നീതി; എനിക്കതു മാത്രം മതി

സർക്കാർ വെറും ലക്ഷങ്ങളാണ് നഷ്ടപരിഹാരം തരുക, കോടതിയിൽ മൊഴിമാറ്റിപ്പറഞ്ഞാൽ ഞങ്ങൾ കോടികൾ തരാമെന്ന് പറഞ്ഞ് ചിലർ വീട്ടിലേക്ക് വന്നു. എനിക്ക് എന്തിനാണ് പൈസ? എനിക്ക് തരാമെന്ന് പറഞ്ഞ പണം മുഴുവൻ എടുത്തു കൊള്ളൂ, പകരം നിങ്ങൾ കൊന്നുകളഞ്ഞ എന്റെ ഒരു കുഞ്ഞിനെയെങ്കിലും തിരിച്ചുതരാൻ സാധിക്കുമോ​​?

പു​റ​ത്തേ​ക്കു പോ​യ മ​ക്ക​ളാ​രെ​ങ്കി​ലും വ​രാ​ൻ വൈ​കി​യാ​ൽ ആ​ധി​പി​ടി​ച്ച് വീ​ർ​പ്പു​മു​ട്ടാ​റി​ല്ലേ? കു​ഞ്ഞു​ങ്ങ​ളു​ടെ കൈ​യി​ൽ ഒ​രു മു​റി​വു​പ​റ്റി​യാ​ൽ ഉ​ള്ളു​നീ​റി​പ്പോ​വാ​റി​ല്ലേ നി​ങ്ങ​ൾ​ക്ക്? മ​ക്ക​ൾ​ക്ക് എ​ന്തെ​ങ്കി​ലും സം​ഭ​വി​ച്ചാ​ൽ പി​ന്നെ ജീ​വി​ച്ചി​രു​ന്നി​ട്ടെ​ന്തു കാ​ര്യം എ​ന്ന് ചി​ന്തി​ക്കാ​റി​ല്ലേ ന​മ്മ​ളെ​ല്ലാ​വ​രും?. ഞാ​നും അ​ങ്ങ​നെ​യൊ​ക്കെ​ത്ത​ന്നെ​യാ​യി​രു​ന്നു. ക​ഴി​വ​തും ത​ല്ലു​കൊ​ണ്ടു​പോ​ലും വേ​ദ​നി​പ്പി​ക്കാ​തെ ഞാ​നും ഭാ​ര്യ ലാ​ൽ​ബീ​യും കൊ​ണ്ടു​ന​ട​ന്ന​താ​ണ് മ​ക്ക​ളെ. ആ ​മ​ക്ക​ളി​ൽ ആ​റു പേ​ർ- സു​ഫി​യാ ബാ​നു, മെ​ഹ്ബൂ​ബ് ,അ​ഫ്രീ​ൻ ബാ​നു, ഷ​ഹീ​ൻ ബാ​നു, ഖാ​ജാ, ഹു​സൈ​ൻ എ​ന്നി​വ​ർ ഇ​ന്നീ ഭൂ​മു​ഖ​ത്തി​ല്ല, ലാ​ൽ​ബീ​യും അ​വ​ളു​ടെ ഉ​ദ​ര​ത്തി​ൽ വ​ള​ർ​ന്നു​വ​ന്നി​രു​ന്ന കു​ഞ്ഞു​മി​ല്ല.

