​നു​വേ​ണ്ടി വാ​ദി​ക്കു​ന്നി​ല്ല. മാ​ധ്യ​മ ​പ്ര​വ​ർ​ത്ത​ക​രെ നി​രോ​ധി​ക്കു​ക​യും കൊ​ല്ലു​ക​യും ചെ​യ്യു​മ്പോ​ഴും ഇ​സ്രാ​യേ​ൽ മി​ഡി​ലീ​സ്റ്റി​ലെ ഏ​ക ജ​നാ​ധി​പ​ത്യ രാ​ജ്യ​മാ​യി തു​ട​രു​ന്നു.

എതിർശബ്ദങ്ങൾ വേണ്ട

സ​യ​ണി​സ​ത്തെ വി​മ​ർ​ശി​ക്കു​ന്ന​ത് യ​ഹൂ​ദ​വി​രു​ദ്ധ​ത​യാ​ണെ​ങ്കി​ൽ ഇ​സ്‍ലാ​മി​സ​ത്തെ എ​തി​ർ​ക്കു​ന്ന​ത് ഇ​സ്‍ലാം വി​രു​ദ്ധ​ത​യാ​യി ക​ണ​ക്കാ​ക്ക​ണ​മ​ല്ലോ, പ​ക്ഷേ, അ​ത് അ​ങ്ങ​നെ​യ​ല്ല ചെ​യ്യാ​റ്. മ​ത​പ​ര​വും രാ​ഷ്ട്രീ​യ​വു​മാ​യ പ്ര​ത്യ​യ​ശാ​സ്ത്ര​ങ്ങ​ൾ അ​വ​യു​ടെ സ്വ​ഭാ​വ​മ​നു​സ​രി​ച്ച് സൂ​ക്ഷ്മ​പ​രി​ശോ​ധ​ന​ക്കും സം​വാ​ദ​ത്തി​നു​മാ​യി തു​റ​ന്നു​വെ​ക്ക​ണം. അ​തി​നി​ട​യി​ലും, ഇ​സ്രാ​യേ​ലി ന​യ​ങ്ങ​ളെ എ​തി​ർ​ക്കു​ന്ന യ​ഹൂ​ദ​രെ പ്ര​ത്യേ​ക​മാ​യി ല​ക്ഷ്യ​മി​ടു​ന്ന​തും അ​ഭി​പ്രാ​യ സ്വാ​ത​ന്ത്ര്യ​ത്തെ ച​വി​ട്ടി​മെ​തി​ക്കു​ന്ന​തു​മാ​യ നി​യ​മ​ങ്ങ​ളും ന​യ​ങ്ങ​ളും പാ​സാ​ക്കാ​ൻ തി​ടു​ക്ക​പ്പെ​ടു​ക​യാ​ണ് അ​ധി​കാ​രി​ക​ൾ.

ഈ ​സം​ഘ​ർ​ഷ​ത്തി​ൽ ച​ര​മ​മ​ട​ഞ്ഞ മ​റ്റൊ​രു സം​ഗ​തി ദ്വി​രാ​ഷ്ട്ര പ​രി​ഹാ​ര​മാ​ണ്. മു​തി​ർ​ന്ന ഇ​സ്രാ​യേ​ലി പ​ത്ര​പ്ര​വ​ർ​ത്ത​ക​ൻ ഗി​ഡി​യ​ൻ ലെ​വി ചൂ​ണ്ടി​ക്കാ​ണി​ച്ച​തു പോ​ലെ ഗ​സ്സ​ക്ക് നേ​രെ​യു​ള്ള ക്രൂ​ര​മാ​യ അ​തി​ക്ര​മ​ത്തി​നൊ​പ്പം വെ​സ്റ്റ് ബാ​ങ്കി​ലെ കു​ടി​യേ​റി​പ്പാ​ർ​പ്പു​കാ​ർ​ക്ക് അം​ഗീ​കാ​രം കൂ​ടി ല​ഭി​ച്ച​തോ​ടെ ദ്വി​രാ​ഷ്ട്ര പ​രി​ഹാ​ര മാ​ർ​ഗ​ത്തി​ന്റെ മ​ര​ണം ഉ​റ​പ്പാ​ക്ക​പ്പെ​ട്ടു. അ​ധി​നി​വേ​ശ പ്ര​ദേ​ശ​ങ്ങ​ളി​ൽ ഏ​ക​ദേ​ശം എ​ട്ടു​ല​ക്ഷം അ​ന​ധി​കൃ​ത താ​മ​സ​ക്കാ​രു​ണ്ട്. ഒ​രു ഇ​സ്രാ​യേ​ലി സ​ർ​ക്കാ​റും ഇ​നി അ​വ​രെ നീ​ക്കം ചെ​യ്യാ​ൻ ധൈ​ര്യ​പ്പെ​ടി​ല്ല.

