അന്തസ്സോടെയാണ് ഞാനീ കോടതി വിട്ടിറങ്ങുന്നത്

രാജസ്ഥാൻ ഹൈകോടതി ചീഫ് ജസ്റ്റിസ് പദത്തിൽനിന്ന് വിരമിക്കവെ ജസ്റ്റിസ് ആകിൽ എ. ഖുറൈശി നടത്തിയ വികാരനിർഭരമായ വിടവാങ്ങൽ പ്രസംഗത്തിെൻറ സംഗ്രഹം

ഞാ​നി​വി​ടെ നി​ൽ​ക്കു​ന്ന​ത് സ​മ്മി​ശ്ര വി​കാ​ര​ങ്ങ​ളോ​ടെ​യാ​ണ്. മു​ന്നി​ലേ​ക്ക് നോ​ക്കു​മ്പോ​ൾ വാ​യു​വി​ൽ പു​തു​മ​യും സ്വാ​ത​ന്ത്ര്യ​വും മ​ണ​ക്കു​ന്നു. പി​ന്തി​രി​ഞ്ഞു​നോ​ക്കു​മ്പോ​ൾ ഓ​ർ​മ​ക​ൾ തി​ര​ത​ല്ലു​ന്നു. പ​ഴ​മ്പു​രാ​ണം പ​റ​ഞ്ഞ് മു​ഷി​പ്പി​ക്കാ​ൻ ഞാ​ൻ ആ​ഗ്ര​ഹി​ക്കു​ന്നി​ല്ല. എ​ന്നി​രു​ന്നാ​ലും ആകിലി​നെ ജ​സ്റ്റി​സ്​ ഖു​റൈ​ശി​യാ​ക്കി മാ​റ്റി​യ ആ​ളു​ക​ളെ പ​രാ​മ​ർ​ശി​ക്കാ​തി​രു​ന്നാ​ൽ അ​ത് പോ​രാ​യ്മ​യാ​വും. ആ​ക​യാ​ൽ അ​ൽ​പം ഭൂ​ത​കാ​ലം പ​റ​യാ​ൻ അ​നു​വ​ദി​ക്കു​ക.

മ​ന​സ്സ് അ​ര​നൂ​റ്റാ​ണ്ട് പി​റ​കി​ലേ​ക്ക് പോ​കു​ന്നു. ഗു​ജ​റാ​ത്ത് ഹൈ​കോ​ട​തി വ​ള​പ്പി​ല​ന്ന് ജ​ന​ക്കൂ​ട്ടം ത​ടി​ച്ചു​കൂ​ടി​യി​രു​ന്നു. ക​ന​ത്ത സ​ന്നാ​ഹ​ങ്ങ​​ളോ​ടെ പൊ​ലീ​സ് ഒ​രാ​ളെ അ​റ​സ്റ്റു​ചെ​യ്ത് വാ​നി​ലേ​ക്ക് ക​യ​റ്റു​ന്ന​തും അ​ന്ത​രീ​ക്ഷ​ത്തി​ൽ ആ​വേ​ശം അ​ല​ത​ല്ലു​ന്ന​തും സ്കൂ​ൾ പ്രാ​യം ക​ഴി​ഞ്ഞി​ട്ടി​ല്ലാ​ത്തൊ​രു ബാ​ല​ൻ ശ്വാ​സ​മ​ട​ക്കി ക​ണ്ടു​നി​ന്നു. അ​ത് ന​ട​ന്ന1974​ൽ വി​ല​ക്ക​യ​റ്റ​ത്തി​നും അ​ഴി​മ​തി​ക്കു​മെ​തി​രാ​യ വി​ദ്യാ​ർ​ഥി​ക​ളു​ടെ ന​വ​നി​ർ​മാ​ൺ പ്ര​ക്ഷോ​ഭം ഉ​ച്ച​സ്ഥാ​യി​യി​ലാ​യി​രു​ന്നു. മെ​യി​ന്റ​ന​ൻ​സ് ഓ​ഫ് ഇ​ന്റേ​ണ​ൽ സെ​ക്യൂ​രി​റ്റി ആ​ക്ട് (മി​സ) നി​യ​മം ചു​മ​ത്തി ആ​ക്ടി​വി​സ്റ്റു​ക​ളെ ത​ട​വി​ലാ​ക്കി ഭ​ര​ണ​കൂ​ടം തി​രി​ച്ച​ടി​ച്ചു. എ​തി​ർ​ശ​ബ്ദ​ങ്ങ​ളെ ഒ​തു​ക്കാ​നു​ള്ള രാ​ജ്യ​ദ്രോ​ഹ നി​യ​മം അ​ന്ന​ത്തെ ഭ​ര​ണാ​ധി​കാ​രി​ക​ൾ ക​ണ്ടെ​ത്തി​യി​രു​ന്നി​ല്ല.

