നീതിയുടെ ഗോദയിൽ

2023 ജ​നു​വ​രി 19ന് ​ആ​രം​ഭി​ച്ച ഗുസ്തി താരങ്ങളുടെ പ്ര​തി​ഷേ​ധം ആ​റു​മാ​സം പി​ന്നി​ടു​ക​യാ​ണ്. ഏ​റ്റ​വു​മൊ​ടു​വി​ൽ അ​ന്വേ​ഷ​ണം ജൂൺ 15ന​കം തീ​ർ​ക്കാ​മെ​ന്ന കേ​ന്ദ്ര​ത്തി​ന്റെ ഉ​റ​പ്പി​ൽ സ​മ​രം ത​ൽ​ക്കാ​ല​ത്തേ​ക്ക് നി​ർ​ത്തി​വെ​ച്ചി​രി​ക്കു​ക​യാ​ണ്. അ​റ​സ്റ്റ് ഉ​ണ്ടാ​യി​ല്ലെ​ങ്കിൽ സ​മ​രം വീ​ണ്ടും തു​ട​രും. ലോ​ക​ശ്ര​ദ്ധ നേ​ടി​യ നീ​തി​ക്കാ​യു​ള്ള പോ​രാ​ട്ട​ത്തെ​ക്കു​റി​ച്ച് താ​ര​ങ്ങ​ളാ​യ വി​നേ​ഷ് ഫോ​ഗ​ട്ടും ബ​ജ്‌​രം​ഗ് പൂ​നി​യ​യും സം​സാ​രി​ക്കു​ന്നു...

ത​ന്നോ​ളംപോ​ന്ന എ​തി​രാ​ളി​യെ ക​രു​ത്തുകൊ​ണ്ട് കീ​ഴ്‌​പ്പെ​ടു​ത്തി വാ​യു​വി​ൽ ഉ​യ​ർ​ത്തി മ​ല​ർ​ത്തി​യ​ടി​ക്കു​ന്ന​വ​രാ​ണ് ഗു​സ്തി​യി​ലെ വി​ജ​യി. എ​തി​രാ​ളി​ക്കുമു​മ്പ് ഫ​യ​ൽ​വാ​ൻ ഉ​ള്ളി​ലെ ഭ​യ​ത്തെ​യും ആ​ശ​ങ്ക​യെ​യും കീ​ഴ്പ്പെ​ടു​ത്തും. അ​ങ്ങ​നെ ലോ​ക വേ​ദി​ക​ളി​ൽ രാ​ജ്യ​ത്തി​നാ​യി എ​തി​രാ​ളി​ക​ളെ മ​ല​ർ​ത്തി​യ​ടി​ച്ച് അ​ഭി​മാ​ന​നേ​ട്ട​ങ്ങ​ൾ കൈ​വ​രി​ച്ച കാ​യി​ക താ​ര​ങ്ങ​ളി​ന്ന്, അ​വ​ർ​ക്കും ഭാ​വി​ത​ല​മു​റ​ക്കും വേ​ണ്ടി നീ​തി തേ​ടി ഭ​ര​ണാ​ധി​കാ​രി​ക​ളോ​ട് ക​ല​ഹി​ക്കു​ക​യാ​ണ്.

ത​ല​സ്ഥാ​ന ന​ഗ​രി​യി​ലെ പൊ​തു​നി​ര​ത്തി​ൽ വി​യ​ർ​ത്തൊ​ലി​ച്ച് നീ​തി​ക്കു​വേ​ണ്ടി ​പൊ​രു​തു​ന്ന കാ​യി​ക​താ​ര​ങ്ങ​ൾ, കാ​യി​ക​പ്രേ​മി​ക​ളു​ടെ ഉ​ള്ളു​പൊ​ള്ളി​ക്കു​ന്ന കാ​ഴ്ച​യാ​ണ്. ‘ജ​ബ് ജ​ബ് മോ​ദി ഡ​ർ​താ ഹേ, ​പൊ​ലീ​സ് കോ ​ആ​ഗെ ക​ർ​ത്താ ഹേ’ (​എ​പ്പോ​െ​ഴ​ല്ലാം മോ​ദി ഭ​യ​ക്കു​ന്നോ, പൊ​ലീ​സി​ന് പി​ന്നി​ലൊ​ളി​ക്കു​ന്നു) എ​ന്ന മു​ദ്രാ​വാ​ക്യ​മാ​ണ് ​രാ​ജ്യ ത​ല​സ്ഥാ​ന​ത്ത് നി​ന്നി​പ്പോ​ൾ നി​ര​ന്ത​രം കേ​ൾ​ക്കു​ന്ന​ത്. 37 ദി​വ​സ​മാ​ണ് ഗു​സ്തി താ​ര​ങ്ങ​ൾ ജ​ന്ത​ർ​മ​ന്ത​റി​ൽ രാ​പ്പ​ക​ൽ സ​മ​രം ന​ട​ത്തി​യ​ത്.