ഈ ​തി​രി​ച്ച​ടി​ക​ൾ​ക്കി​ട​യി​ലും പാ​ശ്ചാ​ത്യ രാ​ജ്യ​ങ്ങ​ളി​ൽ പ്ര​തീ​ക്ഷ​യു​ടെ ചെ​റു​തി​ള​ക്ക​ങ്ങ​ൾ ഇ​പ്പോ​ഴു​മ​വ​ശേ​ഷി​ക്കു​ന്നു​ണ്ട്. മ​നു​ഷ്യാ​വ​കാ​ശ​ങ്ങ​ളു​ടെ യ​ഥാ​ർ​ഥ സം​ര​ക്ഷ​ക​രാ​യ വി​ദ്യാ​ർ​ഥി​ക​ൾ, ആ​ക്ടി​വി​സ്റ്റു​ക​ൾ, ഫ​ല​സ്തീ​നി​ക​ൾ, യ​ഹൂ​ദ സ​ഹ​കാ​രി​ക​ൾ എ​ന്നി​വ​രെ​ല്ലാം ത​ങ്ങ​ളു​ടെ ക​രി​യ​റും സു​ര​ക്ഷ​യും അ​വ​ഗ​ണി​ച്ച് നീ​തി​ക്കു​വേ​ണ്ടി നി​ല​കൊ​ണ്ടു. അ​റ​സ്റ്റും ഭീ​ഷ​ണി​യും തി​രി​ച്ച​ടി​ക​ളു​മെ​ല്ലാം നേ​രി​ട്ടി​ട്ടും അ​വ​ർ ഉ​ച്ച​ത്തി​ലു​യ​ർ​ത്തു​ന്ന വാ​ദ​ങ്ങ​ൾ പാ​ശ്ചാ​ത്യ ലി​ബ​റ​ലു​ക​ൾ ഒ​രി​ക്ക​ൽ ഉ​യ​ർ​ത്തി​പ്പി​ടി​ച്ച ഫ​ല​സ്തീ​ൻ വി​ഷ​യ​ത്തി​ലൊ​ഴി​കെ അ​വ​ർ ഇ​പ്പോ​ഴും കാ​ത്തു​സൂ​ക്ഷി​ക്കു​ന്ന മൂ​ല്യ​ങ്ങ​ളെ ഓ​ർ​മ​പ്പെ​ടു​ത്തു​ന്നു.

താ​ഴേ​ത്ത​ട്ടി​ലു​ള്ള ആ​ക്ടി​വി​സ​വും കൂ​ടു​ത​ൽ ശ​ക്തി​യാ​ർ​ജി​ക്കു​ക​യാ​ണ്. ബ​ഹി​ഷ്‌​ക​ര​ണ​ത്തി​നും വ്യാ​പാ​ര വി​ട്ടു​നി​ൽ​പ്പി​നും വേ​ണ്ടി​യു​ള്ള ആ​ഹ്വാ​ന​ങ്ങ​ൾ വ​ർ​ധി​ച്ചു, കൂ​ടു​ത​ൽ ആ​ളു​ക​ൾ ചെ​റു​ത്തു​നി​ൽ​ക്കാ​നും തു​ട​ങ്ങി. അ​ധി​നി​വേ​ശ​ത്തെ നി​രാ​ക​രി​ക്കു​ന്ന ജൂ​ത​ശ​ബ്ദ​ങ്ങ​ൾ പോ​ലെ, സ​ങ്ക​ൽ​പി​ക്കാ​ൻ പോ​ലു​മാ​വാ​ത്ത ദു​രി​ത​ങ്ങ​ൾ​ക്കി​ട​യി​ലും ഫ​ല​സ്തീ​നി​ക​ൾ പു​ല​ർ​ത്തു​ന്ന ക​രു​ത്തും അ​ത്യ​ന്തം പ്ര​ചോ​ദി​പ്പി​ക്കു​ന്നു. പാ​ശ്ചാ​ത്യ ഭ​ര​ണ​സം​വി​ധാ​ന​ങ്ങ​ൾ അ​വ​രു​ടെ പ​രാ​ജ​യ​ങ്ങ​ളെ അ​ഭി​മു​ഖീ​ക​രി​ക്കേ​ണ്ട സ​മ​യ​മാ​ണി​ത്. ലി​ബ​റ​ലി​സ​ത്തി​ന് വ​ഴി​തെ​റ്റി​യി​രി​ക്കാം, പ​ക്ഷേ ജ​ന​ങ്ങ​ൾ​ക്ക​ത് സം​ഭ​വി​ച്ചി​ട്ടി​ല്ല. ഗ​സ്സ​ക്ക് നീ​തി​തേ​ടി നി​ല​കൊ​ള്ളു​ന്ന​വ​ർ പ്ര​ക​ടി​പ്പി​ക്കു​ന്ന ധൈ​ര്യ​വും സ​ഹി​ഷ്ണു​ത​യും യ​ഥാ​ർ​ഥ പാ​ശ്ചാ​ത്യ ആ​ശ​യ​ങ്ങ​ളെ​യാ​ണ് പ്ര​തി​ഫ​ലി​പ്പി​ക്കു​ന്ന​ത്. വം​ശ​മോ മ​ത​മോ നോ​ക്കാ​തെ എ​ല്ലാ​വ​രു​ടെ​യും മ​നു​ഷ്യാ​വ​കാ​ശ​ങ്ങ​ളോ​ടും നീ​തി​യോ​ടും പ്ര​തി​ബ​ദ്ധ​ത പു​ല​ർ​ത്തു​ക മാ​ത്ര​മാ​ണ് ന​മു​ക്ക് മു​ന്നി​ലു​ള്ള ഏ​ക വ​ഴി.

(കാ​ന​ഡ കേ​ന്ദ്രീ​ക​രി​ച്ച് പ്ര​വ​ർ​ത്തി​ക്കു​ന്ന നി​യ​മ പ​ണ്ഡി​ത​നും അ​ഭി​ഭാ​ഷ​ക​നും എ​ഴു​ത്തു​കാ​ര​നു​മാ​ണ് ലേ​ഖ​ക​ൻ)