ഒ​ളി​പ്ര​വ​ർ​ത്ത​നം ന​ട​ത്തി​യി​രു​ന്ന പ്ര​ക്ഷോ​ഭ​കാ​രി​ക​ളി​ലൊ​രാ​ൾ, ഗി​രീ​ഷ് ഭാ​യ് പ​ട്ടേ​ൽ ത​ട​ങ്ക​ൽ നി​യ​മം ചോ​ദ്യം​ചെ​യ്ത് ഹേ​ബി​യ​സ് കോ​ർ​പ​സ് ഹ​ര​ജി ഫ​യ​ൽ ചെ​യ്യാ​ൻ രം​ഗ​പ്ര​വേ​ശം ചെ​യ്തു. പൊ​ടു​ന്ന​നെ ത​ന്നെ പൊ​ലീ​സ് അ​ദ്ദേ​ഹ​ത്തെ പി​ടി​കൂ​ടി. കൊ​ണ്ടു​പോ​കു​ന്ന​തി​ന് മു​മ്പ് പൊ​ലീ​സ് വാ​നി​നു​ള്ളി​ൽ​നി​ന്ന് അ​ദ്ദേ​ഹം തീ​രെ ചെ​റി​യൊ​രു പ്ര​സം​ഗം ന​ട​ത്തി. അ​ഴി​മ​തി​ക്കാ​രാ​യ ഭ​ര​ണ​വ​ർ​ഗ​ത്തി​ന്റെ ഭീ​ഷ​ണി​ക്കു​മു​ന്നി​ൽ ത​ല​കു​നി​ക്ക​രു​തെ​ന്ന് ആ​ഹ്വാ​നം ചെ​യ്യു​ന്ന അ​ദ്ദേ​ഹ​ത്തി​ന്റെ വാ​ക്കു​ക​ൾ ഇ​പ്പോ​ഴും കാ​തു​ക​ളി​ൽ മു​ഴ​ങ്ങു​ന്നു. നീ​തി​ക്കു​വേ​ണ്ടി​യു​ള്ള സ​മൂ​ഹ​ത്തി​ന്റെ പോ​രാ​ട്ട​വും അ​തി​നെ പി​ന്തു​ണ​ക്കാ​ൻ കോ​ട​തി​ക​ൾ​ക്കു​ണ്ടാ​യി​രു​ന്ന വി​പു​ല​മാ​യ അ​ധി​കാ​ര​വും ക​ണ്ട ആ ​നി​മി​ഷം മു​ത​ൽ നി​യ​മ​ത്തോ​ടു​ള്ള എ​ന്റെ പ്ര​ണ​യ​ത്തി​ന് തു​ട​ക്ക​മാ​യി.

എ​ന്റെ ക​രി​യ​റി​ൽ പ​ല​രും വ​ലി​യ പ​ങ്കു​വ​ഹി​ച്ചി​ട്ടു​ണ്ട്. പി​താ​വ് അ​ഹ്​​മ​ദാ​ബാ​ദി​ൽ അ​റി​യ​പ്പെ​ടു​ന്ന അ​ഭി​ഭാ​ഷ​ക​നാ​യി​രു​ന്നു. ഞാ​ൻ നി​യ​മ​മേ​ഖ​ല​യി​ൽ ചേ​രു​ന്ന​തി​ൽ അ​ദ്ദേ​ഹ​ത്തി​ന് താ​ൽ​പ​ര്യ​മി​ല്ലാ​യി​രു​ന്നു. ഇ​ഷ്ട​വി​ഷ​യ​മാ​യ ഗ​ണി​ത​ശാ​സ്ത്ര​മാ​യി​രി​ക്കും എ​നി​ക്ക് സ​ന്തോ​ഷ​ക​ര​മാ​വു​ക​യെ​ന്നാ​ണ് അ​ദ്ദേ​ഹം ക​രു​തി​യ​ത്. കാ​ര്യ​മാ​യ പ​ഠ​നം വേ​ണ്ട​തി​ല്ലെ​ന്ന് തെ​റ്റി​ദ്ധ​രി​ച്ച് ഞാ​ൻ നി​യ​മ കോ​ഴ്‌​സി​ന് ചേ​ർ​ന്നു, ആ ​പ്ര​ക്രി​യ​ക്കു​വേ​ണ്ടി ഞാ​ൻ ആ​ജീ​വ​നാ​ന്ത പ​ഠ​നം ന​ട​ത്തേ​ണ്ടി വ​രു​മെ​ന്ന് മ​ന​സ്സി​ലാ​ക്കാ​തെ.