മ​രി​ച്ച​ത​ല്ല, വ​ർ​ഗീ​യ​വാ​ദി​ക​ൾ ക​ശാ​പ്പ് ചെ​യ്ത് കൊ​ല​പ്പെ​ടു​ത്തി​യ​താ​ണ് ഗ​ർ​ഭ​സ്ഥ ശി​ശു​വ​ട​ക്കം എ​ന്റെ മ​ക്ക​ളെ​യും പ്രി​യ​പ്പെ​ട്ട​വ​ളെ​യും. 21 വ​ർ​ഷ​മാ​യി ഇ​തെ​ല്ലാം ന​ട​ന്നി​ട്ട്. ഇ​ക്കാ​ല​മ​ത്ര​യും ആ ​തീ​യും നെ​ഞ്ചി​ലി​ട്ട് ഞാ​ൻ ജീ​വി​ക്കു​ന്നു. ഞാ​ൻ മാ​ത്ര​​മെ​ന്തി​ന് അ​വ​ശേ​ഷി​ച്ചു എ​ന്ന് ആ​ദ്യം കു​റേ​ക്കാ​ലം ആ​ലോ​ചി​ച്ചി​രു​ന്നു. പി​ന്നെ​യെ​നി​ക്ക് മ​ന​സ്സി​ലാ​യി അ​വ​ർ​ക്ക് നീ​തി ഉ​റ​പ്പാ​ക്കാ​നാ​ണ് ഞാ​ൻ ജീ​വി​ച്ചി​രി​ക്കു​ന്ന​തെ​ന്ന്, 2002ൽ ​ഗു​ജ​റാ​ത്തി​ൽ ഒ​രു കു​ഴ​പ്പ​വും ഉ​ണ്ടാ​യി​ട്ടി​ല്ല എ​ന്ന പ്ര​ചാ​ര​വേ​ല ക​ള്ള​മാ​ണ് എ​ന്ന് ലോ​ക​​ത്തോ​ട് സാ​ക്ഷ്യ​പ്പെ​ടു​ത്താ​നാ​ണ് ജീ​വി​ച്ചി​രി​ക്കു​ന്ന​തെ​ന്ന്. എ​ത്ര​യൊ​ക്കെ വേ​ദ​നി​പ്പി​ക്ക​പ്പെ​ട്ടാ​ലും വി​ദ്വേ​ഷ​വും വൈ​ര​വും കൊ​ണ്ട​ല്ല സ്നേ​ഹ​വും ക്ഷ​മ​യും കൊ​ണ്ട് വേ​ണം മ​റു​പ​ടി ന​ൽ​കാ​ൻ എ​ന്ന് സ​ഹ​ജീ​വി​ക​ളെ പ​റ​ഞ്ഞു പ​ഠി​പ്പി​ക്കു​ക​യാ​ണ് എ​ന്റെ ശി​ഷ്ട​ജീ​വി​ത ദൗ​ത്യ​മെ​ന്ന്.

ക​ർ​ണാ​ട​ക​യി​ലെ ഗു​ൽ​ബ​ർ​ഗ​യി​ൽ​നി​ന്ന് 1967ൽ ​ഗു​ജ​റാ​ത്തി​ലെ​ത്തി​യ​താ​ണ് ഞാ​ൻ. വി​വാ​ഹ​ശേ​ഷം ന​രോ​ദ പാ​ട്യ​യി​ൽ കു​ടും​ബ​വു​മൊ​ത്ത് സ​മാ​ധാ​ന​ത്തോ​ടെ ജീ​വി​ച്ചു​വ​രു​ക​യാ​യി​രു​ന്നു. അ​യ​ൽ​വാ​സി​ക​ളോ​ട് ഞ​ങ്ങ​ൾ​ക്കും ഞ​ങ്ങ​ളോ​ട് അ​യ​ൽ​വാ​സി​ക​ൾ​ക്കും സ്നേ​ഹ​വും സ​ഹ​ക​ര​ണ​വു​മൊ​ക്കെ​യാ​യി​രു​ന്നു. 2002 ഫെ​ബ്രു​വ​രി 28ന് ​ഒ​രു ബ​ന്ദാ​ഹ്വാ​ന​മു​ണ്ട് എ​ന്ന് കേ​ട്ടി​രു​ന്നു. ഗോ​ധ്ര​യി​ൽ ട്രെ​യി​നി​ന് തീ​വെ​ച്ച് ആ​ളു​ക​ളെ കൊ​ല​പ്പെ​ടു​ത്തി​യ​തി​ന്റെ പേ​രി​ലാ​ണ് ബ​ന്ദ് എ​ന്ന് ഒ​രു​ ഹോ​ട്ട​ലു​കാ​ര​ൻ പ​റ​ഞ്ഞു. ഗോ​ധ്ര​യും അ​ഹ്മ​ദ​ബാ​ദും ത​മ്മി​ൽ എ​ത്ര അ​ക​ല​മു​ണ്ട്. ഇ​വി​ടെ അ​തി​ന്റെ പേ​രി​ൽ എ​ന്തെ​ങ്കി​ലും പ്ര​ശ്ന​മു​ണ്ടാ​കു​​മെ​ന്ന് ഞാ​നെ​ന്ന​ല്ല ഒ​രാ​ളും ക​രു​തി​യി​രു​ന്നി​ല്ല. പ​ക്ഷേ, ഞ​ങ്ങ​ൾ​ക്ക് തെ​റ്റി​യി​രു​ന്നു.