ദേ​ശീ​യ ഗു​സ്തി ഫെ‍ഡ​റേ​ഷ​ൻ അ​ധ്യ​ക്ഷ​നും യു.​പി​യി​ൽ നി​ന്നു​ള്ള ബി.​ജെ.​പി എം.​പി​യു​മാ​യ ബ്രി​ജ് ഭൂ​ഷ​ൺ ശ​ര​ൺ സി​ങ്ങി​നെ​തി​രെ​യു​ള്ള ഗു​രു​ത​ര ലൈം​ഗി​ക അ​തി​ക്ര​മ പ​രാ​തി​യി​ൽ ന​ട​പ​ടി ആ​വ​ശ്യ​പ്പെ​ട്ടാ​ണ്, ഒ​ളി​മ്പി​ക്സി​ൽ മെ​ഡ​ൽ നേ​ടി രാ​ജ്യ​ത്തി​ന്റെ യ​ശ​സ്സു​യ​ർ​ത്തി​യ​വ​ർ ക​ര​ഞ്ഞു​ക​ല​ങ്ങി​യ ക​ണ്ണു​ക​ളു​മാ​യി രാ​പ്പക​ലി​ല്ലാ​തെ മാ​സ​ങ്ങ​ളോ​ളം സ​മ​രം ന​ട​ത്തു​ന്ന​ത്.

2023 ജ​നു​വ​രി 19ന് ​ആ​രം​ഭി​ച്ച പ്ര​തി​ഷേ​ധം ആ​റു​മാ​സം പി​ന്നി​ടു​ക​യാ​ണ്. ഏ​റ്റ​വു​മൊ​ടു​വി​ൽ, അ​ന്വേ​ഷ​ണം ജൂൺ 15ന​കം തീ​ർ​ക്കാ​മെ​ന്ന കേ​ന്ദ്ര​ത്തി​ന്റെ ഉ​റ​പ്പി​ൽ സ​മ​രം ത​ൽ​ക്കാ​ല​ത്തേ​ക്ക് നി​ർ​ത്തി​വെ​ച്ചി​രി​ക്കു​ക​യാ​ണ്. അ​റ​സ്റ്റ് ഉ​ണ്ടാ​യി​ല്ലെ​ങ്കിൽ സ​മ​രം വീ​ണ്ടും തു​ട​രും. ലോ​ക​ശ്ര​ദ്ധ നേ​ടി​യ നീ​തി​ക്കാ​യു​ള്ള പോ​രാ​ട്ട​ത്തെ​ക്കു​റി​ച്ച് താ​ര​ങ്ങ​ളാ​യ വി​നേ​ഷ് ഫോ​ഗ​ട്ടും ബ​ജ്‌​രം​ഗ് പൂ​നി​യ​യും സം​സാ​രി​ക്കു​ന്നു...

ക​ല​ഹം അ​നീ​തി​യോ​ട് മാ​ത്രം; വി​നേ​ഷ് ഫോ​ഗ​ട്ട്

'ഞ​ങ്ങ​ൾ ഈ ​മെ​ഡ​ലു​ക​ൾ എ​ല്ലാം നേ​ടി​യ​ത് ഇ​ങ്ങ​നെ ഒ​രു ദി​വ​സ​ത്തി​നു വേ​ണ്ടി​യാ​ണോ, ഞ​ങ്ങ​ൾ നേ​രി​ട്ട്, അ​നു​ഭ​വി​ച്ച കാ​ര്യ​ങ്ങ​ളാ​ണ് രാ​ജ്യ​ത്തിനു മു​ന്നി​ൽ വി​ളി​ച്ചു​പ​റ​ഞ്ഞ​ത്. ഞ​ങ്ങ​ൾ ഇ​ന്ന് മി​ണ്ടാ​തി​രു​ന്നാ​ൽ നാ​ളെ കാ​യി​ക​ലോ​കം സ്വ​പ്നം ക​ണ്ട് മു​ന്നോ​ട്ടുവ​രു​ന്ന നി​ര​വ​ധി പെ​ൺ​കു​ട്ടി​ക​ളോ​ട് ചെ​യ്യു​ന്ന ഏ​റ്റ​വും വ​ലി​യ അ​നീ​തി​യാ​യി​രി​ക്കും ആ ​നി​ശ്ശ​ബ്ദ​ത. അ​തി​നാ​ൽ, ഞ​ങ്ങ​ൾ​ക്ക് അ​ത് സാ​ധ്യ​മ​ല്ല. ഞ​ങ്ങ​ളെ ഇ​ല്ലാ​താ​ക്ക​ണ​മെ​ങ്കി​ൽ അ​ത് ചെ​യ്തോ​ളൂ.