ഇ​രു​പ​തു വ​ർ​ഷ​ത്തെ പ്രാ​ക്ടി​സി​നു​ശേ​ഷ​മാ​ണ് ജ​സ്റ്റി​സ് ആ​ർ.​കെ. അ​ഭി​ച​ന്ദാ​നി​യു​ടെ സു​പ്ര​ധാ​ന വി​ളി എ​നി​ക്കെ​ത്തു​ന്ന​ത്. കൂ​ടു​ത​ൽ മു​ഖ​വു​ര​ക​ളി​ല്ലാ​തെ അ​ദ്ദേ​ഹം കാ​ര്യം പ​റ​ഞ്ഞു. ഹൈ​കോ​ട​തി​യി​ലേ​ക്ക് നി​യ​മി​ത​നാ​വു​ന്ന​തി​ൽ താ​ൽ​പ​ര്യ​മു​ണ്ടോ എ​ന്നാ​യി​രു​ന്നു ചോ​ദ്യം. ഉ​വ്വ് എ​ന്ന് പ​റ​യു​ന്ന​തി​ന് അ​ര​നി​മി​ഷം പോ​ലു​മെ​ടു​ത്തി​ല്ല. ഒ​രു മി​നി​റ്റി​ൽ താ​ഴെ മാ​ത്രം നീ​ണ്ട ആ ​സം​ഭാ​ഷ​ണം എ​ന്റെ​യും കു​ടും​ബ​ത്തി​ന്റെ​യും ജീ​വി​തം​ത​ന്നെ മാ​റ്റി​മ​റി​ക്കു​മെ​ന്ന് അ​ന്ന് ഞാ​ൻ ക​രു​തി​യി​ട്ടേ​യി​ല്ല. എ​ന്റെ സീ​നി​യ​ർ​മാ​രാ​യ ജ​ഡ്ജി​മാ​രി​ൽ​നി​ന്ന് ഞാ​ൻ പ​ല​തും പ​ഠി​ച്ചു. അ​നു​ഗൃ​ഹീ​ത​മാ​യ 14 വ​ർ​ഷം ഗു​ജ​റാ​ത്ത് ഹൈ​കോ​ട​തി​യി​ൽ ചെ​ല​വി​ട്ട ശേ​ഷ​മാ​ണ് ഒ​രു വ​ർ​ഷ​ത്തേ​ക്ക് മും​ബൈ​യി​ലേ​ക്ക് പോ​യ​ത്. ആ ​ചെ​റി​യ കാ​ല​യ​ള​വി​നു​ള്ളി​ൽ, എ​നി​ക്ക് ആ​ജ​ന്മ സു​ഹൃ​ത്തു​ക്ക​ളെ​ത്ത​ന്നെ ല​ഭി​ച്ചു. ജോ​ലി വെ​ല്ലു​വി​ളി നി​റ​ഞ്ഞ​താ​യി​രു​ന്നു. പ്ര​ഫ​ഷ​ന​ലി​സ​വും തൊ​ഴി​ൽ നൈ​തി​ക​ത​യും മി​ക​ച്ച​താ​യി​രു​ന്നു. സാം​സ്കാ​രി​ക​വും ഭൂ​മി​ശാ​സ്ത്ര​പ​ര​വും സാ​മ്പ​ത്തി​ക​വു​മാ​യ വ്യ​ത്യാ​സ​ങ്ങ​ൾ വ​ള​രെ പ്ര​ക​ട​മാ​യ ത്രി​പു​ര​യു​ടെ ഹൈ​കോ​ട​തി ചീ​ഫ് ജ​സ്റ്റി​സാ​യി അ​ഗ​ർ​ത്ത​ല​യി​ലേ​ക്ക് പോ​യ​ത് ക​ണ്ണു തു​റ​പ്പി​ക്കു​ന്ന അ​നു​ഭ​വ​മാ​യി​രു​ന്നു. അ​ഖി​ലേ​ന്ത്യ ജു​ഡീ​ഷ്യ​ൽ സ​ർ​വി​സി​നോ​ടു​ള്ള എ​ന്റെ എ​തി​ർ​പ്പി​നെ ത്രി​പു​ര അ​നു​ഭ​വം ബ​ല​പ്പെ​ടു​ത്തി.

