ഇന്ത്യാ, ഇത്​ അതിഭയാനകം

നാം ​ജീ​വി​ക്കു​ന്ന ലോ​ക​ത്തെ ക​രു​ത​ലി​ന്റെ​യും തി​രു​ത്ത​ലി​ന്റെ​യും ഏ​റ്റ​വും ശ്ര​ദ്ധേ​യ സ്വ​ര​മാ​ണ്​ പ്ര​ഫ. നോം ​ചോം​സ്​​കി​യു​ടെ​ത്. വ​ർ​ഗീ​യ അ​തി​ക്ര​മ​ങ്ങ​ൾ​ക്കെ​തി​രെ അ​മേ​രി​ക്ക​യി​ലെ 13 പ്ര​വാ​സി, പൗ​രാ​വ​കാ​ശ കൂ​ട്ടാ​യ്​​മ​ക​ൾ ചേ​ർ​ന്ന്​ സം​ഘ​ടി​പ്പി​ച്ച പ​രി​പാ​ടി​യി​ൽ പ്ര​ഫ. ചോം​സ്​​കി ന​ട​ത്തി​യ വി​ഡി​യോ പ്ര​ഭാ​ഷ​ണ​ത്തി​​ൽ​നി​ന്ന്. ഇന്ത്യ എത്തിപ്പെട്ട ദുരവസ്ഥയെക്കുറിച്ച് മുന്നറിയിപ്പ് നൽകിയ അദ്ദേഹം കേരളത്തിന്റെ ചെറുത്ത്നിൽപ്പിനെക്കുറിച്ചും പരാമർശിക്കുന്നു

ഇ​സ്​​ലാം​ഭീ​തി​യു​ടെ രോ​ഗ​ല​ക്ഷ​ണം പ​ടി​ഞ്ഞാ​റ​ൻ രാ​ജ്യ​ങ്ങ​ളി​ലെ​മ്പാ​ടും വ​ള​രു​ക​യാ​ണ്. മ​തേ​ത​ര ജ​നാ​ധി​പ​ത്യ​ത്തെ പ​ടി​പ​ടി​യാ​യി അ​ട്ടി​മ​റി​ച്ച്​ മോ​ദി സ​ർ​ക്കാ​ർ ഒ​രു ഹി​ന്ദു വം​ശീ​യാ​ധി​പ​ത്യ രാ​ഷ്​​ട്ര​മാ​ക്കി​ക്കൊ​ണ്ടി​രി​ക്കു​ന്ന, 250 ദ​ശ​ല​ക്ഷം വ​രു​ന്ന മു​സ്​​ലിം​ക​ൾ പീ​ഡി​ത ന്യൂ​ന​പ​ക്ഷ​മാ​യി​രി​ക്കു​ന്ന ഇ​ന്ത്യ​യി​ലാ​വ​​ട്ടെ അ​തേ​റ്റം അ​പ​ക​ട​ക​ര​മാ​യ രൂ​പ​ത്തി​ലാ​ണ്. സ്വ​ത​ന്ത്ര ചി​ന്ത​ക്കെ​തി​രാ​യും വി​ദ്യാ​ഭ്യാ​സ മേ​ഖ​ല​യി​ൽ അ​ടി​സ്​​ഥാ​ന​പ​ര​മാ​യി മു​സ്​​ലിം​ക​ൾ​ക്കെ​തി​രാ​യു​മെ​ല്ലാം ഈ ​ക​ട​ന്നാ​ക്ര​മ​ണം മ​റ്റു രീ​തി​ക​ളി​ലു​മു​ണ്ടാ​യി​രു​ന്നു, എ​ന്നാ​ലി​പ്പോ​ൾ സ​ക​ല അ​തി​രു​ക​ളും ഉ​ല്ലം​ഘി​ച്ച്​ വ്യാ​പി​ച്ചി​രി​ക്കു​ന്നു.

ജമ്മു കശ്മീരിന് നേരെ കാലങ്ങളായി നടന്നുവരുന്ന അതിക്രമങ്ങൾ മോ​ദി​യു​ടെ വ​ല​തു​പ​ക്ഷ ദേ​ശീ​യ​താ ഭ​ര​ണ​കൂ​ട​ത്തി​ന്​ കീ​ഴി​ൽ കു​ത്ത​നെ വ​ർ​ധി​ച്ചി​രി​ക്കു​ന്നു. ജമ്മു ക​ശ്​​മീ​ർ ഇ​ന്ന്​ പ​ല രീ​തി​യി​ലും അ​ധി​നി​വിഷ്ട ഫ​ല​സ്​​തീ​നോ​ട്​ സ​മാ​ന​ത​ക​ളു​ള്ള ക​ടു​ത്ത സൈ​നി​ക നി​യ​ന്ത്ര​ണ​ങ്ങ​ൾ നി​ല​നി​ൽ​ക്കു​ന്ന ഒ​രു പ്രദേശമായി​രി​ക്കു​ന്നു. എ​ന്നി​രി​ക്കി​ലും സ​മ​സ്​​ത മേ​ഖ​ല​യി​ലും ധീ​ര​മാ​യ ചെ​റു​ത്തു​നി​ൽ​പ്​ പു​ല​ർ​ത്തു​ന്ന കേ​ര​ളം പോ​ലെ ചി​ല തി​ള​ക്ക​മു​ള്ള പൊ​ട്ടു​ക​ളു​മു​ണ്ട്. എ​ന്നാ​ൽ, വി​ല്യം പോ​ക്ക്​ വാ​ചാ​ല​മാ​യി വി​ശ​ദീ​ക​രി​ച്ച ആ​യി​ര​മാ​ണ്ട്​ യു​ദ്ധം പൂ​ർ​ണ​ശ​ക്തി​യി​ൽ തു​ട​രു​ക​യാ​ണ്.