പ​ക്ഷേ, നീ​തി​ക്കാ​യു​ള്ള ഈ ​സ​മ​ര​ത്തി​ൽനി​ന്ന് ഒ​രു​ത​രി​പോ​ലും പി​റ​കോ​ട്ടു പോ​കി​ല്ല. നീ​തി​ക്കാ​യി സ്ത്രീ​ക​ൾ ശ​ബ്ദമുയർ​ത്തു​മ്പോ​ൾ അ​വ​രെ ല​ക്ഷ്യ​മി​ടു​ന്ന കാ​ല​ത്തി​ലൂ​ടെ​യാ​ണ് ക​ട​ന്നു​പോ​കു​ന്ന​ത്. സ്ത്രീ​ക​ൾ വ്യ​വ​സ്ഥി​തി​ക്കെ​തി​രെ സം​സാ​രി​ക്കു​മ്പോ​ൾ അ​ത് പ​ല​ർ​ക്കും ഇ​ഷ്ട​മ​ല്ലാ​താ​കു​ന്നു. ബ്രി​ജ്ഭൂ​ഷ​ണി​ന്റെ പെ​രു​മാ​റ്റ​ത്തെക്കുറി​ച്ചും ഉ​ണ്ടാ​യ അ​നു​ഭ​വ​ങ്ങ​ളെ​ക്കു​റി​ച്ചും ഞ​ങ്ങ​ൾ നി​ര​ന്ത​രം പ​റ​യു​ന്നു​ണ്ടാ​യി​രു​ന്നു.

ഗു​സ്‌​തി ഫെ​ഡ​റേ​ഷ​നോ​ട് ആ​യി​രു​ന്നു ആ​ദ്യം ഇ​ക്കാ​ര്യ​ങ്ങ​ൾ അ​റി​യി​ച്ച​ത്, എ​ന്നാ​ൽ, മ​റു​പ​ടി​ക​ൾ ഞ​ങ്ങ​ൾ​ക്ക് അ​നു​കൂ​ല​മാ​യി​രു​ന്നി​ല്ല. പൊ​ലീ​സി​ൽ പ​രാ​തി ന​ൽ​കു​ന്ന​തി​നുമു​മ്പ് പ​ലത​വ​ണ ന​ട​പ​ടി ആ​വ​ശ്യ​പ്പെ​ട്ട് സ​മ​രം ന​ട​ത്തി. എ​ന്നാ​ൽ, ഞ​ങ്ങ​ൾ പ​റ​യു​ന്ന​തെ​ല്ലാം ക​ള്ള​മെ​ന്ന് മു​ദ്ര​കു​ത്തി പ്ര​തി​ഷേ​ധ​ത്തെ ഇ​ല്ലാ​താ​ക്കാ​നു​ള്ള ശ്ര​മ​ങ്ങ​ളാ​യി​രു​ന്നു ന​ട​ന്ന​ത്.

ചു​റ്റും സ​മ്മ​ർ​ദ​ങ്ങ​ൾ ഉ​യ​ർ​ന്നി​ട്ടും എ​വി​ടെ നി​ന്നോ ഞ​ങ്ങ​ൾ​ക്ക് ധൈ​ര്യം കി​ട്ടി. ബ്രി​ജ് ഭൂ​ഷ​ന്റെ അ​റ​സ്റ്റ് ആ​വ​ശ്യ​പ്പെ​ട്ടു​ള്ള സ​മ​ര​ത്തി​ല്‍നി​ന്ന് ഒ​ര​ടിപോ​ലും പി​ന്നോ​ട്ടുപോ​വി​ല്ല. സ​മ​ര​ങ്ങ​ളെക്കുറി​ച്ച് കു​റെ വ്യാ​ജ വാ​ര്‍ത്ത വ​രു​ന്നു​ണ്ട്. വാ​ർ​ത്ത​ക​ൾ കൊ​ടു​ക്കു​ന്ന​വ​ര്‍ക്ക് ഞ​ങ്ങ​ളു​ടെ മാ​ന​സി​ക സം​ഘ​ര്‍ഷം അ​റി​യി​ല്ല. മാ​ധ്യ​മ​ങ്ങ​ള്‍ക്ക് ഭ​യം കാ​ണും, ഞ​ങ്ങ​ള്‍ക്ക് അ​തി​ല്ല. ഭ​ര​ണ​സം​വി​ധാ​ന​ത്തെ വ​ലി​യൊ​രു വി​ഭാ​ഗ​ത്തി​ന് ഇ​ന്നും വ​ലി​യ ഭ​യ​മാ​ണ്.