ഒ​ടു​വി​ൽ, ക​ഴി​ഞ്ഞ അ​ഞ്ചു മാ​സ​മാ​യി എ​ന്നോ​ട്​ രാ​ജ​സ്ഥാ​ൻ ഹൈ​കോ​ട​തി​യെ ന​യി​ക്കാ​ൻ നി​യോ​ഗി​ച്ചു. ഒ​രു​പ​ക്ഷേ, എ​ന്റെ ക​രി​യ​റി​ലെ ഏ​റ്റ​വും ആ​സ്വാ​ദ്യ​ക​ര​മാ​യ കാ​ല​മാ​യി​രു​ന്നു ഇ​ത്.

കോ​ട​തി​ക​ൾ നി​ല​നി​ൽ​ക്കു​ന്ന​തി​ന്റെ അ​ടി​സ്ഥാ​നം പൗ​രാ​വ​കാ​ശ​ങ്ങ​ൾ സം​ര​ക്ഷി​ക്കു​ക എ​ന്ന​താ​ണ്. ഇ​തു​വ​രെ, ഇ​ന്ത്യ​ക്ക് 48 ചീ​ഫ് ജ​സ്റ്റി​സു​മാ​ർ ഉ​ണ്ടാ​യി​ട്ടു​ണ്ട്, എ​ന്നാ​ൽ പൗ​രാ​വ​കാ​ശ​ങ്ങ​ൾ ഉ​യ​ർ​ത്തി​പ്പി​ടി​ക്കു​ന്ന​തി​ൽ പു​ല​ർ​ത്തി​യ ധീ​ര​ത​യെ​യും ത്യാ​ഗ​ത്തെ​യും കു​റി​ച്ച് പ​റ​യു​മ്പോ​ൾ ഇ​ന്ത്യ​യു​ടെ ചീ​ഫ് ജ​സ്റ്റി​സാ​കേ​ണ്ടി​യി​രു​ന്ന, ആ​കാ​തെ​പോ​യ ഒ​രാ​ളെ നാം ​ഓ​ർ​ക്കു​ന്നു. എ.​ഡി.​എം ജ​ബ​ൽ​പൂ​ർ വി​ധി​യി​ലെ തി​ള​ങ്ങു​ന്ന വി​യോ​ജി​പ്പി​ന്റെ പേ​രി​ൽ ജ​സ്റ്റി​സ് എ​ച്ച്.​ആ​ർ. ഖ​ന്ന എ​ന്നും ഓ​ർ​മി​ക്ക​പ്പെ​ടും. അ​ടു​ത്തി​ടെ ഇ​ന്ത്യ​യു​ടെ ഒ​രു മു​ൻ ചീ​ഫ് ജ​സ്റ്റി​സ് ത​ന്റെ ജീ​വി​ത​മെ​ഴു​തി​യി​ട്ടു​ണ്ട്. അ​ത് ഞാ​ൻ വാ​യി​ച്ചി​ല്ല, പ​ക്ഷേ മാ​ധ്യ​മ റി​പ്പോ​ർ​ട്ടു​ക​ൾ അ​നു​സ​രി​ച്ച് അ​ദ്ദേ​ഹം ചി​ല വെ​ളി​പ്പെ​ടു​ത്ത​ലു​ക​ൾ ന​ട​ത്തി​യ​താ​യ​റി​ഞ്ഞു. മ​ധ്യ​പ്ര​ദേ​ശ് ഹൈ​കോ​ട​തി ചീ​ഫ് ജ​സ്റ്റി​സ് സ്ഥാ​ന​ത്തേ​ക്ക് എ​ന്നെ ശി​പാ​ർ​ശ ചെ​യ്ത​ത് ത്രി​പു​ര​യി​ലേ​ക്കാ​ക്കി മാ​റ്റി​യ​ത് ജു​ഡീ​ഷ്യ​ൽ നി​ല​പാ​ടു​ക​ളു​ടെ പേ​രി​ൽ സ​ർ​ക്കാ​റി​ന് എ​ന്നെ​ക്കു​റി​ച്ച് നി​ഷേ​ധാ​ത്മ​ക​മാ​യ ചി​ല ധാ​ര​ണ​ക​ൾ ഉ​ണ്ടാ​യി​രു​ന്ന​തു​കൊ​ണ്ടാ​ണെ​ന്ന്. പൗ​ര​ജ​ന​ങ്ങ​ളു​ടെ മൗ​ലി​കാ​വ​കാ​ശ​ങ്ങ​ളും മ​നു​ഷ്യാ​വ​കാ​ശ​ങ്ങ​ളും സം​ര​ക്ഷി​ക്കു​ക എ​ന്ന​ത് ഏ​റ്റ​വും പ്രാ​ഥ​മി​ക​മാ​യ ക​ട​മ​യാ​യ ഭ​ര​ണ​ഘ​ട​നാ കോ​ട​തി​യി​ലെ ജ​ഡ്ജി എ​ന്ന നി​ല​യി​ൽ, ഞാ​ൻ അ​തി​നെ യോ​ഗ്യ​താ​പ​ത്ര​മാ​യി ക​ണ​ക്കാ​ക്കു​ന്നു. എ​ന്നെ സം​ബ​ന്ധി​ച്ച ധാ​ര​ണ എ​ന്താ​യി​രു​ന്നു എ​ന്ന​ത് എ​ന്നെ ഔ​ദ്യോ​ഗി​ക​മാ​യി അ​റി​യി​ച്ചി​ട്ടി​ല്ലാ​ത്ത​തി​നാ​ൽ എ​നി​ക്ക​റി​യി​ല്ല.