നെ​റ്റി​യി​ൽ കാ​വി​ക്കെ​ട്ടും കൈ​ക​ളി​ൽ ക​മ്പി​യും വാ​ളും വ​ടി​യും ച​വ​ണ​യു​മൊ​ക്കെ​യാ​യി മു​ദ്രാ​വാ​ക്യ​ങ്ങ​ളും മു​ഴ​ക്കി കൃ​ഷ്ണ ന​ഗ​റി​ൽ​നി​ന്നും കു​ബേ ന​ഗ​റി​ൽ​നി​ന്നു​മൊ​ക്കെ ആ​ളു​ക​ൾ ഞ​ങ്ങ​ളു​ടെ ഏ​രി​യ​യി​ലേ​ക്ക് എ​ത്തി​ച്ചേ​ർ​ന്നു. അ​വ​ർ വ​ഴി​യി​ൽ കാ​ണു​ന്ന​വ​രെ​യൊ​ക്കെ ആ​ക്ര​മി​ക്കു​ന്ന​തു ക​ണ്ട് ഭാ​ര്യ​യോ​ടും മ​ക്ക​ളോ​ടും വീ​ട്ടി​ന​ക​ത്ത് ത​ന്നെ​യി​രി​ക്കാ​ൻ ഞാ​ൻ പ​റ​ഞ്ഞു. ഞ​ങ്ങ​ളു​ടെ ഭാ​ഗ​ത്ത് ഒ​രു തെ​ന്നി​ന്ത്യ​ക്കാ​ര​ൻ ക​ട ന​ട​ത്തി​യി​രു​ന്നു. പ്ര​ശ്നം ക​ന​ക്കു​ന്ന​തു ക​ണ്ട് അ​യാ​ൾ ക​ട​യ​ട​ച്ച് മ​ട​ങ്ങാ​ൻ ഒ​രു​ങ്ങു​ക​യാ​യി​രു​ന്നു, ആ​ക്ര​മി​ക​ൾ അ​വി​ടേ​ക്ക് ഓ​ടി​വ​ന്ന് ആ ​ക​ട​യു​ടെ ഉ​ള്ളി​ലി​ട്ട് ക​ത്തി​ച്ചു. മ​റ്റൊ​രാ​ളെ മൂ​ത്ര​പ്പു​ര​യി​ലി​ട്ട് വെ​ട്ടി നു​റു​ക്കി വ​ലി​ച്ചെ​റി​യു​ന്ന​ത് ക​ണ്ടു. വൈ​കാ​തെ അ​വ​ർ എ​ന്റെ വീ​ട്ടി​ലേ​ക്കും വ​രു​മെ​ന്ന് ക​ണ്ട് ഞാ​ൻ ഭാ​ര്യ​യെ​യും മ​ക്ക​ളെ​യും കൂ​ട്ടി ഭ​യ​ന്ന് ഓ​ടാ​ൻ തു​ട​ങ്ങി.

സ്റ്റേ​റ്റ് ​ട്രാ​ൻ​സ്​​പോ​ർ​ട്ട് ഡി​പ്പോ​ക്ക​ടു​ത്തു​വെ​ച്ച് ബി.​ജെ.​പി നേ​താ​വ് ഡോ. ​മാ​യാ ബെ​ൻ കോ​ട്നാ​നി വ​രു​ന്ന​ത് ക​ണ്ടു. അ​വ​രെ ഞ​ങ്ങ​ൾ​ക്ക് നേ​രി​ട്ട് അ​റി​യു​ന്ന​താ​ണ്. അ​വ​ർ ആ​ദ്യ​മാ​യി തെ​ര​ഞ്ഞെ​ടു​പ്പി​ൽ മ​ത്സ​രി​ച്ച​പ്പോ​ൾ മു​ദ്രാ​വാ​ക്യം വി​ളി​ക്കാ​നും പോ​സ്റ്റ​റൊ​ട്ടി​ക്കാ​നും പോ​യി​ട്ടു​ണ്ട്, വീ​ട്ടി​ൽ പോ​യി ചാ​യ കു​ടി​ച്ചി​ട്ടു​ണ്ട്, ലാ​ൽ​ബി ഗ​ർ​ഭി​ണി​യാ​യ​പ്പോ​ൾ മാ​യാ ഭാ​യി ഡോ​ക്ട​റെ​യാ​ണ് കാ​ണി​ച്ച​ത്. ഞാ​ൻ മ​ജീ​ദാ​ണെ​ന്നും എ​ന്നെ​യും കു​ടും​ബ​ത്തെ​യും ര​ക്ഷി​ക്ക​ണ​മെ​ന്നും ചെ​ന്ന് പ​റ​ഞ്ഞു​നോ​ക്കി. ‘വേ​ഗം സ്ഥ​ലം വി​ട്ടോ​ളൂ അ​ല്ലെ​ങ്കി​ൽ നീ​യും ​കൊ​ല്ല​പ്പെ​ടു’​മെ​ന്ന് പ​റ​ഞ്ഞ് ആ​ട്ടി​വി​ടു​ക​യാ​ണ​വ​ർ ചെ​യ്ത​ത്.