എ​ന്നാ​ൽ, ഞ​ങ്ങ​ൾ​ക്ക് അ​തി​ല്ല. രാ​ജ്യ​ത്തി​നാ​യി മെ​ഡ​ലു​ക​ൾ വാ​ങ്ങി നെ​ഞ്ചോ​ട് ചേ​ർ​ത്തുപി​ടി​ച്ച​പ്പോ​ഴെ​ല്ലാം വ​ലി​യ അ​ഭി​മാ​നം തോ​ന്നി​യി​രു​ന്നു. രാ​ജ്യം ഒ​പ്പ​മു​ണ്ടെ​ന്ന ആ​ത്മ​വി​ശ്വാ​സ​മു​ണ്ടാ​യി​രു​ന്നു. എ​ന്നാ​ൽ, ഇ​പ്പോ​ൾ ന​ട​ക്കു​ന്ന​തെ​ല്ലാം ആ ​ആ​ത്മ​വി​ശ്വാ​സം ത​ക​ർ​ക്കു​ന്ന​താ​ണ്.

ഈ ​പോ​രാ​ട്ട​ത്തി​ൽ ഞ​ങ്ങ​ൾ വി​ജ​യി​ച്ചാ​ലും വി​ഷ​മ​ക​ര​മാ​യ സ​മ​യ​ങ്ങ​ൾ നേ​രി​ടേ​ണ്ടി​വ​രു​മെ​ന്ന് ഞ​ങ്ങ​ൾ​ക്ക​റി​യാം. ഞ​ങ്ങ​ളു​ടെ ക​രി​യ​റി​ൽ മാ​ത്ര​മ​ല്ല, അ​തി​നു​ശേ​ഷ​വും. അ​തെ​ല്ലാം മു​ന്നി​ൽക്കണ്ടു​കൊ​ണ്ട് കൂ​ടി​യാ​ണ് ഈ ​സ​മ​ര​മെ​ന്ന് ഞ​ങ്ങ​ളെ എ​തി​ർ​ക്കു​ന്ന​വ​ർ ഓ​ർ​ക്ക​ണം. ബ്രി​ജ് ഭൂ​ഷ​ൺ ഒ​ന്ന​ല്ല, നി​ര​വ​ധി​യാ​ണ്. ഇ​ത്ര​യ​ധി​കം പേ​ർ​ക്കെ​തി​രെ ന​മു​ക്ക് എ​ങ്ങ​നെ പോ​രാ​ടാ​നാ​കും? എ​ന്നാ​ൽ, ന​മു​ക്ക് ഒ​ന്നി​നെ വി​ജ​യ​ക​ര​മാ​യി നേ​രി​ടാ​ൻ ക​ഴി​ഞ്ഞാ​ൽ അ​തു​ത​ന്നെ വ​ലി​യ കാ​ര്യ​മാ​യി​രി​ക്കും.

വ​ഴി​യി​ൽ നി​ര​വ​ധി ത​ട​സ്സ​ങ്ങ​ളു​ണ്ട്. ഒ​രു ത​ട​സ്സം നീ​ങ്ങി​യാ​ൽ മ​റ്റൊ​ന്ന് വ​രും. പ​ക്ഷേ, എ​ല്ലാ അ​ത്‌​ല​റ്റു​ക​ളും ഒ​രു​മി​ച്ചാ​ൽ, ശ​ക്തി സം​ഭ​രി​ച്ചാ​ൽ ന​മു​ക്ക് പോ​രാ​ടാ​ൻ സാ​ധി​ക്കും. പി​ന്നെ ആ​ർ​ക്കും ഒ​രു കാ​യി​ക താ​ര​ത്തെ​യും ഒ​ന്നും ചെ​യ്യാ​ൻ ക​ഴി​യി​ല്ല. ബ്രി​ജ്ഭൂ​ഷ​ണി​നെ അ​റ​സ്റ്റ് ചെ​യ്യ​ണം. അ​താ​ണ് ഏ​റ്റ​വും പ്ര​ധാ​ന ആ​വ​ശ്യം.