യു​വ​അ​ഭി​ഭാ​ഷ​ക​രെ, എ​പ്പോ​ഴും നി​ങ്ങ​ൾ നി​ങ്ങ​ളു​ടെ ത​ത്ത്വ​ങ്ങ​ൾ​ക്ക​നു​സൃ​ത​മാ​യി ജീ​വി​ക്കു​ക, കാ​ര​ണം നേ​രാ​യ പാ​ത​യി​ലൂ​ടെ നി​ങ്ങ​ൾ ല​ക്ഷ്യ​ത്തി​ലെ​ത്തു​മ്പോ​ൾ ആ ​വി​ജ​യം മ​ധു​രം നി​റ​ഞ്ഞ​താ​യി​രി​ക്കും. വി​ട്ടു​വീ​ഴ്ച​ക​ളി​ൽ അ​ധി​ഷ്‌​ഠി​ത​മാ​യ വി​ജ​യ​ത്തേ​ക്കാ​ൾ, ത​ത്ത്വാ​ധി​ഷ്‌​ഠി​ത​മാ​യ ജീ​വി​ത​ത്തി​ന്റെ ഫ​ല​മാ​യ പ​രാ​ജ​യം സം​തൃ​പ്തി ന​ൽ​കു​ന്നു. അ​തെ, മ​റ്റു​ള്ള​വ​രോ​ട് ദ​യ​യും സൗ​മ്യ​ത​യും പു​ല​ർ​ത്തു​ക, വെ​റു​പ്പും അ​വി​ശ്വാ​സ​വും കൊ​ണ്ടു​ന​ട​ക്കാ​ൻ ത​ക്ക വ​ലു​പ്പ​മി​ല്ല ന​മ്മു​ടെ ജീ​വി​ത​ത്തി​ന്.