ഞ​ങ്ങ​ൾ പി​ന്നെ​യും ഓ​ടി, കി​ട്ടി​യ സ്ഥ​ല​ങ്ങ​ളി​ലാ​യി ഭാ​ര്യ​യേ​യും മ​ക്ക​ളെ​യും ഒ​ളി​പ്പി​ച്ചി​രു​ത്തി. പ​ക്ഷേ, ഒ​രു മു​സ്‍ലി​മി​നെ​യും വെ​റു​തേ വി​ട​രു​തെ​ന്ന് മു​ക​ളി​ൽ​നി​ന്ന് ഓ​ർ​ഡ​റു​ണ്ടാ​യി​രു​ന്നു. വീ​ടും ക​ട​ക​ളും കൊ​ള്ള​യ​ടി​ച്ചും ക​ത്തി​ച്ചും ആ​ക്ര​മി​ക​ൾ പാ​ഞ്ഞു ന​ട​ന്നു. ഏ​ഴു മ​ണി​യോ​ടെ ഞാ​ൻ എ​ന്റെ ഭാ​ര്യ​യും മ​ക്ക​ളും ഒ​ളി​ച്ചി​രി​ക്കു​ന്ന സ്ഥ​ല​ത്തേ​ക്ക് ചെ​ന്ന് നോ​ക്കി. അ​വി​ടെ​യാ​കെ തീ ​ആ​ളു​ന്ന​താ​ണ് ക​ണ്ട​ത്. ചു​റ്റു​പാ​ടു​നി​ന്നും നി​ല​വി​ളി​ക​ളാ​ണ് കേ​ട്ട​ത്. ക​രി​ഞ്ഞ മാം​സ​ത്തി​ന്റെ ഗ​ന്ധം അ​വി​ട​മാ​കെ പ​ര​ന്നി​രു​ന്നു. ഒ​രു പെ​ൺ​കു​ട്ടി​യെ ആ​ക്ര​മി​ക്കു​ന്ന​തു ക​ണ്ട് അ​വ​ളെ വെ​റു​തെ​വി​ടൂ എ​ന്ന് ക​ര​ഞ്ഞു പ​റ​ഞ്ഞ് ഞാ​ൻ ചെ​ന്നു, ആ​ക്ര​മി​ക​ൾ എ​ന്നെ ത​ട​ഞ്ഞു​വെ​ച്ച് ത​ല​യി​ൽ വെ​ട്ടി. ബോ​ധം മ​റ​ഞ്ഞ് ഞാ​ൻ വീ​ണു​പോ​യി. ഏ​റെ നേ​രം ക​ഴി​ഞ്ഞ് ബോ​ധം വ​ന്ന​പ്പോ​ൾ ഞാ​ൻ പി​ന്നെ​യും എ​ഴു​ന്നേ​റ്റ് മ​ക്ക​ളെ തി​ര​യാ​ൻ തു​ട​ങ്ങി. ജ​വാ​ൻ ന​ഗ​റി​ലും പി​ന്നെ ഗം​ഗോ​ത്രി ന​ഗ​റി​ലും ചെ​ന്നു​നോ​ക്കി. അ​വി​ടെ എ​ന്റെ മ​ക​ൻ യാ​സീ​ന്റെ ക​ര​ച്ചി​ൽ കേ​ട്ടു. അ​വി​ടേ​ക്ക് ഓ​ടി​ച്ചെ​ന്ന​പ്പോ​ൾ അ​വ​ന്റെ ശ​രീ​ര​ത്തി​ന്റെ ഏ​റി​യ ഭാ​ഗ​വും പൊ​ള്ള​ലേ​റ്റ് ഒ​രു കു​ടി​വെ​ള്ള ടാ​ങ്കി​ൽ ത​ള്ളി​യി​ട്ട നി​ല​യി​ലാ​യി​രു​ന്നു. പ​രി​ച​യ​ത്തി​ലെ മ​റ്റു പ​ല ആ​ളു​ക​ളും അ​വി​ടെ മ​രി​ച്ചു കി​ട​ന്നി​രു​ന്നു. മ​ക​ന് ജീ​വ​ൻ ബാ​ക്കി​യു​ണ്ടാ​യി​രു​ന്നു. അ​വ​നെ ആ​ശ്വ​സി​പ്പി​ച്ച് ഒ​രി​ട​ത്ത് ക​യ​റ്റി​യി​രു​ത്തി. ഞാ​ൻ ഭാ​ര്യ​യെ തി​ര​യാ​ൻ പു​റ​പ്പെ​ട്ടു- ഉ​മ്മ​യെ അ​വ​ർ ക​ത്തി​ച്ചു​വെ​ന്ന് അ​വ​ൻ പ​റ​ഞ്ഞു, എ​ന്നി​ട്ടും ഞാ​ൻ തി​ര​യാ​ൻ പോ​യി.