ഊ​ർ​ജ​മാ​ണ് ഈ ​പി​ന്തു​ണ​ക​ൾ; ബ​ജ്‌​രം​ഗ് പൂ​നി​യ​

നോ​ക്കൂ... ഞ​ങ്ങ​ൾ ഈ ​സ​മ​രം ആ​രം​ഭി​ച്ചി​ട്ട് എ​ത്ര മാ​സ​മാ​യി. വ​ള​രെ സ​മാ​ധാ​നപ​ര​മാ​യി​ട്ടാ​യി​രു​ന്നു ഓ​രോ ദി​വ​സ​വും സ​മ​രം ന​ട​ത്തി​യ​ത്. എ​ന്നാ​ൽ, പൊ​ലീ​സും സ​ർ​ക്കാ​റും പ​ല​ത​ര​ത്തി​ലും സ​മ​രം ഇ​ല്ലാ​താ​ക്കാ​ൻ ശ്ര​മം ന​ട​ത്തി​യ​ത് ക​ണ്ട​ത​ല്ലേ. ഞ​ങ്ങ​ളു​ടെ പ​രാ​തി​ക​ൾ വ​ള​രെ ഗൗ​ര​വ​മു​ള്ള​താ​ണെ​ന്ന് പൊ​ലീ​സി​നും സ​ർ​ക്കാ​റി​നും ഫെ​ഡ​റേ​ഷ​നും അ​റി​യാം. എ​ന്നാ​ൽ, എ​ന്ത് ന​ട​പ​ടി​യാ​ണ് ഇ​തു​വ​രെ​യു​ണ്ടാ​യ​ത്.

കേ​ന്ദ്ര കാ​യി​ക മ​ന്ത്രി അ​നു​രാ​ഗ് ഠാ​കു​റു​മാ​യി പ​ലത​വ​ണ ച​ർ​ച്ച​ക​ൾ ന​ട​ത്തി. ഓ​രോ ത​വ​ണ​യും ഓ​രോ ഉ​റ​പ്പു​ക​ൾ ന​ൽ​കും. പ​ക്ഷേ, ഒ​ന്നും പാ​ലി​ക്ക​പ്പെ​ടു​ന്നി​ല്ല. ഞ​ങ്ങ​ളു​ടെ സ​മ​രം സ​ർ​ക്കാ​റി​നെ​തി​രെ​യാ​യി​രു​ന്നി​ല്ല. വ​നി​ത കാ​യി​ക താ​ര​ങ്ങ​ളോ​ട് വ​ള​രെ മോ​ശ​മാ​യി പെ​രു​മാ​റി​യ ഫെ​ഡ​റേ​ഷ​ൻ അ​ധ്യ​ക്ഷ​നെ​തി​രെ​യാ​യി​രു​ന്നു.

ഞ​ങ്ങ​ൾ പോ​രാ​ടി നേ​ടി​യ മെ​ഡ​ലു​ക​ൾ ഗം​ഗ​യി​ൽ ഒ​ഴു​ക്കാ​ൻ പോ​ലും ത​യാ​റാ​യി​ട്ടും കേ​ന്ദ്ര​സ​ർ​ക്കാ​റി​ന്റെ ഭാ​ഗ​ത്തു​നി​ന്ന് അ​നു​കൂ​ല ന​ട​പ​ടി​ക​ളു​ണ്ടാ​കാ​ത്ത​ത് ബ്രി​ജ് ഭൂ​ഷ​ണി​നെ കേ​ന്ദ്ര​സ​ർ​ക്കാ​ർ പി​ന്തു​ണ​ക്കു​ന്ന​തി​നു​ള്ള ഉ​ദാ​ഹ​ര​ണ​മാ​ണ്. പ്രാ​യ​പൂ​ർ​ത്തി​യാ​കാ​ത്ത ഒ​രാ​ൾ ഉ​ൾ​പ്പെ​ടെ ഏഴ് വ​നി​താ ഗു​സ്തി​താ​ര​ങ്ങ​ൾ ഡ​ൽ​ഹി പൊ​ലീ​സി​ൽ ന​ൽ‌​കി​യ ലൈം​ഗി​കാ​തി​ക്ര​മ പ​രാ​തി​യി​ൽ എ​ഫ്.​ഐ.​ആ​ർ ര​ജി​സ്റ്റ​ർ ചെ​യ്ത ബ്രി​ജ്ഭൂ​ഷ​ണി​നെ അ​റ​സ്റ്റ് ചെ​യ്യ​ണ​മെ​ന്നാ​യി​രു​ന്നു ഞ​ങ്ങ​ളു​ടെ ആ​വ​ശ്യം.