ഞാ​ൻ ചേ​രു​മ്പോ​ൾ ഹൈ​കോ​ട​തി​യി​ൽ 36 ജ​ഡ്ജി​മാ​രു​ണ്ടാ​യി​രു​ന്നു. ആ ​എ​ണ്ണം പി​ന്നീ​ട് ഉ​യ​ർ​ന്ന​താ​യി ഞാ​ൻ ക​രു​തു​ന്നി​ല്ല. ഈ ​കാ​ല​യ​ള​വി​ൽ, ജോ​ലി പ​ല​മ​ട​ങ്ങ് വ​ർ​ധി​ച്ചു. ഇ​ത് ന്യാ​യാ​ധി​പ​രു​ടെ​മേ​ൽ മ​നു​ഷ്യ​ത്വ​ര​ഹി​ത​മാ​യ ഭാ​രം അ​ടി​ച്ചേ​ൽ​പി​ക്കു​ന്നു. നി​യ​മ​ന​ത്തി​നാ​യി ഹൈ​കോ​ട​തി ശി​പാ​ർ​ശ ചെ​യ്ത അ​ഭി​ഭാ​ഷ​ക​രു​ടെ പ​ട്ടി​ക സു​പ്രീം​കോ​ട​തി വെ​ട്ടി​ച്ചു​രു​ക്കു​ന്ന​ത് കാ​ണു​മ്പോ​ൾ ആ​ശ്ച​ര്യം തോ​ന്നു​ന്നു. ഹൈ​കോ​ട​തി​യും സു​പ്രീം​കോ​ട​തി​യും ത​മ്മി​ലെ ധാ​ര​ണ​യി​ലെ ഈ ​വ്യ​ത്യാ​സ​ത്തി​ന്റെ കാ​ര​ണം എ​ന്തു​ത​ന്നെ​യാ​യാ​ലും, അ​ത് വേ​ഗ​ത്തി​ൽ പ​രി​ഹ​രി​ക്ക​പ്പെ​ട​ണം, അ​ല്ലാ​ത്ത​പ​ക്ഷം, ബെ​ഞ്ചി​ൽ ചേ​രാ​ൻ ന​ല്ല അ​ഭി​ഭാ​ഷ​ക​രെ പ്രേ​രി​പ്പി​ക്കു​ന്ന​ത് ന​മു​ക്ക് കൂ​ടു​ത​ൽ പ്ര​യാ​സ​ക​ര​മാ​വും.

എ​നി​ക്ക് എ​ന്തെ​ങ്കി​ലും പ​ശ്ചാ​ത്താ​പ​മു​ണ്ടോ? ഒ​രി​ക്ക​ലു​മി​ല്ല. എ​ന്റെ ഓ​രോ തീ​രു​മാ​ന​വും എ​ന്റെ നി​യ​മ​പ​ര​മാ​യ ധാ​ര​ണ​യു​ടെ അ​ടി​സ്ഥാ​ന​ത്തി​ലാ​ണ്. എ​നി​ക്ക് തെ​റ്റു​പ​റ്റി​യി​രി​ക്കാം; പ​ല അ​വ​സ​ര​ങ്ങ​ളി​ലും തെ​റ്റാ​ണെ​ന്ന് തെ​ളി​യി​ക്ക​പ്പെ​ട്ടി​ട്ടു​ണ്ട്. എ​ന്നാ​ൽ, ഒ​രി​ക്ക​ൽ​പോ​ലും നി​യ​മ​പ​ര​മാ​യ വി​ശ്വാ​സ​ത്തി​ൽ​നി​ന്ന് വ്യ​തി​ച​ലി​ച്ച് ഞാ​ൻ തീ​രു​മാ​ന​മെ​ടു​ത്തി​ട്ടി​ല്ല. ഉ​ണ്ടാ​യേ​ക്കാ​വു​ന്ന അ​ന​ന്ത​ര​ഫ​ല​ങ്ങ​ൾ ക​ണ​ക്കി​ലെ​ടു​ത്ത് ഞാ​ൻ ഒ​രു തീ​രു​മാ​ന​വും എ​ടു​ത്തി​ല്ല എ​ന്ന അ​ഭി​മാ​ന​ത്തോ​ടെ​യാ​ണ് ഞാ​ൻ വി​ട​പ​റ​യു​ന്ന​ത്.