പോ​കും​വ​ഴി​ക്ക് ഞാ​ൻ എ​ന്റെ പെ​ൺ​മ​ക്ക​ളെ ക​ണ്ടു. അ​വ​ർ ബ​ലാ​ത്സം​ഗ​ത്തി​നി​ര​യാ​ക്ക​പ്പെ​ട്ടു​കൊ​ണ്ടി​രി​ക്കു​ക​യാ​യി​രു​ന്നു. എ​ന്റെ പെ​ൺ​കു​ട്ടി​ക​ൾ മാ​ത്ര​മ​ല്ല, അ​വ​രു​ടെ അ​തേ പ്രാ​യ​ത്തി​ലു​ള്ള നി​ര​വ​ധി പേ​രെ ആ​ക്ര​മി​ക​ൾ പി​ച്ചി​ച്ചീ​ന്തു​ന്നു, ശേ​ഷം വെ​ട്ടി​നു​റു​ക്കി ക​ത്തി​ക്കു​ന്നു. എ​നി​ക്ക് പ​രി​ച​യ​മു​ള്ള വീ​ട്ടി​ലെ പ​യ്യ​ന്മാ​രും ആ​ക്ര​മി​ക്കൂ​ട്ട​ത്തി​ലു​ണ്ടാ​യി​രു​ന്നു. ഗു​ഡ്ഡൂ നി​ന്നോ​ട് ഞ​ങ്ങ​ൾ എ​ന്തു തെ​റ്റ് ചെ​യ്തി​ട്ടാ​ണ് ഇ​ങ്ങ​നെ ക്രൂ​ര​ത​കാ​ട്ടു​ന്ന​ത് എ​ന്ന് ​ഞാ​ൻ ഒ​രു​ത്ത​നോ​ട് ചോ​ദി​ച്ചു. അ​വ​ന് അ​തൊ​ന്നും കേ​ൾ​ക്കാ​നു​ള്ള ക്ഷ​മ പോ​ലു​മി​ല്ലാ​യി​രു​ന്നു. നി​റ​ഗ​ർ​ഭി​ണി​യാ​യ ഒ​രു സ്ത്രീ​യു​ണ്ടാ​യി​രു​ന്നു. അ​വ​രു​ടെ വ​യ​ർ പി​ള​ർ​ന്ന് പി​ഞ്ചു​കു​ഞ്ഞി​നെ പു​റ​ത്തെ​ടു​ത്ത് അ​ക്ര​മം കാ​ണി​ക്കു​ന്ന​തും ഞാ​നെ​ന്റെ ക​ണ്ണു​ക​ൾ​കൊ​ണ്ട് ക​ണ്ട​താ​ണ്. ന​ട​ന്ന കാ​ര്യ​ങ്ങ​ളും ആ​ക്ര​മി​ക​ളു​ടെ പേ​രു​വി​വ​ര​ങ്ങ​ളു​മെ​ല്ലാം ഞാ​ൻ കോ​ട​തി​യി​ൽ തു​റ​ന്നു പ​റ​ഞ്ഞു. ഞാ​നെ​ന്തി​ന് പ​റ​യാ​തി​രി​ക്ക​ണം? അ​തി​ന്റെ പേ​രി​ൽ ര​ണ്ടു ത​വ​ണ എ​നി​ക്കു നേ​രെ ഭീ​ഷ​ണി​യും ആ​ക്ര​മ​വു​മു​ണ്ടാ​യി. ഒ​രി​ക്ക​ൽ വ​ഴി​യി​ൽ​വെ​ച്ചും പി​ന്നൊ​രി​ക്ക​ൽ വീ​ടു​ക​യ​റി​യും. സ​ർ​ക്കാ​ർ വെ​റും ല​ക്ഷ​ങ്ങ​ളാ​ണ് ന​ഷ്ട​പ​രി​ഹാ​രം ത​രു​ക, കോ​ട​തി​യി​ൽ മൊ​ഴി​മാ​റ്റി​പ്പ​റ​ഞ്ഞാ​ൽ ഞ​ങ്ങ​ൾ കോ​ടി​ക​ൾ ത​രാ​മെ​ന്ന് പ​റ​ഞ്ഞ് ചി​ല​ർ വീ​ട്ടി​ലേ​ക്ക് വ​ന്നു. മാ​യാ കോ​ട്നാ​നി വ​ർ​ഷ​ങ്ങ​ളാ​യി ഈ ​ആ​വ​ശ്യം പ​റ​ഞ്ഞു​കൊ​ണ്ടേ​യി​രി​ക്കു​ന്നു.