എ​ന്നാ​ൽ, അ​തി​ന് പൊ​ലീ​സ് മ​ടി​ച്ചു. പി​ന്നീ​ട്, പ​രാ​തി സു​പ്രീം​കോ​ട​തി​യി​ൽ എ​ത്തി​യ​തോ​ടെ മു​ഖം ര​ക്ഷി​ക്കാ​നാ​യി ബ്രി​ജ് ഭൂ​ഷ​ണി​നെ​തി​രെ പൊ​ലീ​സ് കേ​സെ​ടു​ത്തു. പ​ക്ഷേ, ന​ട​പ​ടി​ക​ൾ അ​വി​ടെ​​െവ​ച്ച് അ​വ​സാ​നി​ക്കു​കയായി​രു​ന്നു. ഇ​തേ​ത്തുട​ർ​ന്നാ​ണ് ഏ​പ്രി​ൽ 23ന് ​ജ​ന്ത​ർ മ​ന്ത​റി​ൽ ര​ണ്ടാം​ഘ​ട്ട സ​മ​രം ആ​രം​ഭി​ക്കേ​ണ്ടി വ​ന്ന​ത്. അ​തി​നി​ടെ, പാ​ർ​ല​മെ​ന്റി​ന്റെ പു​തി​യ മ​ന്ദി​രം ഉ​ദ്ഘാ​ട​നം ചെ​യ്ത അ​തേ​ദി​വ​സം പ്ര​തി​ഷേ​ധി​ച്ച താ​ര​ങ്ങ​ളെ നി​ര​ത്തി​ലൂ​ടെ വ​ലി​ച്ചി​ഴ​ച്ച​തും രാ​ജ്യ​ത്തി​നു കാ​ണേ​ണ്ടി​വ​ന്നു.

ഇ​ര​ക​ൾ​ക്ക് ഒ​പ്പം​നി​ൽ​ക്കേ​ണ്ട സ​ർ​ക്കാ​ർ, പ്ര​തി​ക്കൊ​പ്പം നി​ൽ​ക്കു​ന്ന കാ​ഴ്ച​യാ​ണ് കാ​ണു​ന്ന​ത്. ഇ​തി​നെ​തി​രെ ശ​ബ്‌​ദി​ക്കാ​തി​രു​ന്നാ​ൽ, ഇ​നി വ​രു​ന്ന ത​ല​മു​റ​ക്കും ഇ​ത്ത​രം അ​നു​ഭ​വ​ങ്ങ​ളു​ണ്ടാ​കും. സ​മ​ര​ത്തി​ന് രാ​ഷ്ട്രീ​യ പി​ന്തു​ണ ല​ഭി​ച്ച​തി​ൽ വ​ലി​യ സ​ന്തോ​ഷ​മു​ണ്ട്. ആ ​പി​ന്തു​ണ​ക​ളാ​ണ് സ​മ​രം മു​ന്നോട്ടുകൊ​ണ്ടു​പോ​കാ​ൻ ഊ​ർ​ജ​മാ​കു​ന്ന​ത്.

ഈ ​സ​മ​ര​ത്തെ ത​ക​ർ​ക്കാ​നും പ​രാ​തി​ക​ൾ ന​ൽ​കി​യ താ​ര​ങ്ങ​ളെ ഭീ​ഷ​ണി​പ്പെ​ടു​ത്തി പ​രാ​തി​പി​ൻ​വ​ലി​പ്പി​ക്കാ​നു​മു​ള്ള ശ്ര​മ​ങ്ങ​ൾ വ്യാ​പ​ക​മാ​യി ന​ട​ക്കു​ന്നു​ണ്ട്. വ​ലി​യ വാ​ഗ്ദാ​ന​ങ്ങ​ളും അ​വ​ർ​ക്ക് ന​ൽ​കു​ന്നു. എ​ന്നാ​ൽ, അ​ത്ത​രം ഇ​ട​പെ​ട​ലു​ക​ൾ ഒ​ന്നും വി​ജ​യം കാ​ണി​ല്ല. സ​ത്യ​മ​ല്ലാ​ത്ത ഒ​ന്നും ഞ​ങ്ങ​ൾ ഇ​ന്നേ​വ​രെ പ​റ​ഞ്ഞി​ട്ടി​ല്ല. ആ​രോ​ടും വ്യ​ക്തി​വൈ​രാ​ഗ്യ​വു​മി​ല്ല.