ഞാ​ൻ കൂ​ടു​ത​ൽ പു​രോ​ഗ​തി കൈ​വ​രി​ക്കേ​ണ്ടി​യി​രു​ന്നു​വെ​ന്ന് ചി​ല​ർ വി​ശ്വ​സി​ക്കു​ന്നു. എ​ന്താ​ണ് പു​രോ​ഗ​തി ഒ​രാ​ൾ ക​രു​തു​ന്ന​ത് എ​ന്ന​തി​നെ ആ​ശ്ര​യി​ച്ചി​രി​ക്കു​ന്നു അ​ത്. പോ​കു​ന്നി​ട​ത്തെ​ല്ലാം അ​ഭി​ഭാ​ഷ​ക​രി​ൽ നി​ന്നും എ​ന്റെ സ​ഹ​പ്ര​വ​ർ​ത്ത​ക​രി​ൽ​നി​ന്നും എ​നി​ക്ക് ല​ഭി​ച്ച പി​ന്തു​ണ​യും സ്നേ​ഹ​വും വാ​ത്സ​ല്യ​വും പ്ര​ക​ട​മാ​യ പു​രോ​ഗ​തി​യെ​ക്കാ​ൾ വ​ള​രെ വ​ലു​താ​ണ്. അ​തി​നു പ​ക​രം​വെ​ക്കാ​ൻ മ​റ്റൊ​ന്നി​നു​മാ​വി​ല്ല. എ​ന്നെ​ങ്കി​ലും നി​ങ്ങ​ളു​ടെ വാ​ത്സ​ല്യ​വും പു​രോ​ഗ​തി​യും ത​മ്മി​ൽ ഒ​രു തി​ര​ഞ്ഞെ​ടു​പ്പ് വേ​ണ്ടി​വ​ന്നാ​ൽ, ഞാ​ൻ സ​ന്തോ​ഷ​ത്തോ​ടെ ആ​ദ്യ​ത്തേ​ത് തി​ര​ഞ്ഞെ​ടു​ക്കും.

ഞാ​ൻ കു​റ​ച്ച് തെ​റ്റു​ക​ൾ വ​രു​ത്തി​യി​ട്ടു​ണ്ട്. അ​വ​ തി​രു​ത്താ​ൻ ഞാ​ൻ ഉ​ദ്ദേ​ശി​ക്കു​ന്നു.

ഒ​ന്നാ​മ​താ​യി, ഞാ​ൻ പ​ല​പ്പോ​ഴും അ​ഭി​ഭാ​ഷ​ക​രോ​ടും ജീ​വ​ന​ക്കാ​രോ​ടും അ​ക്ഷ​മ​നാ​യി​രു​ന്നു, അ​ത് എ​ന്റെ വ്യ​ക്തി​പ​ര​മാ​യ പ​രാ​ജ​യ​മാ​ണ്. ഞാ​ൻ നി​രു​പാ​ധി​കം ക്ഷ​മാ​പ​ണം ന​ട​ത്തു​ന്നു.

ര​ണ്ടാ​മ​ത്തേ​ത് എ​ന്നോ​ടു ത​ന്നെ​യാ​ണ്. താ​ര​ത​മ്യേ​ന ചി​ട്ട​യു​ള്ള ജോ​ലി സ​മ​യം ക​ഴി​ഞ്ഞ് ദീ​ർ​ഘ​ദൂ​ര ഓ​ട്ടം എ​ന്ന എ​ന്റെ ഹോ​ബി തു​ട​രാ​ൻ ക​ഴി​ഞ്ഞു. എ​ന്നാ​ൽ, മ​റ്റു ര​ണ്ട്​ അ​ഭി​നി​വേ​ശ​ങ്ങ​ൾ കു​തി​ര സ​വാ​രി​യും ഗ​ണി​ത​വും തു​ട​രാ​ൻ ക​ഴി​ഞ്ഞി​ല്ല. അ​വ പു​ന​രാ​രം​ഭി​ക്കാ​ൻ ഞാ​ൻ ഉ​ദ്ദേ​ശി​ക്കു​ന്നു.