എ​നി​ക്ക് എ​ന്തി​നാ​ണ് പൈ​സ? എ​നി​ക്ക് ത​രാ​മെ​ന്ന് പ​റ​ഞ്ഞ പ​ണം മു​ഴു​വ​ൻ എ​ടു​ത്തു കൊ​ള്ളൂ, പ​ക​രം നി​ങ്ങ​ൾ കൊ​ന്നു​ക​ള​ഞ്ഞ എ​ന്റെ ഒ​രു കു​ഞ്ഞി​നെ​യെ​ങ്കി​ലും തി​രി​ച്ചു​ത​രാ​ൻ സാ​ധി​ക്കു​മോ​​? ഇ​​ല്ല​ല്ലോ? പ​ല​രും പേ​ടി​ച്ചും മ​ടു​ത്തു​മെ​ല്ലാം കേ​സു​ക​ളി​ൽ​നി​ന്ന് പി​ൻ​വ​ലി​ഞ്ഞു, ഞാ​നും ബി​ൽ​കീ​സ് ബാ​നു​വു​മൊ​ക്കെ ഇ​ന്നും നീ​തി​പീ​ഠ​ത്തി​ൽ പ്ര​തീ​ക്ഷ​യ​ർ​പ്പി​ച്ച് കോ​ട​തി​ക​ൾ ക​യ​റി​യി​റ​ങ്ങു​ന്നു.

കു​ടും​ബാം​ഗ​ങ്ങ​ൾ കൊ​ല്ല​പ്പെ​ട്ട വ​ക​യി​ൽ അ​ന്ന​ത്തെ കേ​ന്ദ്ര​സ​ർ​ക്കാ​ർ ന​ൽ​കി​യ ന​ഷ്ട​പ​രി​ഹാ​ര​ത്തു​ക മ​രി​ക്കാ​തെ ര​ക്ഷ​പ്പെ​ട്ട മ​ക്ക​ൾ​ക്കാ​യി ന​ൽ​കി. മ​ക്ക​ൾ ബ​ലാ​ത്സം​ഗം ചെ​യ്യ​പ്പെ​ട്ട​തി​ന് ന​ഷ്ട​പ​രി​ഹാ​ര​മാ​യി പ​ത്തു ല​ക്ഷം രൂ​പ അ​നു​വ​ദി​ക്ക​പ്പെ​ട്ടി​രു​ന്നു. ഞാ​ൻ ആ ​പ​ണം പ​കു​ത്ത് അ​ഞ്ചു ല​ക്ഷം ഭ​ദ്ര​കാ​ളി ക്ഷേ​ത്ര​ത്തി​ലും അ​ഞ്ചു ല​ക്ഷം തീ​ൻ ദ​ർ​വാ​സ മ​സ്ജി​ദി​ലും കൊ​ണ്ടു​കൊ​ടു​ത്തു. മ​സ്ജി​ദ് ഇ​മാം പ​റ​ഞ്ഞു, ഇ​ങ്ങ​നെ​യു​ള്ള പ​ണം പ​ള്ളി എ​ന്തു ചെ​യ്യാ​നാ​ണ്? ഞാ​ൻ പ​റ​ഞ്ഞു- മൂ​ത്ര​പ്പു​ര​യും ശു​ചി​മു​റി​യും ഉ​ണ്ടാ​ക്കാ​ൻ എ​ടു​ത്തു​കൊ​ള്ളൂ എ​ന്ന്. അ​വ​ർ അ​പ്ര​കാ​രം ചെ​യ്തു. വ​ട് വ​യി​ലെ ഫൈ​സ​ൽ പാ​ർ​ക്കി​ന​ടു​ത്ത് ഒ​രു ചെ​റി​യ പ​ല​ച​ര​ക്ക് ക​ട ന​ട​ത്തി ജീ​വി​ക്കാ​നു​ള്ള വ​ക ക​ണ്ടെ​ത്തു​ന്നു​ണ്ട് ഞാ​ൻ. എ​നി​ക്ക​തു മ​തി.