പ്ര​തി​ഷേ​ധ​ത്തി​ന്റെ നാ​ൾ​വ​ഴി

2023 ജ​നു​വ​രി 19 - ദേ​ശീ​യ ഗു​സ്തി ഫെ​ഡ​റേ​ഷ​ൻ പ്ര​സി​ഡ​ന്റും ബി.​ജെ.​പി എം.​പി​യു​മാ​യ ബ്രി​ജ് ഭൂ​ഷ​ണും പ​രി​ശീ​ല​ക​രും വ​നി​ത ഗു​സ്തി താ​ര​ങ്ങ​ളെ ലൈം​ഗി​ക​മാ​യി പീ​ഡി​പ്പി​ച്ചെ​ന്നും ത​നി​ക്കു നേ​രേ വ​ധ​ഭീ​ഷ​ണി മു​ഴ​ക്കി​യെ​ന്നു​മു​ള്ള വെ​ളി​പ്പെ​ടു​ത്ത​ലു​മാ​യി ഒ​ളി​മ്പ്യ​ൻ വി​നേ​ഷ് ഫോ​ഗ​ട്ട് രം​ഗ​ത്ത്

ജ​നു​വ​രി 22 - ബ്രി​ജ് ഭൂ​ഷ​ണി​നും ചി​ല കോ​ച്ചു​മാ​ർ​ക്കു​മെ​തി​രെ ഗു​സ്തി താ​ര​ങ്ങ​ൾ ഉ​യ​ർ​ത്തി​യ ആ​രോ​പ​ണ​ങ്ങ​ൾ ത​ള്ളി ദേ​ശീ​യ ഗു​സ്തി ഫെ​ഡ​റേ​ഷ​ൻ കാ​യി​ക മ​ന്ത്രാ​ല​യ​ത്തി​ന് പ്രാ​ഥ​മി​ക റി​പ്പോ​ർ​ട്ട്

ജ​നു​വ​രി 23 - ഗു​സ്തി ഭ​ര​ണം പ്ര​ത്യേ​ക സ​മി​തി​ക്ക്. ഗു​സ്തി ഫെ​ഡ​റേ​ഷ​ന്റെ ന​ട​ത്തി​പ്പി​നാ​യി കേ​ന്ദ്ര​സ​ർ​ക്കാ​ർ നി​യ​മി​ക്കു​ന്ന മേ​ൽ​നോ​ട്ട സ​മി​തി റി​പ്പോ​ർ​ട്ട് ന​ൽ​കു​ന്ന​തു​വ​രെ ഫെ​ഡ​റേ​ഷ​ൻ പ്ര​സി​ഡ​ന്റ് ബ്രി​ജ് ഭൂ​ഷ​ണി​ന് ചു​മ​ത​ല​ക​ളി​ൽ​നി​ന്നു മാ​റിനി​ൽ​ക്കാ​ൻ നിർദേശം

ജ​നു​വ​രി 23 - ദേ​ശീ​യ ഗു​സ്തി ഫെ​ഡ​റേ​ഷ​ന്റെ മേ​ൽ​നോ​ട്ട​ച്ചു​മ​ത​ല ബോ​ക്സി​ങ് താ​രം എം.​സി.​മേ​രി കോം ​അ​ധ്യ​ക്ഷ​യാ​യ അ​ഞ്ചം​ഗ സ​മി​തി​യെ ഏ​ൽ​പി​ച്ചു. ലൈം​ഗി​കാ​രോ​പ​ണ​ങ്ങ​ളെ​ക്കു​റി​ച്ചും സ​മി​തി അ​ന്വേ​ഷി​ക്കാ​ൻ തീ​രു​മാ​നം

ഏ​പ്രി​ൽ 21 - ബ്രി​ജ് ഭൂ​ഷ​ണി​നെ​തി​രെ പ്രാ​യ​പൂ​ർ​ത്തി​യാ​കാ​ത്ത പെ​ൺ​കു​ട്ടി​യ​ട​ക്കം ഏ​ഴ് പേ​ർ ഡ​ൽ​ഹി പൊ​ലീ​സി​ൽ പ​രാ​തി ന​ൽ​കി. ആ​റ് ദി​വ​സം പി​ന്നി​ട്ടി​ട്ടും എ​ഫ്.​ഐ.​ആ​ർ ര​ജി​സ്റ്റ​ർ ചെ​യ്യാ​ത്ത​തി​ൽ ജ​ന്ത​ർ​മ​ന്ത​റി​ൽ പ്ര​തി​ഷേ​ധം ആ​രം​ഭി​ച്ചു

ഏ​പ്രി​ൽ 25 - ലൈം​ഗി​കാ​തി​ക്ര​മ പ​രാ​തി​യി​ൽ സു​താ​ര്യ​മാ​യ അ​ന്വേ​ഷ​ണം ആ​വ​ശ്യ​പ്പെ​ട്ട് താ​ര​ങ്ങ​ൾ സു​പ്രീം​കോ​ട​തി​യെ സ​മീ​പി​ച്ചു