എ​ന്റെ കു​ടും​ബ​ത്തോ​ടും സു​ഹൃ​ത്തു​ക്ക​ളോ​ടു​മു​ള്ള ഒ​രു​പാ​ട് ഉ​ത്ത​ര​വാ​ദി​ത്ത​ങ്ങ​ൾ നി​റ​വേ​റ​പ്പെ​ടാ​തെ പോ​യി. എ​ന്റെ ശ​പ​ഥ​ത്തി​ൽ വി​ശ്വ​സ്ത​ത പു​ല​ർ​ത്താ​നു​ള്ള ശ്ര​മ​ത്തി​നി​ടെ ഞാ​ൻ അ​വ​രോ​ട് അ​നീ​തി ചെ​യ്തു. ക​ഴി​ഞ്ഞ 18 വ​ർ​ഷ​മാ​യി കു​ടും​ബ​ത്തി​ലെ പ​ല നി​ർ​ണാ​യ​ക സ​ന്ദ​ർ​ഭ​ങ്ങ​ളി​ലും ഞാ​ൻ ഇ​ല്ലാ​യി​രു​ന്നു. എ​നി​ക്ക് അ​ത് തി​രു​ത്താ​ൻ ക​ഴി​യി​ല്ല; എ​ന്നാ​ൽ അ​ടു​ത്ത 18 വ​ർ​ഷം അ​ല്ലെ​ങ്കി​ൽ അ​വ​ശേ​ഷി​ക്കു​ന്ന കാ​ലം വ്യ​ത്യ​സ്ത​മാ​യി​രി​ക്കും.

എ​നി​ക്ക് ല​ഭി​ച്ച ഏ​തൊ​രു വി​ജ​യ​മാ​ണെ​ങ്കി​ലും അ​ത് സാ​ധ്യ​മാ​ക്കി​യ​ത് സ്വ​ന്തം ജീ​വ​നേ​ക്കാ​ൾ എ​ന്റെ പ്ര​തി​ച്ഛാ​യ​ക്ക് വി​ല​ക​ൽ​പി​ച്ച സു​ഹൃ​ത്തു​ക്ക​ളും എ​ന്നോ​ട് ഒ​ന്നു​മാ​വ​ശ്യ​പ്പെ​ടാ​തി​രു​ന്ന എ​ന്റെ കു​ടും​ബ​വു​മാ​ണ്.

എ​ല്ലാ​വ​രി​ൽ നി​ന്നും സ്നേ​ഹ​വും വാ​ത്സ​ല്യ​വു​മേ​റ്റു​വാ​ങ്ങി, ഒ​രു​പാ​ട് ന​ല്ലോ​ർ​മ​ക​ളു​മാ​യി, എ​ന്റെ കു​ടും​ബ​ത്തി​ന്റെ അ​ന്ത​സ്സ് നി​ല​നി​ർ​ത്തി, എ​ന്റെ മ​നഃ​സാ​ക്ഷി​യോ​ട് വ്യ​ക്ത​ത പു​ല​ർ​ത്തി​യാ​ണ് ഞാ​നി​വി​ടം വി​ട്ടു​പോ​കു​ന്ന​ത്. ജീ​വി​ത​ത്തി​ൽ ഏ​റ്റ​വും അ​സാ​ധാ​ര​ണ​വും വെ​ല്ലു​വി​ളി നി​റ​ഞ്ഞ​തും കൗ​തു​ക​ക​ര​വു​മാ​യ 18 വ​ർ​ഷ​ങ്ങ​ൾ എ​നി​ക്കു​ണ്ടാ​യി​ട്ടു​ണ്ട്, ആ ​കാ​ലം എ​ന്റെ കു​ടും​ബ​വും സു​ഹൃ​ത്തു​ക്ക​ളും വ​ള​രെ​യേ​റെ സ​മ്മ​ർ​ദ​ത്തി​ലു​മാ​ക്കി. പ​ക്ഷേ, ഒ​രു കാ​ര്യം ഉ​റ​പ്പാ​ണ്. ജീ​വി​തം റി​വൈ​ൻ​ഡ് ചെ​യ്‌​ത്, ഇ​തേ കു​ടും​ബ​ത്തോ​ടും സു​ഹൃ​ത്തു​ക്ക​ളോ​ടും കൂ​ടി വീ​ണ്ടും ജ​ഡ്ജി പ​ദം വാ​ഗ്ദാ​നം ചെ​യ്യ​പ്പെ​ട്ടാ​ൽ ഞാ​ന​ത് വീ​ണ്ടും വീ​ണ്ടും സ്വീ​ക​രി​ക്കു​ക ത​ന്നെ ചെ​യ്യും.