എ​ന്റെ ക​ഥ പ​ല​വ​ട്ടം കോ​ട​തി​ക​ൾ​ക്കും മാ​ധ്യ​മ​ങ്ങ​ൾ​ക്കും എ​ഴു​ത്തു​കാ​ർ​ക്കും മു​ന്നി​ൽ ഞാ​ൻ പ​റ​ഞ്ഞ​താ​ണ്. ഇ​നി അ​തൊ​ന്നും പ​റ​യ​രു​തെ​ന്നും ഓ​ർ​മി​ക്ക​രു​തെ​ന്നും വി​ചാ​രി​ക്കാ​റു​ണ്ട്. പ​ക്ഷേ കൈ ​ക​ഴു​കി ഭ​ക്ഷ​ണം ക​ഴി​ക്കാ​ൻ പാ​ത്ര​ത്തി​ന് മു​ന്നി​ൽ വ​ന്നി​രി​ക്കു​മ്പോ​ൾ എ​നി​ക്കെ​ന്റെ കു​ഞ്ഞു​ങ്ങ​ളു​ടെ ഓ​ർ​മ മ​ന​സ്സി​ൽ വ​രും. ക​ര​ഞ്ഞ് ക​ര​ഞ്ഞ് ഒ​രു ച​പ്പാ​ത്തി​പോ​ലും മു​ഴ​മി​പ്പി​ക്കാ​നാ​വാ​തെ എ​ഴു​ന്നേ​റ്റ് പോ​കും. ഉ​റ​ങ്ങാ​ൻ കി​ട​ക്കു​മ്പോ​ഴും അ​ന്ത്യ​രം​ഗ​ങ്ങ​ളും അ​ല​റി​ക്ക​ര​ച്ചി​ലും ഓ​ർ​മ​വ​രും, ഒ​രു പോ​ള ക​ണ്ണ​ട​ക്കാ​നാ​വാ​തെ​യാ​ണ് പ​ല രാ​ത്രി​ക​ളും ഞാ​ൻ ക​ഴി​ച്ചു​കൂ​ട്ടു​ന്ന​ത്. ക​ര​ഞ്ഞു ക​ര​ഞ്ഞ് മി​ഴി​ക​ളി​ൽ​നി​ന്ന് ക​ണ്ണു​നീ​രി​ന് പ​ക​രം ര​ക്തം വ​രു​ന്ന അ​വ​സ്ഥ​യാ​യി. കു​ഞ്ഞു​ങ്ങ​ളു​ടെ ചി​ത്ര​ങ്ങ​ളും കേ​സ് രേ​ഖ​ക​ളു​മെ​ല്ലാം തു​റ​ന്ന് നോ​ക്കി​ക്കൊ​ണ്ടി​രി​ക്കും. ഇ​ന്ന​ല്ലെ​ങ്കി​ൽ നാ​ളെ നി​ശ്ച​യ​മാ​യും നീ​തി ല​ഭി​ക്കു​മെ​ന്ന് മ​ന​സ്സി​നെ പ​റ​ഞ്ഞ് ആ​ശ്വ​സി​പ്പി​ക്കാ​ൻ ശ്ര​മി​ക്കും, സ​ർ​വ​തും പ​ര​മ​കാ​രു​ണ്യ​വാ​നാ​യ പ​ട​ച്ച ത​മ്പു​രാ​നി​ല​ർ​പ്പി​ക്കും. എ​ന്നെ​പ്പോ​ലെ നൂ​റു​ക​ണ​ക്കി​ന് മ​നു​ഷ്യ​ർ നീ​റി​യും ഉ​രു​കി​യും ജീ​വി​ക്കു​മ്പോ​ഴാ​ണ് ഗു​ജ​റാ​ത്തി​ൽ ആ​ർ​ക്കും ഒ​രു കു​ഴ​പ്പ​വും സം​ഭ​വി​ച്ചി​ട്ടി​ല്ല​യെ​ന്ന് ചി​ല​ർ കൊ​ട്ടി​ഘോ​ഷി​ക്കു​ന്ന​ത്.