ഏ​പ്രി​ൽ 26 - സു​പ്രീം​കോ​ട​തി ഇ​ട​പെ​ട്ടു. വ​നി​ത ഗു​സ്തി താ​ര​ങ്ങ​ൾ ഉ​ന്ന​യി​ച്ച ആ​രോ​പ​ണ​ങ്ങ​ൾ ഗൗ​ര​വ​മു​ള്ള​തെ​ന്നു സു​പ്രീം​കോ​ട​തി നി​രീ​ക്ഷി​ച്ചു. ഡ​ൽ​ഹി പൊ​ലീ​സി​നോ​ട് 28നു ​മു​മ്പ് മ​റു​പ​ടി ന​ൽ​കാ​ൻ ചീ​ഫ് ജ​സ്റ്റി​സ് ഡി.​വൈ. ച​ന്ദ്ര​ചൂ​ഡ് ആ​വ​ശ്യ​പ്പെ​ട്ടു

ഏ​പ്രി​ൽ 29 - ലൈം​ഗി​കാ​തി​ക്ര​മ പ​രാ​തി​യി​ൽ ബ്രി​ജ് ഭൂ​ഷ​ണി​നെ​തി​രെ ഡ​ൽ​ഹി പൊ​ലീ​സ് കേ​സെ​ടു​ത്തു. പോ​ക്സോ ഉ​ൾ​പ്പെ​ടെ​യു​ള്ള വ​കു​പ്പു​ക​ൾ ചു​മ​ത്തി 2 എ​ഫ്.​ഐ.​ആ​ർ ര​ജി​സ്റ്റ​ർ ചെ​യ്തു

മേ​യ് 11 - ബ്രി​ജ് ഭൂ​ഷ​ണി​നെ​തി​രാ​യ ലൈം​ഗി​കാ​തി​ക്ര​മ പ​രാ​തി​യി​ൽ എ​ന്തു ന​ട​പ​ടി സ്വീ​ക​രി​ച്ചു​വെ​ന്നു റി​പ്പോ​ർ​ട്ട് സ​മ​ർ​പ്പി​ക്കാ​ൻ ഡ​ൽ​ഹി കോ​ട​തി പൊ​ലീ​സി​ന് നി​ർ​ദേ​ശം ന​ൽ​കി

മേ​യ് 28 - പു​തി​യ പാ​ർ​ല​മെ​ന്റ് മ​ന്ദി​ര​ത്തി​നു​സ​മീ​പം ‘മ​ഹി​ള മ​ഹാ​പ​ഞ്ചാ​യ​ത്ത്’ ന​ട​ത്താ​നൊ​രു​ങ്ങി​യ ഗു​സ്തി​താ​ര​ങ്ങ​ളെ ഡ​ൽ​ഹി പൊ​ലീ​സ് തെ​രു​വി​ലൂ​ടെ വ​ലി​ച്ചി​ഴ​ച്ചു.​ സ​മ​ര​പ്പ​ന്ത​ൽ പൊ​ളി​ച്ചു​നീ​ക്കി

മേ​യ് 30 - രാ​ജ്യ​ത്തി​ന് നേ​ടി​യ മെ​ഡ​ലു​ക​ൾ ഗം​ഗ​യി​ൽ ഒ​ഴു​ക്കാ​ൻ താ​ര​ങ്ങ​ൾ ഹ​രി​ദ്വാ​റി​ൽ. ക​ർ​ഷ​ക​ർ അ​നു​ന​യി​പ്പി​ച്ച് ഒ​ഴു​ക്കു​ന്ന​ത് ത​ട​ഞ്ഞു.

ജൂ​ൺ 03 - ആ​ഭ്യ​ന്ത​ര മ​ന്ത്രി അ​മി​ത് ഷാ​യു​മാ​യി രാ​ത്രി ച​ർ​ച്ച, തു​ട​ർ​ന്ന് താ​ര​ങ്ങ​ൾ റെ​യി​ൽ​വേ​യി​ലെ ജോ​ലി​യി​ൽ തി​രി​കെ പ്ര​വേ​ശി​ക്കു​ന്നു. സ​മ​രം തു​ട​രു​മെ​ന്നും അ​റി​യി​ച്ചു

ജൂ​ൺ 08 - കാ​യി​ക മ​ന്ത്രി അ​നു​രാ​ഗ് ഠാ​കു​റു​മാ​യി ആറു മ​ണി​ക്കൂ​ർ ച​ർ​ച്ച; 15ന​കം അ​ന്വേ​ഷ​ണം പൂ​ർ​ത്തി​യാ​ക്കു​മെ​ന്ന് ഉ​റ​പ്പ്, സ​മ​രം അ​തു​വ​രെ നി​ർ​ത്തി​വെ​ച്ചി​രി​ക്കു​ന്നു