വി​ശി​ഷ്യാ തെ​ക്ക​നേ​ഷ്യ​യി​ലെ അ​വ​സ്​​ഥ വേ​ദ​നാ​ജനക​മാ​ണ്. പാ​കി​സ്​​താ​നി​ൽ സം​ഭ​വി​ച്ചു കൊ​ണ്ടി​രി​ക്കു​ന്ന കാ​ര്യ​ങ്ങ​ൾ​കൊ​ണ്ട്​ മാ​ത്ര​മ​ല്ല, അ​വി​ടെ ന​ട​ക്കാ​ത്ത കാ​ര്യ​ങ്ങ​ൾ​കൂ​ടി​യാ​ണ്​ അ​തി​ന്​ കാ​ര​ണം.

പ​രി​സ്​​ഥി​തി ന​ശീ​ക​ര​ണ​ത്തി​ന്റെ സ​മ​കാ​ലി​ക പ്ര​വ​ണ​ത തു​ട​ർ​ന്നു​പോ​യാ​ൽ തെ​ക്ക​നേ​ഷ്യ​യു​ടെ വ​ലി​യ ഒ​രു ഭാ​ഗ​വും അ​ക്ഷ​രാ​ർ​ഥ​ത്തി​ൽ വാ​സ​യോ​ഗ്യ​മ​ല്ലാ​താ​വും എ​ന്ന​ത്​ ഒ​രു ര​ഹ​സ്യ​മേ​യ​ല്ല. ഭ​യാ​ന​ക​മാ​യ സ​ർ​വ​നാ​ശം ചെ​റു​ക്കാ​ൻ സു​സാ​ധ്യ​മാ​യ ന​ട​പ​ടി​ക​ളു​ണ്ട്. അ​വ​യൊ​ന്നും ന​ട​പ്പാ​ക്കു​ന്നി​ല്ലെ​ന്ന്​ മാ​ത്ര​മ​ല്ല, ന​യ​പ​രി​പാ​ടി​ക​ളെ​ല്ലാം ക​ടു​ത്ത അ​ടി​ച്ച​മ​ർ​ത്ത​ലു​ക​ളി​ലേ​ക്കും സ​ർ​വ​കാ​ല യു​ദ്ധ​ങ്ങ​ളി​ലേ​ക്കും ന​യി​ക്കു​ന്ന​വ​യാ​ണ്. തീ​ർ​ച്ച​യാ​യും ഈ ​കു​റ്റ​കൃ​ത്യ​ങ്ങ​ളൊ​ന്നും തെ​ക്ക​നേ​ഷ്യ​യി​ൽ​മാ​ത്രം പ​രി​മി​ത​പ്പെ​ടു​ന്ന​വ​യ​ല്ല.

അ​പ​രാ​ധ​ത്തി​ന്റെ വ​ലി​യ ഭാ​രം പ​ടി​ഞ്ഞാ​റ​ൻ സ​മ്പ​ന്ന രാ​ജ്യ​ങ്ങ​ളു​ടെ​മേ​ൽ ത​ന്നെ​യാ​ണ്. എ​ന്നാ​ൽ, ഈ ​പ്ര​തി​സ​ന്ധി​ക​ൾ സൃ​ഷ്​​ടി​ക്കു​ന്ന​തി​ൽ ഒ​രു പ​ങ്കു​മി​ല്ലാ​ത്ത ആ​ഗോ​ള സ​മൂ​ഹ​മാ​ണ്​ അ​തി​ന്റെ ഏ​റ്റ​വും ദാ​രു​ണ​മാ​യ ഇ​ര​ക​ൾ. എ​ങ്കി​ലും പ്ര​തീ​ക്ഷ​ക​ളു​ണ്ട്, അ​വ​സ​ര​ങ്ങ​ളു​മു​ണ്ട്​- അ​വ അ​ധി​ക​കാ​ല​ത്തേ​ക്ക്​ അ​വ​ശേ​ഷി​ക്കി​ല്ലെ​ന്നു മാ​ത്രം.