പ്ലാസ്റ്റിക് മലിനീകരണം നമ്മെ എങ്ങനെ ബാധിക്കുന്നു?
text_fieldsജൈവവൈവിധ്യത്തിന് നാശം
ഏകദേശം 19 മുതൽ 23 ദശലക്ഷം ടൺ വരെ പ്ലാസ്റ്റിക് ജലത്തിൽ ചേരുന്നു. പ്ലാസ്റ്റിക് മലിനീകരണം നമ്മുടെ കടലുകളിലും നദികളിലും കരയിലുമുള്ള വിവിധ ജീവജാലങ്ങളിൽ വിനാശകരമായ പ്രത്യാഘാതങ്ങൾ ഉണ്ടാക്കുന്നു. മലിനീകരണം മൂലം പക്ഷികളുടെയും മത്സ്യങ്ങളുടെയും വയറ്റിൽ മൈക്രോ പ്ലാസ്റ്റിക് കണികകൾ ഉണ്ടെന്ന് കണ്ടെത്തിയിട്ടുണ്ട്. ഇതുകാരണം ജീവികളുടെ വളർച്ച മുരടിക്കൽ, ദഹന തകരാറുകൾ എന്നിവക്ക് കാരണമാകുന്നു. ജലജീവികൾക്ക് ഓക്സിജൻ ലഭിക്കുന്നതും വെളിച്ചവും തടയാൻ പ്ലാസ്റ്റിക്കിന് കഴിയും.
കാലാവസ്ഥ പ്രതിസന്ധി
പ്ലാസ്റ്റിക് ഉൽപാദനം ലോകത്തിലെ ഏറ്റവും ഊർജം ആവശ്യമായ ഉൽപാദന പ്രക്രിയകളിലൊന്നാണ്, ആഗോള താപനില വർധന 1.5 ഡിഗ്രി സെൽഷ്യസായി പരിമിതപ്പെടുത്താനുള്ള പാരിസ് ഉടമ്പടിയുടെ ലക്ഷ്യം കൈവരിക്കുന്നതിൽ ഇതൊരു തടസ്സമാണ്.
മനുഷ്യ ആരോഗ്യം
മൈക്രോ പ്ലാസ്റ്റിക്സിന് ശ്വസനത്തിലൂടെയും ചർമത്തിലൂടെയും ശരീരത്തിൽ പ്രവേശിക്കാനും ആന്തരികാവയവങ്ങളിൽ അടിഞ്ഞുകൂടാനും കഴിയും. * മൈക്രോ പ്ലാസ്റ്റിക്സിലെ ചില രാസവസ്തുക്കൾ പൊണ്ണത്തടി, പ്രമേഹം, മസ്തിഷ്ക ആരോഗ്യപ്രശ്നം, അർബുദം എന്നിവക്ക് കാരണമാകുന്നു. മൈക്രോ പ്ലാസ്റ്റിക് മനുഷ്യനെ എങ്ങനെ ബാധിക്കുമെന്നത് സംബന്ധിച്ച് കൂടുതൽ ഗവേഷണം നടക്കുന്നു.
ലോകത്തെ മാലിന്യത്തിന്റെ 40 ശതമാനവും കത്തിക്കുന്നു. അതിൽ 12 ശതമാനവും പ്ലാസ്റ്റിക്കാണ്. പ്ലാസ്റ്റിക് മാലിന്യം കത്തിക്കുന്നത് ഹൃദ്രോഗ, ശ്വാസകോശ പ്രശ്നങ്ങൾ വർധിപ്പിക്കുന്നു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.