പ്രി​യ​പ്പെ​ട്ട​വ​ർ​ക്കാ​ർ​ക്കെ​ങ്കി​ലും എ​ന്തെ​ങ്കി​ലും സം​ഭ​വി​ച്ചാ​ൽ അ​തി​ന്റെ പേ​രി​ൽ പ്ര​തി​കാ​രം വീ​ട്ടാ​ൻ ന​ട​ക്കാ​റു​ണ്ട് ചി​ല​ർ. എ​ന്നോ​ടു​ത​ന്നെ പ​ല​രും ചോ​ദി​ക്കാ​റു​ണ്ട് അ​വ​രോ​ട് വെ​റു​പ്പി​ല്ലേ, പ​ക​യി​ല്ലേ എ​ന്നെ​ല്ലാം. എ​ന്നെ​പ്പോ​ലെ ഇ​ത്ര​യ​ധി​കം കു​ടും​ബാം​ഗ​ങ്ങ​ളെ ഒ​രു​മി​ച്ച് ന​ഷ്ട​പ്പെ​ട്ട​വ​ർ ഈ ​ഭൂ​മു​ഖ​ത്തു​ത​ന്നെ അ​പൂ​ർ​വ​മാ​യി​രി​ക്കും. സ​ക​ല​രെ​യും സൃ​ഷ്ടി​ച്ച് സം​ര​ക്ഷി​ച്ച് പ​രി​പാ​ലി​ക്കു​ന്ന അ​ല്ലാ​ഹു എ​നി​ക്ക് ക്ഷ​മ ന​ൽ​കി അ​നു​ഗ്ര​ഹി​ച്ചി​രി​ക്കു​ന്നു. എ​നി​ക്ക് ഒ​രു മ​നു​ഷ്യ​നോ​ടും മ​ത​ത്തി​നോ​ടും വി​ദ്വേ​ഷ​മോ പ​ക​യോ ഇ​ല്ല, ആ​രോ​ടും പ​ക​രം വീ​ട്ടാ​നും ഞാ​നി​ല്ല. ഒ​രാ​ളോ​ട് പ​ക​പോ​ക്കു​മ്പോ​ൾ നി​ര​പ​രാ​ധി​ക​ളാ​യ നൂ​റു​ക​ണ​ക്കി​ന് മ​നു​ഷ്യ​രാ​ണ് അ​തി​ന്റെ പേ​രി​ൽ വേ​ദ​ന​യും ദു​രി​ത​വും പേ​റേ​ണ്ടി വ​രു​ക. ചെ​ല്ലു​ന്ന നാ​ടു​ക​ളി​ലെ​ല്ലാം കാ​ണു​ന്ന മ​നു​ഷ്യ​രോ​ട് ഇ​ക്കാ​ര്യം പ​റ​ഞ്ഞ് മ​ന​സ്സി​ലാ​ക്കാ​ൻ ഞാ​ൻ ശ്ര​മി​ക്കാ​റു​ണ്ട്. ഇ​ന്ത്യ നാം ​എ​ല്ലാ​വ​രു​ടേ​യു​മാ​ണ്. ഇ​വി​ടെ ഒ​രു വി​വേ​ച​ന​വും പാ​ടി​ല്ല. നീ​തി പു​ല​ർ​ന്നു കാ​ണ​​ണ​മെ​ന്ന ഒ​രു ആ​ഗ്ര​ഹം എ​നി​ക്കു​ണ്ട്, അ​ത് ഡ​ൽ​ഹി​യി​ലെ പ​ര​മോ​ന്ന​ത കോ​ട​തി​യി​ൽ​നി​ന്നോ അ​തു​മ​ല്ലെ​ങ്കി​ൽ പ​ട​ച്ച​വ​ന്റെ കോ​ട​തി​യി​ൽ നി​ന്നോ ല​ഭി​ക്കു​മെ​ന്ന ഉ​റ​ച്ച വി​ശ്വാ​സ​വു​മു​ണ്ട്.

(സോ​ളി​ഡാ​രി​റ്റി യൂ​ത്ത് മൂ​വ്മെ​ന്റ് മ​ഞ്ചേ​രി​യി​ൽ സം​ഘ​ടി​പ്പി​ച്ച ‘ഹി​ന്ദു​ത്വ ഭീ​ക​ര​ത​ക്കെ​തി​രെ യു​വ​ജ​ന പ്ര​തി​രോ​ധം’ പ​രി​പാ​ടി​യി​ൽ പ​​ങ്കെ​ടു​ക്ക​വെ റ​ഷാ​ദ് വി.​പി​യു​മാ​യി പ​ങ്കു​വെ​ച്ച​ത്)